إعلان أسماء أوائل الثانوية العامة

[*محبة رسول الله*]

يعلن الدكتور أحمد زكى بدر، وزير التربية والتعليم، أسماء الأوائل فى الثانوية العامة اليوم السبت.

وكانت وزارة التربية والتعليم قد أعلنت أمس الجمعة أنها سترسل نتيجة امتحانات الثانوية العامة إلى كل طالب على بريده الإلكترونى فور إعلانها رسمياً، بحيث يمكنه أن يطلع عليها دون الحاجة إلى الحصول عليها من مدرسته.

وكانت الوزارة قد دعت الطلاب الذين خاضوا امتحانات المرحلتين الأولى والثانية إلى سرعة إنشاء بريد إلكترونى على موقع الوزارة على شبكة الإنترنت، حتى تتمكن "الخدمات الإلكترونية" بالوزارة من إرسال النتائج إليهم.

أما الطلاب الذين قاموا بملء استمارات التقدم لامتحانات الثانوية إلكترونياً، وذلك فى شهر فبراير الماضى، فبياناتهم مسجلة تلقائياً لدى الوزارة التى أتاحت للطلاب إمكانية الاستفسار عن أى معلومات تخص النتيجة بالحساب الإلكترونى نفسه.


ربنا يوفقهم يا رب

بجد بيبقى يوم صعب قوى

[pharmacistina]

يااااه

فعلا .. فكرتيني مهو احنا من كام سنة كنا زيهم

كنت نايمة و جالي خبر النتيجة في ثانية ثانوي , كانت حلوة النتيجة و كانت فرحتي كبيرة


بعد نتيجة ثالثة ثانوي سميت نفسي pharmacistina عشان كنت خلاص تقريبا عندي أمل في ربنا اني أدخل صيدلة ..

و دخلت صيدلة الحمد لله

و مرت السنون

و فجأة


لقيت نفسي خلصت ..

الحمد لله , اللهم دبر لي أمري

[Amira]

ربنا يوفقهم ويخرجهم منها على خير

الثانويه العامه وخصوصا تالته دى اكتر سنه رخمه ووحشه ....ربنا معاهم

[*محبة رسول الله*]

كنتى نايمة يوم النتيجة يا فارما

ده انا كنت واقفه فى البلاكونه وبعيط

وعمو جبهالى ولقيتنى ناقصه 5 درجات

قولتلهم 97,5

بصراحة كانت فرحة لا توصف

نتيجة تالته بقى

جيالى من الكويت
وجاتلى من غير المستوى وعدت اعيط وقولتله روح شوفها تانى لقيتنى جايبه الفول فى المستوى

الحمد لله

أحلى يومين عدوا عليه

[N00R EL _SHAMS]

فكرتينا بالذى مضى يا هاله
ياااااااااااه كان اصعب يوم مر فى حياتى كلها
يوم نتيجة تالته ثانوى عشان تانيه جاتلى وانا نايمه
لقيت خالو بيصحينى ويقولى النتيجه بانت
وانا بقى اعيط مش من الفرحه لا كان مجموعى
مش الى كنت متوقعاه
انما فى تالته ربنا عوضنا خااااااالص الحمد لله
يالا عقبال يارب كل الناس النهارده
نسمع كده نتايج جامده
ربنا معاهم جميعا اصعب يوم فعلا

[ameer]

اسوأ نتيجة ثانوية عامة
اللي يعرف حد في ثانوي يقوله ميتعشمش قوي في النتيجة علشان ميتصدمش


فى سابقة هى الأولى من نوعها أعلن الدكتور أحمد زكى بدر، وزير التربية والتعليم، قائمة لأوائل الثانوية العامة تضم 6 طلاب فقط، منهم اثنان من شعبة علمى علوم، واثنان من شعبة علمى رياضة، وطالب من الشعبة الأدبية، ومثله من ذوى الاحتياجات الخاصة.

وأجرى "بدر" اتصالات هاتفية بالطلاب الأوائل هنأهم فيها على تفوقهم فى الامتحانات، غير أنه، وللمرة الأولى، لم يعقد مؤتمرا صحفيا موسعا للإعلان عن أسمائهم، وقال "بدر" إن قلة عدد الأوائل سببها أن طلاب المرحلة الثانية لهذا العام من "سنة الفراغ" ولا يزيد عددهم عن 69 ألفا و997 طالبا، وأضاف أن الوزارة كانت تقوم بتحديد 10 طلاب أوائل حينما كان يصل عدد الممتحنين فى السنة النهائية إلى 400 ألف طالب، وهو مالم يحدث هذا العام بسبب "سنة الفراغ".
حصل على المركز الأول بين طلاب "علمى علوم" سماح مصطفى عبد العظيم محمد، الطالبة بمدرسة السادات الثانوية بنات بمحافظة الشرقية بمجموع 405.5 درجة، كما حصلت الطالبة دينا خالد مصطفى محمد، من مدرسة أحمد عبد الرحيم الثانوية بنات بمحافظة أسيوط، على المركز الأول مكرر "علمى علوم" بنفس المجموع.

فيما حصل على المركز الأول بين طلاب "علمى رياضة" الطالب عمر جمال محمد عبد الله، من مدرسة المنصورة التجريبية لغات بمحافظة الدقهلية بمجموع 402 درجة، أما المركز الثانى فى هذه الشعبة فحصل عليه الطالب سامح السيد هلال درويش من مدرسة 6 أكتوبرالثانوية بنين بمحافظة 6 أكتوبر بمجموع 400.5 درجة.

فيما حصلت الطالبة إيمان مصطفى أحمد منصور على المركز الأول بين طلاب الشعبة الأدبية، وهى من مدرسة المنيا الثانوية بنات بمحافظة المنيا بمجموع 393.5 درجة، فيما حصلت الطالبة أسماء عصام محمد المرشدى على المركز الأول بين ذوى الاحتياجات الخاصة، وهى من مدرسة النور للمكفوفين بشمال السويس بمحافظة السويس بمجموع 359 درجة.

وعلى عكس كل عام لن يكرم الوزير الطلاب الأوائل غدا، كما لم يحدد موعدا نهائيا لتكريمهم، وبالنظر إلى قائمة أوائل هذا العام يمكن ملاحظة تفوق طلاب الوجه البحرى على طلاب الصعيد بنسبة بمعدل 3 طلاب إلى 2، على غير المعتاد كل عام، فيما حصلت القاهرة الكبرى على مركز واحد فقط، ، فيما استمرت الطالبات فى التفوق على الطلاب بمعدل 4 لـ 2.

[*محبة رسول الله*]

برده يا نيرة كنتى نايمة

مع ان النتيجه كانت ظاهرة على 12 كده

حد يجيله نوم برده فى اليوم ده
-----
متشكرين ع الاخبار الحلوة دى يا دكتور أمير

ربنا يستر بقى ع الطلبة السنه دى


بس بجد
طول عمرى نفسى اطلع من الاوائل وأتكرم

أنا اتكرمت فى تانيهثانوى كنت المركز الرابع ع المدرسه

بس كنت أطمع انى اكون من أوائل الثانويه

الحمد لله

[N00R EL _SHAMS]

اه والله ياهاله كنت نايمه ادام التليفزيون
بس انا بقى مكنتش خايفه عشان ايدى كانت محروقه من الزيت
يعنى محدش كان هيقدر يكلمنى ساعتها
ــــــــــــــــــــــــــــــــــــــــــــــ
ايه الخبار دى يا دكتور امير
ياعينى عليهم دا الاولى مجموعها نفس مجموعى فى الثانويه العامه
يعنى خيبه خالص
ربنا يسترها عليهم هنسمع النهارده صويت وعييط ع الاخر

[white light]

فعلا اسوا نتيجه ثانوى الاول يجيب 405 الله يرحم ايامنا كان الاول 409.5 وكانت المجاميع نار
ربنا يستر على طلاب السنادى
دعواتكم لولاد خالاتى التنين ثانويه عامه واحد كميا والتانى احياء
ربنا يفرحهم بولادهم
______________________________

فكرتونى بالذى مضى ده كانوا يومين مستحيل انساهم فى حياتى النتيجتين انا اللى جبتهم بنفسى مع بابا
فى تانيه دخلت فى السيبر وكان زحمه موت بصيت للنتيجه وعينى على طول وقعت على الانجليزى كنت ناقصه فيه 3 درجات وطلعت اعيط لماما بره بس لما حسبت المجموع لقيت 96.5 اطمنت شويه

اما تالته رحت برده مع بابا بس بابا دخل لوحده وانا استنيت بره وفجاه لقيت بابا طالع يقولى جبتى 75
متتوقعوش حالتى كانت عامله ازاى
طلع الباشا الى بيجيب النتيجه بدل رقم وجاب نتيجه تانيه خالص
بس الحمد لله جبتها تانى وطلعت 97.5 قلت خلاص صيدله ان شاء الله

[Messi]

ههههههههههه.....
لو كنت اتاخرت سنه....كان زماني من اوائل الجمهوريه..

يلا خيرها في غيرها بقي..