حضرتك نسيت سبب رابع انه خايف حد تانى يموت ودمه يترمى على الارض زى دم غيره ماهو مرمى
حضرتك نسيت سبب رابع انه خايف حد تانى يموت ودمه يترمى على الارض زى دم غيره ماهو مرمى
لا .. ما هو ده أكتر واحد مش فاهم
كل واحد حر فى رأيه
وبكره هيبان كل حاجه ان شاء الله ومين اللى كان صح ومين اللى غلط
ربنا يعدى الايام دى على خير
وبرده في اصوات كتيره بتقوله احنا معاك ... وماشي حتي لو احنا مش معاه وعاوزينه يرحل ...المشاركة الأصلية كتبت بواسطة ...مصر...
ماذا بعد الرحيل ؟؟؟؟
علي فكره لو مبارك رحل كل الحكومه هترحل واولهم النائب طبعا وبالتالي كل المطالب اللي طلبناها هنستني بقي علي اما نختار رئيس جديد وطبعا هيبقي برده بالدستور القديم وبعدها يبقي الرئيس الجديد ده بقي يبقي يشوف مطالبنا
واللي انا متاكده منه ان فيه عناصر خارجيه ورا الموضوع ده ومستنيين رحيل الرئيس علشان يسببوا فوضي في البلد والاحزاب كلها هتقتل في بعض شويه عاوزين اخوان وشويه البرادعي وشويه ايمن نور وشويه بيعيطوا علي مبارك هنلاقي بقي قوات حفظ السلام عندنا هنا بحجه بحافظ علي الامن ويا مسهل بقي لو طلعت تاني
وبعدين الانسان اللي يربط دماغه بشخص نفسه يبقي مش بيعرف يفكر بمعني انا دلوقتي يهمني ان البلد تتصلح مايهمنيش الرئيس مين مبارك ولا غيره مش يهمني المسميات انا يهمني الاصلاح
ودلوقتي لقيناهم بيقولوا هنصلح البلد ماشي نستني بقي ونسيبهم يصلحوها انشالله يكون الرئيس مبارك ولا حتي عبده البواب المهم الاصلاح
لكن مش نربط نفسنا ان مبارك لازم يمشي حتي لو فاق وصلح من البلد وهو فعلا ابتدي يصلح لابرده لازم يمشي مش عارفه ايه التفكير ده ؟؟؟
بالنسبه بقي للفوضي اللي في البلد هو فعلا بسبب وزير الداخليه حبيب العادلي حسبي الله ونعم الوكيل فيه عشان الرعب اللي كنا فيه ده
بس ماتنسوش ان مش كل اللي في التحرير دلوقتي هما شباب 25 لا فيه احزاب وناس تانيه بتجري علي مصالحها عشان كده المفروض احنا ناخد هدنه عشان الناس دي تتكشف
لا فيها رجاله وجيش بس خلاص الايام دي كل حاجه في البلد قوتها ضعفت والجيش اللي في وسط البلد ده مش مكانه هنا اصلا المفروض يبقي علي الحدود يحمينا من بره دلوقتي لو اي بلد ضربتنا يبقي بالسلامه مش هناخد في ايديهم 4 ساعات لان الجيش عندنا هنا اصلا
بالنسبه بقي لو مبارك مات يبقي في الحاله دي اللي هيمسك مكانه هو عمر سليمان لغايه اما ينتخبوا رئيس جديد هنبقي برده مش في فوضي
بالنسبه للامن المركزي فهو طبعا غلطان وغلطه منه جدا هو المفروض يحمي المنشأت الموجوده ومالوش دعوه بالمظاهرات
بالنسبه للجمال والخيول فحضرتك غلطان ... دول ناس من نزله السمان ناس غلابه بيأجروا الجمال والحنطور بتاعهم للسياح وعيشتهم باليوميه طبعا السياحه انضربت وحالها اتوقف
عرفوا ان السبب في ده المتظاهرين اللي في التحرير لانهم ناس مش متعلمين وعلي نياتهم يعني راحوا وبكل غشوميه يضربوا فيهم والمتظاهرين موتوا منهم اتنين دول لا الحكومه مسلطاهم ولا غيره
وعاوزه اعرف احرر بلدي من ايه هو احنا في احتلال ولا حاجه هي حرب يا جماعه .... خلاص عرضنا المطالب وبتتنفذ عاوزين ايه دم تاني
ربنا يهديكوا
يستحسن بلاش ذكر اسماء لانهم مهما ان كانوا زمايلنا برده وعلي راسنا من فوق ..
وقناه الجزيره عميله طبعا
ياريت يا د/ أحمد حضرتك تقولنا ايه الهدف من المظاهرات تاني مع ان تلت تربع المطالب بتتنفذ اصلا اهي
ولا علي رأي أميره نفسكوا تشوفوا ناس بتموت .. علي فكره انا شفت ناس بتموت وفيه ناس كتيره اعرفها وماتت ياريت كل واحد قبل مايتكلم يتقي ربنا في كلامه
أي طريق للأمن وحقن الدماء غير إقامة دولة العدل والصراخ في وجه الظلم هو طريق مسدود
ممكن حضرتك توضح اكتر
دي مشاركة كتبتها في موضوع تاني .. لو مطلوب توضيح أكتر أنا تحت أمرككلمة أخيرة أحب أقولها .. الناس اللي بتتكلم عن الفوضي والخراب اللي البلد هتبقي فيهم لو مبارك رحل .. والناس اللي بتتهم شباب التحرير وكل الشباب " المجاهد" في مصر بالغباء والفراغ والطيش وعدم الخوف علي البلد .. لو فكرتم شوية صغيرين هتلاقوا ان في طريق وحيد للأمن والأمان وعدم الفوضي .. واتحدي ان يكون في طريق تاني .. الطريق ده هو إقام دولة العدل والقضاء علي دولة الظلم .. الطريق ده هو قول كلمة الحق في وجه الظلمة .. حكمت فعدلت فأمنت فنمت يا عمر .. أي حد يدعي ان الخضوع للذل والرضا بالظلم هما الطريق لتحقيق الأمن والأمان في البلد يبقي بيبص من نضارة مشروخة ..
أي حد يقول سيبوا مبارك يكمل عشان البلد ماتخربش يبقي بيدور علي الأمن بالسكوت عن الحق .. وهيهات هيهات .. الساكت عن الحق شيطان أخرس
كفاية عاطفة .. أقيموا الحق في أنفسكم تستقيم لكم الدنيا .. وطبعا كلنا عارفين الحق ده بنجيبه منين
معلش يا جماعه سؤال هوا كل الناس اللى فى الجيش نزلت تحرس البلد
يعنى مفيش جيش على الحدود دلوقتى خالص
ده كده الجيش فيه حبه قليلين اوى
لا طبعا دي قوات معينه .. الجيش كله بخيره موجوده متقلقيش ..
فيه حاجه اسمها جيش اول وتاني وتالت ورابع ميداني ..
مش للدرجه دي يعني
والله يا جماعة أنا شفت الدبابات والمدرعات في المنصورة وقلت لو هو ده جيشنا يبقي يا داهية دقي .. بقالنا 30 سنة جعانين وبنقول عشان جيشنا يبقي قوي .. والآخر المدرعات قديمة جدا وتعبانة ع الآخر .. واللي يقرب منها هيلاقي الدهان بتاعها مشقق والمعدات شكلها مستهلكة وقديمة .. لدرجة ان يقال ان في مدرعة عطلت في السويس والناس اديتلها زقة
ضوابط المشاركة
رد مع اقتباس
