مكافأة خمسة آلاف يورو لكشف غموض مقتل ثلاث قطط

[Al-Shaimaa]

رصدت جمعية إيطالية لرعاية الحيوانات مبلغ خمسة آلاف يورو لمن يكشف عن سر مقتل ثلاث قطط، بضاحية روما الجنوبية.

وكانت الجمعية قد قالت فى المنشور الذى وزعته إن ثلاث قطط قد نفقت بسم الاستريشينين فى ثلاثة أيام متتابعة، أيام الرابع والخامس والسادس من الشهر الجارى، وفى التوقيت نفسه الساعة السادسة مساء.

وأضاف المنشور أن القطط نفقت فى البناية السكنية نفسها، وأن أصحابها قاموا بتشريح الجثث فى مستشفى بيطرى ليثبتوا أنها تناولت السم نفسه، وناشد المواطنين بسرعة التوجه للجمعية للإدلاء بالمعلومات التى تقود للبحث عن الجانى، مقابل مكافأة مالية قدرها خمسة آلاف يورو قابلة للزيادة وفقا لأهمية المعلومات.

المصدر / اليوم السابع


بجد أنا مش لاقيه تعليق

[white light]

انا لسه قارئه الخبر على مصراوى .......
بجد حاجه تنرفز
ناس فاضيه اكتشاف مقتل قطط ب 5 الاف يورو
ده عندنا بيداسوا بالعربيات عينى عينك

[N00R EL _SHAMS]

فعلا والله لا تعليـــــــــــــــــــــــق

انا عماله اضحك وانا بقرا الخبر

[Dr Anonymous]

هم يبكى وهم يضحك

الناس مش لاقيين حاجه يعملوها

!!!!!!!!!!

عموما طالما فيها مكافاه هحاول بقى وامرى لله

ههههههه

ميرسى ع التوبيك يادوك

[د///*مطحونة*\\\]

أنا اللى قتلتهم
قليل عليا المبلغ دة برضو

[تابعة محمد]

بسم الله الرحمن الرحيم

و يا ترى ديه عقوبتها ايه ؟
الاعدام و لا السجن مدى الحياة .
على العموم الى قتلهم ابن صاحية القطط علشان كانت بتحبهم اكتر منه .

[محمد أبوبكر خفاجى]

على فكرة احنا بنتريق عليهم علشان مش عارفين نبقى زيهم
تخيلو لما يكون ده اهتمامهم بالحيوان يبقى اهتمامهم ازاى بالشعوب بتاعتهم

[dr\sora]

بالرغم من ان في حاجات فى اسلوب حياتهم غلط
بس الانسان و الحيوان حياتهم مهمه اوي عندهم و بيهتموا اوى بالجانب الانساني ف تعاملاتهم
و ده المفروض يكون عندنا لاننا بلد الاسلام و دي و الحيوان ده نفس ربنا خلقها المفروض نحافظ عليها مش نقتلها

[asfourelgana]

[quote=Dr Anonymous;344409]

هم يبكى وهم يضحك

الناس مش لاقيين حاجه يعملوها

!!!!!!!!!!


بمناسبة الكلام ده انا كنت سمعت مرة ف الراديو عن مكافأه بردو في نفس المعدل تقريبا للي ينام في استراليا وقت الظهيره او يعنى القيلوله بعمق
بجد الناس دى ميتقالش عنهم غير حاجة من 2 اما انهم معاهم فلوس كتير ومش عارفين يصرفوها ف ايه وإما انهم مش لاقيين حاجة يعملوها

قطط ايه دى اللي جايين يدورو عليها دا احنا البنى ادم عندنا بينداس بال (......) ومحدش بيعبره

يللا خير
عموما ميرسي يا قمر على التوبيك

[muna7assan]

أنا فضلت ماشيه مع الخبر على امل انى اقرأ انهم خايفين تكون القطط دى اكلت من حاجه فيها السم فى المبنى فخايفين على اهل المبنى

وناشد المواطنين بسرعة التوجه للجمعية للإدلاء بالمعلومات التى تقود للبحث عن الجانى، مقابل مكافأة مالية قدرها خمسة آلاف يورو قابلة للزيادة وفقا لأهمية المعلومات.

انما جانى ., لأ كده كتير
حلوا كل مشاكلهم وبيدوروا على الجانى

===========
من 12 سنه تقريبا بابا قرأ فى جرنال فى مصر اعلان عن كلب مفقود ومكافأه لمن يجده ألفين جنيه