لحظة حرية ..
من ضمن لحظات مكبوتة ..
فى نفوس ضعيفة شايلة جواها حدوتة ..
مستنية اذن الحراس و الحرامية ..
علشان يعرفوا مين قتلها ..
و لطخ بالدم طرحتها ..
و طرحها ع الارض
و من كشكول الحساب طرح كتير من نصيبها
و سابها لكلاب نهش العرض ..
حتى طرح البلح اسود
من ظلم فور دم العروق ..
خلانى اغلب البرد ..
و استنى فى الدار مش عاوز حقوق
غير بطانية اتلف بيها و اموت
و يوم ما اموت عاوز الدنيا سكوت
اصل محدش هيرفع نبوت
معلهش مشغول مش لاقى القوت