البرنامج الحواري " لقاء مع شاعر " .. على الهواء مباشرة من F.O.P .. إعداد و تقديم : asfourelgana فكرة و إخراج :M.Hegazy

[asfourelgana]

وبالنسبه لتقييمي للحقله

الحمد لله حلقه جميله جدا وده طبعا بفضل 3 حاجات

1 ربنا سبحانه وتعالى

2 من حيرتنا كثيرا بقلمها العذب وكلماتها الرقراقه دكتورتنا الجميله

صاحبة القلم الحائر

3 مذيعنا المتميز ومخرجنا العبقري والذي اضاف لمسة جماليه الى الحلقه

زادتها جمالا الى جمالها

وطبعا مشاركة د بيبو اضافت للحلقه بهجه

ربنا ما يحرمنا من متابعتها البرنامج هى وكل مشاهدينا الكرام

وفي النهايه بحمد ربنا على الحلقه الجميله دي وبشكر كل من ساهموا ف اخراجها بهذا الشكل الرائع ده ومعلش ايها المشاهدين الكرام لو كنت طولت عليكم شوية انا عارفه انى غلسه حبتين بس معلش استحملوني بقه

مع تمنياتي للجميع بالتوفيق السداد ان شاء الله

[asfourelgana]

وبعد قليل موعدنا مع الحلقه الجديده من

لقاء مع شاعر

ولقاءنا اليوم مع شاعره جميل بثت لنا الامل من خلال اسمها الجميل

كانت اول من ثارت مع الشعب على المنتدى

فأخرجت لنا كلماتها الجميله في ثورة شعب

دعت شجر الزيتون الى عدم الحزن صحيح كان ليس شعرا

لكن نثرا ابلغ من الشعر

ولم تنس ان تعبرها عن اسمها في كتاباتها

ومن جديد تبث لنا الامل وتؤكد ان يبقى الامل

حتى ولو بنقل الموضوع

لم تقتصر اعمالها على المنتدى الادبي فقد ساهمت بمواضيع اخرى

في الصحه ولم تنسى دورها في المنتدى الاسلامي

فكانت لها بصماتها البراقه والمشرقه

اعتقد لا حاجة للمزيد من الكلمات عنها فقد عرفتموها

بعد قليل ستكون معنا الضيفه المشرقه

اشراقة امل
انتظرونا

[asfourelgana]

بسم الله الرحمن الرحيم

السلام عليكم ورحمة الله وبركاته

اهلا بيكم احلى احلى شباب في الدنيا

معاكم عصفور الجنه من الحلقه جديده من برنامجكم

لقاء مع شاعر

وشاعرنا النهارده مش بس شاعر او يعني مش بس شاعره

ومشاركاتها مش بس ف المنتدى الادبي

شاعره جميله مشرقه ودوما متألقه

نجدها شمسا تشرق في سماء المنتدى الاسلامي

ونجماً يتألق في سماء المنتدى الادبي

ويدا جميله تمتد لنا بالمعلومات الطبيه والصحية في منتدى الصحه

حتى في تطوير الذات لم تلبث شمسها ان اشرقت

اعتقد ان لا حاجة للمزيد من الحديث ولنترك لها الكلام عن نفسها

فهي في هذا بالتأكيد ابلغ واقدر مني

برحب معاكم بضيفتنا الجميله د اشراقة امل

اهلا بيكي معانا يا دكتورة
اهلا بيكى د عصفور الجنه
وطبعا يشرفنى انى اجاوب على الاسئلة ولو انى فى الشعر على قدى خالص

بالعكس حضرتك شاعرهة جميله واسعدنا تواجدك معانا النهارده

ممكن ببساطه وايجاز حضرتك تعرفينا مين الشاعر بالنسبه لك
من وجهة نظرى يعنى الشاعر هو من لديه احساس عالى بما حوله وبعدين القدرة على صياغة التعبيرات ونسجها واخراجها فى شكل لغوى منمق

.متى وكيف اكتشفت موهبتك الشعريه؟وما هو احساسك بعد اول قصيده؟
من تقريبا تانيه ثانوى ........وطبعا كنت مبسوطه جدا

.من اول من قام بلفت نظرك ,وتشجيعك ,و دعمك كشاعر؟ وهل ساعدتك بيئتك المحيطه على ذلك ام كانت بمثابة المثبط لعزيمتك وموهبتك؟
اختى لانها برده بتكتب شعر و شجعتنى بس انا يعنى فين وفين لما بكتب على قدى كده.لا بالعكس البيئة المحيطه كانت مشجعة لان بابا كمان ماشاء الله عليه فى الكتابه وخاصة الخواطر الدينية وعن فلسطين وكده

بسم الله ما شاء الله دي الموهبة عندكم عائليه بقه

و.متى تكتبين ؟؟ومما تستوحي ما تكتبه (من عالم الخيال, ام عن تجربة سابقه سواء لكِ او لأحد الاشخاص القريبين منكِ , ام عن تجربة سابقه سواء لكِ او لأحد الاشخاص القريبين منكِ ,ام من ماذا؟

وقت الكتابه ده متعرفيش بيجى منين لوحده كده

الهام بقه

ممكن مثلا من الاحداث المحيطه اللى اثرت فيا زى مثلا اللى حصل فى مصر
.من هو مثلك الاعلى في الشعراء او لنقول من اكثر الشاعر/ الشعراء الذين يعجبك شعرهم وهل تتبع / تتبعين نفس اسلوبهم؟ أم أنه يحوز فقط على اعجابك ولا يمتد هذا الاعجاب للتأثير في اسلوبك الشعري
بصراحه فى شعرا كتير زى الامام الشافعى شعره جميل جدا
بالتأكيداحييكي على اختيارك
كمان احمد مطر قصائده جميله اوى وذات مغزى فى طريقة نقده للواقع المرير والتوريات اللى بيستخدمها
انا شخصيا بحب شعره جدا
وفى حاجات بتاثر فعلا فى كتابتى باخد ما يتماشى مع اسلوبى يعنى

مبدأ التطوير ده جميل اوى احييكي عليه

وهل ندمت يوماً على كتابة عمل ما؟
لا الحمد لله
الحمد لله
وفى بيت شعر حلو اوى
وما من كاتب الا سيفنى ويبقى الدهر ما كتبت يداه
فلا تكتب بكفك غير شىء يسرك فى القيامة ان تراه

سلمت يداكِ وجزيتي خيرا بيت فعلا اكتر من رائع
واتمنى من كل شعرائنا الاجلاء العمل بيه

.وهل تطلبين من احد غيرك تقييم اعمالِك؟ ام تكتفين بمجرد عرضها عليه ؟
اكيد طبعا بعرضها واحب اسمع ارائهم وتقييمهم لها كمان عشان نتعلم اكتر
ماهو رأيك بفكرة انشاء ديوان شعري لطلاب وشعراء المنتدى؟وهل لك ان تشارك باعمالك في هذا الديوان؟
فكرة حلوة لان الشعر يعتبر سلاح قوته الكلمات وتاثيره كبير والجميل اننا نستخدمه فى حاجه هادفه ...واكيد لو عندى حاجه اشارك بيها ان شاء الله

وده اول انفراد لبرنامجنا وبالطبع شرف لينا

.اذا طلب منك تقييم أعمال شعريه ما الاساس الذي تتبعينه في هذا التقييم؟ وماهو شعورك عند تقييمك اعمالِك؟وهل يؤثر هذا التقييم على الاعمال التاليه؟وهل تطلبين من احد غيرك تقييم اعمالِك؟ ام تكتفين بمجرد عرضها عليه ؟
يعنى مش لدرجه تقييم لانى لم اصل للدرجه دى بس اول حاجه بالنسبه لى هى التعبيرات والتشبيهات اللى بيستخدمها الشاعر وقدرته على بلورتها واستخدامه للكلمات ووقعها والفكرة والرساله التى تطويها الابيات
اهم حاجه احس ان الرساله اللى بتحملها الابيات تكون وصلت ولو فى حاجه فيها نقد احب اسمعها واتعلم منها و احسنها
اه اكيد بيؤثر لو كتبت حاجه

أي انسان من الممكن أن يكون شاعرًَا اذا تمكن من مفاتيح اللغه ما مدى صحتها بالنسبة إليك؟وعليه فما متطلبات الشاعر حسب وجهة نظرك؟ وبم تنصح من يريد تنمية موهبته كشاعر لو لنقل وصوله لمرحلة النضح الادبي؟\
هى نص كده ونص كده لان الشاعر لازم يكون متمكن من اللغه او بمعنى تانى يكون قاموسه من الكلمات ثرى وقادر على استخدام اللغه حتى لو عامى بس قبل كده لازم يكون عنده حاجه زى الردار كده يعنى احساسه يكون كبير لان ما يشعر به هو الدافع لكتابته
انصحه ونفسى برده بانه يواصل ويحاول يثرى لغته كويس ويتقبل النقد البناء وان تكون كلماته هادفه وان تكون دائما اشعاره حامله لهدف ورساله لان الشعر موهبه جميله ولازم نستخدمها صح

8. هل لك ان تقدم/ تقدمين لنا عمل لم يطلع عليه احد من قبل فيكون بمثابة انفراد
حصرى يعنى طب تدفعى كام بقى الشرط نور من البدايه

هو احنا فينا من كده طيب هاتى انتي بس والحساب يجمع

يعنى بصراحه مفيش حاجه جديده لان اخر حاجه كتبتها كانت ثورة شعب وحطتها علطول على المنتدى
9. برأيك من افضل شعراء المنتدى ورجاء الاجابة بمنتهى الحياديه؟

مش هقدر اقول لانى برده مقرتش ليهم كلهم كمان انا بحس ان كل واحد مميز باسلوبه وطريقته حاجه زى البصمه كده

في النهاية احب اشكر حضرتك على التواجد معانا النهارده
حضرتك بجد شرفتينا
شكرا د عصفور الجنة

ودلوقتي باب الاسئله مفتوح للجمهور
ونمتنى ان حلقتنا النهارده تكون عجبتكم
وحتى يحين موعد لقاء اخر نتركم في حفظ الله ورعايته
والسلام عليكم ورحمة الله وبركاته

[M.Hegazy]

السلام عليكم و رحمة الله و بركاته ..

تحية طيبة لكل الناس الطيبة ..

نورتونا و شرفتونا و كترتونا .. و الله العظيم كلكم ناس عظماء ما شاء الله ..

دكتورة إشرارقة أمل .. يكفيني من الحلقة اسمك الرائع .. و بساطة كلامك و سلاسة أسلوبك و ذكائك و اتزانك ..

عقلية مميزة و متميزة و مجتهدة .. و باين قوي عليكي حسن الخلق و خفة الدم .. اسعدتينا و شرفتينا النهاردة و استمتعنا معاكي بالحلقة .. و يا رب نشوفك تاني ..

عصفور الجنة .. لا يسعني سوى القول .. أبدعتِ فامتعتِ .. مازال في جعبتك المزيد .. و ما زال أسلوبك رائعا .. دمتي بخير .. و لكم جزيل الشكر ..

استنونا الحلقة الجاية

[asfourelgana]

السلام عليكم و رحمة الله و بركاته ..

عليكم السلام ورحمة الله وبركاته

تحية طيبة لكل الناس الطيبة ..


نورتونا و شرفتونا و كترتونا .. و الله العظيم كلكم ناس عظماء ما شاء الله ..

دكتورة إشرارقة أمل .. يكفيني من الحلقة اسمك الرائع .. و بساطة كلامك و سلاسة أسلوبك و ذكائك و اتزانك ..
فعلا امتعتنا كثيرا وانا شخصيا مبسوطه من حوارها جدا بالرغم من انى مكنتش قدها

عقلية مميزة و متميزة و مجتهدة .. و باين قوي عليكي حسن الخلق و خفة الدم .. اسعدتينا و شرفتينا النهاردة و استمتعنا معاكي بالحلقة .. و يا رب نشوفك تاني ..
ان شاء الله هنشوفها وتكون صديقه لينا كمان باذن الله

عصفور الجنة .. لا يسعني سوى القول .. أبدعتِ فامتعتِ .. مازال في جعبتك المزيد .. و ما زال أسلوبك رائعا .. دمتي بخير .. و لكم جزيل الشكر ..
جزاك الله خيرا يا دكتور

استنونا الحلقة الجاية

ان شاء الله منتظرين حضرتك

واكيد هتكون حلقه مميزة باذن الله

[M.Hegazy]

إعلان ..

تم تعليق برنامج " حوار مع شاعر " مؤقتا .. بسبب ظروف غياب الكثير من رواد المنتدى الأدبي .. و البرنامج سيكون أسبوعي متجدد بمشيئة الله ..

يعني .. كل يوم خميس نشوفكم ..

باشكر كل من تعاون معانا و ساهم في الموضوع .. جزاكم الله خيرا ..

و دمتم بخير ..
اعتذر منكم بس حاجة خارجة عن ايدينا خالص .. و عشان كده .. ندائ لكل شاعر هنا .. أرجوكم تواصلو مع أسرة البرنامج سواء دكتورة عصفور الجنة أو أنا .. إحنا متواجدين إن شاء الله .. نتمنى تشاركونا و تساعدونا في استمرارية البرنامج ..

[asfourelgana]

واهو بالمرة شعان البرنامج يوحشكم شوية

[اشراقة أمل]

[quote=asfourelgana;380593]
د عصفور الجنه ماشاء الله على هذه المقدمة الاكثر من رائعة ووالله ده كتير عليا جدا وده بس من ذوقك

[chocolata]

السلام عليكم
انا مصدوووووووووووووووووووووومه جدا ومذهوله بالفكرة والعرض المنظم والمتواصل ماشاء الله
بشكر القائمين طبعا على البرنامج من تقديم (عصفور الجنه)
واخراج جميل (دكتور حجازى)

انا حسيت فعلا انى فى برنامج ومستضيف فعلا شعراء ردود مختلفه لكن كلهم بيتكلموا زى مابسمع شعراء حقيقيين بيتكلموا
وماشاء الله عندهم اطلاع ثقافى كبير

وبشكر بيبو ممثله المنتدى فى جميع الميادين (مساالفل يا بيبووووو)


شكرا مرة تانيه واندهشت فعلا انى عرفت ان نسكافيه شاعره رومانسيه وباين جدا تاثرها بنزار قبانى
فاجاتينى فعلا

واتمنى استمرار البرنامج لانه فعلا بيدى فرصه ظهور دميله لشعراء شباب بارزين على المنتدى فعلا حتى لو كانت بس على المنتدى لكن يكفى الاحساس الواقعى بانك محل تقدير واعجاب ويشجعهم اكتر على اخذ خطوات حقيقيه فى الاتجاه الى يظهر موهبتهم للعالم كمان
واحب اسمع اغنيه ياحبيبتى يامصر

[اشراقة أمل]

[quote=asfourelgana;380814]



بالعكس حضرتك شاعرهة جميله واسعدنا تواجدك معانا النهارده
الله يخليكى ..متشكرة جدا

بسم الله ما شاء الله دي الموهبة عندكم عائليه بقه

الى حد ما ....ولله الحمد




مبدأ التطوير ده جميل اوى احييكي عليه
شكرا ليكى


سلمت يداكِ وجزيتي خيرا بيت فعلا اكتر من رائع
واتمنى من كل شعرائنا الاجلاء العمل بيه
جزانى الله واياكى كل الخير ...ويا رب فعلا نقدر نطبقه ونعمل بيه
.
وده اول انفراد لبرنامجنا وبالطبع شرف لينا
والله الشرف ليا


جزاكى الله خيرا د عصفور الجنه على الاسلوب المميز فى الحوار وبعدين مش قدى ازاى بس ده بس تواضع منك
-----

السلام عليكم و رحمة الله و بركاته ..

تحية طيبة لكل الناس الطيبة ..

وعليكم السلام ورحمة الله وبركاته
جزاك الله كل خير د M.Hegazy وشكرا لحضرتك

وبجد البرنامج ما شاء الله جميل جدا و منسق وفكرته جديده
ويكفى انكم فاجأتونا وشجعتونا وجعل الله مجهودكم ده فى ميزان حسناتكم ومحفز لنا ان تكون كلماتنا واشعارنا مصباحا على درب الحياة وغايتنا منه ارضاء الله وان نستغله استغلال جميل لتضىء ما ترسمه ايدى الشعراء من معانى بما تحمله من امل وتفاؤل واهداف بناءه