يــــــــوم Zero
يعني إيه يوم زيرو ؟؟
يعنى تروح عليك نومه و يضيع عليك الفجر فيروح عليك ثواب عظيم
...
قال رسول الله صلى الله عليه و سلم من صلى الفجر فى جماعه فكأنما قام الليل كله
يعنى تروح الحمام عشان تشوف حوار الصلاه اللى راحت تنسى تقول دعاء الخلاء و تنسى تدخل برجلك الشمال
يعنى تيجى تتوضه تنسى تقول بسم الله و بعد متخلص وضوء تنسى تقول دعاء بعد الوضوء اللى هيفتحلك ابواب الجنه الثمانيه
عنْ عُمَر بْنِ الخَطَّابِ رضي اللَّه عَنْهُ عنِ النَّبِيِّ صَلّى اللهُ عَلَيْهِ وسَلَّم قَالَ : « ما مِنْكُمْ مِنْ أَحدٍ يتوضَّأُ فَيُبْلِغُ أَو فَيُسْبِغُ الوُضُوءَ ثُمَّ قَالَ : أَشْهدُ أَنْ لا إِله إِلاَّ اللَّه وحْدَه لا شَريكَ لهُ، وأَشْهدُ أَنَّ مُحمَّدًا عبْدُهُ وَرسُولُه ، إِلاَّ فُتِحَت لهُ أَبْوابُ الجنَّةِ الثَّمَانِيَةُ يَدْخُلُ مِنْ أَيِّها شاءَ » رواه مسلم
وزاد الترمذي : « اللَّهُمَّ اجْعلْني من التَّوَّابِينَ واجْعلْني مِنَ المُتَطَهِّرِينَ »
يعنى تنسى تخرج من الحمام برجلك اليمين و تقول دعاء الخروج
انت فاكر كده خلاص ، لأ لسه بدرى انت مش هتفطر
انت : لأ مليش نفس
انا: افطر طيب النهارده عشان خطرى عشان اخد الثواب بس اوعه تنسى اول لما تفطر تقول بسم الله الرحمن الرحيم و لو نسيت لا قدر الله تبقى قول بسم الله اوله و اخره
خلصت أكل تقول على طول الحمد لله الذى اطعمنى هذا و رزقانيه من غير حول منى و لا قوه
عارف ايه الثواب يغفر لك ما تقدم من ذنبك
طيب لسه استنى انت رايح فين انت مش نازل الشغل او الكليه
انت : اه نازل سلام
انا:رايح فين انت لبست لسه ألبس كده حاجه حلوه و انت بتلبس قدم يمينك ده من السنه و قول بسم الله و بعد لما تلبس قول
الحمد لله الذي كساني هذا [الثوب] ورزقنيه من غير حول مني ولا قوة
يغفر لك ما تقدم من ذنبك
انت : الحياه فى طاعه مش سهله كده هات بقى الدليل
قال: من أكل طعاما ثم قال : الحمد لله الذي أطعمني هذا الطعام ورزقنيه من غير حول مني ولا قوة غفر له ما تقدم من ذنبه ومن لبس ثوبا فقال: الحمد لله الذي كساني هذا [الثوب] ورزقنيه من غير حول مني ولا قوة غفر له ما تقدم من ذنبه - صحيح أبو داود للألباني
شوفت الدليل استسلم بقى و متنساش تقول دعاء الخروج من المنزل بدليل على طول
إذا خرج الرجل من بيته فقال : ( بسم الله ، توكلت على الله ، لا حول ولا قوةإلا بالله ) ؛ يقال له : حسبك ، هديت وكفيت ووقيت ، وتنحى عنه الشيطان
طيب خرجت قبلت صحبك متقولش هاى قول تحيه الاسلام "السلام عليكم".. متسلمش سلام كول لأ الكف فى الكف
لقول الرسول
اااااااااااااه انا عارف ان انت ابتديت تفقد الشهيه بس خلاص اركب بقى العربيه و قول دعاء الركوب و انت عرفوا بقى ............. وتبقى لما تدخل المسجد تصلى وتقول دعاء دخول المسجد..........
اه الدعاء بسم الله والصلاه و السلام على رسول الله اللهم افتح لى من ابواب رحمتك
و تدخل برجلك اليمين و تخرج برجلك الشمال
و انت خارج تقول : بسم الله و الصلاه و السلام على رسول الله اللهم انى اسألك من فضلك اللهم اعصمنى من الشيطان
طيب خلاص خلص اليوم و بتودع صاحبك متنساش تقول دعاء كفرت المجلس
كان رسول الله
بس و هكذا كل يوم ..... انت مش ملاحظ ان معظم الاذكار تبداء ببسم الله
و ده طبيعى لان حياتنا كلها لله.. بس احنا نسينا
قال تعالى : مَآ أُرِيدُ مِنْهُم مِّن رِّزْقٍ وَمَآ أُرِيدُ أَن يُطْعِمُونِ
و ايضاً قال تعالى : قُلْ إِنَّ صَلاَتِي وَنُسُكِي وَمَحْيَايَ وَمَمَاتِي ِلله رَبِّ الْعَالَمِينَ
بإيدك تخلي يومك كله حسنات و بإيدك بردو تخلي يومك زيرو
عرفت بقي ياعني إيه يـــــــــــــــوم زيرو
.... والسلام عليكم ورحمه الله وبركاته
نسألكم الدعاء ان يغفرلنا و لوالدينا و للمسلمين اجمعين
رد مع اقتباس
المشاركة الأصلية كتبت بواسطة محمد_على_سلام
.gif "Fop (7)")
