اولا احب اشكر جميع الدكاترة اللى اتفاعلوا مع الاقتراح
ثانيا .. انا اقتبست بعض المشاركات بس للتعليق لان كان فيها اقتراحات لتيسير او تفعيل و تنفيذ الاقتراح
وللجميع خالص الود والا حترام ...
المشاركة الأصلية كتبت بواسطة بحلم ببكره
فكرة جميلة
بس لو هتفتحوا النقاش في اللي يخص البلد لازم قبل ما يبدأ الكلام تكون الناس متفقة علي أسلوب وضوابط النقاش
اوافق حضرتك ..
المفروض اصلا اى حد عنده فكرة او راى بيحاول يعرضه لازم يكون ملتزم باداب الحوار
وده مش شىء جديد نسمع عنه ..
فالانسان اللى عنده استعداد انه يدخل فى نقاش لازم يقبله برحابة صدر
ويكون متاكد ان كلامه ممكن يصادف موافقة من ناس وميعجبش ناس تانيين
ودى طبيعة بشرية .. يستحيل كلنا نتفق فى ارائنا
لازم يحترم اراء الاخر مهما كانت مناقضدة لارائه و مهما استفزته ميخرجش عن اداب الحوار
ومحدش يحاول يحول النقاش من نقاش متحضر هادف لصراع شخصى و خصومات
ولازم نعرف بما اننا بنتكلم عن بلدنا .. ان كلنا بنحبها و كلنا عاوزين ليها الخير
وكلنا بنحاول نخليها احسن و عمرنا ما نرضى ليها اذى او شر بس افكارنا لتحقيق كدة ممكن تختلف باختلافنا النسبى ...
واللى عنده اى مقترحات او ضوابط شايفها تانية ياريت يقدمها هنا ....
المشاركة الأصلية كتبت بواسطة thelovertiger
وياريت لو كما ن نزود صفحه ثابته نكتب فيه افكارنا الجيده للاصلاح فقط من غير نقاشات تبقى زى اعلانات وورقة عمل نعملها ونداوم عليها ونشجع بعض بيها ونغير بلدنا للافضل يبقى عندنا ننقاش هنا وهناك نكتب الخطوات الهادفه للاصلاح هناك
يا ترى
ايه رايكم؟
فكرة جميلة جدا برده
و موافقة عليها
وان شاء الله تفيدنا كتير
فى انتظار اراء باقى الاعضاء ...
المشاركة الأصلية كتبت بواسطة mahd reusski
كلام جميل يا دكتوره بس حضرتك بتقولي ساحة حوار ابناااااااااااااء مصر ....... ياريت فعلا يكون نقاش في جميع الاتجاهات من اجل مصر وبدون اي انتمائات اخري ....
الموافق علي هذا القرار يتفضل برفع يده ( موافقه )
خلاص بقه راحت ايام الراجل ده 
هى اسم ساحة حوار مصر .. معناها انها بتضم جميع ابناء مصر كلهم بجميع انتماءاتهم
و الحوار مفتوح و مكفول للجميع ..
و الحوار ان شاء الله فى جميع الاتجاهات و انا ملاحظة ان اغلب الحوارات من بداية فتح القسم ده
نقاشات فى جميع الاتجاهات .. ساعات ببتخرج بس لما احنا بنسمح لها بكدة
وناخد المواضيع بمنظور شخصى .. و انتماءات مضادة لبعضها
مع انى شايفة ان انتماءنا كلنا لبدنا و اللى نبع منه كل الانتماءات التانية
لان كل واحد بيبقى شايف من انتماءه الفرعى ده انه بيدعم اكتر انتماءه الاساسى بشكل افضل
ودى اختلاف فى وجهات النظر ... وده ميخلناش نتعصب او نضايق
بس بقدر الامكان ياريت يا جماعة نحاول نلتزم بالحوار و النقاش فيما يخص اتمائنا الاساسى و الموحد
وهو مصر و مندخلش فى صراعات فرعية لانتماءات فرعية
المشاركة الأصلية كتبت بواسطة asfourelgana
فكرة رائعه والله يا دكتور (ه) فعلا
وانا موافقه عليها جدا لأنى كمان بقيت بتوه وبتخلبط
ده + ان في مواضيع بتتكرر ومواضيع بنتناقش فيها داخل موضوع
وابص الاقيها عنوان لموضوع جديد
فعلا بجد ساعات الموضوع بيبقى بادىء يناقش حاجة معينة و تلاقيه اتحول واتفرع لحاجات بعيدة عن الموضوع الاساسى .. وساعات كتير بيخرج عن معنى كونه حوار بحس انه بقى صراع ...
مرة تانية بشكر جميع الاعضاء اللى شاركوا و اللى مشاركوش
دى بس نقط حبيت اعلق عليها
و فى انتظار باقى مشاركاتكم ..
ضوابط المشاركة
رد مع اقتباس