انا بجد بعتذر اذا كان بدر منى اى كلام غير لائق فى حق حد
وبعتذر اكتر انى شاركت ف الحوار لان مكنش نفسى ان الحوار بينا يوصل لهذه الدرجه
واحنا ف الاخر بنتناقش يعنى الامر لايحتاج اننا ندخل فى امور اخرى ليس لها علاقه بالموضوع الاصلى
اسال الله ان يهدينا جميعا
وجزيتم خيرا كثيرا
بصوا يا جماعه اولاااااا حطوا في بالكم الجملة دي
"Those who choose security over liberty deserve neither." -Benjamin Franklin
طيب هنرجع للموضوع من الاول خالص
ايه رأيكم في تتابع التطورات في خطاب الرئيس
افتكروا الخطاب اللي قاله الاول
و الخطاب الثاني
وقولولي ايه رأيكم؟؟؟؟؟؟
المشاركة الأصلية كتبت بواسطة yojeena
تصرفات مين يا دكتورة ...
لو اللي طلعوا امبارح مؤيدين لمبارك الف ولا 5 ولا حتى 10 كنا قولنا انهم متاجرين
لكن اغلب مصر طلعت تؤيد ليه مش معقوله دول كلهم متأجرين
الحل دلوقتي اننا لازم خلاص نرجع بيوتنا و نشوف مصالحنا و مصالح البلد اللي متعطلة دي
وندي فرصه للحكومة الجديده اللي هتمشي لما مبارك يمشي
والنائب قال انه مش هيترشح لا هو ولا ابنه ..
يبقى نهدى ونرجع زي ماكنا ونشوف الناس دي هتعمل ايه
صدقوني في اصلاح البداية بدأت مع قرار النائب العام النهارده
انا سمعت بردو انهم بيفكروا يدوا 500 جنيه كل شهر لكل عاطل بحث عن وظيفة ولم يجد
واذا مبارك لعب بديله نرجع للميدان تاني وتالت وعاشر ..
بس خلاص مصر دلوقتي مش مصر زمان صحته وسنه يمنعوه اصلا من الترشيح زمان مكنش في شباب 25 يناير
لازم بكره يعدي على خير علشان مصر
كلنا ماشين ومصر هي اللي هتفضل
ولا انتم عاوزين امريكا تجيب جيشها هنا ونبقى سودان تانيه ...
فعلا يا دكتور حضرتك بتقول فيها .. عندنا في القاهره في يوم من الايام كده لاقينا ناس في سوبر ماركت وبتصرخ الجيش راح يشوف مالهم قالوله ان التاجر عاوز يبيع كيس السكر ب 10 جنيه
تتخيلوا بتاع الجيش قالهم ايه ؟؟ قالولهم ادخلوا هاتوه واضربوه لان احنا عندنا تعليمات محدش يزود ولا مليم
الناس دخلوا جابوه وضربوه واشتروا كيس السكر بنفس السعر بتاعه واخويا كان واقف دخل جاب كيسين سكر وجه
ربنا يهدينا بجد ونحافظ علي البلد دي
لكن عايزين ناكد علي ان ده سلوك فردي
المنتدي يحتفظ بقيمته الكبيره لدينا جميعا ولن يؤثر علي حبنا او اتصالنا به ....
احييك يا دكتور
انا وصل بيا الحال انى اشيل شومة وسكينة لاول مرة ف حياتى عشان ايه ابقا ماشى ف امان الله ويطلعلى بلطجى يقلبنى (بس الحمدلله محصلش) اروح اقف قدام القسم الاقيه محروق ومتكسر والاهالى مع الجيش بيحاولو يصلحوه عشان ظباط الداخلية ينزلو يشوفو شغلهم
كما قال يحيى الفخرانى(لك الله يا مصر)
أنا هقولكم الحل من وجهة نظري
بدل الناس مش عارفه تفكر في حل يرضي جميع الاطراف
.
.
لجنة شعبيـــــــــــــــه مكونه من شخصيات عامه تراقب كل تصرفات الحكومة
زي مين مثلااااا ....
زي حمدي قنديل و مصطفي بكري و ابراهيم عيسي ....معز مسعود.....احمد زويل و طبعا قضاه مشهود ليهم بالنزاهه
واي حد يرشحه الشباب يكون خبره في علوم السياسه و الاقتصاد و القانووووووون
انا مش عارفه الناس اوي لكن بلدنا مليااااااااانه ناس علماء و خبراء يفهموا احسن مننا
اعتقد دا حل وسط ولا انتو ايه رأكم؟؟؟؟؟؟
عشان بس اللي متخيل اني مثيره للفتن و بيتهم الناس بالظلم بدون وعي يعرف اللي جوايا
واني زيكم بحب مصر و خايفه عليها مش اي حد بيقول رأي مخالف يبقي خاين حرام كدا
نفسي نبدأ بصفحة بيضا مش نصها ابيض و النص التاني اسود
ملوث بدماء اخواتي و اخواتكم بدون اي محاسبه
ارجووووووووووووووووكم ارجوووووووووووووووكم فكروووووووووووووووووووا
بلاش انقياد ورا اي رأي
هنتحاسب علي كل كلمه قدام ربنا
اللهم اعف عنا جميعا و اهدينا للحق يا ارحم الراحمين
عندك حق والله انا اخويا نزل بالسكينة وحديد مع الجيران ووقفوا فى الشارع طول الليل عشان يحمونا
حرام عليكم البلد حالها واقف وهتدخل على خراب
عايزين نلحق نصلح اللى اتكسر
ابسط شىء عايزين نكمل تعليمنا
يا رب قادر على كل شىء احمينا واحمى مصر
هههههههههههههههههههههههه
هو حضرتك بتقول فيها . طب انا وصل بيا الحال اني اتحدف بالطوب
وكمان انام وحاطه السكينه جنبي وطول الليل مبعرفش انام من ضرب الرصاص والرعب اللي عايشين فيه
ده لو هياخدوا مني كل ملايين الدنيا بس اعيش في امان وسلام هاتديهم لكن حرام كده بجد
وعلي فكره دلوقتي سمعت ان الامن شغال يعتقل في ناس كتيره
والصراحه بيني وبينكم يستاهلوا بقي انا مش عارفه هما عاوزين ايه تاني هايحققوليهم كل اللي عاوزينه وبرضه مصريين علي الشغب والبلطجه يبقي احسن انهم يعتقلوا كفايه خراب
ودلوقتي سمعت بيان ان مبارك بيقول انه ممكن يقدم استقالته فورا بس هو خايف علي مصلحه البلد وهو فعلا عنده حق لانه راجل عسكري وفاهم وكفايه انه مهربش زي بقيه الرؤساء اللي بيهربوا من اول مظاهره في بلادهم
لكن مسألناش الراجل ده متمسك اوي كده ليه بالبلد وعاوز يموت علي ارضها ليه ... لانه بيحبها وراجل خاض حروب كتيره وعارف عواقب اللي ممكن يحصلها لو ملهاش رئيس
ومتقعدوش تقولوا هو عاوز يقعد عشان ينهب في البلد لا هو اصلا مش محتاج عنده كل حاجه بس هو فعلا حاليا خايف علي امن البلد لانه اكيد اتعلم من البلاد واللي حصل فيها
وهو لو قدم استقالته من بكره هتلاقي امريكا هنا عندنا لان اول حاجه هتحصل في البلد الاحزاب دي كلها هتتشاكل تاني وهيبقي فيها فوضي وناس اصلا خارجيه متخصصه انها تعمل فوضي وشغب وهوبا هتلاقي قوات حفظ السلام جت نطت هنا وقالت لغايه اما يحصل استقرار
وانسوا بقي انها تخرج تاني ... يا جماعه فكروا شويه ومتضيعوش كل اللي شباب 25 عاملوه
كفاااااااااااااااااااااااااااااااااايه خرااااااااااااااااااااااااااااااااااااااااااب
يارب احفظ مصر
-----
مهو خلاص يا دوك هيعملوا لجنه الحكماء اهو
اهدوا انتوا بس وسيبوا الحكومه تعرف تتصرف الصبر
انا مقريتش المشاركات غير اول صفحه وبعد كده مقدرتش اكمل
بس فيه كلمتين:
اولاد\فارمسيسنتا:بجد انا كنت بحترمك جداجدا ومن اكتر الناس اللى كنت بحب رأيها ف المنتدى
وبعد ما قريت الموضوع.......زاد احترامى ليكى اضعاف مضاعفه ..العقليات اللى عرفت تنجو من غسيل المخ
والتمثيليه اللى اتعملت هى فعلا العقليات الواعيه المثقفه مش مجرد ناس حافظين كلمتين عن الاستقرار وفجأه بقى الشعب كله خبير فى السياسه الخارجيه ونظرية المؤامره وهما مالهمش فيها اصلا ..اتفق معاكى فى كل كلمه من اول كلمه لاخر كلمه..جزاكى الله كل خير
د:احمدندا:شفت مشاركاتك ف اول صفحه بس ومكملتش الباقى ..هى كلمه واحده "[size="4"]عيييب"[ ومادام مش قارى كويس يبقى السكوت افضل../size]!
التعديل الأخير تم بواسطة meramar ; 04-02-2011 الساعة 02:00 AM
ضوابط المشاركة
رد مع اقتباس