حدوتة مصرية

[صاحبة القلم الحائر]

بسم الله ويارب يحرصك يا بلدى ويعطيكى عمر مديد

هنحكى حدوتة مصرية لشاب اسمه خالد والأب اسمه سعيد

راح ضحية فساد حكم وظلم زمنه بعيد

قام اخواته بثورة عشان حقه وحقنا واتولد جيل جديد

قام الشباب بالثورة ثورة سلمية من غير سكين

ولا حتى عصا فى الايد

طالبوا بحقهم فى بلدهم بصلاح البلد ودا المطلب الاول والاكيد

كان الشباب مسالم بينادى بصلاح البلد والخصم كان عنيد

كان أخرس من غير لسان لا له قلب ولا حتى كيان

والرد كان بالرصاص والضرب كان بيزيد

رد الشباب بالطوب ع الخصم الأعمى المسحوب

وشبابنا طبعه شديد

عاشق لترابك يا مصر عايز يشيل الغبار عن صورتك

ورأيه أصله سديد

عايز يرجع حقك عايز يطمن حيرتك ويقتل زمن العبيد

فين خيرك يا بلدى يا أم الدنيا خدوه اللصوص

وأولهم عز لمصانع الحديد

طعنوكى قتلوكى وسابوكى فى الطريق مدبوحة

وماكانش عز القاتل الوحيد

بس انتى يا بلدى أقوى منهم شايفة شبابك و واقفة جنبهم

وعايزة عهد فى جماله فريد

ما تزعليش يا بلدى شبابك عايش بيكى وعشانك

وبيقوى لما تكون الايد فى الايد

افرحى يا بلدى بعصر الحرية والكرامة اللى شبابك

زينك بيهم فى يوم العيد

يوم ما سابك كل اللى سرقك كل اللى نهبك

كل اللى داس على دم الشهيد

شبابك دا واعى وعارف طريقه وعارف صلاحك

عارف مطالبك حاسس بقلبك وبيداوى جراحك

معاكى فى شدايدك فى حزنك يساندك وفى كل أفراحك

بيحلف بحبك بترابك بأرضك ليحلى صباحك

حبيبتى يا بلدى يا روحى وأمى ورفيقتى

حبيبتى يا مصر يا دمى فى عروقى يا عزة عروبتى

أرضك دى جنة عليها كبرت وفيها صديقتى

ترابك دا غالى بدم ولادك عشانه حاربتى

حبيتى ولادك شبابك بناتك ولا عمرك نافقتى

مرت عليكى المصايب والشدايد عليها قدرتى

يا أغلى عندى من حبايبى يا عارفة حقيقتى

على أرضك عرفت العروبة عرفت المحبة عرفت السلام

عرفت صحابى أهلى وجيرانى وعشت فى أمان

أمانك دا منك وراجع اليكى يا أرض العروبة يا أجمل مكان

نفسى ترجعى زى ماكنتى نفسى مايكونش بيكى آلام

يا أرضى ومصرى وعمرى وكيانى أنا ليكى خدام

نفسى أشوفك فى بر الأمان نفسى أحققلك الأحلام

حبيبتى يا أرضى يا مصر الحبيبة يا مطمع الجبان

بنيلك بأرضك بشعبك بهرمك بنينا حضارة من أقدم الأزمان

يا أرض العروبة يا مصر الحبيبة يا مجمع الأديان

شبابك بناتك شيوخك دول ولادك ورافضين الطغيان

بدعيلك يا ربى يا سامع دعائى يكون الجديد أصل الكيان

[AbU ElKhAiR-Let`s Go]

بصراحه عايز أعمل اقتباس لكل كلمه

لكن

جزاك الله خيرا ووفقك دائما الى كل خير

وأصلح حالنا وحفظ ديارنا وأهلنا


جزيتى الجنه

[eeeman]

رااائعة يا دكتورة بجد جميلة جدا سلمت يداكى

[صاحبة القلم الحائر]

شكرا جدااااااااااااااااااااااااااااااا يا دكاترة
جزاكم الله كل خير

[Al-Shaimaa]

كلمات رائــــــــــــــــــــــــــــــــــــــعة يا دكتورة
بل اكثر من رائعة
سطرتي حكاية الثورة من الألف الى الياء في ابياتك الرائعة
و جميل انها بالعامية
يشعرني انها من قلب الحدث لكون الثورة ثورة شعبية
انا مش لاقية اي انتقادات ولا ملاحظات عليها

بص بصراحة كانت طويلة أوي

سلمت يداكِ
وفي انتظار الجديد من اعمالك

[صاحبة القلم الحائر]

كلمات رائــــــــــــــــــــــــــــــــــــــعة يا دكتورة
بل اكثر من رائعة
سطرتي حكاية الثورة من الألف الى الياء في ابياتك الرائعة
و جميل انها بالعامية
يشعرني انها من قلب الحدث لكون الثورة ثورة شعبية
انا مش لاقية اي انتقادات ولا ملاحظات عليها

بص بصراحة كانت طويلة أوي

سلمت يداكِ
وفي انتظار الجديد من اعمالك

ميرسى ليكى يا دكتورة بس أنا مش قد الكلام الحلو ده
أما حكاية الطول دى لأنها قصدتين فى بعض
جزاكى الله كل خير

[الملاك الضاحك]

ماشاء الله يادكتوره
كلمات جميله واحساس رائع جزاك الله خير
ياريت تكتبى باستمرار يادكتوره ومتحرميناش
من الكلام الحلو ده

[صاحبة القلم الحائر]

[quote=الملاك الضاحك;377079] ماشاء الله يادكتوره

كلمات جميله واحساس رائع جزاك الله خير
ياريت تكتبى باستمرار يادكتوره ومتحرميناش
من الكلام الحلو ده

[/qجزاكى الله كل خير