ليس لدينا كليات معتمدة او متزاملة مع جامعات عالمية المستوى
مستوى الخريج لا يناسب متطلبات سوق العمل
العملية التعليمية قليلة الفاعلية فى إستيفاء مخرجات تعلم ممتازة للطالب
الأنشطة الموجهة لخدمة المجتمع و تنمية البيئة غير مؤثرة او قليلة
مجمل الأبحاث العلمية لا تنشر فى مجلات عالية الأثر مثل الطبيعة و العلم
النشاط الطلابى قليل او لا ينشر على موقع الجامعة او لا يشارك فيه اكثر من 50% من الطلاب
النشاط الطلابى لا يشمل خدمة المجتمع و البيئة المحيطة
تفتقد العملية التدريسية مهارة انماء التعلم الذاتى لدى الطلاب
الأرشاد الأكاديمى للطلاب غير فعال
مصادر التعلم: المكتبة الإلكترونية - المراجع المعاصرة - التعليم الإلكترونى الخ, غير كافية
ليس هناك الكثير من أعضاء هيئة التدريس حصل على جوائز عالمية رفيعة المستوى من علماء الجامعة
نسبة الطلاب الى أعضاء هيئة التدريس ليست مثالية (اكثر من 25 الى 1)
مساحة الجامعة بالنسبة لعدد الطلاب و العاملين بها ليست مثالية
المعلومات المتداولة عن الجامعة غير كافية للطلاب و العلماء و المجتمع الخارجى المحلى و العالمى
لا يشترك الطلاب و طلاب الدراسات العليا بفعالية فى لجان الكليات و ليس لهم وجود فى مجالس الكليات
تعمل الجامعة على تيسير الحصول على عمل او توظيف الخريجين
ليست هناك ادارة فعالة لشئون الطلاب الوافدين و استيعابهم
لا تستعين الجامعة بأعضاء هيئة التدريس او العلماء الأجانب ذو المستوى العالمى
نسبة الطلاب الأجانب الى الطلاب المحليين ضئيلة للغاية
هناك خريجين حصلوا على جوائز نوبل او فيلد
ده من عاشر المستحيلات
جامعة هارفارد بتنفق على البحث العلمى اكثر مما تنفقه الدول العربية مجتمعة
http://bit.ly/aJLzF3
خلى بالك يا دكتور دى جامعة واحدة من جامعات امريكا اللى كل سنة العاملين فيها بياخدوا نوبل واحدة فى أسوأ الاحوال .
و جامعة ستانفورد ميزانيتها تساوى تقريبا نصف ميزانية جمهورية مصر العربية
غير ان الطالبة هناك يعاملوا معاملة ادمية .
كان مفروض راسم الكاريكاتير ده يضيف "جامعة المنصورة من ضمن أفضل 100 جامعة فى العالم" ههههههههه والله هم يضحك و هم يبكى
شكرا يا مصطفى. هذه مشاركة هامة ولعلى اذكر هنا بهدف هذا الموضوع: و هو جعل الطالب يضع يده على اسباب الخلل و مكامن الثروة الغير مستغلة حتى تصير واضحة و موثقة لأولى الأمر و قبل ذلك للطلاب أنفسهم. لماذا الطلاب؟ لأن المعرفة الجيدة بأوجه الخلل و مكامن الثروات (البشرية و الغير بشرية) الغير مستغلة او الموجهة الى غير وجهتها اول طريق الإصلاح. فلن نعالج مرض الا بتشخيصة و لن نصف علاج الا بعد معرفة التذكرة الطبية التى استخدمها الذين سبقونا اليها. يزاد فى هذا الأمر انه اذا هان الطالب نفسه فى العملية التعليمية بمعنى ان تكون امامه كثير من سبل التغيير (بعد معرفتها) و لم يقم بها فهو مشارك بالفعل فى تأخير عملية الإصلاح. فمثلا عندما يكون هناك مكتية و قدرة للوصول للكتب الإلكترونية و الأوراق البحثية و لا يستخدمها الطالب فى عملية التعلم الذاتى و تكوين الخبرة المهنية و يفضل عنها اوراق دروس عليها هنا فقط يصبح كلام هذا الطالب مجرد هروب من المسئولية يعنى انسحاب من المشاركة الإيجابية فى التغيير و الإصلاح ليس فى الجامعة فقط بل فى المجتمع فيما بعد.
ما زلنا بحاجة لكثير من جهد المشاركين لوضع النقاط الحصرية من خلال الدخول على مواقع الجامعات فى التصنيف العالمى.
اول نقطة هامة اثيرت فى أول المشاركات كان تعظيم النشاط الطلابى داخل و خارج تلك الجامعات.
و كان ثانى نقطة: هى النقطة المثارة هنا و هى نقطة الإنفاق على الأبحاث.
اترك لكم المجال ثانية لمشاركات اخرى فاعلة.
"من لا يتقدم يتقادم .. فلا بصمة و لا أثر"
من النقاط الهامة التى أثيرت ايضا
هو توفر مكتبة ممتازة فى الكم والكيف
فى كليتنا وكذلك المكتبة الألكترونية المفتوحة لطلاب البكالوريوس وماقبل البكالريوس
وعلى الرغم من ذلك لم يفعل الطلاب عضويتهم بها
الا عدد قليل جدا..
بل ان العدد الأكبر لم يسمع بهذه الأمكانية من الأصل
ربما فعلا تحتاج المكتبة الى توسعة اكبر لتتسع عدد اكبر من الطلاب..
واضافة بعض مصادر التهوية الجيدة
غير ذلك اعتقد ان المكتبة جيدة للغاية..
----
ومن ناحية أخرى
فان النقطة التى تكلم عنها االزميل مصطفى وهى عملية الأنفاق على البحث العلمى
هى نقطة تتعلق باتجهات الدولة فى حد ذاتها
والقائمين على العملية التعليمية والبحث العلمى
ولذلك فان مجال الحديث يقف ولا يتسع كثير للحوار فى ذلك.
-------
اما النقطة الخاصة بدور الطلاب ..
يادكتور
الطالب بين المطرقة والسندان
اذا قام بالأعتماد على المراجع والأبحاث العلمية
سيفاجأ بنتيجة لا تدل على مدى تمكنه
وسيظل دائما فى مرتبة أقل من اقرانه أصحاب
ورق المراجعات والدروس التى تحصل الدرجات العالية
والتقدير المميز
اذ ان النظام التقويمى والدراسى فى الجامعات
يعتمد بشدة على ماقيل فى المحاضرات كأساس لتقويم الطالب
ويعتبر -حفظ - الطالب لمحتوى المحاضرات دليل على تمكنه من المحتوى العلمى
على الرغم ان المحاضرات فى الأساس هى عملية توجيهية وأرشادية
للطالب وليست هى ختام ونهاية الطريق
اذ كما قلت سابقا
لايمكن لأى محاضر فى العالم ان يتمكن من شرح وتدريس المحتوى العلمى لأى مادة
مهما زادت عدد ساعات الكورس
لأنه ببساطة
العلم بحر لاشاطئ له
ووقف هذا العلم على محتوى المحاضرات
هو ظلم للطالب والمحاضر نفسه..
----------
التتمة فيما بعد،،
هيا يا شباب نريد اكبر عدد ممكن من الطلاب فى التأشير على هذا الإستبيان و لكن من وجهة نظر الطالب البحته بدون التأثر بما يقال او يكتب. بمعنى الذى تشعره فعلا و تشاهده و تعلمه و يا حبذا لو كان الإختيار لكل نقطة على برهان فى ذهنك. و يمكن كتابة البراهين فى المشاركات حتى تدعم خياراتك.
مطلوب القراءة بعناية فلا تتسرع بالتأشير قبل وميض الإجابة فى ذهنك.
هدفنا 4000 طالب على الأقل يشاركون فى هذا الإستبيان.
امانة: الحاضر يعلن الغائب
فى امان الله
"من لا يتقدم يتقادم .. فلا بصمة و لا أثر"
السبب الاول المسئول عن الزمالة
لو كليتنا متزاملة مع كلية عالمية اكيد ده هينهض بيها لان هيبقى فيه تبادل خبرات ادارية وعلمية من شأنها(حلوة الكلمة دى) رفع مستوى الجامعة مهما كان
السبب التانى متطلبات الخريج
خريج عندنا فى الجامعة عموما بيتخرج من الكلية عشان يبدأ تعليمه من جديد
السبب التالتالعملية التعليمية قليلة الفاعلية فى إستيفاء مخرجات تعلم ممتازة للطالب
انا مش فاهم الجملة دى اساسا عشان كده اخترتها لانى مادام مش فاهمها يبقى مش موجودة عندنا يبقى ناقصة فى الجامعة
السبب الرابع بخصوص الانشطة الموجهة تجاه المجتمع
فالحمدلله كليتنا بيتخرج منها صيادلة هدفهم الربح المادى قبل اى خدمة تانية واللى بتكون فى المرتبة التانية واللى بتميز صيدلية عن تانية
السبب الخامس نشر المجلات العلمية
مشفنهاش كطلبة ولو كان فى ابحاث اتنشرت يبقى ده نقص من الكلية لانها مش بتعلن عن الابحاث اللى الدكاترة قدموها
(دا تامر حسنى لما حه المنصورة بوسترات الحفلة اتنشرت فى المنصورة كلها )
النشاط الطلابى
فى كليتنا موجود وواضح لكن فى بعض كليات الجامعة الطلبة مسمعتش عنه دا غير انه برده مشكلته قلة الدعاية
لكن فى بعض الانشطة بتساعد الناس ودى موجودة عندنا
التعلم الذاتى لدى الطلاب
دى مش موجودة عندنا لسبب بسيط اول يوم دخلنا الكلية العميد اشتكى من اعدادنا فالحكاية بقت واضحة ان اساسا اعضاء هيئة التدريس يأسين من تعليمنا واللى بالتالى ارتد على الطلبة بان الحكاية مش مستاهلها غير شوية ورق وتقدير
الارشاد الاكاديمى
نكتة فظيعة انتشرت فى جامعة المنصورة
مصادر التعلم
80% من الدفعة مقرأوش اى حاجة فى الجامعة غير ورق المكتبات
الجوائز العلمية اللى حصل عليها الدكاترة
هى هى فكرة نشر الابحاث انا كطالب معرفش الدكاترة اللى اتقدروا
نسبة الطلاب
هو احنا كتير اه بس كل مشكلة ولها حل ولو كل واحد فى العالم قعد يرمى المشكلة على الاعداد كان زمانهم زى مصر كده
الصين ادنا 25 مرة واليابان اكتر من 110 مليون ساكن وعبارة عن شوية جزر
المانيا مساحتها لاتقارن بينا وعدد سكانها فو 90 مليون
بقت حجة سخيفة حجة الاعداد دى
مساحة الجامع كويسة مقارنة بجامعات تانية كتير فى مصر
بره مصر معرفش حكاية المساحة دى عاملة ازاى
المعلومات المتداولة عن الجامعة فى العالم الخارجى
دى معرفهاش لان اساسا العالم الخارجى متصور مصر اهرامات وجمال طب ازاى هيبقى عندهم تصور ان فيه تعليم اساسا
بالنسبة لمشاركة الطلاب فى مجالس الكلية
حضرتك يادكتور اكيد حضرت مجاس للكلية شفت فيهم طلبة قبل كده ولو كان فيه فهل فيه منهم مشاركة
بخصوص دور الجامعة فى توظيف الخريجين
الكافيهات اكبر دليل على الدور ده
ليست هناك ادارة فعالة لشئون الطلاب الوافدين و استيعابهم
معرفش انا ايه ادارة شئون الطلاب الوافدين لانها مش عندنا
بخصوص استقطاب علماء اجانب
من يوم مادخلت الكلية مدخلناش المدرج اى اجنبى حتى لو جاى من اثيوبيا
ونفس الفكرة بالنسبة للطلاب الاجانب بنشوفهم فى الاجازات لما نمشى جنب كلية طب
خريجين حصلوا على جوائز عالمية
فى عندنا عمرو ذكى لعب فى الدورى الانجليزى
انا كنت داخل الموضوع اساسا عشان اسلم على حضرتك يادكتور ولقيت الاستفتاء الجديد فعجبنى
بس انا تقريبا اخترت معظم الاختيارات عشان كده وضحت الاسباب واحدة واحدة
ياريت تكون حضرتك كويس ومبسوط ومتكنش زهقت من الحر فى السعودية
مع السلامة وبالتوفيق للجميع باذن الله
شكرا يا محمد على تلك المشاركة الجيدة. عندى فقط بعض الإيضاحات
العملية التعليمية قليلة الفاعلية فى إستيفاء مخرجات تعلم ممتازة للطالب
يعنى المهارات (المعرفية - العملية - الذهنية - المهنية) المستهدف زرعها فى الطلاب من خلال المقررات غير متحققة بالإجراءات التدريسية الحالية.
النشاط الطلابى
المقصد هناك نسبة المشاركة الطلابية فى الأنشطة المختلفة لأن المشاركة الطلابية تعنى ان هؤلاء الطلاب ستبنى لديهم مهارات حياتية و إدارية و قيادية و روح فريق و سيكون عندهم إتزان نفسى جيد بالنظر اليه كمواطن غير متطرف يبنى و يشارك مجتمعه بعد التخرج
صحيح دول مثل اليابان او الهند او الصين لديهم عدد سكان عالى لكن نسبة كثافة الطلاب الى اعضاء هيئة التدريس افضل بكثير مما لدينا يعنى مثلا الفصل فى المدارس لايزيد فى معظم الأحوال عن 24 طالب - الفرقة الجامعية ممكن تكون 200 طالب كحد أقصى لكن تقسيمهم لمجموعات صغيرة 25-50 شيىء لا بد منه لأن المجموعة الصغيرة تضمن إحتكاك اكثر بأعضاء هيئىة التدريس و تمكن أعضاء هيئة التدريس من التفاعل مع الطلاب بشتى الطرق المعتمدة.
[/quote]
بالنسبة لمشاركة الطلاب فى مجالس الكلية
انا ممكن اقول كل حاجة اعرفها يا محمد و لكن اريد ان اقيس مدى دراية الطالب بهذه الأمور و إختياره لهذه النقطة تعنى انه يعلم علم اليقين ان هذه المشاركة منعدمه مثلا فى جامعته و ان هذا الأمر ليس كجامعات اخرى و من أجل هذا ياشباب كنت اود عند بداية طرح هذا الموضوع ان تدخلو أكثر على مواقع الجامعات المصنفة عالميا لتروا ما يحدث هناك.
إدراة لشئون الوافدين بمعنى الإدارة التى تعنى بالطلاب الأجانب لأن وفود طلاب اجانب بكثرة الى الجامعة مع وجود إدارة تعنى بشئونهم من تسكين و رعاية صحية و إرشادية و مالية و غير ذلك من شأنه جذب مزيد من الوافدين , طبعا هذا مع التعليم الجيد عالى المستوى.
حياك الله يا محمد. و الله بخير و الحمد لله. لسه الحر الحقيقى بدرى عليه
"من لا يتقدم يتقادم .. فلا بصمة و لا أثر"
السلام عليكم ورحمه الله وبركاته
شكرا لحضرتك يا دكتور علي اثارة الموضوع المهم دة
انا شايف ان اسباب تأخر الترتيب حاجات كتير هقول بعض منها
1- المناهج الدراسيه اللي بندرسها هنا معظمها حاجات قديمه جدا ومفيش حد من اعضاء هيئه التدريس بيحاول يجهد نفسه ويشوف اييه الجديد عشان يضمه للمناهج
2- فيه بعض من اعضاء هيئه التدريس من لا يستحق هذا المنصب ( انا عن نفسي شفت طالب بيسأل معيد عن mechanism هرب من السؤال وقال ليه مش عليكم ) يعني فيه احتمالين هوة عارف الاجابه ومش عاوز يقولها ودي مصيبه او هوة مش عارفها ودي مصيبه اكبر
2- الجامعه بتاخد قرارات مش مدروسه يعني موضوع الاعتماد دوة غيروا نظام الامتحانات في السنه دي ومكنش فيه مصداقيه في الموضوع الترم الاول قالوا خايفين عليكوا من h1n1 والترم التاني قالوا اعتماد يعني مبدأ المصداقيه مفقود يبقي ازاي ناخد مكانه بين الجامعات العالميه
3- نظام التعليم في نصر تعليم فاشل وانا شايف انه واخد اكتر من حقه يعني وزير خاد قرارات ممكن تفيد التعليم نلاقي اللي جي وراه هدم المنظومه دي وبدأ من دماغه وهكذا دواليك وبالتالي بنرجع لنقطه الصفر طب اذاي نقول التعليم كويس واذاي نطلب بترتيب عالمي للجامعه
4- المشكله كمان من التعليم الثانوي اللي قبل الجامعه ما هو الا منظومه فاشله تعتمد علي الحفظ والتلقين وروح يابني سمع اللي حفظته في الامتحان عشان تجيب مجموع طيب :
* فيه طلاب اساسا مستواها العلمي ميألهاش انها تدخل كليات الطب والصيدله وغيرها وعلي الرغم من ذلك بتكون موجودة في الكليه والطلاب دي بضر مش بتفيد
* فيه طلاب تستحق انها تكون موجودة ومش بتعرف تدخل عشان .1 %
هل دة يبقي اسمه تعليم
وعشان كدة انا شايف اننا نلغي حكايه المجموع دي والمرحله الثانويه تكون منتهيه والمرحله الجامعيه تكون خاصه بذاتها اللي عايز يدخلها يقدم في الكليه ويكون هناك اختبارت مكثفه تحت اشراف هيئه التدريس عشان نعرف الطالب دا يستحق انه يمثل الكليه دي ولا لاءة وبدة هنضمن تخريج طلاب عندهم المارات والامكانيات التي تؤهلهم لنظام العمل وانهم يخدموا مجتمعهم
4- نجي بقي للتعليم في الجامعه تاني المناهج اللي بناخدها عباره عن يا بني صم المنهج وراجع عليه ادخل الامتحان سمعه في الورقه اخرج انساه ويلا السلامه علي الي انته ذاكرته وعرفته .
5-وكمان الكليات علي مستوي الجمهوريه بتخرج طلاب بالزاف ومفيش حد بيشغل في شركات او وظايف مرموقه الا بالواسطه والرشوه والمحسوبيه طيب انا واحد من الطلاب اللي بيقولوا طالما الموضوع ماشي كدة انا ليه اقرف نفسي بالمذاكرة والكلام الفاضي دة وفي الاخر مش هلاقي وظيفه زي الناس ماهي في الاخر سيان ( ودة بيأثر علي مستوي التعليم )
5- وكمان نيجي لتعين المعيدين بياخدوا العشرة الاوائل طب ليه عشان بيجيبوا امتياز (دا مش حقد والله ) بس ربنا ادي لكل واحد من البشر مهارة في ناس عندها مهاره الادارة وناس تانيه عندها مهارة الشغل في المعامل في الشركات وناس هيكون عدها مهارة التدريس وتلقين المعلومه للطالب يعني فيه معيدين مسيتحقوش الانضمام لهيئه التدريس وبالتالي انا شابف ان تعين المعيدين يكون عن طريق تقديم C.V وكمان اختبارات تشوف همه مؤهلين لكدة ولا لاءه
6- نجي لمزانيه الجامعه اللي هيه اصلا مش ميزانيه ازاي بقي هيجيبوا وسائل تعليم جديدة ننمي بيها مستوي الطلبه للاحسن ومفيش ميزانيه ( الكليه منبهرة من الداتاشو اللي في المدرجات مع انه متركب من فترة زمنيه صغير وكمان مهواش جديد يعني ) يعني دا كلام بنضحك بيه علي نفسنا
7- البحث العلمي ملوش ميزانيه اساسا ومن يوم ما دخلت الكليه مشمعتش عنه اصلا وعمري ما سمعت اصلا عن دكتور اخ جايز نوبل او احد الجوائز العالميه عن بحث كويس فاد بيه الانسانيه وعلي النقيض الجامعات الاوربيه بياخدوا كل سنه واحدة من الاجوايز دي
8- نيجي بقي لنظام توزيع درجات الامتحان علي الطلبه ( حتي دي المحسوبه داخله فيه ومثال انا شفت كذا مرة طلاب جايبين ورقه بيروحوا بيها لدكتور يقوم مديهم درجات الشفوي من غير ما يسئلهم وحتي ان سألهم بنكون ا- ب- ت صيدله وفيه ناس تانيه بتأجب اجبات نموذجيه ومنش بتاخد درجات اصلا يبقي ازاي هناخد ترتيب عالمي
9- التسوقيق للكليه لازم يكون فيه لجان تسوق للكليه علي المستوي العالمي عن طريق ارسال بعثات طلابيه بالمجان للدراسه في الجامعات العالميه وكمان نعمل تبادل لاعضاء هيئه التدريس بينا وبين الجامعات العالميه ودا هيساعد في تبادل الخبارت وكمان هيزود مستوي التعليم وبالتالي هناخد تريتب احسن
واخيرا اسف ع الاطاله واسف لو فيه كلام ممكن يزعل اي حد
مع حضرتك حق يا دكتور هو ده دور النشاط الطلابى بس للاسف حوالى 95% من الطلاب ميعرفشالنشاط الطلابى
المقصد هناك نسبة المشاركة الطلابية فى الأنشطة المختلفة لأن المشاركة الطلابية تعنى ان هؤلاء الطلاب ستبنى لديهم مهارات حياتية و إدارية و قيادية و روح فريق و سيكون عندهم إتزان نفسى جيد بالنظر اليه كمواطن غير متطرف يبنى و يشارك مجتمعه بعد التخرج
يعنى ايه نشاط طلابى يعنى من المحاضرة للسكشن للاسف للكورس للبيت معدوش وقت
مضغوط بطريقة صعبة جداااااااا وال5% اللى بيشاركوا مش بيحضروا محاضرات او بيحضروا
بنسبة ضئيلة جدااااااااااا يعنى المشكلة فى الكلية مش فى الطالب الطالب بجد ربنا يكون فى عونه
لما مثلا يبقى فى يوم عنده 5 ساعات محاضرات نسبة الاستفادة منها احيانا منعدمة
وسكشن 5 ساعات او على الاقل 2.5 بردوا مش بيطبقوافى حياته العملية
اعتقد بعد كده مش هيبقى عنده وقت غير للمذاكرة
انا كنت بيتفرج فى يوم على مسلسل امريكى بيجى للاطفال بيتكلم عن الحياة فى الثانوية
عجبتنى فكرة حلوة قوى كان بيناقشها المسلسل الفكرة تتلخص فى الاتى
المدرسة عاملة جماعات تمثيل وموسيقى وغنى وكمان ادارة اعمال
فى ساعات معتمدة من الجدول الدراسى ..........
نيجى لمجموعة ادارة الاعمال بيقوم معلم بتدريس مجموعة من القواعد ازاى تكون رجل اعمال
وبيطلب من الطلبة عمل مشروعات صغيرة يسدوا بيها احتياجات المدرسة وفى نفس الوقت يحققوا اكبر ربح
وبيتم تقسيم الجماعة لمجموعات وكل مجموعة تعمل مشروعها وتسوقه وتحقق ربح واللى يكسب هو اللى
الجايزة بجد الفكرة دى عجبتنى جدا طيب احنا ليه مش بنعمل ساعات معتمدة فى جدول الكلية
لتكوين جماعات فى اى هواية يحبها الطالب اى ان كانت بحيث اننا نمكن الطالب من حضور محاضراته
وفى نفس الوقت ممارسة اى نشاط يحبه .................................................. .....
من الجماعات اللى بقترح تكوينها جامعة البحث العلمى فى كل قسم
متصلة ببعضها يعنى مثلا الجماعة دى تحدد هدف معين وليكن مرض معين ونحاول نبحث فيه فى
خلال سنوات دراستنا فى الكلية كل مجموعة على حدى
وفى الاخر نجمع مع بعض نتائج مرتبة ويمكن اكتشافات جديدة
طبعا هذه الجماعات يرئسها اعضاء هيئة التدريس المهتمين المؤمنين بالفكرة
فى حاجات كتير عاوزة اقولها بس ءان شاء الله فى مشاركة اخرى واسفة على الاطالة
التعديل الأخير تم بواسطة dr/noony ; 27-04-2010 الساعة 05:08 PM