استفتاء تقييم امتحان الصيدلانيات

[dr.lobna]

اصل فى ناس قالوا ان د/عبد المنعم قال الى مش هيكتب درجه الالكنتى هينقص والى مكتبش السرفساكتف اجينت بتاع الويتنج هياخد صفر
ايه الكلام دا ؟؟ الكلام دا صحيح ؟؟
طمنونا ربنا يستر

نطمنك ايه بقي ياحاجة انتي خليتي فيها اطمئنان دا انتي وجعتلنا بطننا ع الحاجة الوحيدة اللي صح
انتي جايبة الكلام دا منااا ؟؟؟

[reham1991]

هو احنا امتى هنطلع من امتحان كويسين وحلين كويس؟؟؟؟؟؟؟؟؟؟؟

ان خايفه الترم يعدي من غير مانجرب الشعور ده

وانا كمان والله

[محمد سمير]

إمبارح إحنا كنا واقفين علشان الشفوى من الساعة 2 للساعة 6 و دخلت للدكتور إسماعيل رمضان و سألنى سؤال و خلاص مكنتش فاكرة حاجة كله كان طار معرفش بقى هيقدر ظروفنا و لا إيه و الله اللى بيحصل معانا ده كتيييييييييييييير أوى و يا ريت الشفوى ده يتلغى لأن أنا حاسة إن فيه ظلم أوى

ده انتى حظك حلو انك رحتى ل د اسماعيل رمضان

ده احنا كنا بنتسابق عشان نمتحن الشفوى عنده

كده ضمنتى انك مش هتقلى عن 26 من 30 ان شاء الله

شفتى البشره ( بضم الباء ) الحلوه دى

[rosmary]

والله الامتحان كان كله من المنهج بس طريقة السؤال غريبة وكمان محتاج تسميع كتييير
لكن سبحان الله اكتر مادة كنت بذاكرها واكتر مادة كنت بحبها ودخلت الامتحان بلا ذاكرة
يارب أعدى فى المادة دى المادة الاساسية فى صيدلة انا لا أتخيل شكل الدكتور وهو بيصحح وشايف الورقة بيضاء زى الفل ربنا يستر على باقى المواد انا متفائلة
ولقد اصبحت اتسم بالبرود والاحباط

والله نفس حالي بالظبط
متتخيلوش منظري كان عامل ازاي وبابا بيسالني عملتي ايه في الامتحان
وانا بقوله حليت وحش
راح رد عليا وقلي امال صيدلنيات ايه اللي انتي قعده ارفانا بيها واعده تذاكري فيها طول السنه
امال هتعملي ايه في بقية المواد؟......................وتبقي الاجابه علي هذا السؤال لغز يحير الجميع
الي ان يسترها ربنا علينا ويرزقنا بمعجزه عشان ننجح السنه

[dinaaaa]

نطمنك ايه بقي ياحاجة انتي خليتي فيها اطمئنان دا انتي وجعتلنا بطننا ع الحاجة الوحيدة اللي صح
انتي جايبة الكلام دا منااا ؟؟؟

عمتا انا كمان قلقانه ويمكن اكثر منكم وشكرا لحضرتك على الكلام
بس الكلام ده من منتدى اخر
ممكن يتفتح والكلام موجود بس حبيت اتاكد من منتدى كليتنا

[M.32L]

انا متفائل انا كمان

[يويو7]

بجد حرام اللي بيتعمل فينا ده وبعدين بيركزوا على حاجات غريبة يارب بجد أنجح أنا أول مادخلت اللجنة مكونتش فاكرة ولاكلمة الحمد لله جاللي زهايمر
وحتى جزء دكتور عبد المنعم اللي كان الوحيد اللي ضامناه طلع عندي أخطاء كتـــــــــــير وطبعا جزء دكتور حسن اللي كان بعض الأسئلة هاخد فيها درجات لإن في باقي الأسئلة الورقة كانت نظيفة جدا هينقص فيها
يـــــــــــــــــــــــــــــارب أنجـــــــــــــح فيها بس ويــــــــارب يبقى فيــــــــه رحمة ف التصحيح

[* lovely heart *]

هههههههههههههههههههههههه
بجد يا جماعة انا عجنى ردودكم اوى
ضحكتونى وانا بقالى يومين مش عايزة اضحك خالص
وانا خايفة ادخل المنتدى من ساعتها وفعلا زى ما انا توقعت انى هيبقى فية حاجات ربنا يسطر
انا كنت داخلة من غير جزء د/مروة وكنت زعلانة بسببة وكمان د/عبدة يطلع فية كل دة ود/حسن كمان بيقف على الوحدة كدة وفى اسئلة كبيرة مش درجتين تلاتة لا لا لا دول عشرة هههههههههه انا هشيل ولا اية ؟؟؟؟؟؟
يلا اشمعنة هو اللى مش هيطلعلنا حاجة غلط
مع ان الكولويدل دة كان زى الفل بردة
انا مش هدخل على المنتدى لا انا هكسر الكمبيوتر او ممكن اراف بحالة واشيل النت دة
اهئ اهئ اهههههههههههههئ ربنا يسامحكم
انا زعلانة والله ابكى على حالى وحالنا كلنا بس ام اخلص الامتحانات
قدر اللة وما شاء فعل الحمد لله على كل حال ربنا عنده العوض فى كل شئ

[Dr.MENO]

بصراحه بعد كل الكلام المثير للتفاؤل ده احب اقولكم
ان الماده بتتشال يا جماااااااااااعه

[aseel]

[quote=Dr.MENO;362389]بصراحه بعد كل الكلام المثير للتفاؤل ده احب اقولكم
ان الماده بتتشال يا جماااااااااااعه
ثاااااااااااااااااااااااااااااااااااااااااااانكس