ناويين على ايه.......؟؟؟؟

[angel21]

بسم الله الرحمن الرحيم

ازيكم يادكاترة عاملين ايه ... يارب يكون الكل تمام
دلوقتي الحمدلله نتيجتنا ظهرت وطبعا زي ماشفنا ناس كانت مبسوطه ولله الحمد وناس تانية بتقول انها اتظلمت وبرضه الحمدلله على كل حال

وأكيد برضه شايفين التفاوت الهائل ف الدرجات والنتايج الغير متوقعه لمواد غير متوقعه برضه ..طب السؤال دلوقتي....... ناويين على ايه يادكاترة؟؟؟؟؟؟
هانسكت ..؟
هانكرر اللي حصل ف الامتحانات ومهزلة امتحان الميكرو هاتتكرر تاني ..؟
هانقول مافيش فايده نتعب روحنا ونتكلم..؟
هانرضى بكل حاجه ونقول قدرنا..؟

طبعا انا مش بعترض على مشيئة الله لا حاشا لله بس طبعا ربنا ماقالش نسكت عالظلم
مش عايزة اطول على حضراتكم اكتر من كده بس كلمة بسيطه احب اقولها.....
ياريت ياريت بجد اسمع صوت للدفعه دي معلش انا آسفه مش قصدي اهانه بس بجد احنا بنسكت على كل حاجه وبنرضى بكل اللي بيتعمل فينا
ياجماعه احنا مش صغيرين ياريت لو كلنا نقف ايد واحده ونقول لاء ولو لمرة واحده
انا عملت الموضوع ده مخصوص لكل اللي بيطالب بحاجه يتفضل يقولها ونتفق ناويين على ايه واحب طبعا المشاركه من الجميييييييع
وأنا عن نفسي اول حاجه بطالب بيها هي اعادة تصحيح مادتي الميكرو والعضويه
ارجو اني ماكونش طولت كتيييييييييييييير وكمان ارجو للمرة التانية مشاركة الجميع

[Dr.Doly]

بصى يا دوك مش موضوع اعاده التصحيح بس فيه سلبيات ف كليتنا بالهبببببببل
وكلكو عارفينها اكيد ورغينا فيها كتير
انا شايفه ان طلبه يروحو يناقشو الكلام ده فعلا مع العميده
ويشوفو هل فعلا هيحصل تغير ولا لا
ولو وافقو ع مطالبنا ناخد منهم معاد معين عشان نشوف ده متحقق فعلا
ميبقاش فض كلام وخلاص

بجد انا مخنوقه اوى من درجات الميكرو حراام

[angel21]

صح انا مع حضرتك في كل ده وانا لسه شايفه موضوع المطالب بتاع الفرقه التاتة وفيه مطالب للكليه كلها
ودي خطوة ايجابية انا بس كل اللي بطلبه ان الناس تتحرك فرقتنا كل اللي بيعملوه كلام وبس وللمرة التانية انا اسفه اني بقول كده بس فعلا مافيش ايجابية خاااااااااالص ياجماعه لازم نفوق بقه

[*Aya*Verse*]

يا جماعة فعلا ف حاجات كتييييييير ف الكلية لازم تتغير
وخاصة ف قسم الميكرو
وخاصة معاملة الدكاترة معانا يعنى يوم امتحان الميكرو لما نطلع لدكتور وائل ويا دوب لسه واقفين قدام الباب يقول اى كل الناس دى ويقوم قافل الباب وداخل، بتهيالى لو كنا حد يعرفه او حد من اولاده ماكنش عمل معانا كدا
دا غير الامتحان اللى مليان صم ع رغم نظام الجودة اللى المفروض تكون الامتحانات MCQ
وكمان موضوع الشفوى دا مروا ع بعض لجان النظرى وقالو بكرة الشفوى من الساعة 9 ع الرغم ان المعروف ان كان يوم الجمعة ف امتحان لرابعة ومش هيخلص الا الساعة 11
وبالتالى حصل فينا ان الناس وصلت الكلية من 9 وقبل 9 كمان وفضلنا واقفين بره ساحة الكلية والامتحان مش بدانا الا11 وهى ساعة والدكاترة سابونا وراحو يصلو وبالتالى اليوم طاع مننا عشان نازلين من قبل 9 واغلب الناس مش مروحة الا بعض العصر
خلاصة القول: ان ماكنش ف مراعاة للطلبة ولا لمصلحة الطلبة لا ف امتحان النظرى ولا ف تاجيل امتحان الشفوى ولا اننا ننزل قبل معاد الشفوى بساعتين
كل اللى طلباه اننا نتعامل كويس ويعملونا كاننا ولادهم

-----

وكمان بعيدا عن يوم الامتحان
الادوات ف المعامل اللى لازم اتنين مع بعض طب لو واحدة لوحدها، ويوم ف سكشن كنت لوحدى والعامل مش رضى يدينى الا لما كل السكشن اخد والحمد لله اقتنع ان انا لوحدى مع انى قبلها وقفت قدامه احلفه انى لوحدى بس برده
تانى حاجة الكتاب اللى بنشتريه عشان نسلم كتاب العملى وخلاص وموضوع الكتب اللى بنشتريها اجبارى من المطالب اللى هتتقدم لد.ماجدة عشان يبقي اختيارى
بس معلش كتاب الميكرو مش مناسب خاااااااالص لا شكلنا ولا ورق ولا مضمون ع الرغم ان كتاب الميكرو سعره ماكنش قليل
وكمان اول قسم اشوف امتحان العملى ع ورق عرايز اكيد كلكو فاكرين شكلها يعنى بجد كنت اول مرة اشوف كدا كل الاقسام بيبقي لها ورق خاص بالقسم
هى مش المغزى من الورقة عشان ناس هتتطلع تقول دى هيافة بس المغزى ان ف اعتبار للطالب اللى هيكتب ف الورقة دى

[Dr_r.m.m]

موافقاكى يادكتورة فى كل كلمة قولتيها

[mohamed hamed]

فعلا فيه ظلم كبير فى الدرجات

وخصوصا للعضوية

لدرجة ان فيه ناس جايبة جيد جدا فى كله وشايلة عضوية

وانا والله ربنا سترها معايا وجايب فيها 90.5

ده يرضى مين ؟؟؟؟؟؟؟

[one_feeling]

w 3'er keda kman dargat organic w analytic w7sha awy f nas kteer shylaha w rasb nazry kman w el3kaker elly kan odamha yoom wa7d bas
w fe nas walahy ma zakro 3'er 2bl exam b yomeen w gabo t2der
w e7na nzakr tool elsana w mafesh fayda
negy ntklm y2olo e3mlo eltmas w kol da klam 3shan ygm3o flos w 5las
msh lazm nskot w lazm na5od drgatna 7ram walahy lazm n3ml 7aga

[DR DOOLA]

محدش يسكت عن حق ليه بعد كده بس لما نطلب يبقى نعرف نطلب و نبقى عارفين ان ممكن طلباتنا تتحقق

[daylight]

يا جماعة فيه لقاء طلابي النهاردة مع العميدة في الكلية الساعة 12...ياريت نحضر واللي عنده أي مشكلة يقولها
وده رابط الموضوع
http://www.pharma-board.com/board/sh...ad.php?t=19810

[m.o.n.a]

بصوا بردو لما نيجى نتكلم مش كل واحد يقول ماده بعينها لان الناس هتقوله انت بتقول كده علشان انت ناقص فيها او شايلها
لما نيجى نتكلم لازم نتكلم عن كل حاجه لان كل حاجه غلط حوالينا
الصيدلانيات والطريقه اللى بنتعامل بيها طول السنه والتجربه سورى الفاشله اللى بيقيمونا بيها وهى تجربه مش بتعتمد غير على الحظ مش اكتر وثبات ايدك ايه اللى فى دا شغل اتقان يعنى
انا حاسه انهم بيمشونا فى الصيدلانيات باسلوب الترهيب لا اكثر ولا اقل
الميكرو والمهزله اللى حصلت فى الشفوى انا مروحه بيتنا الساعه 4 العصر
دا غير طبعا يعنى حدث ولا حرج الشرح العظيم اللى كان بيتشرحلنا فى المدرج نص ساعه وياريت كنا بنستحمل نحضرهم
انا حاسه باستخفاف فظيع بعقولنا بسبب الماده دى والله
دا غير الامتحان اللى جا ى 26 درجه من ساعه واحده الدكتور شرحها وقعدنا نحفظ فى بكتيرلوجى طول السنه وفى الاخر شوفوا كام درجه فى الامتحان
على اى اساس 26 درجه من محاضره واحده دا ايه
هو دا نظام تقييم ناجح يعنى
هو كده انا طالب متميز ومذاكر المنهج كله
نيجى للعضويه معلش بعض الدكاتره اللى كانوا بيدونا السنادى مفيش محاضره اجترمونا فيها ودخلوا فى معادهم اه انا طالب عنده بس ليا انه يحترمنى واقل حاجه يدخل فى معاده مش اقعد فى المدرج ساعه من الساعتين وبعد مااخرج اكتشف ان الدكتور جاى وهيدخل ويشرح
دا غير المحاضرات اللى الدكتور بيدخل يشرحها اعتقد علشان ننام
واكيد الدفعه كلها فاهمه ان قصدى على مين من دكاترتنا اللى بنحترمهم بس اعتقد لحد دلوقتى ماحسيناش انهم بيحترمونا
-----
ياجماعه احنا كليتنا اشطر حاجه فيها انها بتزوق
تبقى الحاله يرثى لها وبردو يزوقوا

احنا مش داخلين الكليه علشان نجامل فى نفسنا ونقول هنطلع صيادله وفى الاخر بالنظام دا مش هنطلع حاجه اصلا

اسلوب شرح وتعليم زى العسل مفيش كده
نفسى بجد احس ان عقلياتنا محترمه من اى حد بيعاملنا المغزى مش الدرجه ولا الامتحان صعب او سهل المشكله فى امتحان يرهقنى نفسيا وانا بحله
ممكن الامتحان يبقى ذكى جدا وصعب ومع ذلك مش هيرهقنى نفسيا
يعنى امتحان يجى مش مناسب للوقت بتاعه
ليه يعنى ؟؟ بسابق القلم انا
وفى الاخر ياريتنا بالاسلوب دا بنطلع دكاتره