ساحة حوار اتحاد طلاب الكلية

[amira89]

السلام عليكم انا بقترح على ادازة الكلية ود/حسن الكاشف ان نعمل استراحة فى المكان الموجود امام المسجد وننظفه من الطوب اللى موجود فيه ونستغله استغلال كويس ولكم جزيل الشكر

[Mohamed Al Gohary]

المكان الي قدام المسجد على طول فيه الونش وده له قصه كده .. مش سهل انه يتشال ..

المكان المجاور لمبنى د .. اللى عند مسجد البنات كده ده هيتبنى فيه مبنى زي مبنى د بالظبط ان شاء الله ..

عموما موضوع الاستراحه ده هيتشاف ان شاء الله ..

[star]

السلام عليكم لو سمحتوا يادكاترة هو ممكن نجيب صور التكريم في حفل ختام الانشطة منين

[Mohamed Al Gohary]

ستوديو 3D خالد فتحي في الشارع اللى على ناصيته راحبو وابناء ربيع من شارع آداب ..

[star]

شكرا جزيلا يادكتور

[...مصر...]

السلام عليكم
أنا عرفت إن السنة دي ممنوع من عاملة المدرج إنها تبيع أي حاجة ليه كده ؟ لو مش عايزينها تبيع وفروا مكان في الكلية نشتري منه ميه أو عصير
وكمان بالنسبة لمسجد البنات فيه قبل الباب مكان مفروش فيه سجاجيد البنات بتصلي عليها بس*متغطي بخشب وفي ميه من المكيفات بتنزل من بين الخشب على السجاجيد ولو في مطر أكيد السجاجيد دي هتتملي ميه فياريت المكان يكون سقفه كويس
وشكرا

[Messi]

انا محمد عليوه زميلكم في الدفعه
و ضمن 14 ممثل لكم في اتحاد الطلاب هذا العام ...

اتشرف ان اتحدث اليكم بالنيابه عن كامل اعضاء اتحاد الطلاب
وان اكون حلقه وصل بينكم وبين اتحاد طلاب الفرقه الاولي
علي مدار هذا العام ان شاء الله....







اولا :
ماهو اتحاد الطلاب؟؟؟

هو الممثل الشرعي للطلاب
يعني ......احنا صوت الطلاب
احنا الي بنوصل صوت الطلاب لاداره الكليه او الجهه المختصه
لحل مشاكل الطلاب ...

يعني لو عندك مشكله معينه
تبلغنا واحنا هنوصل مشكلتك لاداره الكليه مع باقي المشاكل
واداره الكليه تحاول تحلها ....

ويارب ما يبقاش فيه مشاكل خالص ان شاء الله



ثانيا:
هيكل اتحاد الطلاب؟؟؟؟

كل فرقه ليها اتحاد طلبه خاص بيها
يعني الفرقه الرابعه ليها اتحاد
والتالته ليها
وهكذااااااا

وطبعا سنه اولي ((احنا يعني)) لينا اتحاد طلبه

كل اتحاد من دول بيتكون من 7 لجان

1. لجنة الاسر

2. لجنة النشاط الرياضى

3. لجنة النشاط الثقافى

4. لجنة النشاط الفنى

5. الجوالة والخدمة العامة

6. لجنة النشاط الاجتماعى والرحلات

7.لجنه العلميه و التكنولوجيه

كل لجنه منهم بيبقي فيها عضوين
يبقي عدد افراد اتحاد سنه اولي يساوي: 7×2=14 عضو

ثالثا ايه دور كل لجنه منهم ؟؟؟؟؟

أولا :- لجنة الاسر والاتحادات :-

1. تشجيع تكوين الاسر بالكلية ودعم نشاطها

2. التنسيق بين نشاط الاسر المختلفة بالكلية

ثانيا :- اللجنة الرياضية :-

1. بث روح الرياضة بين الطلاب وتشجبع المواهب والعمل على تنميتها

2. تنظيم النشاط الرياضى بالكلية بما فى ذلك تكوين الفرق الرياضية وإقامة المباريات والمسابقات والحفلات والمهرجانات الرياضية

ثالثا :- اللجنة الثقافية :-

** تختص لجنة النشاط الثقافى بما يأتى :-

1. تنظيم أوجه النشاط الثقافى والتى تؤدى الى تعريف الطالب بخصائص المجتمع وإحتياجات تطوره

2. العمل على تنمية الطاقات الادبية والثقافية للطلاب

رابعا :- اللجنة الفنية :-
1. تنمية المواهب الفنية للطلاب والعمل على إتاحة الفرصة للطلاب لابراز مواهبهم ورفع مستوى إنتاجهم الفنى خامسا :- لجنة الجوالة والخدمة العامة :-

** تختص لجنة الجوالة والخدمة العامة بما يأتى :-

1- تنظيم أوجه النشاط على الاسس السليمة وفقا لمبادئها

2-تنفيذ برامج خدمة البيئة التى يوفرها مجلس الكلية والاقسام بما يساهم فى تنمية المجتمع والعمل على إشتراك الطلاب فى تنفيذها والمساهمة فى مشروعات الخدمة العامة والقومية التى تتطلبها احتياجات الوطن

سادسا :- اللجنة الاجتماعية والرحلات :-

1- العمل على تنمية الروابط الاجتماعية بين الطلاب وأعضاء هيئة التدريس والعاملين – وإشاعة روح التعاون والاخاء بينهم وبث الروح الجماعية فيهم وذلك بكل الوسائل المناسبة

2- تنظيم الرحلات والمعسكرات الاجتماعية والثقافية والترويحية التى تساعد على التعرف على معالم الوطن

سابعا :لجنة النشاط العلمي والتكنولوجي

.. وبتهم بالأنشطة العلمية والتكنولوجية ..

رابعا من يمثلكم في اتحاد الطلاب هذا العام من اولي ؟؟؟؟

محمد احمد عليوه
احمد ابراهيم القفاص
محمد فوزي شاهر
ايمان متولي حسين
ندي رضوان
شيماء العناني
هدير محمود برج
محمد اسماعيل عبد الحي
محمد احمد الطوبشي
احمد مجدي شعبان
محمد عزت
رامي وفا
محمود حسن السيد
زينب عبد الفتاح
طبعا لازم يكون للطلاب دور في مسانده الاتحاد

يعني لو حد عنده هوايه معينه .....يتوجه لرعايه الطلاب
لو حد عنده افكار ممكن تفيد الاتحاد ....يقترح

ولو حد عنده اي مشكله .... يعرفنا كأفراد اتحاد
وبالتاكيد دورنا اننا نوصل صوته وصوت غيره لاداره الكليه.


ولو حد عنده اي استفسار ........يتفضل


اتمني اكون اهل للمسئوليه هذا العام بمعاونه جميع زملائي
واتمني يكون عندكم ثقه فينا كأفراد اتحاد طلبه
وان شاء الله نكون عند حسن ظنكم .

[ziko abosamra]

ربنا يوفقكم

[الدكتوره الصغيره]

بالتوفيق ان شاء الله

[mohamed_chemist]

قشطة قشطة فيه اسماء جديدة سنة ده