مش هخاف .. يا رب بكرة يكون جمعة الرحيل

[*Jessy*]

ماذا بعد الرحيل ؟؟؟؟
علي فكره لو مبارك رحل كل الحكومه هترحل واولهم النائب طبعا وبالتالي كل المطالب اللي طلبناها هنستني بقي علي اما نختار رئيس جديد وطبعا هيبقي برده بالدستور القديم وبعدها يبقي الرئيس الجديد ده بقي يبقي يشوف مطالبنا
واللي انا متاكده منه ان فيه عناصر خارجيه ورا الموضوع ده ومستنيين رحيل الرئيس علشان يسببوا فوضي في البلد والاحزاب كلها هتقتل في بعض شويه عاوزين اخوان وشويه البرادعي وشويه ايمن نور وشويه بيعيطوا علي مبارك هنلاقي بقي قوات حفظ السلام عندنا هنا بحجه بحافظ علي الامن ويا مسهل بقي لو طلعت تاني
وبعدين الانسان اللي يربط دماغه بشخص نفسه يبقي مش بيعرف يفكر بمعني انا دلوقتي يهمني ان البلد تتصلح مايهمنيش الرئيس مين مبارك ولا غيره مش يهمني المسميات انا يهمني الاصلاح
ودلوقتي لقيناهم بيقولوا هنصلح البلد ماشي نستني بقي ونسيبهم يصلحوها انشالله يكون الرئيس مبارك ولا حتي عبده البواب المهم الاصلاح
لكن مش نربط نفسنا ان مبارك لازم يمشي حتي لو فاق وصلح من البلد وهو فعلا ابتدي يصلح لابرده لازم يمشي مش عارفه ايه التفكير ده ؟؟؟


بس ماتنسوش ان مش كل اللي في التحرير دلوقتي هما شباب 25 لا فيه احزاب وناس تانيه بتجري علي مصالحها عشان كده المفروض احنا ناخد هدنه عشان الناس دي تتكشف

هرد علي حضرتك بالرد ده
-----

معلش يا جماعه سؤال هوا كل الناس اللى فى الجيش نزلت تحرس البلد
يعنى مفيش جيش على الحدود دلوقتى خالص
ده كده الجيش فيه حبه قليلين اوى

لا طبعا اكيد فيه جيش علي الحدود وسمعت انهم تقريبا 800 جندي بس وكمان سمعت ان اسرائيل بتجهز جيوشها علي الحدود وربنا يسترها من عنده

[Dr.A7med]

برده ده كلام كتبته في نفس الموضوع وده ردي علي الكلام ده .. ويا ريت حضرتك تقرأي بتمعن يمكن رسالتي توصلك

أ

كيد ناس كتير مشغولة بالتداخل في الموضوع .. اخوان .. نظام برادعي أحزاب معارضة أطراف كتيرة ده بالإضافة للأجانب
أنا مشكلتي مش مع أشخاص أد ما هي مع البلاتفورم اللي موجود .. مش فارق معايا مبارك أد ما فارق معايا الدستور والنظام اللي ماشية بيها البلد
أوضح أكتر .. اصراري الشديد علي رحيله هو بسبب عدم ثقتي فيه وده شعور كتير جدا مننا .. والحاجة اللي عايزها ان يبقي فيه دستور وقوانين من خلالهم صندوق الانتخابات يبقي الحكم .. صندوق الانتخابات لو صدق هيحمينا من كل الأطراف الكتيرة .. لأن ببساطة أي حد هييجي هيبقي قصاده معارضة قوية تقدر تقف ليه .. تقدر تسحب الثقة من حكومته مثلا .. والشعهب يقدر يخليه يمشي .. هيبقي في كلام عن صلاحيات الرئيس ومحاكمته .. نظام المساءلة هيحمي الشعب من كل الأطراف دي .. حاجة كمان مهمة جدا .. انك في الآخر تقدري بقوة الشارع تمشي اللي مش عاجبك
بالنسبة للبيت الابيض والأجانب واسرائيل وكدة أحب أطمنك .. أي كلب هيحب يتطاول علي مصر سواء بشكل مباشر أو من خلال محاولة الاختراق الفكري والثقافي هيفكر ألف ألف مرة بعد ما شافوا الشباب اللي جمع بين أسمي درجات الشجاعة والقوة والإصرار والوعي والعزيمة .. الحاجات دي ما تجتمعش في حد ينفع تضحك عليه أو تهزمه بسهولة .. بقول لكل الناس اللي بتقول اسرائيل وأمريكا .. احنا عندنا رجالة (تاكل الزلط)
أفراد الداخلية مليون و400 ألف .. انهاروا في يومين من شباب ( أعزل) .. أي حد يفكر يتعدي علي مصر دلوقتي يبقي بيحكم علي نفسه بالهلاك
وعلي فكرة الموساد فشل في مهمته صاحبة الأولوية العليا وهي هدم البناء المصري وزرع الفتنة الطائفية واختراق الشباب ثقافيا .. كانوا فاكرين اننا تافهين واتفاجؤوا بإننا جامدين أوي أوي .. ومشكلة الفتنة الطائفية اختفت في لحظة
بالنسبة للناس اللي بتتكلم عن البديل .. البلد فيها إعلام فاشل ومسيس ومنغلق . عندنا كوادر (جامدة أوي أوي أوي ) ومش ظاهرة علي الساحة .. ومش بتكلم علي عمرو موسي والبرادعي .. مع احترامي ليهم احنا عندنا ناس أقدر علي قيادة البلد .. وعلي فكرة معلومة للي مش عارف .. عندنا حاجة اسمها مركز الأهرام للدراسات السياسية والاستراتيجية .. ده لوحده يكفينا وفيه ناس جامدة جدا جدا جدا في جميع المجالات .. وده علي سبيل المثال لا الحصر .. ناهيك عن الجامعات واللي فيها .. وده برد بيه علي النرجسية الغبية اللي فيها سيادة الرئيس اللي بيعتبر ان في تنحيه هلاك البلد .. والناس اللي بتقول لو ده مشي مين هيمسك ومين موجود أحسن منه .. بقولهم عندنا كتييييييييييير أحسن منه 1000 مرة فكر وديموقراطية وعقلانية وقدرة علي إدارة البلاد داخليا وخارجيا
فوقوا يا أهل البلد .. بطلوا ترديد واقرأوا يمكن تبان ليكم الحقيقة

[Mohamed Al Gohary]

اه اول مدرعه نزلت كانوا العساكر بيزقوها

لا طبعا يا جماعه مش معقوله ينزلوا اسلحة الجيش الاساسيه يعني ... الدبابه دي اصلا مجرد منظر يعني للارهاب وللتأمين ..

[Amira]

عايزه اسال سؤال ملوش علاقه باللى بتتكلموا فيه
هم البلطجيه دول بيطلعوا البيوت ولا بيقفوا تحت بس؟؟؟

[Ahmed Nada]

عايزه اسال سؤال ملوش علاقه باللى بتتكلموا فيه
هم البلطجيه دول بيطلعوا البيوت ولا بيقفوا تحت بس؟؟؟

بيعملوا اي حاجة ممكن نخطر ع البال

[Mohamed Al Gohary]

بيخطفوا اللى اسمهم أميرة

[dr.monalizaa]

والله يا اميره هو فيه بلطجية اقتحمو بيوت وفلل بالفعل

بيقولوا ان تم القبض على الالاف منهم

بس اكيد لسه فيه منهم ما اتقبضش عليه في وسط الهرج والمرج ده

فأيا كان مكانك اللي انتي ساكنة فيه خدوا بالكوا

[Amira]

بيعملوا اي حاجة ممكن نخطر ع البال

بيخطفوا اللى اسمهم أميرة

الله يطمنكم

ف البيت عمالين يقولولى مابيطلعوش بيوت

اضمن حاجه دلوقت ان الواحد يدخل ينام ميصحاش غير الصبح ان شاء الله وخلاص
وبعدين هيسيبوا الدور الاول والتانى والتالت ويجوا على الرابع ...استحاله الا اذا كانوا سرقوا براشوتات الحكومه كمان

والله يا اميره هو فيه بلطجية اقتحمو بيوت وفلل بالفعل

بيقولوا ان تم القبض على الالاف منهم

بس اكيد لسه فيه منهم ما اتقبضش عليه في وسط الهرج والمرج ده

فأيا كان مكانك اللي انتي ساكنة فيه خدوا بالكوا

بقالى اسبوع كل ما اسال على حاجه عشان حد يطمنى يقوموا مخوفنى اكتر
الواحد ينام ويحط الحامل جنبه وخلاص تحسبا للظروف

[Ahmed Nada]

الله يطمنكم
ف البيت عمالين يقولوا مابيطلعوش بيوت
اضمن حاجه دلوقت ان الواحد يدخل ينام ميصحاش غير الصبح ان شاء الله وخلاص


بقالى اسبوع كل ما اسال على حاجه عشان حد يطمنى يقوموا مخوفنى اكتر
الواحد ينام ويحط الحامل جنبه وخلاص تحسبا للظروف

ومين بس جايله نوم
حد عنده اي معلومات عن عودة الدراسة ؟؟

[*Jessy*]

مهو دلوقتي يا دكتور لو رحل كل المطالب دي هتتاجل لغايه اما نختار رئيس جديد وهتبقي في فتره 60 يوم بس وطبعا في الفتره دي مش هنلحق نغير الدستور فهنكرر تاني نفس الغلطه وهنختار طبقا للدستور القديم وبرده مش هيبقي فيه نزاهه في الانتخابات ولا حاجه وبعدين نضمن منين ان كل الشباب الموجود حااااااااااااااااااااااليا في التحرير هو 25 دول كلهم ناس غرضها الاساسي احداث الشغب والفوضي عشان مصلحتهم دخول امريكا هنا اصلا ...
والرجاله اللي تاكل الزلط الداخليه انهاروا مش عشان شباب اعزل لا طبعا كانوا ناس جماعات تانيه خالص مسلحه كانت بتضرب السجون بالطلقات الناريه وتخرج المساجين وفي منهم ناس تبع حماس وتبع الاخوان وتبع احزاب تانيه ماشفتش حضرتك الناس اللي راحت غزه اللي هربوا من السجون دول .. وبعدين اكبر دليل ان دول جماعات منظمه ان كل الاقسام في كل المحافظات انضربت في نفس الوقت .. كل السجون في كل المحافظات كان عليها سطو مسلح واتفتحت في نفس الوقت ..
اللي عمل الكلام ده مش الشباب الاعزل لان المصري مايخربش في بلده ولا يفتح السجون عشان يهرب مساجين
يعني امريكا والدول دي ممكن تيجي وتموتنا كلنا برصاصها ودبابتها لانناز ي ما بتقول شباب اعزل...

حضرتك سمعت الولد اللي علي قناه المحور اسمه سليمان بيقول ان الناس اللي خربت الحزب الوطني وكسروا الاقسام كانوا جماعات اسلاميه وقعدوا يقولوا لازم نهزم الكفار ونكسر التماثيل وقعدوا يخربوا في البلد وبيقول ادوله قنبلتين وهو حفر جنب نخله وخباهم هناك وكانوا بيمشوهم بالعافيه وبيقولك ناس تبع تنظيم القاعده وجوه ميدان التحرير الناس اللي هناك معاهم 23 الف قطعه سلاح .. وبيقول روحوا فتشوهم
وكانوا حبسينه ومش عاوزينه يخرج وهرب منهم وفضلوا يضربوا عليه رصاص واخدت طلقتين في رجله وبواب خباه عنده لغايه الصبح
بتسمي ده ايه حضرتك الشباب برده .... دول جماعات والله اعلم تبع مين ولا ايه , البلد كده ابتدت تخرب وداخله علي كارثه بجد عشان كده لازم نفوق ..

ادينا عملنا مظاهره وقالوا هاينفذوها نستني ونشوف ولو معملوش حاجه ادينا عرفنا ميدان التحرير
احنا ماشي عندنا شباب جامدين بس برده لازم نفكر بقي مش مظاهرات مظاهرات مظاهرات .. ودم وناس بتموت نستني بقي ونشوف هايحصل ايه الدنيا مش هطير ...

دي وجهه نظري وارجوا انها تكون وصلت ... ومعلومه عاوزه اقول لحضرتك ان انا من القاهره وبين التحرير وبيتي تلت ساعه وداريه جدا بالاحداث وكل حاجه بتحصل في البلد

ربنا يحمي مصر وشبابها ويهديهم