البرنامج الحواري " لقاء مع شاعر " .. على الهواء مباشرة من F.O.P .. إعداد و تقديم : asfourelgana فكرة و إخراج :M.Hegazy

[asfourelgana]

ده احنا بقينا نتكلم كلام كبير اوي يا عصفور
شكلي كده هفتح قناة الحياة بكرة ولا بعدة الاقيكي فيها

يللا عشان يبقى لك واسطه هناك
عدي الجمايل
بس انا ممكن اعديلك اي حاجة الا دي
طيب هم جميلات المنتدى وفقهن الله
انا مالي يعني؟
عيب عليكي يا دودو الكلام ده على فكرة
واستني بس لما اشوفك يوم الحد ان شاء الله
هيكون ليا معاكي وقفة

وما زلت متابعة لحلقات برنامجكم الرائع

يا حبيبه قلبي انتى من اجمل الجميلات وده مش رأيي

بدل ما افتح عليكي ساحة المعجبين هنا وشوفي بقه

وطبعا يشرفنا جدا جدا انك تنورينا وتكوني متابعه لينا

هو احنا نطول يا باشا؟

[Al-Shaimaa]

يا حبيبه قلبي انتى من اجمل الجميلات وده مش رأيي
ما انا عارفة انه مش رأيك
بدأتي تستخدمي التوريه كمان؟
بدل ما افتح عليكي ساحة المعجبين هنا وشوفي بقه

وطبعا يشرفنا جدا جدا انك تنورينا وتكوني متابعه لينا
الشرف ليا انا طبعاً
هو احنا نطول يا باشا؟

من ناحية الطول فانتي تطولي يعني
هو اصلا طول واحد

وكفاية كده بدل ما دكتور M.Hegazy يقول قلبوا البرنامج شات ويسحب منك الوظيفة
واحنا ما صدقنا انك بقيتي مذيعة قد الدنيا

تسلميلي يا دودو بجد

[asfourelgana]

من ناحية الطول فانتي تطولي يعني
هو اصلا طول واحد

وكفاية كده بدل ما دكتور M.Hegazy يقول قلبوا البرنامج شات ويسحب منك الوظيفة
واحنا ما صدقنا انك بقيتي مذيعة قد الدنيا

تسلميلي يا دودو بجد

تسلميلي انتى يا قمر

وماشي خلاص انا مجبتش الوظيفه غير ب ............

انتى عارفه الوظايف بتيجى ازاى اليومين دول

[asfourelgana]

احنا في انتظار الحلقه الجديده من البرنامج

وانا شخصيا متشوقه اشوف مذيعنا المتميز ومخرجنا العبقري

والحلقه اللي اكيد اكتر من رائعه

ياريت بسرررررررررررررررررعه

[M.Hegazy]

إعلانات البرنامج





يتشرف برنامج " لقاء مع شاعر " .. باستضافة الشاعرة التي حيرتنا معاه و حيرنا قلمها .. صاحبة القلم الحائر .. ربما لم تظهر على المنتدى بصورة دائمة .. و لكنها صرخت من أجل القدس في قصيدتها الرائعة " واقدساه " و علمتنا معاني الحب و الإنسانية في " حوار ما بين الحب و الإنسان " و أخيرا .. أمتعتنا بقصيدتها التي قيلت في حب مصر و في وصف ثورتها " حدوتة مصر " ..

نلقاكم بعد قليل ..

[M.Hegazy]

الحلقة الرابعة من برنامج " حوار مع شاعر " ..

ضيفة الحلقة : صاحبة القلم الحائر

محاور الحلقة : M.Hegazy


برنامج " حوار مع شاعر " .. بعد قليل ..



&&&&&&&&&&&&***********##########




بسم الله الرحمن الرحيم

السلام عليكم و رحمة الله و بركاته ..

أهلا بيكم أعزائي متابعي برنامج " لقاء مع شاعر " .. بنرحب بيكو النهاردة معانا في يوم جديد مع شاعرة متميزة و ذات قلم مميز .. باسمكم نرحب " صاحبة القلم الحائر " ..

أهلا وسهلا بيك يا دكتور في برنامجنا و نورتينا .. و وحشتنا كتاباتك جدا .. و وحشنا قلمك الحائر الذي حيرنا و امتعنا دائما ..
أهلا وسهلا بيكي معانا النهاردة في برنامجنا " لقاء مع شاعر "

أهلا بحضرتك يا دكتور وشكراااا على المقدمة الجميلة دى

نورتيني يا دكتورة .. و نورتي البرنامج ..

تقدري تقوليلنا

إحساسك إيه .. و إنتي معانا النهاردة ..

أنا بجد سعيدة جدااا انى معاكم النهاردة
و إحنا أسعد و الله يا دكتورة .. و مبسوطين جدا إنك بيننا النهاردة

انطباعك إيه بقى عن الحلقة و البرنامج بصورة عامة ؟؟

فكرة البرنامج جميلة وان شاء الله تكون حلقة مرضية لكل أعضاء المنتدى
طبعا كلامك يا دكتورة محسوب لينا .. و إن شاء الله تكون حلقة ممتعة للجميع النهاردة ..

كتير من أعضاء و رواد القسم الأدبي اختفوا مرة واحدة و بدون سبب .. نقدر نعرف منك إيه سر غيابك المفاجيء ده .. و الظلمة التي حلت على المنتدى مرة واحدة دي سببها إيه ؟؟

أولا أنا متشكرة جدااا على المجاملة الطيبة دى أما عن سر غيابى عن المنتدى دا لأنى كنت مشغولة شوية الفترة اللى فاتت

طبعا يا دكتورة .. بتنمالك كل الخير و التوفيق .. و الحمد لله إنك رجعتيلنا ..

ناخد فاصل صغير .. و نرجعلكم تاني ..
استنونــــــــــا ..

آخر الأخبار :

* موسى يعلن انه يشارك لاخر مرة كأمين عام في اجتماع وزراء الخارجية العرب

* سيف الإسلام القذافي: نأمل بالتوصل إلى وقف إطلاق النار السبت

* المشير طنطاوى يلتقي وزير الخارجية السعودي

* أبو سعده يتحدث عن ثورة يناير في المجلس
الدولي لحقوق الإنسان

^^^^^^^^^^^^^^^^^^^^^^^^^^^^^^



أهلا بيكم مرة تانية أعزائي المشاهدين .. و برنامج " لقاء مع شاعر " .. نرجع لضيفتنا .. و نكمل الحلقة ..

دلوقتي نتكلم عن الشعر و أهله .. و هنسألك شوبة أسئلة .. و نتمنى إنك تستحملنيا شوية ..
اتمنى اللى حضرتكم اللى تستحملونى

حابين نسمعك طبعا يا دكتورة ..
و دلوقتي

باختصار يا دكتورة .. كلمينا عن نفسك في جملتين ..
انسانة من بنى البشر

حضرتك متبعة هدي " خير الكلام ما قل و دل " .. و كفاية فعلا الكلمتين دول ..

متى و كيف اكتشفتي موهبتك الشعرية ؟
اول قصيدة كتبتها كانت فى أولى اعدادى


و ما هو إحساسك بعد أول قصيدة ؟؟
كنت سعيدة جدااااا لأنها كانت عن القدس

ما شاء الله .. حضرتك من زمان جدا متابعة مع القضية .. و متأثرة بيها .. و ده شيء كويس ..

من أول من قام بلفت نظرك ، و تشجيعك ، و دعمك كشاعرة ؟؟
اول حد شجعنى كان أصحابى وخصوصا بنت عمى

و هل ساعدتك بيئتك المحيطة على ذلك ، أم كانت بمثابة المثبط لعزيمتك و موهبتك ؟؟
بالنسبة للبيئة المحيطة فبصراحة مفيش حد من أهلى يعرف انى بكتب لو عرفوا كدا ممكن يفكروا انى مهملة دراستى ودا طبعا مش صحيح

و بالرغم من كده شفنا شاعرة مجتهدة ما شاء الله .. و اختلاف وجهات النظر لا يفسد للود قضية ..

متى تكتبين ؟؟
بكتب فى اى وقت يجينى فيه فكرة قصيدة
و مما تستوحي ما تكتبينه : " من عالم الخيال أم عن تجربة سابقة سواء لك أو لأحد الأشخاص القريبين منك ، أم من ماذا ؟؟
أما عن كتاباتى فهى كلها ناتجة عن تجارب شخصية ليا
و غالبا ما تكون مؤثرة جدا نتيجة لما يسميه أهل الشعر " التجربة الشعورية " و التي من نتائجها عمل أدبي مميز نظرا لمحاولة الشاعر جاهدا أن يصف ما يمر به و ما يشعر به فتكون الصورة في النهاية .. عمل أدبي صادق المعاني و يلمس شغاف القلوب ..


كثيرا ما يندم البعض بعد كتابة قصيدة معينة .. ربما لأنه استعجل في كتابتها أو ربما لحدوث أمر ما يجعل الشاعر مضطربا .. فهل لنا أن نعرف ..
هل ندمت يومًا على كتابة عمل ما ؟؟
لم أندم يوما على أى شئ كتبته

ثقتك بنفسك قوية يا دكتورة ما شاء الله ..

لكل شاعر .. شاعر آخر محرك له .. مثل أعلى له .. يتعلم منه و يطور أسلوبه و لربما يبتكر أسلوبا آخر من أسلوب شاعره .. فهل لنا أن نعرف :

من هو مثلك الأعلى في الشعراء ، أو لِنَقُلْ من أكثر الشاعر / الشعراء الذين يعجبك شِعرهم ؟؟ و هل تتبعين نفس أسلوبهم ؟؟ أم أنه يحوز فقط على إعجابك و لا يمتد هذا الإعجاب للتأثير في أسلوبك الشعري ؟؟
من أكثر الشعراء اللى بيعجبونى هشام الجخ / ايمان بكرى /صلاح جاهين
أنا معجبة جدااا بأسلوبهم وبحاول استفيد منهم

يتجنب أغلب الشعراء الحكم على أعمالهم .. لأنهم يهتمون في المقام الأول بإخراج مشاعرهم و تصوريها في قصيدة أو غيرها من الأعمال الأدبية .. و لكن

إذا طلب منك تقييم أعمال شعرية .. ما الأساس الذي تتبعينه في هذا التقييم ؟؟

بصراحة ما تخيلتش نفسى فى الموقف ده خالص بس أعتقد انى لو طلب منى التقييم هقيم على أساس الفكرة اللى قايم عليها العمل الشعرى

و ما هو شعورك عندما تقييمك لأعمالك بنفسك و عند تقييم الآخرين لها ؟؟ و هل يؤثر ذلك على الأعمال التالية ؟؟

بفرح جداااااااا لما حد يقيم اعمالى سواء بالسلب او بالايجاب وطبعا بحاول استفيد من التقييم ده فى اى عمل بعد كدا
" أي إنسان من الممكن أن يكون شاعرًا إذا تمكن من مفاتيح اللغة " .. ما مدى صحة هذه المقولة بالنسبة إليك ؟؟
بصراحة انا شايفة ان مش شرط اساسى عشان الانسان يكتب شعر انه يكون متمكن من اللغة

الشعر ده تعبير عن الذات بأى لغة المهم كل اللى يقرأ العمل يحس بيه مش بس اللى كاتبه

بما تنصحين من يريد تنمية موهبته كشاعر أو لِنَقُلْ وصوله لمرحلة النضج الأدبي ؟؟
بالنسبة للى عايز ينمى موهبته دا معناه انه لازم يكون ملم باللغة كويس جداا يقرأ الوان مختلفة من الشعر

كعادة البرنامج .. إحنا طناعين شوية .. و بنحب الحصريات ..
ممكن نطلب من حضرتك عمل حصري لم ينشر و لما يطلع عليه أحد من قبل ؟؟
ان شاء الله قصيدتى تحياتى لمن دمر حياتى هتكون انفراد للمنتدى

تنوي أسرة البرنامج في نهاية الموسم الأول .. بإنشاء ديوان شِعري لطلاب و شعراء المنتدى و يجري العمل على هذه الفكرة و ستطرح قريبا بمشيئة الله ..
إيه رأيك في الفكرة ؟؟ و هل هتشرفينا بالمشاركة و المساهمة بأعمالك في الديوان ده ؟؟

جميييييييييلة جداااااااا فكرة الديوان وان شاء الله اشارك معاكم

نيجي بقى للسؤال الرخم .. في رأيك و بمنتهى الحيادية .. من أفضل شعراء المنتدى ؟؟

بصراحة أنا بحس ان كل شاعر فى المنتدى لون خاص وله طابع مميز فمش هكون منصفة لو قلت حد معين
إيه رأيك في المنتدى هذه الأيام ؟؟ و هل أصبح خاويا يشكو السراب ؟؟ أم ماذا ؟؟
انا حسه ان الشغل ايام الدراسة بيبقى اكتر وفى دخول ع المنتدى اكتر مش عارفة احساسى صح ولا ايه

في ختام الحلقة .. بنشكر ضيفنا النهاردة .. و استمتعنا جدا بالكلام معاكي يا دكتورة.. و نتمنى إنك تكون من أصدقاء البرنامج و المتابعين له .. و يا ريت تتابعي معانا أسئلة المشاهدين بعد انتهاء الحلقة ...
بصراحة انا اللى استمتعت معاكم جدااا ويارب أكون ضيفة خفيفة على قلوبكم
و باشكر كل من ساهم في هذا العمل .. و باشكر الجمهور الرائع اللي بيتابعنا دايما .. و باشكر الدكتورة عصفور الجنة على الإعداد ..
نشوفكو الحلقة الجاية و دمتم بخير ..

استنونا ..

[DR.BIBO]

السلام عليكم
اذيكم يا دكاترة اولا احب احيكم على الحلقة النهاردة كانت تحفة وخصوصا بعد الفواصل الاخراجية المميزة بس المهم متزيدش بعد شهرة البرنامج ان شاء الله ويتحول زى باقى البرامج نشوف البرنامج وسط الاعلانات
ثانيا: احب احى ضيفتنا النهارده الشاعرة المتالقة صاحبة القلم الحائر واحب اسالها كام سؤال صغيرين
ايه احساسك وانتى بتكتبى الشعر
ايه اكتر حاجة بتسعدك فى الدنيا
ايه اسم اول قصيدة كتبتيها وياريت لو تقوليهالنا
ايه الحاجة اللى لو مش موجودة فى حياتك تحسى ان حياتك ناقصها حاجة
ايه معنى الكلمات ديه بالنسبالك (الحب- الحريه-الامان -اللعب-الخيانة-السعادة)
ايه اقرب قصيدة كتبتيها لقلبك وياريت لو تسمعهلنا
شكرا جزيلا ويارب مكنش زهقتك باسالتى

[صاحبة القلم الحائر]

السلام عليكم
اذيكم يا دكاترة اولا احب احيكم على الحلقة النهاردة كانت تحفة وخصوصا بعد الفواصل الاخراجية المميزة بس المهم متزيدش بعد شهرة البرنامج ان شاء الله ويتحول زى باقى البرامج نشوف البرنامج وسط الاعلانات
ثانيا: احب احى ضيفتنا النهارده الشاعرة المتالقة صاحبة القلم الحائر واحب اسالها كام سؤال صغيرين

أنا بشكر حضرتك جداااااا على الكلام الجميل ده

ايه احساسك وانتى بتكتبى الشعر

بصراحة بحس انى فى عالم تانى خالص عالم كله سعادة وصدق

ايه اكتر حاجة بتسعدك فى الدنيا

اكتر حاجة بتسعدنى انى اشوف اصحابى سعداء

ايه اسم اول قصيدة كتبتيها وياريت لو تقوليهالنا

اول قصيدة كتبتها كانت اشتياقى عن القدس كتبتها وانا فى اولى اعدادى انا ممكن اقول بدايتها
نفسى أجيلك وأعيش فى حضنك أحس بحنانك وأعيش فى جوك
أحس بحرارتك وأعيش فى أرضك وأعمل فى طينك وتحرق ايدى نارك وابكى واحكى واقول واشكى واقول عزيزتى يا قدس انتى

ايه الحاجة اللى لو مش موجودة فى حياتك تحسى ان حياتك ناقصها حاجة

اصحابى

ايه معنى الكلمات ديه بالنسبالك (الحب- الحريه-الامان -اللعب-الخيانة-السعادة)

الحب0000 انك تعطى من غير اى مقابل انك تفضل اللى بتحبه على نفسك فى كل شئ
الحرية00000 اكسير الحياة اللى لوضاع مننا فلا حياة لنا
الامان0000000 دا نتاج الحرية وربنا يديم علينا نعمة الامان
اللعب000000 ضياع لمجهود بس ده عند الانسان المجتهد
الخيانة00000 انا بحس انها اصعب حاجة فى الدنيا ربنا يبعدنا عنها
السعادة00000 انى اشوف كل اللى حواليا سعداء

ايه اقرب قصيدة كتبتيها لقلبك وياريت لو تسمعهلنا

انا بحس ان كل حاجة كتبتها قريبة لقلبى فمفيش قصيدة محددة

شكرا جزيلا ويارب مكنش زهقتك باسالتى

انا اللى المفروض اشكر حضرتك ويارب ما اكونش طولت عليكى

[asfourelgana]

السلام عليكم
عليكم السلام ورحمة الله وبركاته
اذيكم يا دكاترة اولا احب احيكم على الحلقة النهاردة كانت تحفة وخصوصا بعد الفواصل الاخراجية المميزة بس المهم
ربنا يكرمك واحنا اللي بنشكرك على متابعتك لبرنامجنا
متزيدش بعد شهرة البرنامج ان شاء الله ويتحول زى باقى البرامج نشوف البرنامج وسط الاعلانات

لا متقلقيش ان شاء الله
ثانيا: احب احى ضيفتنا النهارده الشاعرة المتالقة صاحبة القلم الحائر
وطبعا كلنا بنحييها النهارده على تألقها المعتاد
وبنشكرها على تواجدها معانا
واحب اسالها كام سؤال صغيرين
ايه احساسك وانتى بتكتبى الشعر
ايه اكتر حاجة بتسعدك فى الدنيا
ايه اسم اول قصيدة كتبتيها وياريت لو تقوليهالنا
ايه الحاجة اللى لو مش موجودة فى حياتك تحسى ان حياتك ناقصها حاجة
ايه معنى الكلمات ديه بالنسبالك (الحب- الحريه-الامان -اللعب-الخيانة-السعادة)
ايه اقرب قصيدة كتبتيها لقلبك وياريت لو تسمعهلنا
شكرا جزيلا ويارب مكنش زهقتك باسالتى

نتمنى تكون الاجابات اسعدتك

وطبعا بنشكر دكتورة صاحبة القلم الحائر على سعة صدرها

وعلى اجابتها وقبل كل حاجة على الحلقه الجميله دي

واللي امتعتنا بيها هى ود حجازي

[صاحبة القلم الحائر]

شكراااااااااااااااااا لحضرتك يا دكتورة عصفور الجنة
واتمنى انى اكون دايما عند حسن ظنكم