مش هخاف .. يا رب بكرة يكون جمعة الرحيل

[a_fouda2]

هههههههههههههههه

حبيبى يافوده

انت اكتر والله
بس شيئ مستفز والله بطريقة تضحك

تصدق يا دكتور اه بس اكيد كل واحد بيحاول يوصل وجهه نظره لتاني

للاسف كل واحد بيشوف كل كلمة وكل خبر من منظروه هو بس ومن فكره هو
ومحدش بيحاول ينظر من جميع الزوايا للموضوع ويشوف ايه وجهات النظر التانية المختلفة

حضرتك بتستغربي من ايه ؟؟؟

حطي نفسك مكاني واحد عاش طول عمره في الغربه بعيد عن بلده
مكنش بيشوفها ولا يشوف اهله وحبايبه وناسه الا 50 يوم بس كل سنه
ولظروف معينه معرفش ينزلها من سنه 2008
وفضل يحلم انه ينزل ويعيش ويستقر فيها ويدخل كليه محترمه
والحمد لله ربنا كرمني ودخلت صيدلة المنصورة ونزلت مصر في شهر 7 اللي فات
وقعدت فيها لوحدي من غير اهلي اللي نزلوا كالعاده 50 يوم ورجعوا تاني
وللاسف الشديد اني خرجت من السعودية نهائي ومينفعش ارجع تاني
وبعد 6 شهور بالتمام والكمال الاقي الحلم الجميل اللي حلمته من سنتين بيتهد وبيسود
البلد واتخربت والله اعلم الايام الجاية مخبية لينا ايه ؟؟ واذا لا قدر الله حصل ما لايحمد عقباه واتقلبنا لتونس تانية
طبعا انا الا هعرف ارجع السعودية ولا اهلي هيعرفوا يجوا هنا والله اعلم اذا كانت سنه اولى كليه هتكمل ولا هتخرب هي كمان جات عليها هي يعني
افتكرت اني هخش المنتدى هلاقي دكاتره مثقفين و متعلمين بيستنكروا كل اللي بيحصل لمصر وبيدعوا للهدوء
لكن اتخميت كالعاده ولقيت ان اللي بيولع الدنيا هما اكبر الناس سن و عقل " الخريجين "
واحد رايح الميدان وبيولع الدنيا قبل ما يمشي والتانيه عاوزه مبارك يمشي والتالت بيدافع عن الجزيرة

وطبعا كعاده الشعب المصري كل واحد بيفكر لنفسه و لمصلحته
مش حاسين باللي زيي كده قاعد بعيد عن اهله وقعد يومين ميعرفش يكلمهم
ولا حاسيين بالغلابه اللي زمانهم يا عيني مش لاقية القمة الحاف بسبب الشلل اللي مصر فيه
ولا بالمساكين اللي بيعتمدوا على المعاشات وفات 5 ايام من الشهر ولسه مش عارفين يقبضواها
ولا حاسين بأي حاجة

وقال ايه كانت اسرتي هتنزل نهائي في شهر 6 اللي جاي لكن بعد اللي حصل ده ينزلوا يعملوا ايه هناك احسنلهم طبعا

مش عاوزاني اتمنى الموت دلوقتي !!!!!!

اولا يا دكتور احمد ربنا يطمنك على اهلك و ييجوا بالسلامة ان شاء الله

مش شرط انك تلاقي كل الناس ليها وجهة النظر بتاعتك
و معظم الخريجين اللي حضرتك بتقول عليهم اشتغلوا وحسوا بالظلم بعض الشيئ في حياتهم العملية وان كانت صغيرة فلازم توقع منهم التفكير المعارض لمبارك تماما
حاجة كمان احنا دولة قايمة على نظام امني وبوليسي مش من تلاتين سنة بس من ساعة الثورة من سنة 52
والدليل على كده ان اول تعامل للدولة مع اي تصرف بيبدأ بتعامل الامن معاهم الاول ولو فشل يبدأوا يشوفوا اي حل تاني زي ما بيحصل دلوقتي فككيد لازم يكون في انعدام ثقه عند الناس من الدولة لأن ده شيئ موجود فينا من يوم ما عنينا شافت الدنيا في البلد دي

بس انا عاتب عليك ان حضرتك مش قابل وجهة النظر التانية تماما
اختلاف الرأي لايفسد للود قضية

_________

معلش بس يا جماعة بالنسبة للمسجونين وحكاية المعتقلات
انا مسمعتش اي حاجة موثوقة عن انهم في المعتقلات بتاعة الحكومة
كل اللي سمعته ان الناس شافوهم بيتخطفوا من جهات غير معلومة
الله اعلم الجهات دي مين
بس وارد جدأ اي جهة ملهاش مصلحة في استقرار البلد يكون ليها دور
ووارد برده تكون الحكومة

[Ahmed Nada]

د/ *Jessy*
ربنا يكملك بعقلك ويكتر من امثالك ... انا هقوم اعمل بنصيحتك
د/ yojeena مع احترامي لكلام حضرتك الا اني شايفه غلط ومش وقته ولا محله

تصبحوا على خير وحفظ الله مصر وشعبها من كل سوء

-----

بس انا عاتب عليك ان حضرتك مش قابل وجهة النظر التانية تماما
اختلاف الرأي لايفسد للود قضية

تحياتي ليك يا دكتور ..
وربنا يطمنك زي ما طمنتني بكلمتك
و اختلاف الرأي لايفسد للود قضية
تصبح على خير

ويا ريت متكونش زعلان مني لا انت ولا اي حد تاني

[*Jessy*]

د/ *Jessy*
ربنا يكملك بعقلك ويكتر من امثالك ... انا هقوم اعمل بنصيحتك
د/ yojeena مع احترامي لكلام حضرتك الا اني شايفه غلط ومش وقته ولا محله

تصبحوا على خير وحفظ الله مصر وشعبها من كل سوء

-----

تحياتي ليك يا دكتور ..
وربنا يطمنك زي ما طمنتني بكلمتك
و اختلاف الرأي لايفسد للود قضية
تصبح على خير

ويا ريت متكونش زعلان مني لا انت ولا اي حد تاني

اكيد كلنا هنا اخوات طبعا في المنتدي ومهما ان تضاربت ارآئنا سنظل اخوات
وربنا يطمنا جميعا ويوفقنا لما يحبه ويرضاه

ويارب احفظ مصر وشعبها

[yojeena]

للاسف لما تبقي شايف الحقيقه غلط يبقي ماتعيبش ع الزمن و الظروف

يا جيسي يا حبيبتي

الناس اللي انتي لسه بتدافعي عنهم الوقتي هما شباب 25 يناير

واللي مرميين في السجون يومها كانوا بالالاف

و اللي ماتوا ايامها دول بقي نظامهم ايه في حساباتك؟؟

كانوا برضه مثيرو فتن و يستاهلوا اللي يجرالهم؟؟

هوا احنا ليه بطبيعتنا عايشين بقانون المصلحه

تخدي اللي انتي عاوزاه و بعد كدا يروح في داهيه

لكن انا مش مستغربه كان بيتقال اكتر من كدا من اسبوعين و لما الناس طلعت و عملت حاجه بقينا بنحبهم و لما خلاص اخدنا اللي عاوزينه بقوا وحشين

لا حول ولا قوة الا بالله

[*Jessy*]

للاسف لما تبقي شايف الحقيقه غلط يبقي ماتعيبش ع الزمن و الظروف

يا جيسي يا حبيبتي

الناس اللي انتي لسه بتدافعي عنهم الوقتي هما شباب 25 يناير

واللي مرميين في السجون يومها كانوا بالالاف

و اللي ماتوا ايامها دول بقي نظامهم ايه في حساباتك؟؟

كانوا برضه مثيرو فتن و يستاهلوا اللي يجرالهم؟؟

هوا احنا ليه بطبيعتنا عايشين بقانون المصلحه

تخدي اللي انتي عاوزاه و بعد كدا يروح في داهيه


لكن انا مش مستغربه كان بيتقال اكتر من كدا من اسبوعين و لما الناس طلعت و عملت حاجه بقينا بنحبهم و لما خلاص اخدنا اللي عاوزينه بقوا وحشين

لا حول ولا قوة الا بالله

يا قمر والله مش قصدي حاجه بس الظروف والخوف والتوتر اللي عشناه خلاني كرهنا اللي حصل ده يا حبيبتي اما يوصل بيكي الحال انك تنامي والسكينه جنبك ده اسمه ايه ؟؟ اما تلاقي جيرانك بيوتها بيتكسر عليها وبتتسرق ده اسمه ايه ؟؟؟
اما تلاقي ناس كتيره تعرفيها ماتت عشان كانت في لجان شعبيه وبتحافظ علي بيتها ده اسمه ايه ؟؟
فطبعا كل اللي حصل ده خلاني اقول انا عاوزه الامان احسن من اي كنوز الدنيا كلها

هو ده اللي اخدته بقي موت ورعب وخراب ديار ومحدش راضي يستني عشان نشوف النتيجه ...

انا طبعا مش ضد الشباب دول بالعكس انا معاهم جدا وكنت متحمسه اوي للحركه بتاعتهم وربنا اكيد هايكرمهم لانهم عملوا حاجات مكناش نحلم بيها
بس للاسف دلوقتي انا لاقيت الموضوع دخل في احزاب وجماعات وحاجات غريبه والشباب دول نفسهم قالوا احنا خلاص سبنا المظاهرات مقابل ان مطالبنا تتنفذ يبقي الموجودين دول ايه بقي ..
ماسمعتيش البنت اللي بتقول احنا كان كل مطالبنا محاربه البطاله والفساد والغلاء فجاءه لاقوا ناس تانيه غريبه نصبت خيام في التحرير وقعدت تحت اسمهم وبقوا بيتكلموا عن حاجات تانيه ودستور وكلام تاني هما اصلا مش نازلين عشانه

عشان كده انا خفت لاني حاليا شايفه مافيش داعي لوقف الحال ده هما خلاص ربنا يجازيهم وعملوا اللي عليهم يستنوا بقي ونشوف النتايج وكفايه دم لغايه كده هو ده قصدي لكن انا لابدينهم ولا معترضه علي اللي عملوه
بالعكس انا بدعلهم كتير

نسيت اقولك يا جميل انك اتهمتيني بالمصلحه واني باخد اللي عاوزاها وبعدها بقول روح في داهيه وانا مش هرد علي حضرتك في النقطه دي لاني اكبر من كده وعمري مكنت كده

بس انا اللي حاليا اخدته هو الرعب والخراب والموت ووقف الحال هو ده اللي اخدته عشان الناس معندهاش صبر وكل واحد عاوز كل حاجه تتحل وقتي وانا مش هاوقف حياتي عشان ناس معندهاش صبر

ربنا قال ان الله مع الصابرين

هو ده اللي انا اخدته بقي وبالطريقه دي هيضيعوا كل حاجه حصلت في يوم 25

[yojeena]

"Those who choose security over liberty deserve neither." -Benjamin

Franklin
-----
و الرعب و عدم الامان اللي حسيتي بيه لفتره قليله كانت نتيجته ايه؟؟

اخدتي و عود (الله اعلم هتتنفذ ولا)كتيره ماكنتيش تحلمي بيها

مافيش حريه من غير تمن

[*Jessy*]

"Those who choose security over liberty deserve neither." -Benjamin

Franklin
-----
و الرعب و عدم الامان اللي حسيتي بيه لفتره قليله كانت نتيجته ايه؟؟

اخدتي و عود (الله اعلم هتتنفذ ولا)كتيره ماكنتيش تحلمي بيها

مافيش حريه من غير تمن

NO Comment

لا التمن مش يبقي بيتي واهلي واماني
من ترك الجدال له الجنه

تصبحوا علي خير

[kannoone]

طب نتكلم بالعقل الناس الي عملت المظاهرات بتاعت 25 يناير كانوا بشتكوا من البطالة ومن سوء الاحوال الاقتصاديةومن ضعف الاجور ............الخ

هل الي احنا فيه دلوقتي مش بطالة ، و وقف حال , دي حتي الناس الي كانت بتشتغل مش عارفة تروح شغلها انا واحدة من الناس انا وزمايلي الي في المنصورة خايفين نروح شغلنا في الوحدات الصحية الي برة المنصورة , اقسم بالله عمري ما حسيت بمعني كلمة الامن الا لما بجد فقدناه .
والناس الي كان عندها مشاريع صغيرة ومحلات تجارية او حتي سركات مشكلها اتخربت وكل الموظفين الي فيها بقوا في الشوارع ، يعني الي مكنش راضي بمرتب صغير زمانه بيتمني اصغر منه دلوقتي .
يعني مبقاش عاطل بس وكمان غير آمن لا علي نفسه ولا علي بيته .
والمطالب كلهابتتحقق دلوقتي يا جماعة ندي للناس فرصة تشوف شغلها وبلاش وقف الحال والدمار والخراب الي احنا بقينا فيه بقة .
مين ياجماعة هيعوضنا المليارات الي خسرناها احنا عايزين اصلاح بجد ولاعايزين فوضي وغوغاء وخراب ,(وعند)ماكفاية بقة زهقنا.

[toqaa]

الي كل مصري مصري بجد خايف علي بلده بجد ...
مش كفاية كدة كفاية خراب ودمار
منذ ساعات اتضربت احد انابيب الغاز الموصلة بين مصر واسرائيل
ها عايزين ايه تانى هتنتبهو للي بيحصل امتى؟
كل واحد غايته الانتقام والانتقام فقط سواء كان من الريس او غيره
لكن مين اللي بيفكر فمصر بجد
وطنا بيضييييييييع يا جماعة
وطنا بيستغيييييث
كل يوم بيعدى بتزيد المصائب اكتر
هنسكت امتى؟
هنلتفت لبلدنا امتى؟
لما يدخلها العدو؟!!!
حرااااااااااااااااااام بجد والله حرام
عايزة بس حد يفسرلي ايه اللي بنستفيده من العند غير انه كل يوم بتزيد الخساير اكتر واكتر
بتطالبو بفرص العمل وانخفاض الاسعار
وهو كدة البطالة مش بتزيد والاسعار مباقتش نااااار
من حق كل مواطن يقول رأيه لكن مش علي حساب وطنه
ارجوووووووووووككم حطو وطنكم فالاعتبار

[pharmacistina]

قرأت كل التعليقات تقريبا

في فكرة راسخة في عقول المصريين أوي بما ان مستوى الأمية في مصر عالي تلاقيها راسخة أكتر

لازم تطيع الرئيس و تاخد على دماغك و تسكت خليك جمب الحيط محناش قد الناس دي

أبو بكر قال ( أطيعوني ما أطعت الله ورسوله , فان عصيت الله ورسوله فلا طاعة لي عليكم )

دة مين ؟؟ أبو بكر الصديق

تصدير الغاز لاسرائيل أنا أعتقده معصية لله لأن اسرائيل بتضرب المسلمين في فلسطين

ماذا كان موقف مبارك من أحداث الدنمارك و الرسوم المسيئة لرسولنا صلى الله عليه و سلم

الحاكم الذي تباع أرض الدولة و تنهب في عهده ولا يحاسب المجرمين

بتشوفوا برنامج واحد من الناس يا جماعة ؟؟

المؤمن القوي خير و أحب الى الله من المؤمن الضعيف

تلاقي الشخص اللي بيقول فتنة و معرفش ايه هو نفسه اللي اتظلم قبل كدة و معرفش يقول لصاحبه دة حقي و هو نفسه الجبان اللي شاف منكر في الشارع مرضاش يلتفت و يقول لأ

فاكرين انتخابات مجلس الشعب و التزوير اللي حصل فيها ؟؟؟؟ فاكرين احنا اتكلمنا فيها على صفحات المنتدى هنا

رئيس عايز مجلس الشعب يكون تعيين مش انتخاب و المفروض انه دور مجلس الشعب مراقبة الرئيس أصلا و المحافظة على ثروات الدولة و مراقبة الموازنة العامة للدولة
الناس اللي بتقول نعم لمبارك
هم دول الناس اللي اتربت على انها تمشي جمب الحيط و دي ثقافة توارثوها من أهلهم

من لم يهمه شأن المسلمين فليس منهم

كل الفكرة اني شفت مساوئ حكم مبارك و سقطاته الكثيرة و طول عمري مبحبش مبارك ( أقصد من يوم ميلادي لأني معرفتش رئيس غيره )

مشكلتنا اننا شعب عاطفي قلبه قبل عقله

طيب يا عاطفيين مبيصعبش عليكم كل واحد بيموت من الجوع في مصر ؟؟؟ كل واحد عايز علاج و مش لاقي

طيب يا جماعة نعم لمبارك , ايه رأيكم في العلاج على نفقة الدولة اللي أصبح حصر على أعضاء الحزب الوطني
ايه موقف مبارك من القضية الفلسطينية انحاز لليهود و ترك المسلمين
نقعد نقول ميصحش اللي مبارك بيعمله دة و لما يجي وقت الضربة نتراجع و نقول انها الفتنة

هو عشان منعملش فتنة نتنهب و نقول السمع و الطاعة

أنا اللي أعرفه ان الاسلام دين عزة و كرامة و دين قوة

الئيس نطيعه على عيننا و راسنا لما نكون انتخبناه بجد مش انتخابات مزورة و الكل عارف انها مزورة
ذل مصر ذل للعرب كلهم ,

و الله المصري عمره ما هان ولا اتذل الا في عهد مبارك

أنا مش عايزة مبارك , نفسي يحكم مصر انسان بيحب مصر و بيحب دينه و يفكر في فلسطين و يقاطع اليهود و لا يحميهم

الناس هتقول أصل الرئيس أبونا , أب مين مش فاهمة ؟؟ الرئيس موظف دولة دوره انه يديرها , لو الموظف دة طلع مش كويس و لا يحسن ادارة الدولة نعزله و نجيب غيره

هي دي الفكرة