الحق شقة

[Dr/HULK]

عندنا فى المنطقة فى مشاريع سكنية جديدة

المفروض انها هتتسلم (المفروض)

هى خلاص خلصت من شهر والناس بدأوا يستلموها

النهاردة بعد صلاة الجمعة
ناس راحت تتظاهر وناس روحت البيت

وناس بقى نشرت فكرة الحق شقة

المبانى الجديدة اللى مفيهاش ناس بدأ يحصل عليها هجوم من الناس فى المنطقة

كل عاطل او بلطجى بيجرى يكسر باب شقة ويقعد فيها

ولا حياة لمن تنادى

كلهم من الناس اللى ساكنين فى الايواء من سنة 92
والحكومة وعدتهم بمساكن ومخدوش حاجة من ساعتها

دى البداية بس

اما نستنى بقى ونشوف رد فعل الناس اللى حجزت ودفعت فلوس فى القرعة عشان المساكن دى


خربها وراح شرم

ياريت بقى نشوف بلدنا ونحافظ عليها لانها بجد بتتدمر
البلطجية بقوا يقفوا فى الطرق المقطوعة بمسمى (اللجان الشعبية)

[NeScaFE]

المنطقة دى فين بالظبط ؟؟

[Dr/HULK]

المنطقة دى فين بالظبط ؟؟

المجزر (مدينة الفردوس اسمها الحقيقى)

اللى يعرف عوض الله الجديد هيلاقى المدينة جنبه

بس ايه الناس منظمة نفسها كل واحد جاى وجايب معاه جيرانه عشان ميحسش بالغربة

انا صعبان عليا فلوس الناس اللى اتدفعت فى الشقق دى
اتخطفت منهم فى غمضة عين عشان البطىء فى تسليم الشقق لاصحابها

وفى نفس الوقت الناس اللى خدوا الشقق يستحقوا فعلا شقق
دول بقالهم اكتر من 18 سنة فى مزبلة صنعت منهم بلطجية وتجار مخدرات و......و.......اكمل الفراغات

[NeScaFE]

مخدرات و.... ..حرامية ......................و.........قتلة .................اكمل الفراغات

ايوه قرايبى فى المجزر بس معرفش عوض الله ده لانى مش بروح هناك


وهيا الناس عملت الثورة دى من شوية مهو عشان مش لاقيين ياكلوا ولا يسكنوا

بس لحد دلوقتى حلو ربنا يهديهم بقى ويمشوا

لو فرضنا ان الوضع استقر والبلد هديت شوية الناس اللى دفعوا فلوس دى هتعمل ايه ؟؟

[SHEREIF]

الغلط بقى علينا دلوقتى
لو فضلنا كدة ومفوقناش من اللى احنا فيه هايحصلنا اكتر من كدة
لازم الامن يرجع البلد لازم نلتزم بالقوانين لازم الناس دى تروح بيوتها لازم نرجع نعمر اللى خربناها بادينا

[Dr/HULK]

مخدرات و.... ..حرامية ......................و.........قتلة .................اكمل الفراغات

ايوه قرايبى فى المجزر بس معرفش عوض الله ده لانى مش بروح هناك


وهيا الناس عملت الثورة دى من شوية مهو عشان مش لاقيين ياكلوا ولا يسكنوا

بس لحد دلوقتى حلو ربنا يهديهم بقى ويمشوا

لو فرضنا ان الوضع استقر والبلد هديت شوية الناس اللى دفعوا فلوس دى هتعمل ايه ؟؟

محدش عارف هيرجعوا الفلوس للناس ازاى

دا اذا كان فيه معلومات بتتكلم عن البلد هتقترض من البنك الدولى لاعادة الحياة الاقتصادية لمصر تانى

يعنى الديون هتزيد تانى

الغلط بقى علينا دلوقتى

لو فضلنا كدة ومفوقناش من اللى احنا فيه هايحصلنا اكتر من كدة
لازم الامن يرجع البلد لازم نلتزم بالقوانين لازم الناس دى تروح بيوتها لازم نرجع نعمر اللى خربناها بادينا

بصراحة انا شايف كده
دا الشارع بقى فيه كمية اسلحة
زمان كان اى حد معاه سيف او مطوة بيخبيها عشان خايف من العساكر

دلوقتى عيل ميعديش 10 سنين ماشى بسيف بيرتاخم بيه على الناس

انا اول مرة فى حياتى اشوف زفة فرح بالسيرف

50 واحد تقريبا ماشيين وراهم عربية المسجون والمسجونة (مكنوش شكل عرايس خالص)

وبعد كده عملوا دايرة من البنزين فى الشارع وولعوها ووقفوا يرقصوا جواها ومدش من اللى فى الشارع بقى عارف يعدى ولا يتكلم

[NeScaFE]

ليه والناس اللى بيحققوا معاهم دول الفلوس بتاعتهم هيودوها فين

دى كفيلة لوحدها تسدد ديون مصر

[same7]

على رأيك يا شريف

لا وايه
دلوقتى تمشى تشم البانجو ف اى حته وف اى وقت
وغير السيوف زى ما بتقول والسكاكين
لا وواحد يقوله خبيها
يقوله يا عم معدش ف حكومه
البلد بلدنا

لا وسمعت ان وصلت اسعارها ل300 جنيه

ليه
سكينه ب 300 جنيه



امين يا شريف

-----

ليه والناس اللى بيحققوا معاهم دول الفلوس بتاعتهم هيودوها فين

دى كفيلة لوحدها تسدد ديون مصر

ده عمو احمد عز

لازم نأمم البنك اللى فلوسه فيها عشان نعرف نتحصل عليها
لانها زى بنوك سويسرا كده


لان ارصدته ف البنوك العاديه فاضيه


م اكيد الناس دى مش هبله يعنى
عشان ميحطش ف حسابه ان هيجيله يوم زى ده
ويتعمل فيه كده

لا ويمكن يطلعهم بره


تخيلوا كده لو ثروه عائله ابيه حسنى 70 مليار

لو اخدنا منهم مليار واحد اتوزعوا علي ال 86 مليون
كل واحد يطلعله كام


ومش عايزين الباقى

لكن ف المشمش

[Dr/HULK]

دلوقتى تمشى تشم البانجو ف اى حته وف اى وقت

من مصادر موثوق منها تماما

البانجو قل فى البلد

لكن الحشيش رجع تانى

على رأيى واحد رجعت ايام الدماغ العالية

ليه والناس اللى بيحققوا معاهم دول الفلوس بتاعتهم هيودوها فين

دى كفيلة لوحدها تسدد ديون مصر

دول يسددوا ديون مصر

كنا حسبناها تبعا لثروة الرئيس

ميزانية الدولة سنويا من 20 ل25 مليون دولار

يعنى ثروة الرئيس تكفى شعب مصر اصلاحات ومرتبات وانشائات

3 سنين وحبة

[same7]

دول يسددوا ديون مصر
كنا حسبناها تبعا لثروة الرئيس
ميزانية الدولة سنويا من 20 ل25 مليون دولار
يعنى ثروة الرئيس تكفى شعب مصر اصلاحات ومرتبات وانشائات
3 سنين وحبة

يا لهوى على قرك ده يا اخى

قر عليه بقى
اخص عليك
حسود وحقود


ده ف مقام ابيه يا خلاف