الموقف ده غيرني

[Messi]

بسم الله الرحمن الرحيم


كل يوم بيقابلنا اشخاص و اماكن واحداث

كل يوم بيقابلنا كلمات و الغاز ومعاني

كل يوم بيقابلنا تجارب جديده منها المؤلم لكن مفيد

كل يوم بنتعرف علي حاجات اكتر و بنكسب خبره اكبر من خلال مواقف جديده












يا ترى

ايه من ضمن الحاجات اللى قابلتك
موقف لا يمكن تنساه
موقف غيرك تغيير جذرى
موقف هزك من جواك




موقف
يوم ما تتكلم عنه
تقول
الموقف ده غيرنى

[تابعة محمد]

بسم الله الرحمن الرحيم
من المرات القليلة الى اكون اول واحدة تكتب فى موضوع بس خلونى احكليكم على موقف حصل لى بس بدون تفاصيل ..........
كان ليا صديقة وبحبها و احترمها جدا و لغاية يومنا هذا بس حصلت بينا شويت مشاكل و كان لازم نبعد عن بعض علشان نحب بعض و طبعا الموضوع مكنش سهل ، و الى اول مرة اقوله انى لسه بشتاق اليها و احن ليوم من الايام الى كنا بنقضيها سوا ، لكن معدش ينفع .
بس بجد اكتر حاجة تعلمتها هى انى ازاى اراعى مشاعر الناس الى حوليه و على قد ما اقدر اعبر لهم عن تقديرى ليهم ، و برده اتعلمت ازاى ماخدش قرار بقطع صلة باى شخص الا اذا كنت متاكدة ان معدش فيه فرصة تانية ، لان بمرور الوقت هتلاقى نفسك ممكن تحتاجه و تعرف كويس انه كان ركن اساسى فى حياتك و انك مش بسهولة ممكن ترجع لحياتك الطبيعية معاه لان الماضى مش ممكن يتمحى. و برده اتعلمت ان اى فعل بيحصل كان فى الاساس رد فعل لحاجة انت عملتها ممكن تكون صح او غلط او اصلا محدش قدر يفهم قصدك منها .
و اتعلمت ان الحياة مش بتدى الانسان كل حاجة بس علينا نستفاد من الحاجات الى فى ايدينا و نحاول نستمتع بيها افضل من اننا نبكى عى الى مش فى ايدينا . انا استفدت جدا من الموقف ده و غير فعلا مسار حياتى و ده على الرغم الى هيعرف القصة هيقول محدش فينا غلط .و بحمد ربنا ان الموقف ده حصل فى السنين الواى بالجامعة علشان استفاد منه فيما بعد.

[Hedy]

بسم الله الرحمن الرحيم
من المرات القليلة الى اكون اول واحدة تكتب فى موضوع بس خلونى احكليكم على موقف حصل لى بس بدون تفاصيل ..........
كان ليا صديقة وبحبها و احترمها جدا و لغاية يومنا هذا بس حصلت بينا شويت مشاكل و كان لازم نبعد عن بعض علشان نحب بعض و طبعا الموضوع مكنش سهل ، و الى اول مرة اقوله انى لسه بشتاق اليها و احن ليوم من الايام الى كنا بنقضيها سوا ، لكن معدش ينفع .
بس بجد اكتر حاجة تعلمتها هى انى ازاى اراعى مشاعر الناس الى حوليه و على قد ما اقدر اعبر لهم عن تقديرى ليهم ، و برده اتعلمت ازاى ماخدش قرار بقطع صلة باى شخص الا اذا كنت متاكدة ان معدش فيه فرصة تانية ، لان بمرور الوقت هتلاقى نفسك ممكن تحتاجه و تعرف كويس انه كان ركن اساسى فى حياتك و انك مش بسهولة ممكن ترجع لحياتك الطبيعية معاه لان الماضى مش ممكن يتمحى. و برده اتعلمت ان اى فعل بيحصل كان فى الاساس رد فعل لحاجة انت عملتها ممكن تكون صح او غلط او اصلا محدش قدر يفهم قصدك منها .
و اتعلمت ان الحياة مش بتدى الانسان كل حاجة بس علينا نستفاد من الحاجات الى فى ايدينا و نحاول نستمتع بيها افضل من اننا نبكى عى الى مش فى ايدينا . انا استفدت جدا من الموقف ده و غير فعلا مسار حياتى و ده على الرغم الى هيعرف القصة هيقول محدش فينا غلط .و بحمد ربنا ان الموقف ده حصل فى السنين الواى بالجامعة علشان استفاد منه فيما بعد.

عاوزه أقولك على حاجه .. أنا اتعرضت لموقف زى موقفك ده تقريبا .. وبرده استمر الخلاف مابينا لسنين وكنت فاكره انه مستحيل هنرجع لبعض تانى ...بس تعرفى ان العند وبس هو اللى كسبناه انا وهى من الحكايه دى كلها ؟!!!!

طبعا خسرنا وقتها حاجات جميله أوى كان ممكن نعيشها سوا ..وايام مش ممكن أبدا تتكرر تانى

لو انتى فعلا حاسه انك محتاجالها ابدأى انتى وروحيلها .....وأكيد مش هتندمى ان شاء الله

ربنا يكرمنا جميعا بالصحبه الصالحه داايما

[moslma]

اولا احب اشكرك يا دكتور ع موضوعك الاكثر من رائع ده.......وده اللي اتعودنا عليه منك......انا للاسف في مواقف كتير ف حياتي حصلت يمكن لو كانت حصلت لحد غيري كان يقدر يقول الموقف ده غيرني اما انا......فيا عيب خطيييييييييييييييير ....اني مبتعلمش من غلطي وبقع ف نفس المشكلة والموقف تاني وبعطي الثقة لاي حد وده بيجي فوق دماغي فالاخر .....نفسي اتغير بس مش عارفة ازاي

[hananah]

انا اكتر المواقف اللى اثرت فيا كانت فى الامتحانات وفتره الاجازه دى
اللى نفسى تخلص بأه
مواقف مش هعرف احكيها اصلا كلها لانها كتير وجت ورا بعضها
بس الاكيد اها هزتنى وغيرتنى كتير اعتقد للاحسن

[تابعة محمد]

عاوزه أقولك على حاجه .. أنا اتعرضت لموقف زى موقفك ده تقريبا .. وبرده استمر الخلاف مابينا لسنين وكنت فاكره انه مستحيل هنرجع لبعض تانى ...بس تعرفى ان العند وبس هو اللى كسبناه انا وهى من الحكايه دى كلها ؟!!!!

طبعا خسرنا وقتها حاجات جميله أوى كان ممكن نعيشها سوا ..وايام مش ممكن أبدا تتكرر تانى

لو انتى فعلا حاسه انك محتاجالها ابدأى انتى وروحيلها .....وأكيد مش هتندمى ان شاء الله

ربنا يكرمنا جميعا بالصحبه الصالحه داايما

شكرا يا دكتورة على النصيحة ، بس الحمد الله احنا حلينا الموقف من زمان . و اعتقد ان كل واحد مستريح لطريقة حياته الى عيشها دلوقتىو صحبته الجديدة .

[A.Denewar]

علي فكرة انا اتعلمت من المنتدي ده حاجات كتيرة ومن منتديات تانية برضه وفعلا غيرت اشياء من حياتي
في ساعات الواحد بيقول كلمة عابرة لكن هي بالنسبة لشخص تاني نقطة تحول
وبرضه ربنا والحمد لله رزقني بصحبة احسد عليها.......... من الحب الصادق العميق من صميم قلوبنا لما بعرض عليهم موقف يعطوا لي اعمق كلمات صادقة تغير حياتي في شتي امور الحياة
لكن ليس لي مواقف هزني ولا اود ذلك مطلقا
الحياة مليئة بالمواقف ولم يهزني موقف حتي الان وما اتنازل عنه من اي شيء او اصدقاء لم اندم عليه حتي الان
وما اغيره في حياتي فهي وقفات مع نفسي ولا اود ابدا ان اغير نفسي من موقف يؤلمني
وهذا ما ارجوه من الله

[* lovely heart *]

شكرا يا دكتورة على النصيحة ، بس الحمد الله احنا حلينا الموقف من زمان . و اعتقد ان كل واحد مستريح لطريقة حياته الى عيشها دلوقتىو صحبته الجديدة .

اقولك حاجة يا دكتورة وما تزعلى منى

انتى مدام حكيتى عنها وعن علاقتكم دى
يبقى هى لسة جواكى وانتى لسة بتحبيها

ولو بجد انتى اللى ابتديتى انتى هتحسى بجد انى انتى رضيتى نفسك وارتحتى كدة وفى نفس الوقت هتقدرى تدوا لنفسكم فرصة ان كل واحد فيكم يعرف قيمة التانى وهو بالنسبة لتانى ايه وصدقينى مش هتخسرى حاجة لا كرامة ولا شخصية لانى انتى ساعتها هتحسوا انوا انتوا الاتنين واحد


على فكرة انا مش بوجة الكلام لحضرتك مخصوص
انا بوجهوا لى ولكل واحد معاه صديقة يتمنى ما يخسرهاش



ولو كل واحد بقى له صديقة فعلا وانتى ليكى صديقة بديلة
يبقى اكيد ان شاء الله هتعوضك
بس اكيد ممكن مش هتبقى زى الاولى




انا اسفة مرة تانية على التدخل
بس فى الاخر مفيش حد باقى فى الدنيا اهم حاجة رضا الرب




ربنا يوفقك دايما ويسعدك وما يدق الحزن قلبك تانى ولا قلبنا كمان

انتى موقفك جميل جدا وبجد بنتعلم منه كتير كل يوم

[amira89]

من المواقف اللى اثرت فيا جدا انى مرة شوفت واحدة بتطلع اكل من صناديق القمامة وبتاكله
كنت حاسة انى فى جنة ولو حتى باكل عيش حاف
الحمد لله على كل حال
لازم تحمد ربنا على اى اكل بتاكله مهما كان بسيط

[M.32L]

انا اكترت حاجه غيرتنى وفاه بابا الله يرحمه

زى النهارده السنه اللى فاتت

بجد اتغيرت حياتى 180 درجه