ساحة حوار طلاب تانية الجدد 2010 / 2011

[*Aya*Verse*]

يعنى خلاص يا جماعة اكيد اول يوم فى سكشن صيدلانيات وميكرو ؟
يا ريت برده لو حد عرف يتاكد ويقولنا

[3arafa]

هوا يا ريت حد سقول ايه الدكاتره او ايه المحاضرات الي بيتاخد فيها غياب
عشان انا مفيش بيني وبين المدرج عمار

[dr corundom]

السلام عليكم

بسم الله الرحمن الرحيم

ايه الكلام ده يا دكاترة

سكاشن ايه الى من اول يوم دى

معنى كلامكم اننا مش هنحضر محاضرات الشرح ولا ايه ؟؟؟؟؟؟؟؟؟؟؟

والكلام ده على كل السكاشن ولا الصيدلانيات والميكرو بس؟؟؟؟؟؟؟؟؟

[Rx.90]

يعني ايه ؟؟؟؟؟؟؟؟؟؟؟؟ بجد الكلام ده بجد يا جماعة حد يتاكد لينا و اللي اكبر مننا يرد ويقولناااا

[same7]

يعني ايه ؟؟؟؟؟؟؟؟؟؟؟؟ بجد الكلام ده بجد يا جماعة حد يتاكد لينا و اللي اكبر مننا يرد ويقولناااا

صيدلانيات وميكرو بس



وعلى فكره مفيش غياب فى المحاضرات

بس
دكتور الشابورى
مبيحبش حد يحضر فى غير مجموعته
وميحبش يسمع موبايل بيرن فى المحاضره او كلام جانبى

[د///*مطحونة*\\\]

هوا يا ريت حد سقول ايه الدكاتره او ايه المحاضرات الي بيتاخد فيها غياب
عشان انا مفيش بيني وبين المدرج عمار

مش غياب بالمعنى المفهوم
دكتور الشابورى كان اول المحاضرة ماتبدا يختار اى حد عشوائيا فى المدرج ويسال عن اسمه ورقمه واللى بيحضر فى مجموعة غير مجموعته بينطرد وبيتاخد الكارنية بتاعه
انما اللى مبيحضرش خالص مبيحصلوش حاجة

اللى كانت بتاخد الغياب هى دكتورة ثناء بتخلى اللى قاعدين يطلعوا ورقة ويكتبوا فيها اسمائهم وبتاخدها فى اخر المحاضرة
الله اعلم بقا الورقة دى كانت بتتشاف ولالا

هو دة كل الموضوع
انما باقى المحاضرات عادى
لكن فى بعض الدكاترة لما مثلا يلاقوا المدرج مليان على غير المعتاد مبيرضوش يشرحوا غير لما المدرج يخف واللى مش فى مجموعته بيخرج بس طبعا انتم وحظكوا لاننا منعرفش مين اللى هيديكم

-----

السلام عليكم

بسم الله الرحمن الرحيم

ايه الكلام ده يا دكاترة

سكاشن ايه الى من اول يوم دى

معنى كلامكم اننا مش هنحضر محاضرات الشرح ولا ايه ؟؟؟؟؟؟؟؟؟؟؟

والكلام ده على كل السكاشن ولا الصيدلانيات والميكرو بس؟؟؟؟؟؟؟؟؟

ليه بس كل القلق دة يا جماعة
السكاشن الاولى فى الميكرو والصيدلانيات بسيطة خالص ومفيهاش اى حاجة والشرح مبياخدش وقت فى ساعة السكشن
واحب اقولكم على حاجة
السنة اللى فاتت ف الميكرو الترم الاول اصلا مشتغلناش وكان العملى شوية حاجات بنشوفها
وفى الامتحان كان عندنا شيت وبعدها بنعدى على 10 حاجات مثلا وكل حاجة عليها سؤال زى نظام العقاقير كدة
لكن الدفعة اللى قبلنا تقريبا كان عندهم شغل
عشان كدة كل دفعة وليها ظروفها
وانتوا وحظكوا

انا بس عاوزة اقولكم كلمة للزمن وافتكرونى لما تشتغلوها فى سكشن الصيدلانيات سواء الاولانى او اللى بعده


يسقط التنقيط

متقلقوش هتفهموا الكلمة دى لما تاخدوا السكشنبس ابقوا افتكرونى بقا

[Nona Ali]

الله يطمنك يا دكتورة

فليسقط التنقيط وتسقط........كلها
ااااااااااااااااااااه انا تعبت من السنة دى قبل ما ادخلها خلاص انا مش عوزة ادخل
كفاااااااااااااااااااااااااااااااااااااااااااااية كدا

انا بعد كدا هشجع حركة كفاية
جزاكم الله خيرا على تعب حضرتك معانا

[Dr_r.m.m]

اه موضوع التنقيط ده واحدة اكبر منى قالتلى عليه وبتقول حاجة كده تجيب الملل
ربنا ييسرها علينا يارب

[Rx.90]

تنقيط !!!!!!!!!!! الجملة على بعضها غريبة يسقط التنقيط ؟؟؟؟ يعني ايه؟؟؟

[swalma]

لوسمحتم يا دكاترة ممكن أعرف لو بدأنا سكاشن ميكرو أول يوم ايه الأدوات اللي هنحتاجها ؟؟؟؟؟؟؟؟؟