عايز اسره كبيره ولا صغيره؟؟؟

[*محبة رسول الله*]

الوحيدة اللى اخترت ...........

[LOVELY BIRD]

انا في رائي ان لما يكون فيه طفل واحد ياخد حقه اكتر ويبقى احسن في كل حاجه

بس عايزه اسال هو اللي اختار غير كده
قصده اكتر من 6؟

[meramar]

اممم..ممكن تنظيم مش تحديد
اعتقد الحرام دينيا انك تبطل خلفه عشان خايف متقدرش توفر لهم حياه كريمه ماديا
انما التنظيم مفيش مشكله..يعنى تسيب مسافه كافيه بين كل طفل وطفل
انا بيتهيألى ده كويس..لسبب وحيد
ان الزمن ده صعب اوى ..وانك عشان تربى ولد او بنت تربيه كويسه اخلاقيا ودينيا محتاج تبقى صاحيلهم وفايقلهم
تصاحبهم..تعرف اسرارهم..تديهم الحنان والاهتمام جوا البيت فميدوروش عليه برا
تحفظهم قرآن بنفسك
وده صعب لو عندك خمسه ولا سته..هتهتم بمين ولا مين
خاصة لو سنهم قريب من بعض

بس كده

[A.Elrayes]

الرأى والرأى الأخر .,

بالاجابه عن اسئله د.محمد
بصراحه ادعو الله انه يرزقنى اسره صغيره ., يعنى عدد الاطفال 2 مثلا

بس دا بقى لا تطبيقا لكلام الدوله ولا مخالفه لكلام الدين ,

الفكره ان الواحد يخلف على قد ما هوا عارف انه هيقدر يحافظ على اللى بيخلفهم

بمعنى فيه زوج وزوجه حديثى الزواج بس ما شاء الله قدره الزوج الماديه كبيره وربنا موسع عليه والزوجه عندها استعداد نفسى وبدنى انها تربى وتراعى 4 أطفال ., يبقى على حد معرفتى الضئيله لا يجوز لها انها تمنع الانجاب وخلاص ,
يعنى انتو ما شاء الله ربنا ميسرها عليكم ماديا ونفسيا وبدنيا , خلاص يبقى تتهنوا بالمال والبنون

طيب لو الزوج لسه فى بدايه حياته والزوجه زى حالاتى كده ما تقدرش تعتنى وتربى اطفال اصحاء اكتر من اتنين , نفسيا مش هتعرف تدى لكل واحد اهتمامه وبدنيا صحتها ما تقدرش انها تجرى ورا الاطفال تأكل وتشرب وتنضف البيت ولو وراها شغل كمان تبقى كملت
وقتها يبقى بتظلم نفسها واطفالها اللى خلفتهم .,

فى المانيا الدوله بتشجع على الانجاب لان الحكومه خايفه من انقراض الجنس الالمانى .,
دول طبقوا مبدأ تحديد الانجاب بزياده جدا فجت عليهم بالغلط .

فى مصر عندنا انفجار سكانى ونسبه بطاله رهيبه وشباب ذوى مستوى فكرى للأسف الشديد متدنى ., يبقى ابدا بنفسى واجيب طفلين اصحاء احسن ما اجيب 4 تعبانين .,
ولما الحكومه تشد حيلها ان شاء الله يبقى فيه مكان لأولادى وللى ربنا ميسرها عليهم وانجبوا اكتر منى .,

بصراحة الكلام ده لا غبار عليه ويتوافق مع الدين والدولة
لان الدين ميرضاش اننا نخلف واحنال مش هانعرف نربي اولادنا
انا عن نفسي لو ربنا مقدرني ماديا ونفسيا وبدنيا اني اخلف 10 واقدر اربيهم مفيش مانع
ولو مش هاقدر اربي اكتر من واحد يبقي كفايه اوي وده ميخالفش الدين في حاجه
انا في رأيي 3-4 كويس اوي ولكن الله اعلم بما في المستقبل وبما تقدر عليه زوجتي ان شاء الله
من الممكن ان تكون عندها القدرة لموالاة عدد اكبر او اقل فبالتالي لابد من اخذ هذا في الاعتبار

[Shorouk .A. Mady]

أنا بقا هكون حسب حالتى الاقتصاديه والصحيه ان شاء الله
يعنى لو ربنا كرمنى فى مالى وصحتى موش هحدد النسل خالص
انشا الله أجيب عشره
اصل أنا بحب الأطفال قوى

[الطبيبة المسلمة]

الموضوع مهم جدا وجميل وانا من وجهة نظرى انى انجب اطفال يوحدون الله ويدينون دين الله الاسلام ده فى حد زاته اجمل احساس فى الدنيا وكفاية انى اؤجر من الله على كل لحظة بقضيها فى تربيتهم الصح على الدين والاخلاق........واتمنى من الله عز وجل ان يرزقنا الزرية الصالحة وانا ادعو ربى ان انجب اكثر من ولد لكى اجندهم ليدافعوا عن دين الله عز وجل ان شاء الله.

[Mohamed Al Gohary]

هخلف طول ما انا قادر اضمن له حياة كريمه ومستقبل وانى هقدر اوفر له كل حاجه ..

طول ما انا مستطيع

[same7]

ولو انا اتجوزت اتنين (وده صعب جدا إذا لم يكن مستحيل ) فهيكون عشان السبب ده

يا لهويس
يعنى انت مبيت النيه
يعنى الجواز عندك يا دكتور احمد مجرد وجود ولاد بس

يعنى طول ما انت عندك ولد سعيد فى حياتك
غير كده
يبقى ....

بتهيألى ده غلط؟

الاغلبيه في نتايج الاستفتاء للعدد القليل ....... ايه السبب؟؟؟؟

السبب نفس كلام دكتوره منى

هخلف طول ما انا قادر اضمن له حياة كريمه ومستقبل وانى هقدر اوفر له كل حاجه ..

طول ما انا مستطيع

[Dr.Sanureta.S]

eleeeeeeeeeeeeeee yegebo rabena kewayes w redaaaaaaaaa ... bss bsra7a el3ezwa 7elwa dalw2ty bn2ol ne7ded bss lama nekbar han2ol yaretna kona gebna aktar .......

[د///*مطحونة*\\\]

هو ليه الاستفتاء اخره 6 بس
ليه متحطش رقم 11 واهو يبقى فريق كورة ومش مشكلة الاحتياطى
لا بس بجد يا جماعة انا عندى ردين على الموضوع
الرد الواقعى
واللى انا نفسى فيه

العقل اللى هما عايزينا نفكر بيه بيقول ايييييييييه؟
العزوة حلوة
طالما اولادنا يبقوا عايشين حياة كريمة وقادرين نصرف عليهم وبنشوفهم بيكبروا قدام عنينا وهما مبسوطين بحياتهم
لكن غير كدة
نجيب ليه عيال نعذبهم معانا ويبصولنا ويقولونا انتم السبب فى اللى احنا فيه
اصل المشكلة ان دى ظروف دولة
وان معظم الشعب المصرى بقا من محدودى الدخل والدخل اقل من المتوسط
هو فى حد فى الدنيا ميتمناش انه يبقى عنده عيلة كبيرة كدة ويبقى له اولاد يربيهم كوويس ويبقوا سبب فى دخوله الجنة
ومحدش يقول الكلام بتاع اجدادنا دة
ان العيل بييجى وجايب رزقه معاه
الكلام دة كان زمان
انما دلوقتى ظروف المعيشة بقت صعبة والطلبات كترت من كل النواحى
عشان كدة قبل ماالواحد يفكر حتى انه يبقى عنده حتى لو طفل واحد
لازم نامنله مستقبله الاول فمابالكوا بقا لو عاوزين نعمل عيلة كبيرة
_________
بس مش شايفين انهم صدعونا فى التليفزيون بالبرامج بتاعة تحديد النسل والحملة بتاعة العزوة مش بالعدد دى؟
ياترى السبب الحقيقى هل فعلا عايزينا نعمل كدة عشان مصلحتنا ومصلحة اولادنا
ولا دة مخطط وافكار غربية وانتوا عارفين الباقى
انتوا ايه رايكم؟

لكن انا طبعا نفسى يبقى عندى عيال كتيييييييييييييييير
اربيهم كويس واعلمهم كويس ولما اكبر يبقوا معايا وميسيبونيش


واهو نعمل فريق كورة
وانا اللى هدربهم