ساحة حوار الفرقة الاعدادى

[El_Daly]

روق دمااااااااااااغك يا عمر ..انته هتزلنى عشان قولتلى ان الإمتحان هيبقى بروجيكتور

ايه يا أحمد الكلام اللى بتقوله ده هو احنا بنا كده والله أزعل منك

[NonY]

يا جماعة كلكو هتتعلقوا ان شاء الله
صلو ع النبى باة و جاوبوا ع الأسئلة دى :

1- هى النتيجة هتطلع امتى ؟
2- و لا مش هتطلع ؟
3- بكرة هنشتغل بالجدول الجديد ؟
4- لو اه هنبتدى ف السكاشن بالمظلل و لا غير ؟

يللا اللى هيجاوب 3 أسئلة هياخد 4
و اللى هيجاوب على 2 هياخد 3
و اللى هيجاوب على 1 هياخد 2
و اللى هيجاوب على 0 هياخد 1

زى الامتحان اللى فات دا بالظبط

[Aésmaïl]

صلو ع النبى باة و جاوبوا ع الأسئلة دى :

عليه الصلاه والسلام ..طيب هجاوب

1- هى النتيجة هتطلع امتى ؟

هيه فى الكنترول من يوم الإتنين ...وهتطلع على الأحد بقى " الله اعلم "

2- و لا مش هتطلع ؟

ازاى بس .... بس ياريت مش تطلع

3- بكرة هنشتغل بالجدول الجديد ؟

شوووووووور ولكن الله اعلم

4- لو اه هنبتدى ف السكاشن بالمظلل و لا غير ؟

مش عارف بس اغلب الأحوال غير المظلل


انا جاوبت 4 هاااااااااخد 5 بقى

[NonY]

ههههههههه
اوك خمسة و نجمة كمان

شكرا أو ميرسى ع المعلومات

[morkos_adel]

أزيكوا يا أحلى فرقه في الكليه ...... أنا بقالي زمان ماشاركتش معاكم في المنتدي وعشان كده احب اسألكم سؤال هيبقي مفيد لينا كلنا .....................أيه احلى دكتور بينزل ورق في المواد كلها وبيبقي في مكتبه ايه ؟؟؟؟؟؟؟؟؟ياريت اللي عنده فكره وشايف ورق كويس لدكتور معين من الترم الاول يقولنا وانا همشي برأي الاغلبيه ..........لانى بصراحه في ماده زي الzoology او الphysics جبت ورق كتير وعاوز اقرر الترم ده احلى ورق بتاع مين من العالم دوووووووووووووووول ....ياريت كلوا يشاركنا برأيه

[NonY]

أهلا بيك يا مرقس

انا يا جماعة حلمت ان العشرة الأوائل اساميهم اتعلنوا
و واحد جاى يقوللى من بعيد الأول إسمه : ( أحمد لطفى السيد )

انا مش عارفة الإسم دا جالى ازاى ف الحلم و مش عارفة فى حد بجد اسمه كدا ف اعدادى ؟؟؟؟؟؟؟؟
يا ترى مين أحمد لطفى السيدددد

لا و الإسم جايلى ف الحلم ثلاثى
هههههههه

[!×! XlAnsE !×!]

ازيكوا ياجماعه .....عاملين ايه؟؟ وأخبار المذاكره ايه؟؟

عايزكوااااااا تقولولى رأيكوا بأه فى الفارما.......؟؟؟

[morkos_adel]

أهلا بيك يا مرقس

انا يا جماعة حلمت ان العشرة الأوائل اساميهم اتعلنوا

و واحد جاى يقوللى من بعيد الأول إسمه : ( أحمد لطفى السيد )

انا مش عارفة الإسم دا جالى ازاى ف الحلم و مش عارفة فى حد بجد اسمه كدا ف اعدادى ؟؟؟؟؟؟؟؟

يا ترى مين أحمد لطفى السيدددد

لا و الإسم جايلى ف الحلم ثلاثى

هههههههه

أولا اهلا بيكي يا نوني وأنا سعيد بمعرفتك وياريت أبقي أتعرف عليكي في الكليه .. ثانيا أنا فرحان بالحلم الجميل ده لانه في حد ذاته بشره خير ......لكن هو بصراحه فيه (أحمد لطفي السيد) واحد بس اعرفه من ايام الدراسات بتاعت الابتدائي اللي هو كان مناضل زي مصطفي كامل كده والعالم دول و مؤسس حزب الأمة ورائد الليبرالية المصرية لكن كون ان انتى تحلمى بالاسم ده يبقي عقلك الباطن مشغول أو متاثر بالتاريخ أوووووووي ههههههههههههه . على العموم ان شاء الله بالتوفيق لينا كلنا بس ياريت اسمع رأيك بخضصوص سؤالي

[أمــ هـنـد ــة الله]

اهلا بيك معانا يا دكتور وان شاء الله تستفيد وايانا
بالنسبه للورق انا اعتقد:
عبدالفتاح *******للحيوان
الازلى *********للعضويه
احمد واحمد*****للفيزياء
عمرو الفضالى****نبات
hanoda ********حقوق الانسان
وبرده ننتظر البقيه يقولو رايهم

[hawsalek]

يا جماعة ....لو عندكم دكتور البحيرى فى الحيوان يا ريت تجيبوا الورق بتاعه لانه منظم كتير عن ورق عبد الفتاح
وبجد اللى عايز يبقى كويس
مايعتمدش على كلام عبد الفتاح فى الكورسات لانه بيقول حاجة وتيجى حاجة تانية خالص
اسالوا مجرب
وحاولوا تزاكروا كله وماتسيبوش حاجة هو قال مش مهمة
كلللللللللللللللللللللللللله مهم
شكرا وتقبلوا ردى