انتى طالق.....................ياااااااالله بقى!

[fathybehery]

كلام جميل د-poooooooh
شكرا المشاركة

[pooooh]

جزاك الله كل خير يادكتور فتحى إن حضرتك فتحت باب المناقشه فى الموضوع ده بالذات
من وجهة نظرى إن التفاهم أكيد مطلوب بين الزوجين
يعنى لو شخص فيه كل المميزات اللى حضرتك بتقولها س محتاج دايما حد يوجهه إيه المشكله إن الاتنين يكملوا بعض وبعدين ده غالبا بيحصل فى أول سنوات الزواج لحد ما الطرفين ياخدوا على طباع بعض
وأكيد الصراحه هنا مطلوبه يعنى كل طرف يعرف التانى هو محتاج منه ايه لحد ما يوصلول لدرجه انهم يفهموا بعض بجد
أما بالنسبه لإمتى الطلاق بيون مستحب ...من وجهة نظرى الشخصيه لما الاتنين يحسوا إن الاحترام بينهم هينتهى لإن ساعتها الحياه تصبح مستحيله
أما المرأه حتى لو بتتمنى فعلا الطلاق بلسانها إلا إنها بترفضه داخلها بعنف حتى لو زوجها ميتعاشرش زى مبيقولوا وفيه العبر لأن اطلاق للمرأة هو منتهى الإنكسار
آسفه على الإطاله

[summer breeze]

والله يادكتور انا شايفه ان الكلمه دي كلنا بنات واولاد مابنحبش نسمعها لكن مينفعش ننكر انها احيانا بتكون الكلمه

السحريه اللي ممكن تريح احد الطرفين او حتى كلاهما وبتهيالي ان لما واحد من الطرفين مايحترمش التاني يبقى

العلاقه لازم هتنتهي ان عاجلا او اجلا فمفيش داعي بقى ان الناس تضيع عمرها وتفقد كرامتها

[د\بوسى ربيع]

لا طبعا ربنا يكفينا شر الكلمه دى لان تدمير كيان اسر شىء مش بسيط وبالنسبه للتضحيات فلو الحب والتفاهم موجود من الاول فالتضحيات هتبقى واجبات وكل طرف هيلاقى سعادته فى نجاح الطرف الاخر وبعدين من وجهه نظرى ان الختيار من الاول مش هو بس العامل الوحيد اللى ممكن يساعد على قيام اسره سليمه ومش معنى كلامى ان الانسان يختار اى حد لا قصدى ان بعد الختيار السليم هيبقى فى هدف مهم هو انشاء كيان ناجح يكون كل اعضاءه فى طاعه الله وبالنسبه للمشاكل فكل بيت لازم يكون فيه مشاكل اكيد احنا مش عيشين فى المدينه الفاضله وفى النهايد اشكر دكتور فتحى على الموضوع الجميل ده

[dr_chamommile]

شكرا يا دكتر علي موضوعاتك المميزة

لما قريت راي اخواتي اللي ردوا فعلا حلو جدا واراء جميلة جدا

وبالنسبة ليا انا كلمة الطلاق دي لما بسمعها بحس بخنقة

ازاي اتنين عاشوا سوا واختاروا بعض من الاول وبعد ما ارتبطوا والزواج ده زي ما ذكره ربنا ميثاق

ازاي بعد كده عشان كلمة ينفصلوا
كلمة الطلاق دي يريت اي راجل ميعرفش ينطقها

المفروض اي حد مقبل علي الزواج يبقي عارف انه باذن الله ناوي يكمل الحياه مع الشخص ده بكل ما فيه عيوبه ومميزاته

المفروض ان الحياه مش لعبة ومش اي مشكلة او اي طاريء تخلينا ننسي اي زكريات او حجات كويسة

المفروض اننا نمشي علي الطريق اللي رسمه لينا رسولنا الكريم


الكلمة بصراحة صعب جداااااا اني اسمعها او اطلبها

بصراحة زي ما قالوا الدكاترة ان دي اكتر حاجة تكسر المراه هتحسسها انها ولا حاجة

تحس وكانها غير ادمية لدرجة انها لاتعاشر لان الطلاق ده بالنسبة ليا لا قدر الله اذا استحالت العشرة واذا مكنش فيه

ذرة خير انما لو كان فيه اي شيء من الخير يبقي انسان


وبيتهيالي قبل ما اطلبه اقطع لساني احسن....... بجد نسب الطلاق بقت تخوف والموضوع ده يقلق

لو مشينا زي ما رسولنا علمنا مش هيحصل ده ابدا

ولا بد اننا نتنازل سواء رجل او امراة لان الكمال لله وحده

وفترة الخطوبة اتعملت عشان نعرف كل واحد يعرف طباع التاني

فبالتالي مفيش داعي نرتبط وبعد كده نندم

التمهل في الاختيار ولا داعي للاستعجال

وشكرا يا دكتر جدا علي طرحك للموضوع ده

[pharmacistina]

وانتى هل تحبى تسمعيها؟

أكيد لا ...

و امتى ممكن تتمنى تسمعيها؟

لما يكون الشخص دة بيقلل من مكانتي .. و بيكسر كبريائي .. و طبعا الايذاء زي ما بنسمع من مشاكل بتحصل و يا رب ما يكتبهالي ولا لأي بنت مسلمة

و اية التضحيات اللى ممكن تقدميها علشان ما تسمعيهاش؟

ممكن أضحي بشكل مؤقت بطموحي المهني لو تطلب الأمر .. مش خوف من حد لكن لما يكون الشخص شريك الحياة يستحق مثل هذه التضحية بشيء قضيت عمري كله أحلم بيه و هو طموحي المهني ..

منتظر ردودكم

[WhiteBird]

updated............

[DR DOOLA]

كلمه صعبه اوى يا دكتور و الله بس الواحد مفروض يبرمج نفسه كده انه مهما وصل لدرجة غضب انه مينطقش الكلمه دى و يبقى على يقين ساعتها بوجود شيطان نفسه يهدم حياه اسريه و فعلا زى ما بقية الناس قالت تحرى الدقه فى اختيار شريك الحياه تفاديا لهذه الكلمه القاسيه .... الطلاق ابغض الحلال عند الله و شكرا مره تانيه ليك يا دكتور

[كليوباترا]

كلمة طلاق دى كلمة صعبة جدا جدا ومش سهل على الزوج ينطقها ولا سهل على الزوجه ان تسمعها سبب ان الزوج يقولها كثرة المشاكل بينه وبين زوجته حتى لوكان فى تفاهم وانسجام قبل الزواج فممكن كل ده يتغير على سبيل المثال عدم اهتمام الزوجه بزوجها وانشغالها بتربية الاطفال وبتنظيم البيت وجعل زوجها من اخراهتماماتها او عدم مراعتها لحالته المزاجيه بعدعودته من عمله تبدا بعرض طلباتها التى لاتنتهى دون اعطاؤه اى فرصه للراحه او انهازوجه نكديه بطبعها تحب الشجاروعمل الخلافات وغيره كتييييييير بس دول اهم الاسباب
اما بالنسبه للزوجه فهى تريد سماعها عندما تشعر بان زوجها لايهتم بها اوبخيل لاينفق عليها اويقوم بخيانتها اويكون غيرواثق فيهااو يطلب منهااشياء تكون فيها معصية لله فلها الحق فى ان تطلب الطلاق ولكن وجب على الزوجين محاولة تفهم بعضهم البعض وتغيير اى عيب يراه كل منهم فى الاخر حتى تستمربينهم الحياه لان ابغض الحلال عندالله الطلاق بما فيه من تدميرلكيان اسره باكملها.
جزاك الله خيريادكتور ع الموضوع الرائع ده واسفه للاطاله

[Rooose]

و خلونى ابدا تظبيط الحياة من بعد الزواج:
و نقول ان المراة العربية قديما نصحي بنتها نصاءح كثيرة
انا سايف ان اهمها هى(كونى له امة ..يكن للك عبدا)

و اقدر ان اقول للرجل (كن لها عبدا ..و ابا...و ابنا...و راعيا....و كل حاجة.....تكن هى لك...كل ما تتمناة) و الكلام دة عن خبرة

عاجبني كلام حضرتك جدا يا دكتور .. وكمان الموضوع ده مهم أوي خصوصا الايام دي بنسمع عن حالات طلاق كتير اوي اوي ،،

بس بصراحة..

أنا بستغرب جدا ازاي اتنين اختاروا بعض من الاول يوصل بينهم الوضع لنهاية حياتهم مع بعض وازاي اتنين كانوا في يوم أقرب الناس لبعض يبقوا بعد كدا أغراب عن بعض !!!!!!

شيء صعب وقاسي جدا ......

طبعا الاختيار هو الاساس المفروض لو اتنين حسوا من الاول انه مفيش توافق بينهم وانهم مش متفاهمين يبقي يفهموا انه ربنا بينبهم انه نصيبهم مش مع بعض يبقي ميكملوش أصلا عشان الموضوع يوصل بينهم لنهاية زي دي ..


وكمان لما الطرفين بيكونوا انايين وكل واحد بيقول نفسي ممكن الوضع ده ينتج عنه مشاكل كتير ويبقي كل التفكير في الانفصال مع ان ممكن الحل يكون بسيط اوي بكلمة تراضي من الاتنين وكانت ممكن المشاكل يلحقوها من الاول و ميدهواش مساحة تكبر دا لو كل واحد بيفكر في الطرف التاني قبل نفسه ...

لازم التفاهم يكون ليه مكان في كل موقف في حياتهم ولازم كل واحد يحترم رأي التاني ويحترم طباعه وانه ممكن تكون فيه حاجات مختلفة ولو هما عايزين يكملوا مع بعض هيحاولوا لحد ميتفقوا ..


بس طالما ربنا أباح الطلاق يبقي أكيد البشر محتاجين الامر ده يكون موجود لانه أكيد بيقي في ظروف خاصة جدا ممكن تضطر لكدا ..

بس لما يحصل انفصال والطرفين يكونوا بيحترموا بعض أحسن لما يكملوا ويفقدوا الاحترام ده في مشاكل تجرح وتهين ...

وفي الاول وفي الاخر كل شيء نصيب ...

وربنا يوفق الجميع في حياتهم...