قصه سندريلا بس فيها اختلاف بسيط

[ahmed helmy]

خدوا القصة
أنا جبتلكم قصه سندريلا بس مختلفه شويه
تعالوا و شوفوا


مرات الاب : ** يا سندريلا اصحى يا ** كاك خابطة فى نفوخك


سندريلا : اييييه يا مرات ابويا خمسه وحقوم


مرات الاب: قومى يا ** قامت قيامتـك


وصحيت سندريلا وهى بتأفأف


مرات الاب : يـاله قومى اكنسـى وامسحى على ما اجى


سندريلا : وانتو رايحين فين ومتزوقين كده وكل واحده عامله نيو لوك


مرات الاب : رايحين حفله الامييير اللى حيختار واحده عشان يتجوزهـا


سندريلا : خدونى معاكو انا عاوزه اروح بليز


مرات الاب : بليز ايه يا معفنة وتروحى فين يا موكوسـه بلبسك المهرول ده انا عايزه ارجع الاقى البيت بيبرق


ومشيت مرات الاب وبانتها التلاته وقعدت سندريلا تعيـط وفجــأه طلعتلها الســاحره من البوتجاز


الساحره : مالك يا سندريلا ؟؟؟

سندريلا : كان نفسى اروح معـاهم الحفله بس لبسى مقطع و موبايلى كارت ولابسه شبشب بصباع


الساحره
: ولا يهمك وطلعت من جيبها الموبايل وطلبت الاتليه بتاع مدام لولو يبعتو
فستان وجزمه اخر موديـل فرحت سندريلا ولبست وحطت الايشادو و الجليتور(طبعا الولاد ميعرفوش الحاجات دي) ورشت
البرفان

بس الساحره قالتلها قدامك للساعه 12 لازم ترجعى انا صعيديه ودمى حامى ومعنديش بنات تتأخر و لو اتأخرتى حترجعى زى ما كنتى
بلبسك المنتن وسط الناس يا بيئة

سندريلا : حاضر حاضر اما ساحره زبالة صحيح , خرجت سندريلا من البيت لقت الساحره مجهزة عربيةbmw


ركبت
سندريلا وراحت ع القصـر ولفت جمــالها كل اللى موجودين و اول ما عين
الامير وقعت عليها راح وطلب يرقص معاها و وافقــت طبعا...
همسات صمــت
ترررررررررن

ترررررررررررن


سندريلا : ده الساحره بتدينى ميسد .. يا خبر الساعه 12

وقامت طالعه تجرى قوم ايه وهى بتجرى فرده الجزمه اتخلعت خدها الامير المعجب و نده للوزير


الامير : يا وزير لؤى


الوزير : امرك مولاى


الامير
: خد الجزمه دى اسحبلى صورتها اسكانر و نزل صورتها فى كل الجرايد و ع
الويب سايت بتاع قريتنـا واكتب الى صاحبه هذه الجزمه التوجهه للقصـر
الملكــى

بنات كتير جدا راحو و يا سبحان الله الجزمه مجتش على مقاس
حد فيهم (ال يعنى سندريلا رجليها رجل معزه ) الى ان شاهدت سندريلا الاعلان
عن فرده الجزمه على ميلودى هيتس وقامت بالتوجهه الى القصر
وتزوجت هى والامير وعاشو فى تبات ونبات



و خلفو تؤام ملتصق وشويه بنات

وبالنسبه للسؤال بتاع اماني سالم في الموضوع اللي فات بتاع (يا برنس الليالي يا رمانه المزان يا هاف دفندر قلبي فينك من زمان)
دي في فيلم الف مبروك بتاع ممثل اسمه احمد حلمي

[N00R EL _SHAMS]

ههههههههههه ايه القصه الرومانسيه اوى دى ....ياسلام دا ولا فى الاحلام ....ولا كله كوم ورجلها رجل معزه دى كوم
شكرا على التوبيك

[NeScaFE]

اشمعنى طلعت لها من البوتجاز؟؟؟

مش هسيب التوبيك الا لما اعرف السبب

[بسطامى]

[quote=ahmed helmy;265988]:ولبست وحطت الايشادو و الجليتور(طبعا الولاد ميعرفوش الحاجات دي)ولا البنات والله يادكتور
بس إيه سندريلا اللى على الموضة دى؟
سندريلا مودرن

[ahmed helmy]

ههههههههههه ايه القصه الرومانسيه اوى دى ....ياسلام دا ولا فى الاحلام ....ولا كله كوم ورجلها رجل معزه دى كوم
شكرا على التوبيك

فعلا رجل المعزه دي كوم تاني
منوره كالعاده يا نور
-----

اشمعنى طلعت لها من البوتجاز؟؟؟

مش هسيب التوبيك الا لما اعرف السبب

هههههههههههههه
انا اقولك الحكايه وما فيها هي اتضايقت لما سابوها فدماغها صدعت فانا قولتلها تاخد حبيتين اسبرين بكوبايه شاي
وهوب قايمه تعمل الشاي وهوب بتفتح البوتاجاز وهوب العفريته تطلع
انتي عارفه ان انتي بتفكريني بواحده كانت بتشارك من فتره( نفس الدماغ في الرد)
-----
[quote=بسطامى;266005]

:ولبست وحطت الايشادو و الجليتور(طبعا الولاد ميعرفوش الحاجات دي)ولا البنات والله يادكتور
بس إيه سندريلا اللى على الموضة دى؟
سندريلا مودرن

عشان لسه في اعدادي (بكره تعرفيها)
امال لو كنتي شفتي الفست اللي كانت سندريلا لابساه ولا البلارينه مقوليكش
عموما منوره وتحت الهاء خط (فاهماني طبعا)

[NeScaFE]

انتي عارفه ان انتي بتفكريني بواحده كانت بتشارك من فتره( نفس الدماغ في الرد)


مين ؟؟؟؟؟

[Eman Ahmad]

يانهار ابيض سندريلا بقت كده انا هغير اسمي خاااااااالص سندريلا ايه بقى

[إيمان حمدي]

ههههههههههههههههههههههههه
انا هلكت من الضحك
( موكوسة ) ( البوتجاز اللي طلعت منه الساحة)
لا حاجة تانية سندريلا دي
استمر يا دكتور

[Retag]

هههههههههههههههههههههههههه سندريلا اخر موضه
بس حلوه اوى رجل معزه دى
موضوع كالعاده حلو

[Al-Shaimaa]

والعنوان بيقول انه اختلاف بسيط
لو مش بسيط بقا هيكون شكله ايه يا دكتور

عموما
nice topice
وتسلم ايدك