المخرج عمرو سلامة يكتب: إجابة السؤال الشائع: هم اللي في التحرير فاكرين نفسهم الأغلبية

[hananah]

انا دايما بقول ان فى ناس ضحت فى الثوره ومأخدتش المقابل
وفى ناس مضحتش وبتأخد دلوقتى
ففيه عدم عداله
انا لما الرئيس كان عاوز يكمل مدته قلت ايه يعنى لما يكمل مدته
وكنت بلومهم بس الناس دى طلعت صح فى الاخر
وفى حكومه احمد شفيق كنت بقول يفضل الفتره الانتقاليه دى ايه يعنى والوزراء القدامى بس
يتشالوا بس فى الاخر اتضح انهم كان عندهم حق برده
فأنا قررت بينى وبين نفسى يعنى ان اللى هما هيقولوا عليه بعد كده انا هكون مقتنعه بيه

[رقة القلب]

الكلام دا ممتاز بجد ومنطقى وبأسلوب سهل وقريب للمصرى البسيط
ومعاك حق فعلا المطالب بتاع التحرير بالذات بعيدا عن المطالب الشخصية أو الفئوية
يارب احفظ بلدى مصر

[L SMA7Y]

لا طبعا مش هيه دى كل المطالب ...

فين المجلس الرئاسى ؟؟ اللى من مدنيين وعسكرى

كانت فين حكومه التكنوقراط ؟؟ من بعد التنحى ..

فين ؟؟ حل امن الدوله واعاده هيكلتو من جديد ...

فين ؟؟ الافراج عن كل المعتقلين سواء سياسيين او معتقلى رأى ..

حاجات كتير اوى

تمام

مكنتش مطالبنا تنحي الر ئيس بس او حاله الطواريء

دا اللي وصل للناس ,, بس الناس اللي فاهمه الفساد اللي في البلد عارفه ان لسا المشوار طويل

لان زي مالفاسدين تعبوا وقعدوةا 30 سنه يخربوا في البلد ,, مش هنصلحها احنا في 35 يوم

لو اخدنا كام سنه علشان ننضف الفساد الي عملوه فدا يبقي انجاز لينا


-******************-

يا دكتور مهو اكيد اللي متحركش ده معترض.. واكيد من حقه يعترض ولا ايه ؟؟؟

من حقه محدش قال حاجه ,, بس مش يوم ميجي يعترض ,, يقوم يعترض علي مصلحه البلد

يعني قاعد كل دا من غير اعتراض ويفوق يقول كفايه مظاهرات وكفايه مطالب

لا خليه ميعترضش خالص احسن

لان ان كان صوته الاول وهو مش معترض مش فارق

الوقتي صوته وهو بيتكلم بيثبط من عزيمه الناس وبيعمل بلبله
-----

انا دايما بقول ان فى ناس ضحت فى الثوره ومأخدتش المقابل
وفى ناس مضحتش وبتأخد دلوقتى
ففيه عدم عداله
انا لما الرئيس كان عاوز يكمل مدته قلت ايه يعنى لما يكمل مدته
وكنت بلومهم بس الناس دى طلعت صح فى الاخر
وفى حكومه احمد شفيق كنت بقول يفضل الفتره الانتقاليه دى ايه يعنى والوزراء القدامى بس
يتشالوا بس فى الاخر اتضح انهم كان عندهم حق برده
فأنا قررت بينى وبين نفسى يعنى ان اللى هما هيقولوا عليه بعد كده انا هكون مقتنعه بيه

-***************-

كل شاب خرج بيمثل اخته الكبيرةواخواته الصغيرين ووالدته

الكلام دا فكرني بكلم قالها دكتور (( بحلم ببكره )) زمان لما كنت بقول فيها ايه لو نستني شويه لحد مبارك يخلص مدته

والدكتور قال ان اسرته 8 افراد وهو ممثل ليهم كلهم ,, يعني صوته ب 8 افراد

[محمد_على_سلام]

مقال بجد جميل جدا وبيرد على كل الاتهامات الموجهة للشباب واتهام بعض الناس لهم انهم السبب فى كل الفوضى اللى فيها مصر وانتشار البلطجية ونسيوا ان الفقر والجهل والظلم اللى عمله النظام الفاسد السابق هو السبب فى وجود كل هذا الكم من البلطجية والفوضى

[dr.monalizaa]

مقال رائع طبعا لا غبار عليه

بصراحة انا في أي مكان لما بسمع كلام زي ده ما بسكتش

حاجه تنرفز لما يبقى ناس مش فاهمة وكمان معترضة

ما هو يا يقولو حاجة صح يا يسكتو احسن

[A.Denewar]

ده احلي كلام سمعته
انا معاهم من الالف للياء واخيرا الناس بدأت تفهم ان شباب التحرير صح عقبال الباقي
فعلا بدام مش فاهمين يسكتوا احسن او يستمعوا لحد فاهم لكن كل اللي اعرفه انهم كانوا بيسمعوا صدي صوتهم وبس ومش راضيين يسمعوا اي حد تاني
المفروض انه مفيش مطالب محددة احنا مطلبنا نكون دولة اسلامية ديمقرلطية حقيقية نظيفة من كل فساد والشعب يعيش بكرامته جوه وبره بلده وكفاية ذل .........وكل اللي يعارض ده لازم نعارضه سواء طواريءاو تنحي او استقالة او محاكمة او تجميد او حل او اعادة هيكله او او او او..................
الشهدا دول هم اللي ضحوا عشان البلد تعيش واحنا نعيش بكرامة(اموت اموت وبلدنا تعيش)
ارجو من الله تقبلهم شهداء
اللهم احفظ شباب التحرير واهل مصر من كل سوء

[*Jessy*]

من حقه محدش قال حاجه ,, بس مش يوم ميجي يعترض ,, يقوم يعترض علي مصلحه البلد

يعني قاعد كل دا من غير اعتراض ويفوق يقول كفايه مظاهرات وكفايه مطالب

لا خليه ميعترضش خالص احسن

لان ان كان صوته الاول وهو مش معترض مش فارق

الوقتي صوته وهو بيتكلم بيثبط من عزيمه الناس وبيعمل بلبله

ايوه معاك انا شيلت الكلام لاني مكنتش اخدت بالي من باقي كلام د/ بحلم ببكره

قال ان اللي عاوز يعترض من حقه يعترض بس ينزل ويتكلم .....

بس المشكله ان الموضوع ده هيعمل فوضي اكتر بقي وهتلاقي مؤيدين ومعارضين وشويه بلطجيه في النص فرحانين بالفوضي وخراب البلد ...
-----

المفروض انه مفيش مطالب محددة احنا مطلبنا نكون دولة اسلامية ديمقرلطية حقيقية نظيفة من كل فساد والشعب يعيش بكرامته جوه وبره بلده وكفاية ذل .........وكل اللي يعارض ده لازم نعارضه سواء طواريءاو تنحي او استقالة او محاكمة او تجميد او حل او اعادة هيكله او او او او..................
الشهدا دول هم اللي ضحوا عشان البلد تعيش واحنا نعيش بكرامة(اموت اموت وبلدنا تعيش)
ارجو من الله تقبلهم شهداء
اللهم احفظ شباب التحرير واهل مصر من كل سوء

أحيكي علي الرأي ده .....

وربنا يرحم جميع الشهداء ويتقبلهم من الشهداء ...

[نورهان]

انامش بهاجم الثورة الثورة رجعت لنا كرامتنا وانا بتشرف دلوقتى انى من الجيل اللى قالوا انه ضايع وتافه والشهداء ليهم منى كل احترام وربنا يدخلهم فسيح جناته انا قصدى واخرتها لما كل يوم اعتصامات ف الجامعات ومطالبات مشروعة ومنطقية جدا ماشى لكن دا معطل حركة التعليم والكل بيشاور ع شباب التحرير ويقول هما اللى عملوا كده ومعدش لى دعوة باى كلام عن المطالب طالما اتفهمت غلططططططط!

[L SMA7Y]

انامش بهاجم الثورة الثورة رجعت لنا كرامتنا وانا بتشرف دلوقتى انى من الجيل اللى قالوا انه ضايع وتافه والشهداء ليهم منى كل احترام وربنا يدخلهم فسيح جناته انا قصدى واخرتها لما كل يوم اعتصامات ف الجامعات ومطالبات مشروعة ومنطقية جدا ماشى لكن دا معطل حركة التعليم والكل بيشاور ع شباب التحرير ويقول هما اللى عملوا كده ومعدش لى دعوة باى كلام عن المطالب طالما اتفهمت غلططططططط

برضه يا دكتوره في حاجه

يعني الناس اللي نزلت في جامعتنا وكل الجامعات تعمل احتجاجات وليهم مطالب

مش المطااااااااالب دي كلها مشروعه وكلنا نفسنا فيها

واظن مش هنستني لما يجي رئيس والبلد تستقر وكل حاجه تمشي عادي ونقوم نعمل احتجاجات تانيه لواحدنا

ووالدي قالهالي كلمه ,, الحكومه دي اكتر حكومه هتقدر تنفذ او نقدر نطلب منها طلبات وتنفذهالنا

لانها في موقف ضعف واحنا اللي في موقف قوه ,و لان دا هو وقت المطالب علشان بعدها البلد تستقر بكل اللي نحدده

-*****************-

كلنا نفسنا الدراسه تبدأ امبارح قبل النهارده

بس لو خيرونا نأجل الدراسه السنه دي و مصر تبقي السنه الجايه مستقره وكل مطالبكم تتحقق

فالكل هيوافق

فيها ايه لو نصبر شويه ,و احنا بنضف (( سوري في الكلمه )) وساخه 30 سنه