الجدول النهائي للفصل الدراسي الثاني - الفرقة الثانية 2011

[daylight]

يا جماعة انتوا لسه بتفكروا بطريقة زمان ليه شوية يقولوا حسبى الله و نعم الوكيل و شوية نعمل ايه مش هانعرف نغير حاجة و ناس تانية مسيرنا نتعود
لا طبعا
اولا كلنا متفقين ان الجدول زى الزفت وان اسلوب سكاشن كل اسبوع ده هيكون مستحيل و بعدين انتوا ناسين اننا فى تانية و الترم التانى معروف اصعب بكتير ,اذا كان الترم الاول كان مش كل اسبوع و شفنا كان صعب ازاى
ثانيا ممكن يغيروا الجدول و يخففوا المنهج و يمدوا الدراسة اسبوع او اتنين و ياجلوا الامتحانات شوية
ده حقنا ده مش فضل بيتفضلوا بيه علينا
ثالثا احنا مش زى قبل 25 يناير يعنى لو اعترضنا على الجدول و عملنا اعتصام او بس وقفة قدام الكلية و قدامنا ورقة باللى عايزينوا هيسمعوا كلمنا بس اهم حاجة نكون كتير
زى طب هيعملوا كده اول يوم و كليات تانية كتير ده بيعملوا مظاهرات فى طب ضد العميد و رئيس الجامعة اساتذة الجامعة كل يوم فى احتجاجات ضده
فا اعتقد جدول هانقدر نغيره
اى حد مش عاجبه الجدول (واعتقد كلنا كده لو حد عاجبه يقول ) يشارك
فى وقفة احتجاجية قدام مبنى ادارة الكلية اول يوم
واللى عاجبوا الجدول و عاجبوا نتعامل بالطريقة دى واننا ما يكونش لينا اى رأى زى اللى حصل فينا فى الميكرو وقبله فى جداول الامتحانات خالص ميشاركش
وعلى فكرة مش هايقدروا يطنشونا زى ايام الميكرو لان ايامها ده كان جدول اتحط خالص وكان المفروض نعترض من اول ما نزل الجدول وده غير اننا دلوقتى بعد 25 يناير
يا جماعة دى كليتنا يعنى من حقنا نقول رأينا ويتنفذ ويحترم ولو كلنا وقفنا هانجبرهم على انهم يحترمونا و يحترموا رأينا
مصر اتغيرت يعنى مش معقول كل الشهداء اللى ضحوا عشان يغيروا مصر كلها يبقى احنا مش عارفين نغير جدول

هو ده الكلام

[mesaw]

يا جماعة انتوا لسه بتفكروا بطريقة زمان ليه شوية يقولوا حسبى الله و نعم الوكيل و شوية نعمل ايه مش هانعرف نغير حاجة و ناس تانية مسيرنا نتعود
لا طبعا
اولا كلنا متفقين ان الجدول زى الزفت وان اسلوب سكاشن كل اسبوع ده هيكون مستحيل و بعدين انتوا ناسين اننا فى تانية و الترم التانى معروف اصعب بكتير ,اذا كان الترم الاول كان مش كل اسبوع و شفنا كان صعب ازاى
ثانيا ممكن يغيروا الجدول و يخففوا المنهج و يمدوا الدراسة اسبوع او اتنين و ياجلوا الامتحانات شوية
ده حقنا ده مش فضل بيتفضلوا بيه علينا
ثالثا احنا مش زى قبل 25 يناير يعنى لو اعترضنا على الجدول و عملنا اعتصام او بس وقفة قدام الكلية و قدامنا ورقة باللى عايزينوا هيسمعوا كلمنا بس اهم حاجة نكون كتير
زى طب هيعملوا كده اول يوم و كليات تانية كتير ده بيعملوا مظاهرات فى طب ضد العميد و رئيس الجامعة اساتذة الجامعة كل يوم فى احتجاجات ضده
فا اعتقد جدول هانقدر نغيره
اى حد مش عاجبه الجدول (واعتقد كلنا كده لو حد عاجبه يقول ) يشارك
فى وقفة احتجاجية قدام مبنى ادارة الكلية اول يوم
واللى عاجبوا الجدول و عاجبوا نتعامل بالطريقة دى واننا ما يكونش لينا اى رأى زى اللى حصل فينا فى الميكرو وقبله فى جداول الامتحانات خالص ميشاركش
وعلى فكرة مش هايقدروا يطنشونا زى ايام الميكرو لان ايامها ده كان جدول اتحط خالص وكان المفروض نعترض من اول ما نزل الجدول وده غير اننا دلوقتى بعد 25 يناير
يا جماعة دى كليتنا يعنى من حقنا نقول رأينا ويتنفذ ويحترم ولو كلنا وقفنا هانجبرهم على انهم يحترمونا و يحترموا رأينا
مصر اتغيرت يعنى مش معقول كل الشهداء اللى ضحوا عشان يغيروا مصر كلها يبقى احنا مش عارفين نغير جدول

والله كلام زي الفل ياريت فعلا نحاول بجديه وهما هيخافو في التوقيت ده

[daylight]

في سكشن عضوية من 4 -6 والفترة من 8 -10 فاضية و مفيهاش سكاشن ليه مننقلش السكشن الصبح..
سكشن اعقاقير والتحليلية لو اتشال من وقتهم نص ساعة السكاشن تخلص الساعه 4 بدل الساعة 6
سكشن الصيدلانيات لو اتشال من وقته ربع ساعة برده نخلص الساعة 4
الجدول له حلول ...ليه الكلية مصممة تعذبنا

[eman mohamed]

يا جماعة بصراحة بعد اللي حضرااتكو قلتو مفيش حاجة تانية تتقال ..... الجدول مش وحش هو وحش جدا جدا .........
أولا : موضوع الساعة 8 ده خصوصا بالنسبة لسكشن الصيدلانيات اللي لو وصلت 8 و دقيقة متفكرش تخبط عالباب يعني نعمل ايه ده احنا لو نزلنا من البيت الساعة 6 يعني قبل الشروق برده منلحقش نوصل

ثانيا : وقت كبير ضايع في النص بين المحاضرات و السكاشن و بصراحة بيكون وقت ملوش أي لزمة و بيشجعنا أكتر اننا نفوت المحاضرات

ثالثا : السكاشن اللي بتخلص بعد 5 ازاي البنات هتروح و احنا قاعدين نقول الجو مش هادي و اللد مفيهاش أمان و كل الكلام ده

لو عايزين يعملو السكاشن كل أسبوع يقللو المدة بتاعتها احنا مش عايزين لا نحتج و لانعتصم ولا نعمل دوشة بس الكلية عملت استفتاء علي الجدول و مفيش حاجة اتغيرت يبقي احنا لازم نطالب بحقنا مينفعش يقولو البنات تغير مواعيد السكشن أو اللي بيسافرو يغيرو الميعاد ده مش حل كويس لإنه هيعمل لخبطة أعتقد الجدول لازم يتغير بطريقة مريحة لينا عشان نشجع نروح الكلية لإن الكلية لو عاوزة تاخد الجودة هتاخدها بينا لما نحب الكلية و نلتزم فيها مش يحطولنا جدول يخلونا مش نبقي عايزين ندخل الكلية أصلا و الله يا جماعةأنا كنت زهقانة من الاجازة جدا و متشوقة أرجع للدراسة و أول ما شفت الجدول اضايقت جدا و كل ما أفكر اني هرجع بضايق أكتر يا ريت نوصل لحل و لو د/حسن أو أي حد من الدكاترة اللي احنا بنحترمهم و يهمهم مصلحتنا يبصلنا زي ولادهم مش مجرد مسئولية انهم يحطو الجدول و المطلو ب اننا نلتزم بيه و خلاص

[*Aya*Verse*]

لو د/حسن أو أي حد من الدكاترة اللي احنا بنحترمهم و يهمهم مصلحتنا يبصلنا زي ولادهم مش مجرد مسئولية انهم يحطو الجدول و المطلو ب اننا نلتزم بيه و خلاص

تسلمى

[ayman hegazy]

الجدول ده زى التييييييييييييييييييييييييييييييييييييييييييييييي ييييييييييييييت يا جماعة هم مفكرين انا احنا كلنا قاعدين ف الجلاء انتوا بس اللى فاهمين غلط

[snow123]

يا جماعة انا عرفت من دكتور فى قسم فى الكلية ان الجدول كده عشان الجودة و ان حسب كلامه السكاشن الوقت قل و العدد هيقل) وان الامتحانات يا هيأجلوها او هيشيلوا توبيك من المنهج
..........
ده كلام الدكتور
فمعرفش ده كل الاقسام ولا لأ
و هيأجلوا اد ايه و صحيح فى الجدول الوقت قل فى السكاشن بدل ساعتين و نصف بقى ساعتين و العقاقير بدل خمس ساعات بقى ساعتين و نصف
بس احنا اصلا كنا بناخده كده تقريباالترم الأول بس يمكن زى ما كان خمس ساعات و بنخد فى الحقيقة اقل يبقى هناخد اقل معرفش

و العدد معتقدش قل هو زى ما كان تقريبا فى كل سيكشن و لا ايه؟
عموما هنشوف
فتقريبا معنى كده بدل ماكنا بناخد حاجة فى سيكشن هيتقاسموا على سيكشنين معرفش هاحاول اسأل تانى فى الكلية
بس كده ايه رأيكوا ؟؟ نكمل و نعمل وقفة
ولا خلاص بلاش و نستنى لحد ما نشوف
ايه اللى هايحصل
ولا فى مطالب تانية زى جدول الامتحانات (ولا ده يبقى لما ينزل الجدول) و اقتراحتكوا للجدول الدراسى الاخرى
انتوا ايه رأيكوا

[Dr.Doly]

انا بقول ان مجموعه مننا يروحو اول يوم لدكتور حسن او دكتورة ماجده ويناقشوهم ف الجدول و مشاكلنا
وياخدو منهم كلمه لو وافقو ع انهم يغيرو الجدول نسألهم هيتغير امته بالظبط
يعنى عاوزين ميعاد مش مجرد كلام
لو متنفذش ده يبقا لازم نقف طبعا ونتعرض

[mohamed hamed]

شكلنا كده هنروح ميدان التحرير

[snow123]

انا بقول ان مجموعه مننا يروحو اول يوم لدكتور حسن او دكتورة ماجده ويناقشوهم ف الجدول و مشاكلنا
وياخدو منهم كلمه لو وافقو ع انهم يغيرو الجدول نسألهم هيتغير امته بالظبط
يعنى عاوزين ميعاد مش مجرد كلام
لو متنفذش ده يبقا لازم نقف طبعا ونتعرض

ده رأى كويس جدا
و كمان ممكن يتكلموا على جدول الامتحانات وان كل مادة على الاقل ميبقاش قبلها اقل من ثلاثة ايام و نصف و المادة الكبيرة زى الاورجنك متقلش عن اربعة ايام و نصف

و ان الدكاترة يعاملونا باحترام (زى دكتور الشابورى
مفروض يعاملنا باحترام