أساتذة جامعة المنصورة يعتصمون للمطالبة بعزل رئيسها

[المعلم]

أساتذة جامعة المنصورة يعتصمون للمطالبة بعزل رئيسها

خرج المئات من أعضاء هيئة التدريس بجامعة المنصورة اليوم فى مظاهرة حاشدة اتجهت من نادى أعضاء هيئة التدريس بعد الجمعية العمومية الطارئة إلى مقر إدارة الجامعة للمطالبة بإقالة الدكتور أحمد بيومى شهاب الدين وعزل الدكتور هانى هلال "وزير التعليم العالى" لما ارتكبه فى حق مصر وفى حق التعليم خلال فترة توليه المسئولية.

وردد الأساتذة الهتافات "أحلف بسماها وبترابها أحمد بيومى اللى خربها" و"واحد اتنين بيومى قاعد فين"، "اطلع بره يا جبار جبت للمنصورة العار" و"اطلع بره يالا وغور خلى الجامعة تشوف النور".

واتفق أعضاء هيئة التدريس على مواصلة احتجاجاتهم ضد رئيس الجامعة حتى يرحل عنها ويتقدم باستقالته وأكدوا على اعتصامهم غدا أمام إدارة الجامعة والدعوة لاعتصام كل العاملين بالجامعة يوم الأحد القادم وأطلقوا عليه "يوم الرحيل" وقالوا إنه سيشارك فيها أكثر من 10 آلاف، إلا أن عددا من أعضاء هيئة التدريس أكدوا أن رئيس الجامعة رحل بالفعل ولم يتبق سوى الإعلان الرسمى عن ذلك وأنه لم يحضر إلى الجامعة منذ ثلاثة أيام.

كانت إدارة الجامعة قامت بعمل أبواب حديدية بدلا من الأبواب الزجاجية على مدخل الإدارة وعلى مكاتب رئيس الجامعة خوفا من قيام المحتجين على سياسات رئيس الجامعة من اقتحامها.

[Hedy]

الحمدلله انه رحل و هانى هلال حصله كمان الوقتى لانهم فعلا مقدموش لينا اللى يخلينا نبقى عليهم

يارب اللى جاى يكون أحلى

[لؤلؤه النيل]

والله اللى انا اعرفه ان رئيس الجامعه المبجل انضرب من كام يوم فى مكتبه





بالجزمه

[Dr_r.m.m]

اللى اتولى التربية والتعليم والتعليم العالى وزير التعليم العالى الاسبق

[mahd reusski]

يارب يكون التغيير للاحسن ان شاء الله

[NeScaFE]

طيب الدراسة كده هتتاجل ولا الاسبوع الجاى عادى ؟

[star]

د أحمد جمال الدين وزير التربية والتعليم الاسبق هو اللي مسك التعليم والتعليم العالي وبقي فيه وزارة البحث العلمي مسكها د عمرو عزت سلامة

[تابعة محمد]

بسم الله الرحمن الرحيم
جالى اخبار مؤكده ان فعلا رحل عن منصبه و الجامعة الان تحت رعاية الجيش بشكل مؤقت .

[د///*مطحونة*\\\]

ايه دة يا جماعة هو مش كان اتضرب باين
انا سمعت كدة
عموما ايا كان
يارب يبقى اللى حصل دة فيه فايدة لينا جميعا كطلبة او دكاترة او كعاملين داخل الجامعة
ويارب رئيس الجامعة القادم يكون حد الجامعة تتقدم على ايده
لان جامعة المنصورة بجد تستاهل انها تبقى فى مكانة اكبر من كدة

[محمد_على_سلام]

معلش يا جماعة ممكن حد يقولى ايه مشاكل رئيس الجامعة ده لانى بصراحة معرفش حاجة عنها؟؟؟؟؟؟؟؟
يا رب القادم يكون افضل