الصلاة والمحاضرة أو السكشن !!!

[تابعة محمد]

بسم الله الرحمن الرحيم
هو لغاية دلوقتى الحمد الله محصلش ان اذن عليا صلاتين فى الكلية و ملحقتش اصليهم بس هو الموضوع فعلا ملهوش حل تقريبا الا اذا وقفنا العمل فى كل الكلية و الناس نزلت تصلى وبعد كده نكمل اليوم عادى و ده برده صعب يتحقق لان الجامع صغير جدااا و هيكون فى زحمة يعنى لو كنا هنصلى فى خمس دقايق ممكن يوصل الموضوع لساعة لغاية لما كل الناس تصلى .
فالحل المؤقت اننا نستاذن من دكتور المعيد فى السكشن و اغلبهم مش بيمنعوا ، و فى المحاضرة نطلب خمس دقايق للصلاة لو مش هنلحق نصلى بعد المحاضرة و معتقدش ان فى دكتور هيرضى انه يشيل ذنب الناس الى مصلتش ، ولو موافقش اخرج و سيب المحاضرة ، ولو كان بيقفل الباب و مبيخرجش حد صلى فى مكانك لان ده الحل الوحيد الى قدامك و نحتسبه خيرا عند الله .........اعتقد ان ده الحل من وجهة نظرى و ده الى انا هعمله لو اتعرضت لموقف زى كده .

[احمد شبند]

صعب يكون فيه حل بيتهيألي عند اداره كليتنا
او حتي اداره جامعتنا
او حتي عند اداره اي جامعه في مصر ........

لان وضع جدول للكليه في حد ذاته ل5 او 6 فرق دراسيه في حد ذاته دون مراعات اوقات الاذان في حد ذاته امر ليس بالسهل وغالبا ما بيكون فيه حتي اخطاء بشريه
فما بالكم بمراعاه اوقات الاذان ؟؟؟؟؟؟

والله سهلة يا محمد

تخيل كدا الجدول بتاع الدفعة كلها الى نازل السنادى

روح حاتو كدا

وبعدين اول محاضرة او اول سكشن بعد الدهر فى كل الدفعات اخرته ربع ساعة

هتلقيها بقت هيا هياها

والجدول تمام

هى مشكلة مسؤولية

للاسف لان موضوع الصلاة الناس استصغرته ومعدش من أهم الاولاويات عندنا

فبقينا بنقول كدا

لو واحدة هتولد بيدلها تلت شهور ولادة وتغيب عن العمل حتى لو فى ايه

لازم يكون فى حلللل

اصل اللى عايز يصلى وميفوتش الفرض وميتحججش بالمحاضره او السكشن ان شاء الله ربنا بيعينه

تمام والله

وسبحان الله الى فعلا كدا ربنا بيسرله من غير حتى ما يسعى

بس المشكله بقى فى مسجد البنات يبقى ساعه الصلاه زحمه جدا الواحد بيعانى علشان يصلى
بجد كان نفسى يكبروه شويه وده السبب اننا بنتاخر عن المحاضره او السكشن

دى بقى مشكلة تانية

ودى تبينلك ان اصلا مسألة الصلاة مش ملهاش اى اولاوية عند المسؤول عن الكلية

يعنى اعمل اى حجرتين مسجد وخلاص علشان الاسم يبقى فى مسجد

ودى برضوا لازم يكون ليها حل

لان فعلا الناس بتاعنى من الجزئية دى خاصة البنات

لان الرجالة بيتصرفوا وبيصلوا فى اى حتة لو المسجد زحمة

الا اذا وقفنا العمل فى كل الكلية و الناس نزلت تصلى وبعد كده نكمل اليوم عادى

والله هو دا الكلام

والنصر للمسلمين فى اى حاجة

ميجيش غير كدا

ولو موافقش اخرج و سيب المحاضرة ، ولو كان بيقفل الباب و مبيخرجش حد صلى فى مكانك لان ده الحل الوحيد الى قدامك و نحتسبه خيرا عند الله .........اعتقد ان ده الحل من وجهة نظرى و ده الى انا هعمله لو اتعرضت لموقف زى كده .

على فكرة متظنوش ان دا فضل من حد انه يعمل كدا او ان دا تطوع من عنده

دا المفروض على الجميع انه يعملوا

لانك لو مصلتش ووقت الصلاة التانى دخل دون عذر (والكلام الى فوق دا ليس بعذر)

فأنت كدا ءاثم باجماع جميع علماء المسلمين

وارجعوا لفديو الشيخ تانى


حتى وانت فى الطيارة مسافر اليبان مثلا والصلا دخلت والى بعديها قربت لازم تصلى ولو مكانك

لو ما بتتحركش ومريض على السرير ومفيش اى قدرة (ربنا يعافينا يا رب)


لازم برضو تصلى وفى الوقت المحدد


والله المستعان

ولازم يكون فى حل

[dr moory]

بس المشكله بقى فى مسجد البنات يبقى ساعه الصلاه زحمه جدا الواحد بيعانى علشان يصلى
بجد كان نفسى يكبروه شويه وده السبب اننا بنتاخر عن المحاضره او السكشن

ودى من احد الاسباب اللى بتخلينا ناخر وقت الصلاة لان المسجد ساعة الآذان او حتى بعده بفترة بيكون من المستحيل دخوله
كان اولى طالما مفيش مراعاة لوقت الصلاة يكون فى مكان اكبر شوية يتعمل مسجد يتناسب مع عدد الكلية
ولو المسجد ده مش هينفع يكبر ممكن يعملوا واحد تانى

[Nour al-islam]

هو فيه حل كده جيه فى دماغى ممكن يخفف الضغط اللى بيبقي ع المسجد بتاع البنات
لو ادارة الكليه سمحت بتشغيل المسجد القديم اللى هو فى الدور الخامس (لو ما كنش له استخدام يعني)وبالتالى ممكن اللى عندهم سكاشن اومحاضرات فى اخر دورين يصلوا فيه
اعتقد انه هيخفف الضغط شويه من على المسجد الجديد

[dr pharma]

أنا عندى حل تانى نفصل البنات عن الولاد ووقت الصلاه البنات تصلى فى السكشن
وبكده هنخفف العبئ على الناس اللى فى المحاضرات
بجد أمنية حياتى نمنع الاختلاط على الاقل فى المعامل
جزاك الله خيرا د/ أحمد على طرح هذا الموضوع
اللهم ردنا الى ديننا مردا جميلا

[رقة القلب]

مشكلتنا في مصر هي اننا مش بنطالب بحقوقنا ليه مش عارف ..

دا كان زمان بس احنا اللى بتهاون فى حق الصلاة
ربنا يهدينا جميعا