أفضل قسم في كلية الصيدلة - جامعة المنصورة

[احمد شبند]

عارف

بس وضح ايه السلبيات والإيجابيات الموجودة
يكون أفضل

ماشى يا مولانا


أولا

قسم الصيدلنيات



(الايجابيات)




اهتمامه بالنتائج داخل المعمل بخلاف أى معمل اخر


يعنى اى معمل اخر ممكن ما تطلعش اى نتائج طول السنة ازى خالص


وتروح بيتك ومن غير ما تشتغل


لكن فى الصيدلنيات الى حد كبير بيهتمو بشغل الطلاب وتطليع النتائج غير كدا مافى اى ايجابيات خالص



(السلبيات)


( أسوأ قسم فى التاريخ )


يرفع قسم الصيدلنيات شعار


لا تبتسم الابتسام فيه سم قاتل


ده أقل واجب نقدر نقوله

1-سوء معاملة مطلقة لو بصيت جنبك تطرد

لو سلمت على زميلك فأنتمن المنحلين الخارجين عن القانون وكدا.


2-الكتب ما اطورتش من اكتر من 20 سنة.

3-


ايجبار الطلاب بشكل لافت على شراء الكتب ( مفيش غيلب من غيره بس أنا بتصرف )


يعنى لو قعدت اذكر سلبياته من هنا للصبح مش هوفيه حقه

ثانيا

قسم العقاقير



(الايجابيات)


1-المعدين متعاونين جدا جدا

بل فيه معدين بخلوك جاى السكشن وانت فرحان انك رايح السكشن ده .


2-الدكاترة الى بتشرحلنا الحقيقة من افضل الاقسام على الاطلاق على مستوى كفائة الدكاترة

سواء من حيث المادة العلمية


او من حيث القدرة على توصيل المعلومات


مع طبعا وجود بعض الخارجين عن هذا الاطار .


(السلبيات)


1- الكتب أغلبها سئ للغاية من حيث التنظيم .

2- أرتفاع أسعار الكتب جدا .

ثالثا
قسم الطبية



(الاجابيات)

1- مواكبة التطور والتطوير المستمر بشكل رهيب


لدرجة ان فى درجات بتكون لسة ظاهرة مبقلهاش سنة وتلقيها اتحطت فى ساعتها فى المنهج


بحس ساعتها انى بتعلم حاجة فى الكلية دى

فألف شكر للدكاترة على الاهتمام الكبير ده .



2- الاستجابة السريعة لرغبات الطلاب فى أى حاجة .


3- الكتب الى حد كبير مقبولة مقارنة طبعا بالمواد الاخرى .


(السلبيات)


1- العملى سئ للغاااااااااية يعنى شغل التايتراشن ده ملهوش اى لازمة اطلااااااااااااااقا


انا شايف اننا نعمل مشاريع درج ديزاين

او ابحاث على المناهج وناخد الدرجات عليها هيكون أفضل بكتير


بل وايه المشكلة لو اتقسمنا مجموعات


ونشتغل فعلا على درج معين من حيث البحث والتجريب والتحليل


لكن اضيع الساعات الطويلة فى التايتريشن بجد حرااااااااام أوى .

ابقى اكمل بعدين

[M_S_SH]

اهتمامه بالنتائج داخل المعمل بخلاف أى معمل اخر


يعنى اى معمل اخر ممكن ما تطلعش اى نتائج طول السنة ازى خالص


وتروح بيتك ومن غير ما تشتغل


لكن فى الصيدلنيات الى حد كبير بيهتمو بشغل الطلاب وتطليع النتائج غير كدا مافى اى ايجابيات خالص

بتهزر صح؟
ازاي يعني دا السكش الوحيد الي ممكن تدخله وتكون مكمل الكتاب من حد اشتغل قبلك و تعلمة وتاخد غيابك وتروح
دا السكشن ا الي ما بهتموش اذا كان الطالب اشتغل وفاهم ولا اد ما بيهتمو انك تكون كاتب الشرح ومكمل الكتاب
دا غير ان مفيش شرح للشغل قبل مايبدا السكشن معتمدين ان السكشن اتشرح في المدرج بغض النظر عن الكلام الي اتقال في المدرج كلام نظري بيختلف كتير لو حد اشتغله قدامك او حد محضرش الشرح دة
وطبعا سوء المعامله من المعيدين (دا انا عمري ما شفت معيدة صيدلانيات بتبتسم او بتضحك) اكن فية تار بينا وبينهم
مش عارف لية بيعملونا المعاملة دي
دا بالنسبة لقسم الصيدلانيات
*******
التحليلية
من احسن الاقسام في الكلية سواء دكاترة او معيدين
تدخل السكشن المعيد يوضح الشغل ولو فية حاجة غامضة وبعد كدة يسيبك تشتغل ويحسسك ان المعمل بتاعك اعمل فية الي انت عاوزة
وفكرة شرح السكشن الي بتنزل في المكتبة و ال hand out فكرة جميلة اوي يا ريت كل الاقسام تتطبقها
بجد كل الدكترة الي شرحولنا بغض النظر عن اعدادي كلهم كويسين ومفيش اتنين يختلفو عليهم
د منال في اولي ودك ناهد ودك فتح الله في تانية ما شاء الله عليهم
****
العضوية
من الاقسام الكويسة برضو في الكليه
بس السكاشن محتاجة شوية اهتمام من بعض المعيدين
وتتقل وقت السكاشن مش معقوله سكشن اربع ساعات واقفين علي رجلينا وكل دة علي عينتين ولا تلاتة ممكن نشتغلهم في ساعة واحدة
*****
الميكرو
السكاشن تمام والمعيدين كويسين وما بيبخلوش علي حد بمعلومة
بس الملاحظة الي ليا علي قسم الميكرو امتحان الشفوي بلاش اتكلم بس بيبقي فية كوسة كتير اوي لدرجة محدش يتخيلها
*****
العقاقير
بحس انهم بيطورو نفسهم علطول وظهر دة اوي السنادي
بداو بعملو شيت كل سكشن ودة بيخلينا نزاكر سكشن بسكشن
وبرضو فكرة طبقوها في اول السنة ان كل واحد له ميكروسكوب وقدامة ورقة متسجل فيها اسمة وما يمشيش الا لما يكون مكرسكوبة ومكانة نضيف بغض النظر عن الميكروسكوبات الي مش شغاله بس كانت فكرة حلوة
دا غير المعيدين المتعاونين جدا جدا
بس امتحان العمليي ناس كتير اتظلمت واشتكت من حكاية chang دي
****
بس دي الملاحيظ الي فاكرها دلوقت ولو افتكرت حاجة تانية هقولها

[friend]

الامتحان افضل امتحانات تقريبا شفتها فى المديسنال لا طويل و ممل و لا سهل و اى حد يحله يعنى امتحان زى الكتاب ما قال و الاسوء طبعا العضوية اختبار سرعات بصحيح

ياااه ده كان امتى ده احنا امتحان المديسينال بتاعنا كان اسوأ امتحان الترم الاول ماكانش اختبار سرعات وبس ده كان كمان رفع اثقال انا شايفه من وجهة نظرى ان قسم التحليليه هو الافضل يليه العقاقير ثم الصيدلانيات والقسم الاسوأ وبلا منافس طبعا معروف

[The Princess]

ياااه ده كان امتى ده احنا امتحان المديسينال بتاعنا كان اسوأ امتحان الترم الاول ماكانش اختبار سرعات وبس ده كان كمان رفع اثقال انا شايفه من وجهة نظرى ان قسم التحليليه هو الافضل يليه العقاقير ثم الصيدلانيات والقسم الاسوأ وبلا منافس طبعا معروف

انا بقول على اللى شفته و انا سمعت ان امتحانكم كان صعب فعلا بس ده مش العادى بتاع القسم بصراحة ...
اما عن قسم الصيدلانيات فكفاية امتحانات دكتور الشابورى و عبد المنعم فودة و امتحان الصناعيه اللى رسمنا فيه 17 جهاز باين فى ساعتين و لولا انا دكتور اسماعيل طيب معانا كنا ....
و بالنسبة للعقاقير فكفاية اوى امتحان دكتور فريد بدرية ده كفيل بانه يعرفك ان الله حق

[A H M E D]

أفضل قسم في رأيي قسم الطبية

يعنى لو قلتلى ايه هو أسوأ قسم فى الكلية


سعتها هجاوب علطوووووووول

+1

[DiNa TaReK]

انا رايى

العضوية

[Mohamed Al Gohary]

1- العملى سئ للغاااااااااية يعنى شغل التايتراشن ده ملهوش اى لازمة اطلااااااااااااااقا


انا شايف اننا نعمل مشاريع درج ديزاين

او ابحاث على المناهج وناخد الدرجات عليها هيكون أفضل بكتير


بل وايه المشكلة لو اتقسمنا مجموعات


ونشتغل فعلا على درج معين من حيث البحث والتجريب والتحليل


لكن اضيع الساعات الطويلة فى التايتريشن بجد حرااااااااام أوى .

متفق معاك جدا جدا ..

[Messi]

لكن اضيع الساعات الطويلة فى التايتريشن بجد حرااااااااام أوى .

ايه التايترشن ده يا جماعه؟؟؟
مزعلكم ليه؟؟؟
بس اكيد مش هيكون الترايتشن ده اقل اهميه من تجارب الفيزياء.......

[Amira]

ايه التايترشن ده يا جماعه؟؟؟
مزعلكم ليه؟؟؟
بس اكيد مش هيكون الترايتشن ده اقل اهميه من تجارب الفيزياء.......

التيتراشن ده بالسحاحه والحامل"البتاع الحديد ده" اللى بتشوفهم مع الناس الاكبر من اعدادى

بس ظريف والله هيعجبكم ان شاء الله

بس طبعا اكتر اهميه بكتييييييير من الفيزيا

[مهداه]

انا صوت على الاقسام اللى اتعاملت معاها يعنى انا دلوقتى لسه ماخدتش طبيه وفارما وحيويه
والغريبه بقى انى اول مره اعرف ان فى ماده اسمها كيمياء حيويه