باي باي 48 ساعة

[بحلم ببكره]

أطاح حسن راتب رئيس قناة المحور وعضو الحزب الوطني بـ سيد علي وهناء السمري وبرنامجهم "48 ساعة" ، وقدمهم كبش فداء للثورة .
وتعمد سيد وهناء الإساءة لشباب الثورة وقاما بدور مشين طوال أيامها ، خاصة بعد أن استضافا فتاة تدعي أنها كانت ضمن شباب التحرير وأنها تلقت تدريبات في أمريكا لقلب نظام الحكم مقابل الأموال ، وهو ما تم كشف زيفه فيما بعد .

وغير سيد علي وهناء السمري موقفهما بمجرد إسقاط النظام ، وقال سيد علي أن زوجته وأبنائه شاركا بها ، لكن ذلك لم يكفي لتنظيف موقفه الأوليّ منها .

وطلب الفنان أحمد عيد في مكالمة هاتفية عنيفة سيد وهناء ، بالكف عن الموالسة والنفاق وتحمل تبعات موقفهم حتى النهاية او الاعتذار للشعب المصري عما بدر منهم ، ثم أغلق الهاتف في وجههم .

ويأتي طرد سيد علي وهناء السمري بعد أن طالب الشباب بمقاطعة قناة المحور .

وداوم المطرودان على إستضافة الخونة عبد الرحيم علي و نبيل شرف الدين لمهاجمة أعداء النظام البائد وتوجيه السباب الفاحش لمعارضيه .
______________________________

دا خبر قابلني وأتمني يكون حقيقة .. لكن مش متابعه

فهل حصل فعلا ؟؟؟

[meramar]

مش عارفه بردو مؤكد ولا لا
بس اتمنى انه يكون صح فعلا
ده عقاب ربنا
"الا وشهادة الزور"
وهما شهدوا زور كتير وافسحوا المجال لشهداء الزور

[د///*مطحونة*\\\]

انا فعلا سمعت الخبر دة بس انا الحمد لله مش متابعاهم
واتمنى يكون حقيقة لكن زى ماحضرتك زكرت فى الخبر
كبش فدا لرئيس القناة اللى انا شايفاه اصلا هو والمذيعين بالطاقم بتاع الاعداد لازم يتسرحوا او يتقاضوا بتهمة التضليل الاعلامى اللى عملوه سواء هما ولا الصحفية اللى جابوها عشان تقول الكلام دة
--------
سيد على فى حوار تليفونى ليه فى احد البرامج قال انهم مالهومش اى علاقة بالبنت اللى طلعت تتكلم دى وقال انها واحدة دخلوهالوا على الهوا وسابها تتكلم
طب فين الميزداقية والتاكد من المصدر اللى هو ابسط مبادىء الصحافة والاعلام خصوصا لما يبقى فى حوار خطير وفى وقت حرج زى دة؟!وخصوصا ان الحوار طلع فشنك!وروجوا ليه
الى جانب بقا التهجم والتهكم الاعمى والشديد على الثورة والموالاة للنظام فى الصح او الخطا
اعلام مدفوع الاجر م الاخر
وفى رايى الشخصى هناء السمرى دى لا تصلح اصلا انها تبقى مقدمة برامج معرفش ازاى فكروا يجيبوها على قناة بحجم المحور وواضح انها تطبعت بطباع التليفزيون المصرى من ايام ماكانت مراسلة فيه
لكن وارجع واقول مجتش عليهم
المحور والتليفزيون المصرى عملوا طبخة بايتة فكروا انها هتخيل عالناس
اعلام فاشل اوصفه بكلمة واحدة
اعلام نص كم
بل لايرقى انه يكون اعلام نص كم

[asfourelgana]

طيب كويس كده عشان يبقى يساندو النظام كويس

صحيح لكل ظالم نهايه

[ضياء القلب]

ده ابسط جزاء لكل من تبع النظام ده
النهارده ف برنامج مصر النهارده كان فيه لقاء مع عبد اللطيف المناوى طبعا غنى عن التعريف
الحوار صراحه كان مولع وزاد اكتر لما انس الفقى كان فى مداخله تليفونيه واد ايه كان بيدافع عن منظومة
قطاع الاخبار والاسلوب المستفز اللى كان بيتكلم بيه مع محمود سعد
حلقه ساخنه فعلا

حسبى الله ونعم الوكيل

[asfourelgana]

بالرغم من انى مش من محبين البرنامج ده

لكن بردو بحمد ربنا ان دولة الظلم ساعتها خلصت

[Ahmed Nada]

دا خبر قابلني وأتمني يكون حقيقة .. لكن مش متابعه

فهل حصل فعلا ؟؟؟

يعني حضرتك مش متأكد جايب الخبر ليه؟؟

[بحلم ببكره]

لأني مقاطع البرنامج دا من زمااااان قوي ومش بتابعه وعايز أعرف مصيره



بس

[آيه محمد]

انا مش فاهمه ليه العدوانيه دي عليهم يا جماعه
انا كنت متبعاهم والناس كانوا دايما بتكلموا علي مصلحه البلد
ولما البنت دي لعت علي الهوا واتكلمت كانت بتقسم بالله
وهم كانوا قاعدين يقلوالها مش مصدقين
وبعدين هم مش جهه تحقيق عشان يتأكدوا هي كده ولا لا

بس مش معقوله كل اللي بيوافقكوا الرأي تحبوه وكل اللي يتعارض نديله علي دماغه
مع ان في رأيي هم كانوا وسطيين في كل حاجه
كانوا حياديين بيعرضوا الرأي والرأي الآخر

بصراحه انا مش عارفه ايه العدووانيه دي كلها
ممكنا اكون انا غلط
بس في تربيتي اني ما اتطاولش ابدا علي حد اكبر مني ولو كان مخطئ
لان طباع الانسان مش المفروض انها تتغير لانه بيتعامل مع شخص حلو ولا وحش
المهم يا ريت اللي مش كان متابعهم ميعلقش
لان ده بيصغره

[L SMA7Y]

لا بصراحه اللي عجبني اكتر

لقاء محمود سعد مع عبد اللطيف المناوي ( رئيس مركز الاخبار ) امبارح

محمود سعد طلع كل اللي في قلب الواحد من ناحيه التليفزيون المصري

ومكنش بيكلمه علي انه محاور لا بيكلمه علي انه مواطن مصري كان بيتابع كل القنوات وشاف ان التلفيزوين المصري كان اقلهم مصداقيه

وكمان مكالمه انس الفقي وعمار الشريعي امبارح

بحس ان الناس دي عماله تفضح بعضها وان في رموز كتير كنا شايفينها كبيره واحنا مخدوعين فيها