Made In China

[Messi]

بسم الله الرحمن الرحيم

MADE IN CHINA

صنع في الصين






لا اعلم لماذا هذا الموضوع بالذات الذي اطرحه عليكم بالنقاش ولكن

قد يكون ذلك من حزني الشديد علي ما يحدث او ما حدث بالفعل داخل السوق المصري

لم يعد يوجد صنف او منتج من المنتجات لا وقد صنع في الصين







كيف ........ ولماذا......ومتي.........واين ......و كم........هل......؟؟؟؟؟؟؟؟؟؟؟؟؟؟؟؟؟






كيف استطاعت الصين ان تحدث هذا التقدم الرهيب المذهل في مجال الصناعه ؟؟؟




لماذا تمتلأ و تكتظ اسواقنا بهذه المنتجات ؟؟؟؟؟؟؟



متي استطاعت الصين ان تفعل ذلك؟؟؟؟؟


اين قاموا بصنع هذه الموارد الي منتجات ؟؟؟؟؟؟



كم تكلفتها في الصين وتكلفتها بمصر؟؟؟؟؟؟



هل سنظل طوال حياتنا نعيش علي منتجات الصين ؟؟؟؟؟؟

[الجنة مرادى]

سؤال صعب الصراحة

والجواب أصعب

[HappY bE]

هل سنظل طوال حياتنا نعيش علي منتجات الصين ؟؟؟؟؟؟

للأسف أيوة لحد مانحب الخير لبعضينا وللناس ,,, دي الحقيقة المرة الناس بتكره بعضها هنا في مصر كتير للأسف ,,, يعني راجل ناجح زي بتاع حديد عز مثلا ً ,,, علشان ناجح بنحقد عليه ,,, و أي شخص ناجح هتلاقينا جوا نفسنا بنحسده وبنحقد عليه ,,, مفرود نشجع بعض ونساعد بعض وندعم بعض لحد ما تروح الأفة دي من مصر وينمو اقتادنا ,,,

وشكرا على الطرح الجميل للموضوع ...

[Messi]

هوه مفيش مناقشه ليه ؟؟؟؟؟؟

[gogoo]

الموضوع حلو
انا بتهبل لما بشوف حاجه صنع فى الصين
طبعا هى مش حاجه
دى حاجات ومحتاجات
تخيلو ان كل حاجه شايلنها صنع فى الصين

[Messi]

صنع فى الصين

[MoRsY]

طب وفيها ايه بلد نجحت انها توصل اقتصادها لكل العالم مش مصر بس
روح السعودية هتلاقي كل حاجة صيني برضه دا مصنع نوكيا بقى في الصين اللابتوبات كلها بقت صيني عادي يا جماعة ناس بتفكر بدل ما تقعد تتغاظ لما تشوف حاجة صيني حاول تبدع وتعمل حاجة زيهم وتنزلها في السوق (الكلام مش ليك يا عليوة طبعا) خلي اقتصادك قوي ونزل منتجات مصرية واملى بيها السوق مش تدي للمنتجات الاجنبية انها تنزل سوقك وتبقى اكتر من المصري
يا جماعة بدل ما تتغاظوا وتزعلوا شوفوا ازاي استفاد من دماغ الناس دي
ولو زعلان ان كل حاجة عندنا صيني تعال كده وجرب تشيل الحاجات الصيني من السوق
مش هتشيل موبايل
مش هتلاقي لابتوبات ولا كمبيوتر (كلها بقت صنع في الصين )
وغيره وغيره من الحاجات الي متقدرش تستغنى عنها

[miss queen]

فعلا يا جماعة الموضوع دة بقى موجود حوالينا ف كل حتة لدرجة اننا خلاص اتعودنا عليه واستسلمنا وبقينا كمان نعمله نكت ونتفرج ونضحك
انا متاكدة ان كل واحد جواه نفسه يشوف بلده دي احسن بلد ف الدنيا وكلنا كتير اوي بنقول ياااااااااااه لو حد يقولي ع حاجة اعملها عشان اشوف البلد دي زي ما انا عاوز هموت نفسي عشان اعمل الحاجة دي

واحنا صغيرين كانو بيحفظونا سؤال يقولك ايه
ما واجبك نحو وطنك في حالة السلم؟
واحنا زي الشطار نقول الاجتهاد ف الدراسة حتى اصبح فردا صالحا يخدم المجتمع

الحقيقة انا طول سنين ابتدائي مش مقتنعة بالاجابة دي وشايفة انهم شايفيننا اطفال وبيدولنا الاجابة الي ع اد فهمنا عشان ماندوشهمش بالاستفسارات

بس للاسف لما كبرت مالقيتش حاحة اعملها غير كدة
يعني بصراحة الشعب المصري دلوقتي مش شعب الثورة القديم المتعاون الي قام وعمل وعمل وغير شكل حياته بعد كل الي شافه

ايوة احنا محتاجين ثورة فعلا انا عارفة ان يمكن تكون المشكلة صغيرة ع كلامي دة بس احنا محتاجين ثورة ف كل حاجة ف مجتمعنا عشان كلنا عارفين ان بلدنا دي فيها خير يخلي الشعب ينتج وياكل ويلبس وتستخدم من انتاجه هو
وعارفين ان احنا عندنا عقول كويسة جدا و علماء ف مجالات كتير يسيبو البلد ويدو علمهم للاجانب عشان ملقيوش التبني العلمي الي هما محتاجينه هنا

وبعدين الشاب بيتخرج من كليته يلاقيها ضلمة كدة مفيش شغل ولو فيه بياخد عليه ملاليم
فيروح سايب البلد كلها وطاير يشوف مستقبله ودة محدش مفروض يلومه

للاسف دلوقتي الشعب معادش ليه سلطة ع خير بلده الاقتصاد والتجارات الكبيرة دي بتكون سياسات دول واتفاقيات واوامر حكومية واحنا مفيش ف ايدينا غير ندعيلهم ربنا يهديهم للي فيه خي بلدنا وننعمل الي علينا كل واحد ف مجاله

ع فكرة انا مش ببص بتشاؤم والله بس بحاول اكون واقعية عشان عالاقل نعرف ننجح ف الجزء الي ف ايدينا

انا عارفة اني رغاية وطولت عليكم بس اصل الموضوع دة كمان كان شاغلني