مشتاقلك يا امى

[الطائر الحزين]

القصيدتين دول كتبتهم بعد وفاه والدتى عمرى مكان ليا في شعر الرثاء ولا عمرى كنت بحب اقراه
بس دلوقتى عرفت يعنى ايه شعر الرثاء لحد بيرجو العزاء في اقل شئ
وبعتبره اهداء لروح والدتى
ارجو انكوا متعيطوش وتعجبكوا القصيدتين

رثاء يا امى وما الرثاء
وما الشعر الا مزيد بكائى
ارثوكى يا دره ذهبت يا اما
ليس مثلك من بين النساء
وداعا يامن اعطتنى الحنان
وما اعطيتها غير الجفاء
دماء من بين شفاه واهه
فرعشه من الصدر للاحشاء
لو كانت الدماء تعيد الزمان
ساهبك عمرى ودمائى
امنت للدنيا وبرات جراحى
وما الدنيا تخبئ غير الشقاء
واريتك التراب بيدى
وواريت قلبي حتى اللقاء
جراحا فجراحا والما فالما
ومرضا فمرضا بدون براء
ليت بيدى ما افعل ولكنى
لا املك غير قدر الله ما شاء

القصيده كانت اكبر من كدا بس دا اللى افتكرت اسجله


تانى قصيده

مشتاقلك وبهتف باسمك
وكل اما اسمع صوت الاهات
اتمنى اضمك
وترمينى في حضنك
وعايش وضلك
عايش قصادى
كأن فراقك كان الليلادى
وكل اما اتوه وترمينى الحياه
اطلع في صورتك انسي سهادى
وانتى اللى كنتى عايشه معايا
بقلبك
وروحك
وقبل اما اتعب تحسي بالامى
ولما اعاندك تعاندى لعنادى
ونزعل ونبعد
وقبل اما اصالحك الاقيكى قصادى
تضمينى بقلبك بنبضك كيانك
ياريتك مكانى وياريتنى مكانك
ياريت يازمان ماكان اللى كان
ياريتك تعيد اللى كان
*********
بعادك عرفنى قد ايه كنت اهبل
اما ابعد واقسي
وقال ايه كنت بزعل
حسابك لغلطة
لكلمة اقولها في لحظه غضب
دلوقتى عرفت ايه السبب
لانك كنتى تتمنى تشوفينى
ملاك بجناحين
كنتى الورده اللى ماكانت بتدبل
ضحكتك تسعد قلبي ليالى
حناتك عرفت دلوقتى يعنى ايه
ياريت الزمان يراف بحالى
ياريتنى ماعشت لليوم دا قبلك
وحشتينى يا امى
امتى اقابلك

مستنى ردودكوا

[* lovely heart *]

بجد جميلة جدا جدا
ومنتظرين من حضرتك المزيد
بس يارب ما يكون دة السبب اللى يجعلك تختار هذا الاسم على المنتدى (الطائر الحزين)
يارب تكون متقبل مرورى فى التوبيك الجميل دة



اللهم ارحم امواتنا واموات المسلمين جميعا وارزقنا الجنة ونعيمها

[الطائر الحزين]

بس يارب ما يكون دة السبب اللى يجعلك تختار هذا الاسم على المنتدى (الطائر الحزين)

لا هو دا مش السبب الاسم دا واخده من زمان ممكن من قبل مدخل الكليه كمان

يارب تكون متقبل مرورى فى التوبيك الجميل دة

نورتى التوبيك يا دك

اللهم ارحم امواتنا واموات المسلمين جميعا وارزقنا الجنة ونعيمها

امين

[Al-Shaimaa]

واريتك التراب بيدى
وواريت قلبي حتى اللقاء
جراحا فجراحا والما فالما
ومرضا فمرضا بدون براء
ليت بيدى ما افعل ولكنى
لا املك غير قدر الله ما شاء

كلماتها صعبة اوووووووووووووووووووووووووي
ربنا يلهمك الصبر والسلوان
وقدر الله وما شاء فعل
حقيقي حضرتك مبدع ما شاء الله
وتميزك في الفصحى واضح عن العامية

وفقك الله يا دكتور

[كليوباترا]

مش عارفه اقول ايه والله
القصيده قويه جدا وحزينه لاقصى درجه
بكيت وانا بقرأها
ربنا يصبر حضرتك
وفى انتظار المزيد من الكتابات الرائعه
وان شاء الله يكون فيها بهجه وفرح ونبعد شويه عن الحزن

[الطائر الحزين]

شكرا على المرور والرد يا دك مشمش
انا فعلا بحب اكتب فصحى اكتر من العاميه

يا دك كيلوباترا انا قايل بلاش حد يعيط ومحذركم
شكرا على مرورك وردك

[nour elkamar]

القصيدتين جمااااااااال جدا
وكلماتهم مؤثرة قوى ماينفعش حد يقرأهم وميعيطش
انا دموعى نزلت غصب عنى
منتظرين المزيد من اعمال حضرتك
وربنا يرحمها ويرحم جميع موتى المسلمين ويسكنهم فسيح جناته

[Messi]

كلمات قويه ومؤثره
بعيدا عن القصيده
الموت واجب علينا كلنا
وده قضاء ربنا
فلا تحزن من قضاء الله
وربنا يجمعك بيها وبينا في الجنه ان شاء الله

تقبل مروري

[الطائر الحزين]

القصيدتين جمااااااااال جدا
وكلماتهم مؤثرة قوى ماينفعش حد يقرأهم وميعيطش
انا دموعى نزلت غصب عنى

مش عارف اقولك ايه يا دك بس انا كتبت اللى كنت حاسس بيه
شكرا على المرو والرد

الموت واجب علينا كلنا
وده قضاء ربنا
فلا تحزن من قضاء الله
وربنا يجمعك بيها وبينا في الجنه ان شاء الله

اكيد انا مش زعلان من قضاء ربنا
بس الموت مصيبه
وسيدنا محمد بكى عند فراق ابنه
شكرا على المرور والرد يا دك

[M.Hegazy]

ربنا يتغمدها في رحمته .. اللهم آمين

إحساسك جميل و مشاعرك راقية و دافئة و قوية و صادقة يا دكتور .. إنتا إنسان وفي و عظيم ..

ربنا يبارك فيك و يحميك يا رب .. و اسمحلي أهديك الكلمتين دول :

مهما طال حلو اللقاء .. فلا بد من مر الفراق .. لتبقى الذكريات الجميلة خالدة .. لا يمحوها الزمان و لو بممحاة .. قلوب متجمعة و إن افترقت الأبدان ..

لك الله يا دكتور ..

تقبلي مرروي