دعوة قضائية ضد وزير التربية والتعليم مطالبا اياه بالغاء الترم الثاني

[nada2011]

لانفلات الامنى يثير خوف اولياء الامور

تقدم ايهاب مكرم عبد الملاك المحامى بدعوى قضائية أمام محكمة القضاء الإدارى ضد وزير التربية والتعليم مطالبا فيها بالغاء قراره ببدء الفصل الدراسى الثانى 2010-2011 لعدم تعريض الطلبة لاى اخطار بسبب سوء الاحوال الامنية بمصر.
وقالت الدعوى ان الحالة الامنية للبلاد لم تعد كسابقتها بدليل حدوث حالات اختطاف لاطفال بمحافظة القاهرة، بالإضافة لحادث اعتداء ضابط وسائق ميكروباص على بعضهما فى 24 فبراير 2011 .
وأوضحت الدعوى أن ذهاب الطلبة للمدارس الان قد يعرضهم للأخطار خاصة وان العديد من المجرمين مازالوا هاربين من السجون.
واشارت الدعوى ان قرار عودة الطلبة للدراسة يخالف المادة 285 من قانون العقوبات الذى ينص على انه "كل من عرض للخطر طفلا لم يبلغ سنه 7 سنين.. يعاقب بالحبس لمدة لا تزيد على سنتين"، كما يخالف المادة 287 التى تنص على ذات القرار.
منقول انتوا ايه رايكم؟؟؟؟؟؟؟؟؟

[Dr. Sahar]

يلغوه ويرجعو يدهولنا بعدين لا بس يلغوه ويدونا شهادات التخرج ياريت

[تابعة محمد]

بسم الله الرحمن الرحيم
انا شايفة ان فعلا نص السنة ضايع بمعنى الكلمة .
بعدين عن الناحية الامنية ، فى استفتاء هيحصل بعد ايام على الدستور و هتكون على ثلاثة مراحل ، و بعد كده انتخابات المجلسين و بالتالى هناجل الدراسة .
غير المظاهرات الى مازالت مستمرة و قد لاتنتهى ، و طبعا محدش من الشباب هيروح الجامعة .
فمن راى يلغوا السنة و يوزعوا المناهج على السنة الجديدة ، بمعنى ان الباقى من الفارما يضاف على السنة الجديدة و هكذا .
اما طلاب اخر ترم ياخدوا الترم و يمتحنوا فيه السنة ديه .
او حل نهائى نستفاد من التعليم عن بعد و نزول الجامعة على قد السكاشن و بس .
و المدارس بالشكل ده مش هيحتاجوا ينزلوا لاننا هنعوضهم عن المدرس باستخدام القنوات التعليمية و نعلمهم جدول اشبه بجدول المدارس . و اظن ان الفكرة تم استخدمها اثناء انفلونزا الخنازير .
و تقبل مرورى .

[محمد_على_سلام]

هو الوزير لحق يا جماعة

[le pharmacien]

المياه لن تعود لمجاريها
لازم انتخابات رئيس الجمهوريه والانتخابات البرلمانيه تتم باسرع وقت

[طيور الجنه]

صراحة الناس عندها حق ومحدش مآمن على ولاده الأيام دى

الحوادث انتشرت جدااا والسرقة شغاله على ودنه وخصوصا شد الشنط من البنات وحتى الناس الكبيرة

آخر حادثة كانت انهاردة واحدة اتثبتت من 3 شباب بمطاوى و أخدوا منها الشنطة

وطبعا لنيتهم السودا الشنطة كان فيها 5 جنية

المصيبة بقى لما راحت تبلغ باللى حصل الظابط قالها (وهو انتوا لسة شوفتوا حاجة )

ده طبعا غير الخطف و أطفال كمان

وللأسف كل الحوادث دى من ناس قريبين مننا يعنى مش مجرد اشاعات

يبقى من حق أى حد يخاف على ولاده لان محدش هينفعه لو ابنه أو بنته اتأذى لمجرد انهم رايحين مدارسهم

وربنا يسترها علينا الايام الجاية

[AbU ElKhAiR-Let`s Go]

[CENTER][SIZE=4]

المصيبة بقى لما راحت تبلغ باللى حصل الظابط قالها (وهو انتوا لسة شوفتوا حاجة )

وبعدين قالها اى بأه


اللى نفسى أفهمه هيا الناس دى فهمت ولا لسه ولا اى بالظبط ؟؟؟؟؟


ولا هما مش ناوين يفهموا أساسا ؟؟؟؟؟


ولا عايزين يخربوا البلد ويكملوا تخريب فيها عادى ولا اى بالظبط ؟؟؟؟؟


أو يمكن أنا اللى مش فاهم ويمكن كنت بحلم مثلا ولا ايه بالظبط ؟؟؟؟؟


أما بالنسبه لتأجيل المدراس فشايف انه غلط لأنه هيضيع نص ترم على الفاضى


وممكن يخلى الناس تكسل تانى بعد النشاط والعزيمه الرهيبه دى


فبجد نفسى يبدأ باه


ونفسى ربنا يهدى كل ضابط شرطه ماكنش ولا يزال مش بيراعى ضميره

[N00R EL _SHAMS]

سلام عليكم

انا معاه والله فـ الدعوه دى

فعلا فيه انفلات امنى كبير جداا ومش بس الاطفال الى يتخاف عليهم احنا كمان معرضين للخطر دوت

مش معقول هنروح كل يوم الكليه واهالينا يقعدوا حاطين ايديهم على قلوبهم لحد ما نرجع

ومش معقول بردو هيجوا معانا كل يوم يحرسوناا

هو الترم ده يعتبر خلاص معتش فيه وقت اصلا للاستفاده باى شئ رايى يلغوه ويريحونا

بس الاهم ينجحوناا ...."دا اهم شئ " ^^

الغاء ترم ممكن يكون صعب علينا كلنا بس ارجع اقوم ترم يفوت ولا حد يموت

حياتنا اهم ...تسوى ايه خضه بنت وحرامى بيسرق منها شنطه ولا بيثبتها زى ما طيور بتقول ويرفع عليها المطوى دا ممكن م الخضه الواحد قلبه يقف

دا احنا فـ غابه بقى على كده

لازم الثقه ترجع تانى مابينا وبين الشرطه ولازم يتخلوا بقى عن الهمجيه الى كانوا فيها

ويتعاملوا معانا باحترام شويه واحنا كشعب نقدرهم بردو ونديهم وضعهم

هنفضل كده لحد امته...

ربنا يحفظنا من اى سوء ويحفظ بلدنا ويرزقها الامن والامان.

[dr emy.hassan]

انا كمان مع الدعوة دى لان فعلا معدش امان خالص ابن عمى وصاحبه الساعة 7 بالليل مش متأخر ولا حاجة
البلطجيه وقفوهم واخدوا الموبيلات والفلوس ودول شباب كبار يبقى المفروض احنا نعمل ايه؟؟؟؟؟؟؟؟؟؟
طب حاجة تانيه فى 7 عندنا كانوا فى ليبيا وواحد من عندنا راح يجبهم من المطار ع طريق المنصورة الطريق كان مقفول ونزلوهم واخدوا كل فلوسهم وكمان كانوا عايزين ياخدوا العربيه يبقى احنا نعمل ايه؟؟؟؟؟؟؟؟؟
ودى الطرق اللى انا بروح منها للجامعة يارب الترم يتلغى

[Dr\Emy]

فعلا الدنيا معتش فيها امان خالص
انا لسة والدتي انبارح بتقولي اقلعي اي دهب لبساه
انا واختي
وحاليا مبنخرجش للشارع اللي جمبنا الا ووالدي معانا
والواحد خايف جداااااااااااااااا
وكليتنا بالمواعيد المتاخرة دي هنكون مهددين اكتر
لازم يبقي فيه حل بجد
ربنا يستر