تساؤلات...وجواب واحد

[N00R EL _SHAMS]

ربنا يكرم حضرتك يارب

- مدة المسح للمقيم يوم وليلة وللمسافر ثلاثة أيام بلياليهن .

ياريت توضيح

يعنى لو واحد قاعد فى بيته ومثلا الجو برد ممكن انه يمسح ع الشراب طول اليوم وميخلعوش ؟؟؟؟؟

لا منخلعش

الصحابة رضوان الله عليهم كانوا فقراء (معظمهم ) اكيد كان بيتسرب ماية برضو معاهم

سبحان الله

كان المدرسين بيعلمونا خطا طول عمرنا

مش فاهم الصراحة

منا لو ماشى على وضوء ومحصلش اى حدث ايه الى يخلينى اتوضا تانى
(الا لو اردت اصابة اجر الوضوء دا امر اخر )


(مش عارف انتابنى بان ممكن يكون فى لبس فى مسألة المسح على الجورب بانه يشترط فيه اصلا انه يكون ملبوس على طهارة علشان كدا حضرتك سألت السؤال ده تأريبا )

انا اقصد انى مثلا لو متوضيه ينفع انى اصلى مثلا ضهر وعصر ومغرب بنفس الوضوء مش شرط انى اجدد وضوئى تانى بدام مازلت عليه ؟

وكمان حاجه تانيه سالتها لحضرتك قبل كده

لو مثلا بنت ماشيه فى الشارع وحد خبط فيها"يعنى لمس هدومها مش هى نفسها " غصب عنه او فى الزحمه

كده وضوئها ينقض ولازم تجدده ؟؟؟؟؟؟

[noureleman]

السلام عليكم ورحمة الله وبركاته

جزاكم الله خيرا ونفع بكم

بالنسبة لموضوع المسح على الجوارب أنا كنت قرأت في كتاب فقه السنة في باب الوضوء أنة يجوز أيضا المسح على الخف والأحاديث بصدد هذا الموضوع كثيرة ومنها حديث المغيرة رضي الله عنة قال : (رأيت رسول الله علية الصلاة والسلام يمسح على ظاهر الخفين) رواه أحمد وابو داود والترمذي وحسنة


كنت عايزة أسأل فيما يخص بحكم التعامل مع البنوك الإسلامية
وما قيمة النصاب الذي يخرج عندة الزكاة (أنا أعرف إنة 85 جرام ذهب بس عايزة ما يعادلة نقدا)


آخر سؤال إن شاء الله:
لو حبيت أطلع رحلة مع صحباتي تبع الكلية هل ده ينفع مع غياب المحرم مع العلم بتوافر الصحبة الآمنة

وجزاكم الله الفردوس

[تابعة محمد]

بسم الله الرحمن الرحيم
جزاكم الله كل خير احنا كنا محتاجين موضوع زى ده من زمان قوى و ياريت لو يكون مثبت .
السؤال انا عارفه اجابته مقدما بس :-
انا البنت الوحيدة و بحب والدتى كتيييييييييييييير بس لانى الوحيدة مطلوب منى طلبات كتير فاحيانا بجى فى نهاية اليوم و مش بقدر اعمل حاجة و ممكن اعملها و انا مضايقة فياترى يكون على وزر ؟
سؤال تانى معلش :-
لغاية سن كام بعدها الطفل يبدا يتحاسب على اخطاءه و ياترى احنا مش هنتحاسب على ايه حاجة خالص حتى لو سرقنا مثلا او كدبنا و اى حاجة تانية .
سؤال اخير بعترف انه رخم :-
ما مصدر صحة اجابات حضرتك و ياترى نعتمد عليها بنسبة 100% و معلش متزعلش منى .

[احمد شبند]

يعنى لو واحد قاعد فى بيته ومثلا الجو برد ممكن انه يمسح ع الشراب طول اليوم وميخلعوش ؟؟؟؟؟

ايوة طوال اليوم

يعنى مثلا لو اتوضيت للعشا وبعدين لبست الشراب وصليت ونمت وصحيت الفجر امسح عليه والظهر والعصر والمغرب كذلك مادمت لبسته على طهارة ومخلعتوش طول اليوم

انا اقصد انى مثلا لو متوضيه ينفع انى اصلى مثلا ضهر وعصر ومغرب بنفس الوضوء مش شرط انى اجدد وضوئى تانى بدام مازلت عليه ؟

ايوة ينفع

ولكنه مخالف لأكثر فعل النبى الذى قال ( لايحافظ على الوضوء الا مؤمن )

وانه كان يتوضأ لكل صلاة فلما كان فتح مكة صلى الصلوات الخمس بوضوء واحد

ومن هذا الدليل أخذت مشروعية صلاة اكثر من صلاة بوضوء واحد...

لو مثلا بنت ماشيه فى الشارع وحد خبط فيها"يعنى لمس هدومها مش هى نفسها " غصب عنه او فى الزحمه

كده وضوئها ينقض ولازم تجدده ؟؟؟؟؟؟

لا ينقض الوضوء

وهذا يحدث كثيرا فى الطواف بالبيت

السلام عليكم ورحمة الله وبركاته

وعليكم السلام ورحمة الله وبركاته

جزاكم الله مثله

بالنسبة لموضوع المسح على الجوارب أنا كنت قرأت في كتاب فقه السنة في باب الوضوء أنة يجوز أيضا المسح على الخف والأحاديث بصدد هذا الموضوع كثيرة ومنها حديث المغيرة رضي الله عنة قال : (رأيت رسول الله علية الصلاة والسلام يمسح على ظاهر الخفين) رواه أحمد وابو داود والترمذي وحسنة

تمام بارك الله فيكم

كنت عايزة أسأل فيما يخص بحكم التعامل مع البنوك الإسلامية

دى من المسائل النازلة الى فيها كلام كتير

بالنسبة للبنوك الى فى بعض دول الخليج زى بنك الراجحى مثلا الى فى السعودية اكثر اهل العلم على انه حلال لخلوها من التعاملات الربوية

بالنسبة لعندنا فى مصر بنك فيصل

اختلفت فيه الافتاءات

الشيخ ابو اسحاق والشيخ محمد حسان يفتون بالجواز

( ولا اعلم ان كان رجع اى منهم حفظهم الله عن هذا الرأى )

الشيخ مصطفى العدوى بيفتى بالتحريم

وذكر انه ذهب وجلس مع المسؤلين فى البنك وشرحوا له طريقة التعاملات ومن هنا افتى بذلك

فلك الاخذ باى من فتوى

ولكنى اميل الى فتوى شخنا الشيخ مصطفى حفظه الله


والله أعلم

وما قيمة النصاب الذي يخرج عندة الزكاة (أنا أعرف إنة 85 جرام ذهب بس عايزة ما يعادلة نقدا)

تمام

بحسبها حسب قيمة الجرام فى وقتها وطبعا قيمته غير ثابتة وبتتغير من يوم للتانى

يعنى اشوف قيمة الجرام كام وقتها واضرب فى 85

وجزاكم الله مثله

انا البنت الوحيدة و بحب والدتى كتيييييييييييييير بس لانى الوحيدة مطلوب منى طلبات كتير فاحيانا بجى فى نهاية اليوم و مش بقدر اعمل حاجة و ممكن اعملها و انا مضايقة فياترى يكون على وزر ؟

الثواب والعقاب بيد الله وحده

وحضرتك تأريبا جاوبت نفسك وربنا يعين حضرتك

ولكن نصيحة

لازم تعاملنا فى البر بالاباء انه يكون زى اى عبادة بنعملها ونحتسب الاجر

يعنى زى الصلا والصوم والحج

فى الحج مثلا

المناسك بتكون شاقة جدا جدا

ولكن مع اعانة الله وفضلة بنشعر بارتياح وفرح بفضل الله علينا

ربنا يرزقنا جميعا

كذلك البر نحاول بكدا

ولا يعين على ذلك الا الله وحده

فنستعين على ذلك بالدعاء وبالتخفف من الذنوب

فكل ما زادت الذنوب كل ما انعدم التوفيق فى هذا الامر بالذات والله المستعان.

غاية سن كام بعدها الطفل يبدا يتحاسب على اخطاءه و ياترى احنا مش هنتحاسب على ايه حاجة خالص حتى لو سرقنا مثلا او كدبنا و اى حاجة تانية .

الصراحة لم اسمع احد من اهل العلم تكلم فى هذه المسأله

هبقى ادور ان شاء الله

ما مصدر صحة اجابات حضرتك

زى ما قلنا فى الاول هننقل عن أهل العلم مما اثق به

وتوضيح

فى فرق بين الفتوى وبين الحكم الفقهى

يعنى حكم الصلاة ايه.... واجبة

طب واحد اسمة كذا وحصلوا كذا وكذا تبقى يعمل ايه ... دى فتوى لازم عالم مؤهل للفتوى هو الى بيرد .

فأى سؤال على هيئة فتوى لازم عالم يكون جاوب وانا انقل الاجابة

لكن لو حكم فقهى زى مثلا سؤال اليوم والليلة دا سؤال عن حكم فقهى وعن كيفية تنفيذة فلا يشترط النقل فيه

وجزاكم الله خيرا

ياترى نعتمد عليها بنسبة 100%

لا طبعا

قال الامام الشافعى رحمه الله

كلامى صواب يحتمل الخطأ وكلام غيرى خطأ يحتمل الصواب

فنسدد ونقارب بحول الله

معلش متزعلش منى

ربنا يكرم حضرتك


بارك الله فيكم جميعا

فى أمان الله

[noureleman]

دى من المسائل النازلة الى فيها كلام كتير

بالنسبة للبنوك الى فى بعض دول الخليج زى بنك الراجحى مثلا الى فى السعودية اكثر اهل العلم على انه حلال لخلوها من التعاملات الربوية

بالنسبة لعندنا فى مصر بنك فيصل

اختلفت فيه الافتاءات

الشيخ ابو اسحاق والشيخ محمد حسان يفتون بالجواز

( ولا اعلم ان كان رجع اى منهم حفظهم الله عن هذا الرأى )

الشيخ مصطفى العدوى بيفتى بالتحريم

وذكر انه ذهب وجلس مع المسؤلين فى البنك وشرحوا له طريقة التعاملات ومن هنا افتى بذلك

فلك الاخذ باى من فتوى

ولكنى اميل الى فتوى شخنا الشيخ مصطفى حفظه الله


والله أعلم

طيب والكلام ده ينطبق برده على بنك مصر للمعاملات الإسلاميه ؟
بالنسبه لموضوع البنوك فأنا كنت سمعت فتوى للدكتور بكر زكي عوض عميد كلية أصول الدين بجامعة الأزهر وكان الشيخ خالد الجندي مستضيفه في برنامج المجلس على قناة إقرا وقد أفتى بإنه لا مانع في التعامل مع البنوك لإنه عند الإحتفاظ بها في البيت فسيتم إنفاقها بدوم داع أو ستكون عرضة للسرقه وكذلك عدم القدرة على الإتجار بها وبالتالي أجاز التعامل مع البنوك ويكون العائد منها هو الربح الذي كان سيجنيه من التجارة بالمال والله أعلم
(مش عارفه أنا شايفه إن الفتاوى اللي بيصدرها بعض الشيوخ أو الدكاترة زي دكتور بكر أو دكتور سعد الدين الهلالي من باب قول الرسول عليه الصلاة والسلام أنتم أعلم بشؤون دنياكم فمش عارفه أعمل بها ولا لأ)

بحسبها حسب قيمة الجرام فى وقتها وطبعا قيمته غير ثابتة وبتتغير من يوم للتانى

يعنى اشوف قيمة الجرام كام وقتها واضرب فى 85

يعني لو فرضنا مثلا إن سعر جرام الذهب إنهارده 200 جنيه
ده معناه إن النصاب هيخرج عند 200×85 = 17000 جنيه
بس ده كتير أوي يعني إيه يبقى 15000 جنيه وميخرجش عليهم زكاه !!! مش عارفه حاسه إني فاهمه غلط

لو حبيت أطلع رحلة مع صحباتي تبع الكلية هل ده ينفع مع غياب المحرم مع العلم بتوافر الصحبة الآمنة

طيب وبالنسبه للسؤال ده حضرتك مردتش عليه



آخر سؤال إن شاء الله :
إيه الفرق بين الصورة الثابته والصور الفوتوغرافيه مهي الصورة اللي عالموبايل أو الكمبيوتر دي أنا ممكن أطبعها هل في الحاله دي هأعاملها معاملة الصورة الفوتوغرافية
وهل ممكن آخد صور لصحباتي للذكرى ؟

وجزاكم الله خيرا ونفع بكم

[Ramy Saad]

السلام عليكم ورحمة الله

بعد إذن أخي أحمد شبند

طيب والكلام ده ينطبق برده على بنك مصر للمعاملات الإسلاميه ؟
بالنسبه لموضوع البنوك فأنا كنت سمعت فتوى للدكتور بكر زكي عوض عميد كلية أصول الدين بجامعة الأزهر وكان الشيخ خالد الجندي مستضيفه في برنامج المجلس على قناة إقرا وقد أفتى بإنه لا مانع في التعامل مع البنوك لإنه عند الإحتفاظ بها في البيت فسيتم إنفاقها بدوم داع أو ستكون عرضة للسرقه وكذلك عدم القدرة على الإتجار بها وبالتالي أجاز التعامل مع البنوك ويكون العائد منها هو الربح الذي كان سيجنيه من التجارة بالمال والله أعلم
(مش عارفه أنا شايفه إن الفتاوى اللي بيصدرها بعض الشيوخ أو الدكاترة زي دكتور بكر أو دكتور سعد الدين الهلالي من باب قول الرسول عليه الصلاة والسلام أنتم أعلم بشؤون دنياكم فمش عارفه أعمل بها ولا لأ)

لم يفرق العلماء بين التعامل مع البنوك الربوية وفروع المعاملات الإسلامية لنفس البنوك
كمثال ( لا فرق بين بنك مصر فرع المعاملات الإسلامية وبنك مصر )
كلاهما محرم بفتاوى المجامع الفقهية ومنها الأزهر الشريف ( زاده الله تكريما وتشريفا )

بل إن بعض الفتاوى الصادرة بينت أن التعامل مع مثل هذه البنوك هو أشد من ربا الجاهلية !!

أما البنوك الإسلامية فقد صدرت عنها الفتاوى من المجامع الفقهية المختلفة بجواز التعامل معها

[احمد شبند]

طيب والكلام ده ينطبق برده على بنك مصر للمعاملات الإسلاميه ؟

اخونا رامى جاوب حضرتك والحمد لله

وقد أفتى بإنه لا مانع في التعامل مع البنوك لإنه عند الإحتفاظ بها في البيت فسيتم إنفاقها بدوم داع أو ستكون عرضة للسرقه وكذلك عدم القدرة على الإتجار بها وبالتالي أجاز التعامل مع البنوك ويكون العائد منها هو الربح الذي كان سيجنيه من التجارة بالمال والله أعلم

دا كلام بشر

لا يستدل به فلنا قول ربنا ( يمحق الله الربا ويربى الصدقات )

( يعنى مثلا ما ينفعش اقول فلان فقير ومحدش بيتصدق عليه وكل ما يروح يشتغل عند حد ميرضاش يبقى حلال انه يسرق) صعب جدا

( الصحابة كان منهم من يتصدق بالالاف وبيتهم لا فيه مفتاح ولا قفل ولا اى خزنة ولا جنزيل واللصوص كتيييير اكتر من دلوقت بكتير ومع ذلك مجوش على بيت المال وقالوا نحط فيه فلوسنا علشان ما تتسرقش ونعين عليه ميت جندى يحرسوه ....تمام )

لو هناقش بقى من الجهه الاقتصادية وطبعا دا خارج عن الموضوع فدى شوية معلومات تثقيفية كدا

( وارجو عدم الدخول فى مناقشة فى الكلام الى جاى دا علشان دى مجرد وجهة نظر ليا وخلاص )

اايه العلة من تحريم الربامن الجهه الاقتصادية ؟؟

ان تخيل انا معايا الف جنيه حطيته فى البنك الالف جنيه وقف تمام

طيب الالف جنيه معايا جبت بيه اقلام جاف وادتهم لواحد غلبان يسرح بيهم الولد اشتغل وبتاع الاقلام الاصلى باع اقلام
وبتاع قطع الغيار الى مصنع الاقلام بيجيب منه اشتغل

والى بيعمل البلاستك بتاع قكع الغيار اشتغل

والراجل الى بيلف فى الشوارع يلم البلاستك اشتغل

والمواصلات الى هتنقل الكلام دا على المدى الواسع اشتغل

طب ليه يبقى فكرنا عقيم واحط الالف جنيه فى البنك

وبعدين البنك يديها لواحد قرض ياخد الفلوس ويهرب بيه

او يعمل مشروع ويفشل والبنك يدخل معاه فى مشاكل(اوحتمال برضوا يسدد )

وبعدين البنك يتزنق

يضطر انه ينزل سندات ليه

او يدخل البرصة

وفى الاخر الناس تتعامل بفلوس وهمية

وتحصل ازمة اقتصادية عالمية زى الى حاصلة دلوقت فى كل العالم

وهو ان كله مديون لكلة ومحدش معاه فلوس يسدد

دى مجرد وجه نظر علشان نبقى فهمين الدنيا حولينا ماشية ازاى ... واسف على الاطالة

أنتم أعلم بشؤون دنياكم

هذا فى الامور التى ليس فيها نصوص

يعنى اسوق العربية اهيدروماتك ولا مانول

ازرع بالكماوى بتاع شركة مصر ولا شركة اسكندرية

طب دوا الكحة الفلانى اخد معلقة قبل الاكل ولا بعد الاكل

دا موضع الحديث دا لكن هل البنوك ربوية ولا لا دا حكم فقهى...!!!!

يعني لو فرضنا مثلا إن سعر جرام الذهب إنهارده 200 جنيه
ده معناه إن النصاب هيخرج عند 200×85 = 17000 جنيه
بس ده كتير أوي يعني إيه يبقى 15000 جنيه وميخرجش عليهم زكاه !!! مش عارفه حاسه إني فاهمه غلط

لا تمام كدا وهذا له حكمة لا يعلمها الا الله

سنة 98 كنا بنطلع على 3 تلاف جنيه وكنا بنقول دكدا النصاب قليل اوى

لو حبيت أطلع رحلة مع صحباتي تبع الكلية هل ده ينفع مع غياب المحرم مع العلم بتوافر الصحبة الآمنة

نقلا عن شخنا الشيخ مصطفى العدوى حفظه الله :

لم يجز أحد من اهل العلم خروج المرأه دون محرم بمسافة سفر حتى مع توفر الصحبة الامنة

الا فى الحج وحج الفريضة دون النفل والله أعلم .


ودا كتيب قيم جامع المسئلة بشكل جميل اوى

(اجمع المغنم فى حكم سفر المرأه بلا محرم )

حمل من هنا

يه الفرق بين الصورة الثابته والصور الفوتوغرافيه مهي الصورة اللي عالموبايل أو الكمبيوتر دي أنا ممكن أطبعها هل في الحاله دي هأعاملها معاملة الصورة الفوتوغرافية

الثابتة الى هى على الكوبيوتر او الموبايل بيعتبروها صورة وهمية زى الصورة الى بنشوفها لما بنقف ادام المرايا كدا .


لو اطبعت اصبحت تعامل معاملة الصور الفوتوجرافية

وهل ممكن آخد صور لصحباتي للذكرى ؟

كما قال جل مشايخنا

يجب التقلل من مثل هذه الاشياء ( دا طبعا بالنسبة للصورة الثابتة مش الفوتغرافية لان الفوتجرافية كما قلنا لاتجوز الا للضرورة وفقط )

الشيخ ابو اسحاق : فيها نظر كبير .
الشيخ حسان : الاولى الترك .

الشيخ مصطفى : اشياء لاتنفع فى ديننا فالاولى ترك مثل هذه الامور .

[noureleman]

السلام عليكم ورحمة الله وبركاته
د/ رامي بن سعد & د/ احمد شبند
جزاكم الله خيرا وسدد خطاكم ووفقكم إلى ما يحبه ويرضاه

أما البنوك الإسلامية فقد صدرت عنها الفتاوى من المجامع الفقهية المختلفة بجواز التعامل معها

ما أمثلة البنوك الإسلاميه الموجوده هنا في المنصورة ؟

دا كلام بشر

لا يستدل به فلنا قول ربنا ( يمحق الله الربا ويربى الصدقات )

( يعنى مثلا ما ينفعش اقول فلان فقير ومحدش بيتصدق عليه وكل ما يروح يشتغل عند حد ميرضاش يبقى حلال انه يسرق) صعب جدا

( الصحابة كان منهم من يتصدق بالالاف وبيتهم لا فيه مفتاح ولا قفل ولا اى خزنة ولا جنزيل واللصوص كتيييير اكتر من دلوقت بكتير ومع ذلك مجوش على بيت المال وقالوا نحط فيه فلوسنا علشان ما تتسرقش ونعين عليه ميت جندى يحرسوه ....تمام )

لو هناقش بقى من الجهه الاقتصادية وطبعا دا خارج عن الموضوع فدى شوية معلومات تثقيفية كدا

( وارجو عدم الدخول فى مناقشة فى الكلام الى جاى دا علشان دى مجرد وجهة نظر ليا وخلاص )

اايه العلة من تحريم الربامن الجهه الاقتصادية ؟؟

ان تخيل انا معايا الف جنيه حطيته فى البنك الالف جنيه وقف تمام

طيب الالف جنيه معايا جبت بيه اقلام جاف وادتهم لواحد غلبان يسرح بيهم الولد اشتغل وبتاع الاقلام الاصلى باع اقلام
وبتاع قطع الغيار الى مصنع الاقلام بيجيب منه اشتغل

والى بيعمل البلاستك بتاع قكع الغيار اشتغل

والراجل الى بيلف فى الشوارع يلم البلاستك اشتغل

والمواصلات الى هتنقل الكلام دا على المدى الواسع اشتغل

طب ليه يبقى فكرنا عقيم واحط الالف جنيه فى البنك

وبعدين البنك يديها لواحد قرض ياخد الفلوس ويهرب بيه

او يعمل مشروع ويفشل والبنك يدخل معاه فى مشاكل(اوحتمال برضوا يسدد )

وبعدين البنك يتزنق

يضطر انه ينزل سندات ليه

او يدخل البرصة

وفى الاخر الناس تتعامل بفلوس وهمية

وتحصل ازمة اقتصادية عالمية زى الى حاصلة دلوقت فى كل العالم

وهو ان كله مديون لكلة ومحدش معاه فلوس يسدد

دى مجرد وجه نظر علشان نبقى فهمين الدنيا حولينا ماشية ازاى ... واسف على الاطالة




هذا فى الامور التى ليس فيها نصوص

يعنى اسوق العربية اهيدروماتك ولا مانول

ازرع بالكماوى بتاع شركة مصر ولا شركة اسكندرية

طب دوا الكحة الفلانى اخد معلقة قبل الاكل ولا بعد الاكل

دا موضع الحديث دا لكن هل البنوك ربوية ولا لا دا حكم فقهى...!!!!

طيب ماشي الحمد لله أنا مقتنعه وهأعمل الصح بمشيئة الله
بس المشكله إن أهلي وأهل معظم الناس بيتعاملوا مع البنوك عادي ولما حاولت أتكلم مع والدي وأقنعه قالي إنه لو إحتفظ بالفلوس في البيت من غير لما يتاجر بيها ويخرج منها زكاه كل سنه فهي كده هتخلص وإن ده معناه حبس رأس المال وإن ده حرام !!

ومعلش بالنسبه لوجهة نظر حضرتك أنا مقتنعه بيها جدا ومش معترضه بس حضرتك لما جبت بالألف جنيه أقلام واللفه دي كلها حصلت...........أعتقد إن حضرتك كنت تقصد إني إتصدقت بيهم لإن مفيش عائد مادي عاد على حضرتك
كمان حضرتك بتتكلم على ألف جنيه ودي حاجه بسيطه أما الناس مش هتقدر تحط مثلا شقى عمرها بالآلاف أو بالملايين ده في البيت ولا يقدر يغمض لها جفن والمبلغ ده في البيت

أهو أنا أقعد أكلم نفسي كده ومش مريحاها وفي الآخر أرجع دايما أقول
(ومن يتق الله يجعل له مخرجا ويرزقه من حيث لا يحتسب)
.
.
.
.
.
الله المستعان

نقلا عن شخنا الشيخ مصطفى العدوى حفظه الله :

لم يجز أحد من اهل العلم خروج المرأه دون محرم بمسافة سفر حتى مع توفر الصحبة الامنة

الا فى الحج وحج الفريضة دون النفل والله أعلم .

طيب وإيه موقف زمايلنا اللي في الدفعه اللي بيسافروا ؟



آخر سؤال إن شاء الله:
بالنسبه لصلاة جمع تقديم أو جمع تأخير
إمتى بنصلي فيها النوافل ولا مش بنصليها في الحاله دي ؟


معلش أنا آسفه إني أثقلت عليكم في الأسئله

وجزاكم الله الفردوس

[احمد شبند]

السلام عليكم ورحمة الله وبركاته

وعليكم السلام ورحمة الله وبركاته


وجزاكم الله مثله

ما أمثلة البنوك الإسلاميه الموجوده هنا في المنصورة ؟

لا اعرف بنك من البنوك الى اختلف فى جواز التعامل معها ( زى ما وضحت لحضرتك ) سوى بنك فيصل الاسلامى

لو فى بنوك تانية ممكن ان شاء الله دكتور رامى يجاوب حضرتك

بس المشكله إن أهلي وأهل معظم الناس بيتعاملوا مع البنوك عادي ولما حاولت أتكلم مع والدي وأقنعه قالي إنه لو إحتفظ بالفلوس في البيت من غير لما يتاجر بيها ويخرج منها زكاه كل سنه فهي كده هتخلص وإن ده معناه حبس رأس المال وإن ده حرام !!

طبعا حبس المال ليس من شيم الاسلام

لان دينا بيدعونا دايما للاجتهاد والعمل وعدم التكاسل بل دايما يكون فى تطوير دون طبعا انت تدخل الدنيا فى قلوبنا
بل ونحتسب بذلك بانها منفعة للمسلمين ونصرة للدين باننا ننتج دائما

اما الاشكال دا خاص بوالد حضرتك وبعض المسلمين حتى من لديه عذر من مرض وخلافه ولكن اذا كان هذا يسبب

صعوبة ومشقة

فأى مشقة أكبر من أن يؤتى احدنا حربة يوم القيامة فيقول ولما تللك فيقال له اذهب فحارب الله ورسوله

قال تعالى ( فإن لم تفعلوا فأذنوا بحرب من الله ورسوله )

حضرتك تستمرى فى النصح بالحسنى وبالحكمة وان شاء الله ستجدى من الله مفرجا لتلك الاشكال وربنا ييسر لك ولجميع المسلمين....

أعتقد إن حضرتك كنت تقصد إني إتصدقت بيهم

لا طبعا فهناك نهى عن التصدق بكل المال فالتصدق خير ولكن كما قال

( لان تترك ورثتك أغنياء خيرلك ان تتركهم عالة يتكففون الناس )

ولكن ما اقصده هو استثمال المال دائما فى الاعمال وان الفلوس ما تتركنش لا فى البيت ولا فى البنك دائما استثمر الفلوس فى التجارة دا الى اقصده من الناحة الاقتصادية كما قلك فذلك ليس بواجب بل هو المستحب ....

الله المستعان

ربنا يعين حضرتك

طيب وإيه موقف زمايلنا اللي في الدفعه اللي بيسافروا ؟

امرهم الى الله منهم من معذور بالجهل ومنهم لا اما الاثام والحسنات فبيد الله وحده

والاولى اننا ننصحهم بكدا خاصة انه ليس بسفر ضرورة بل للترفيه وهناك سبل اخرى كثيرة جدا للترفيه....


ربنا يهدينا جميعا

إمتى بنصلي فيها النوافل ولا مش بنصليها في الحاله دي ؟

كان صلى الله عليه وسل ( لا يسبح فى السفر ) لا يسبح اى لا يتنفل ومن هنا استدل بعض اهل العلم على اولوية ترك صلاة النافلة لان ذلك الموافق للسنة

ولكن هناك احاديث اخر منها

1- انه كان يصلى على الراحلة ( وطبعا لا يجوز ان تكون فرض لان الفرض يلزمه النزول ) وتذهب به حيث شاءت .

2- انه ما ترك صلاة الوتر ابدا فى حضر او سفر .

وعلى ذلك فالامر واسع والله اعلم ..

معلش أنا آسفه إني أثقلت عليكم في الأسئله

وجزاكم الله الفردوس

ربنا يكرم حضرتك

وجزيتم بالمثل

[noureleman]

جزاكم الله خيرا على التوضيح
وربنا يوفق الجميع إلى ما يحبه ويرضاه