ضحكوا عليك بتوع صيدلة

[احمد شبند]

ان شاء الله تكونوا بخير جميعا وفى أمن وعافية من الله


ضحكوا عليكوا بتوع صيدلة


قالك يا ابنى الصيدلية دى بهدلة


قلة قيمة ومش عارف ايه


امال يا خويا عوزنى اكون ايه؟؟



قالك مندوب مبيعات اشطه عليه


احفظلك كلمتين ولف بيهم يا اسمك ايه


على دكتور كئيب والتانى تعبان متقدرش تقله تلت التلاتة ايه


خليك حافظهم وسمع فيهم وانس كل الى انت عارفه كمان


ولا اقولك الكوالتى قالوا عليها دى كونتروال


تحكم يا معلم و ايه وشغل زى البريمة


يا سلام يا سلام


عوزنى اقف على الجهاز واضغط على الاحمر قبل الازرق وما تنساش


تكتب التقرير ومتنساش تفبرك لحسن عمك المدير يتشال


هى تجربة واحدة او تجربتين تعد تعملهم ولو فى يومين


لا دا طول عمرك وهو انت منين


مش صيدلة خلاص وبعدين


ضحكتوا علينا يا بتوع صيدلة


وقلتو الصيدلية منين على فين


الصيدلية عمال تتعلم ومش هتنسى لو أنت معلم


وهتفضل تتعلم بس أنت تعيش

ولى يعيش يا ما يشوف






دوت وأنا بهيس أمبارح الساعة واحدة فى الصيدلية







المهم


كنت بسمع طول فترة الدراسة ان شغل الصيدلية ممل

وأنك مجرد بياع

ومش بتحس بقيمة نفسك


مع أنى بفضل الله بنزل الصيدلية من أيام ثنوى

وعمرى ما حسيت بكدا ابدا


وبعد ما خلصت وبدأت اسئل الناس الى شغالين فى المجالات التانية






زى مثلا المندوب

الاقيه يقلى


والله انا بشتغلى على صنفين تلاتة

واحفظلى كلمتين على كل واحد


والف على الدكاترة ولازم طبعا اكون مبتسم وكدا حتى لو مش طايق الى قدامى واسمعلوا الكلمتين


بل فى دكاترة الى الشغل عندهم جامد يقوم مدخل يجى سبع مندوبين كدا


ويوقفهم طبور

وكل واحد يسمع الكلمتين الى هو حافظهم ويسلمه العينات ويتكل






وسئلت بتوع الكوالتى كونترول


نفس الحكاية


يقلى والله انا بشتغل فى قسم ما على عينتين تلاتة برضو

وبنعمل عليها عمليان بالاجهزة ونعد نكرر فيهم

ومعانا ناس بتوع دبلاومات هما الى شايلين الشغل الصراحة


بل سعات بتكون العينات مضروبة

وبضطر اقول العينات تمام علشان المدير بتاعى عاوز كدا






وبعدين تيجوا فى الاخر وتقلولى شغل الصيدلية مش عارف ايه


انا بحس انى قاعد فى مملكتى


عارف كل دوة فى ايه من صغيرة لكبيرة

ولو ده اتحط مع ده يعمل ايه


الف براسى كدا على الرفوف الاقى جه فى دماغى خمستلاف معلومة فى ثانية


أقعد اتكلم مع العيان وافيده والاقيه جا تانى يوم مش عاوز يسبنى من فرحتوا بيا


بجد مش عارف اقول ايه مملكة بجد

انك تصاحب العيان وتابعه وتتطمن عليه

وتديله النصايح


انا شكلى طولت قول طول


يلا عاوز رأيكم فى الكلام

مش فى الشعر الحلمنتيشى الى فوق دوت

[..::ciZar_Resala::..]

تمام يا شبند ..

[:|©؛°¨¨°؛©الصيدلى الذهبى©]

كلامك مظبوط جدا ماانا بقول كده طول عمرى بس بص للموضوع ماديا وانت تعرف ليه الناس بتسيب المملكة وتهرب للكلمتين

[..::ciZar_Resala::..]

كلامك مظبوط جدا ماانا بقول كده طول عمرى بس بص للموضوع ماديا وانت تعرف ليه الناس بتسيب المملكة وتهرب للكلمتين

الشباب عاوز يتجوز يا على .. الناس عاوزة تشوف مصالحها ..

[A H M E D]

لا فض فوك يا شبند

بس كل واحد وحسب ظروفه

[Messi]

انت عقدتني يا د.شبند

[NeScaFE]

والله انا حاسة ان الكلية على بعضها ما ليها لازمة لان حتى اللى واقفين فى مملكتهم

فى الصيدلية بيقولو عليهم بياعين برده ..ومبيبقاش فرق كبير بينهم وبين بتوع الدبلومات

عندنا فى بلدنا ناس معاها دبلومات وبيتقال لهم يا دكاترة

مش عارفة الحل ايه

[N00R EL _SHAMS]

ماشاء الله حضرتك بتنزل من ثانوى !
طبعا ده مش حسد خالص ........ربنا يكرمك
بس دى اكتر حته لفتت انتباهى فـ التوبيك كله
المفروض بقى حضرتك الوقتى مش تقف فـ صيدله ....
لا المفروض تفتح شركة ادويه خاصه بيك ان شاء الله...
بالتوفيق

[Dr/HULK]

انا هشترى ارض وازرعها

واعمل مزرعة دواجن

وبفلوسهم هعمل مزرعة مواشى

[مهداه]

انا هشترى ارض وازرعها

واعمل مزرعة دواجن

وبفلوسهم هعمل مزرعة مواشى

هههههههههههه
ودا ايه علاقته باللى فوق
هو حضرتك بيطرى وانتدبوك ف منتدانا
بهذر طبعا
والله كله محصل بعضه
وفى كل ده انا بفضل
المطبخ
بنت بقى محدش ليه دعوه
انا اخرى افتح صيدليه اوقف فيها كام صيدلى
وابقى اشرف عليهم
وبالنسبه للتكليف والحجات دى
شوفوا حتى التكليف عامله حسابه
انا مقولتلكوش هبقى اخد اجازه
ما اهو انا مينفعش اعمل شغل البيت واشوف طلبات العيال
وكمان اشتغل
دا ايه الافترا ده
انا ايه اللى دخلنى صيدله اصلا
والله ما انا عارفه
معلش يا جماعه
شلى هيست
سلام بقى