بنات صيدلة و الاستثمار الغير صيدلي

[pharmacistina]

السلام عليكم ورحمة الله وبركاته


ازيكم جميعا ؟؟

جمعة مباركة ..

عساكم بخير و صحة و سعادة ..


عدت بموضوع شائك , لكنه هااااااااااااااام جدااااااا

لازم يتناقش بصراحة ..


بقول لنفسي و للبنات زميلاتي .. هتبيعي مهنتك بكام ؟؟



هتبيعي الشهادة بكام يا صيدلانية ؟؟



احنا - الصيدلانيات - لنا دور كبير في تدهور أحوال مهنتنا بشكل كبير ,


لأننا بنبيع شهادتنا ..

فأحيانا كتير الصيدلانية بتبيع اسمها و تحط اسمها على ورق علشان شخص غير صيدلي عايز يعمل مشرع صيدلية و هي تقبض مرتب شهري و هي قاعدة في البيت هااانم ..


أو الصورة الأكثر شيوعا ..

بنات صيدلة معروفين بكثرة العرسان , البنات في الكليات التانية بتحسدهم على كدة ..




طبيب علشان يفتح لك صيدلية تحت العيادة و العائد المادي عشرة على عشرة ..

( هو الحقيقة مش هيفتحلك , هو هيفتح لنفسه باسمك صيدلية )

مهندس و عايز يعمل مشروع صيدلية !!! دي بقى حصلت و الله


و أي حد خريج أي كلية , عايز يعمل مشروع صيدلية .. و ماله ؟؟؟ يروح يتزوج صيدلانية ..

الصيدلانية مشروع رائع دلوقت لأنها الوحيدة اللي بتبيع مهنتها و تجيب فلوس كتير ..

و دة سبب تزايد عدد البنات في كلية الصيدلة ,


الصيدليات أصلا مبقتش لينا و لا بتاعتنا , ولا بقت مكاننا المناسب ..


و عدد الصيدليات عمال يتزايد الى مالا نهاية ..


لما أقول ( نحن هجرنا الصيدلة ) بكون أعنيها تماما ...



مش دي الصيدلة اللي أنا حبيت دراستها و ملأت حياتي ..


خدوا بالكم يا بنات كويس ..


و لو واخدين بالكم وراضيين , بقولكم ... ما تبيعوش مهنتكم لكل اللي غير صيدلي و عايز يتاجر ..


و الله الذي لا اله الا هو ..


احنا السبب في كل شيء وحش حصل لمهنتنا ..



قررت - الحمد لله - اني مش هفتح صيدليات خاااااااااااااااااااااااالص دلوقت , الا لما أكون قادرة اني أعمل صيدلية تختلف ..



عايزة أسمع آراءكم بخصوص الموضوع دة ..

[احمد شبند]

وعليكم السلام ورحمة الله وبركاته

أنا مش هناقش الموضوع من الجانب الى حضرتك ذكرتيه

أنا هنقل بس كلام للشيخ مصطفى العدوى حفظه الله عندما سئل عن ذلك :


فقد أفتى الشيخ مصطفى بعدم جواز اعطاء الشهادة لفتح صيدلية باسم الدكتور واخذ مقابل مادى على ذلك

اذا لم يعمل الصيدلى كمدير فعلا للصيدلية

يعنى لو مرحش

لكن لو هيعمل فيها جاز ان يأخذ مقابل على الشهادة وعلى الوقت الى بيشتغله


يعنى لو هتبيع الشهادة ب 400 جنيه وهتشتغل ب400 يبقى ينفع وتاخد ال800 جنيه تمام أوى.


لكن لو هتقبض ال 400 جنيه وأنت فى البيت فده لا يجوز..

وأستدل بأن الشخ يبيع ما لا عنده او لم يبع شيئا وهذا بالطبع لا يجوز

ولو تيسر لى أتى بنص الفتوى كاملة إن شاء الله

[pharmacistina]

وعليكم السلام ورحمة الله وبركاته

أنا مش هناقش الموضوع من الجانب الى حضرتك ذكرتيه

أنا هنقل بس كلام للشيخ مصطفى العدوى حفظه الله عندما سئل عن ذلك :


فقد أفتى الشيخ مصطفى بعدم جواز اعطاء الشهادة لفتح صيدلية باسم الدكتور واخذ مقابل مادى على ذلك

اذا لم يعمل الصيدلى كمدير فعلا للصيدلية

يعنى لو مرحش

لكن لو هيعمل فيها جاز ان يأخذ مقابل على الشهادة وعلى الوقت الى بيشتغله


يعنى لو هتبيع الشهادة ب 400 جنيه وهتشتغل ب400 يبقى ينفع وتاخد ال800 جنيه تمام أوى.


لكن لو هتقبض ال 400 جنيه وأنت فى البيت فده لا يجوز..

وأستدل بأن الشخ يبيع ما لا عنده او لم يبع شيئا وهذا بالطبع لا يجوز

ولو تيسر لى أتى بنص الفتوى كاملة إن شاء الله

جزاكم الله كل خير يا دكتور ..


طبعااا دة ظني من زمان , حرام آخذ مال على شيء لم أتعب فيه ..

[مشمشة]

عندك حق فعلايا pharmacisitianaفى كل كلمة قولتيها وشكرا د|أحمد ع المعلومة اللى حضرتك قولتها انا اول مرة فعلا اعرف الحكم الشرعى للحكايه دى وربنا يهدى الجميع

[BoNbOoNa]

الموضوع بالنسبالي انا شخصيــا مستحيل
اصـلا اهدافي و تخطيطي لمستقبلي المهني بعيد كل البعد عن اني افتح صيدلية ...
الصيدلية الوحيدة اللي بقف فيها هي صيدلية خالي .. و هي دي اللي بتدرب فيها و هشتغل فيها بعد كده مؤقتا لحد ما اظبط اموري ان شاء الله
مش معقولة هبيع شهادتي بعد كل التضحيات و المجهود اللي اتبذل عشانها ... ادعيلي بس اخدها و انا لسه بصحتي و عقلي !!

قررت - الحمد لله - اني مش هفتح صيدليات خاااااااااااااااااااااااالص دلوقت , الا لما أكون قادرة اني أعمل صيدلية تختلف ..

ساعتها انا ممكن اعمل exception و اطلب منك توظفيني عندك و امسك الشفت بتاع الصبح

جمعة مباركة يا فارماسيستينا .. ربنا يوفقك ان شاء الله

[pharmacistina]

الموضوع بالنسبالي انا شخصيــا مستحيل
اصـلا اهدافي و تخطيطي لمستقبلي المهني بعيد كل البعد عن اني افتح صيدلية ...
الصيدلية الوحيدة اللي بقف فيها هي صيدلية خالي .. و هي دي اللي بتدرب فيها و هشتغل فيها بعد كده مؤقتا لحد ما اظبط اموري ان شاء الله
مش معقولة هبيع شهادتي بعد كل التضحيات و المجهود اللي اتبذل عشانها ... ادعيلي بس اخدها و انا لسه بصحتي و عقلي !!

ساعتها انا ممكن اعمل exception و اطلب منك توظفيني عندك و امسك الشفت بتاع الصبح

جمعة مباركة يا فارماسيستينا .. ربنا يوفقك ان شاء الله

أنا أتشرف طبعا يا بنبونة ..

بس صيدليتي ان شاء الله اللي بتمناها , هيكون شغلها مختلف كتير ..

هعمل امتحانات أسبوعية ليكي و لنفسي ..

مش عاجبك امتحانات الكلية التيرم و الميد تيرم , تعالي و أنا أعملك امتحان كل أسبوع ..




المهم الموضوع للتنبيه برده علشان البنات تاخد بالها ..

[yojeena]

سبحان الله يا مني كنت لسه متكلمه امبارح في نفس الموضوع تقريبا مع قريبه ليا
انا مش حابه خالص موضوع فتح صيدليه دا بعد ما رحت اتدرب كرهته اكتر و اكتر
للاسف اغلبنا مش هيلاقي نفسه في وقفته في الصيدليه لان الواقع بيخليك غصب عنك تنسي كل اللي درسته خلال خمس سنين تعب و شغل و معلومات بكميات هايله كلها بتتنسي من الركنه
يعني حرااااااااام من الاول اتعب نفسي ليه اذا كان مصيري اني عشان ابقي ابن سوق امسح كل اللي اعرفه ما هو الاولي اني افضي ميموري اخزن فيها اسامي الادويه و اسعارها و خلاص
و بعدين من زاويه تانيه احنا عندنا ف بلدنا اكتر من 30 صيدليه فنتيجة فتح صيدليه كمشروع مادي محسومه و بالذات لان السحب مش كبير و دور الصيدلي محدود و كمان الناس مخها صعب انك تاخد و تدي معاهم يا نفس الاسم يا تبقي بتخدعه و انت صيدلي طماع و بتعمل لمصلحتك و.....

اللي نفسي اشتغل فيه مجال الكواليتي كونترول حباه اوي بس محتاج حظ (ما تستغربيش دا اللي عرفته من الرحله)و معارف اكتر
بجد نفسي اشتغل في اي حته غير اني اترمي في الصيدليه......
ربنا يوفقنا جميعا في حياتنا و يقدرنا علي مواجهة الصعاب اللي هتقابلنا و احنا علي وشك ترك كليتنا

[وردة العمر]

يا جماعه اصلا الى بيكون جاى علشان يفتح على قفاها صيدليههو بيكون متخيل ان كل الصيدلايات بتكسب ودى مش حقيقه لان دة بيعتمد على اللى واقف فيها ممشيها ازاى هى بردة عمليه تجارة بمعنى مكسب وخسارة استنوا علشان محدش يفهمنى غلط انا طبعا مش موافقه ابدااااااااااااااااااااا على المبدا اللى الكل بيجى علشانه لاسباب كتير بس اللى اقصد اقوله طب ماشى هى هتقبل انها تفتح صيدليه وبعدين مش لازم تعمل لها سمعه حلوة طبعا بكلم فى الطريق الصح مش الطرق الاخرى اللى ماشيه بيها الصدلايات دلوقتى علشان تكسب يعنى محتاجه انك تتعلمى وتبذلى مجهود طبعا علشان تحققى عائد مادى من الصيدليه الى انتى عاوزة تفتاحيها خصوصا فى ظل الصيدلايات الكتير دلوقتى فمثلا لما انتى تفتحى وتقعدى فى البيت وبا دوب تدور على انها سوبر ماركت كدة انتى عملتى ايه انتى دمرتى مستقبل صيادله بحالها مش بس كدة ودمرتى ناس كتير كمان انا بعتبر ان مهنه الصيدلى علشان يقف فى صيدليه دى مهنه صعبه مش سهله انها محتاجه دايما انك تكون على علم بالادويه الجديدة واحدث الامراض وتداخل الادويه والاطعمه بردة علشان تفدر انك تقنع المريض بالدوا
مش عارفه ان كانت فكرتى وصلت ولا لا بس انا طبعا ارفض فكرة ان حد يستغلنى وخصوصا لو انا معرفش هو هيعمل ايه
وبعدين انا اصلا لا يمكن انى افكر فى فتح صيدليه لانها مش من طموحاتى انا بحلم بغير كدة خالص انى اكون حاجه جديدة ولو لمرة فى حياتى وشكرا يا يا اختى منى على اثارة ها الموضوع فعلا موضوع رائع وجه فى وقته لان كل اللى اقوله انى ارفض الفكرة دى يقولى ان دة الواقع بس انا بقول ان كان الواقع غلط بيقى لازم اغيرة تبع لمقوله كن انت التغير الذى تحب ان تراة فى العالم

[Messi]

يعنى لو هتبيع الشهادة ب 400 جنيه

400 بس؟؟؟؟
انا كنت سامع انهم 2000

[A H M E D]

لو كل صيدلانية فكرت في الموضوع من الناحية دي


مستقبل الصيدلة هيتغير للأحسن بإذن الله

إن شاء الله الأمل موجود في حضراتكم وفي الدفعات المقبلة