هتعمل ايه لو حصل معاك الموقف ده؟؟؟؟

[Hope1]

في الحالات اللي زي دي تنزلي علطول انتي هتتعبي شوية بس لما تفتكري الموقف مش هتبقي زعلانة
انا هعملك مبادئ ركوب المواصلات انتي زي بنتي بردو

اولا مبادئ ركوب الباص
1-متركبيش جنب السواق
2-تختاري موقع استراتيجي بحيث محدش يغلس عليكي و في نفس الوقت تعرفي تنزلي بسرعة
ثانيا مبادئ ركوب التاكسي
1-يفضل تختاري تاكسي يكون فاضي او الكرسي اللي ورا فاضي علي الاقل
2-حاولي يكون سواق التاكسي مشغل قرآن او شريط ديني و يكون راجل كبير
3-لازم تتأكدي قبل متركبي التاكسي ان معاكي نص جنيه فكة عشان تدفعي جنيه ونص بس
و ابقي قابليني لو روحتي بيتكو بعد النصايح الفظيعة دي..............

[بسطامى]

ماهو بالنسبة للتاكسى جربت وركبت مع راجل كبير الراجل إعترف لى وقالى أنا مبصليش
ومعدش تاكسى ولا سرفيس بيشغل قرآن أصلا
وبالنسبة للركوب سواء جنب السواق أو حتى ورا ربنا بيبعت لى حد رخم يغلس ياإما واحدة تخينة شوية تقعد فوقى وتزقنى
عامة ميرسى على النصايح التمام دى
شكلى مقصودة وأنا كرهت المواصلات من قليل!

[مهداه]

في الحالات اللي زي دي تنزلي علطول انتي هتتعبي شوية بس لما تفتكري الموقف مش هتبقي زعلانة
انا هعملك مبادئ ركوب المواصلات انتي زي بنتي بردو

اولا مبادئ ركوب الباص
1-متركبيش جنب السواق

اه
مينفعش اساسا

2-تختاري موقع استراتيجي بحيث محدش يغلس عليكي و في نفس الوقت تعرفي تنزلي بسرعة
ثانيا مبادئ ركوب التاكسي
1-يفضل تختاري تاكسي يكون فاضي او الكرسي اللي ورا فاضي علي الاقل
2-حاولي يكون سواق التاكسي مشغل قرآن او شريط ديني و يكون راجل كبير
3-لازم تتأكدي قبل متركبي التاكسي ان معاكي نص جنيه فكة عشان تدفعي جنيه ونص بس
و ابقي قابليني لو روحتي بيتكو بعد النصايح الفظيعة دي..............

كدا يا مونمون
اضمنلك اننا مش هنروح غير ماشيين

[Messi]

يا جماعه اي حد يغلس عليكوا في المواصلات تهددوه بانكم تاخدوا رقم العربيه وتقدموه للنائب العام.....
بعدها مش هينطق معاكوا.....بس

[AbU ElKhAiR-Let`s Go]

ياجماعه والله الحل بسيط أوى بسيط جدا وهــــــــــــــــــــــــــــــــــــــــــــــــ ــــــــــــــــــــــــو :-

عودة الضمير الضمير الضمير

وبما أن حضراتكم صيادله فياريت حد فيكو يفكر يعمل أقراص للضمير ويشيلها معاه ولو حد ضايقه يديله قرص وكله هيببقى تمام

ان شاء الله

[muna7assan]

1-متركبيش جنب السواق

دا مفيش فيه مشكله
اصلا وش الشاويش بتاع الخروج مايشجعش حد يقول حاجه

2-تختاري موقع استراتيجي بحيث محدش يغلس عليكي و في نفس الوقت تعرفي تنزلي بسرعة

احنا مش فى شيكاغو

ثانيا مبادئ ركوب التاكسي
1-يفضل تختاري تاكسي يكون فاضي او الكرسي اللي ورا فاضي علي الاقل

مستحيـــــــــــــل
فى المنصوره بالذات
كأنه حق يكفله الدستور لسواق التاكسى انه مايطلعش الا بأربع افراد

2-حاولي يكون سواق التاكسي مشغل قرآن او شريط ديني و يكون راجل كبير

اهو الرجاله الكبار دول هما اللى يقلقوا على فكره
وعلى فكره مش بالقرأن خالص
حصل لى موقف هاحكيه دلوقتى وكان السواق مشغل قرأن

3-لازم تتأكدي قبل متركبي التاكسي ان معاكي نص جنيه فكة عشان تدفعي جنيه ونص بس

طب واللى بيطلب منها جنيه كمان علشان يبقوا سته جنيه بدل خمسه

و ابقي قابليني لو روحتي بيتكو بعد النصايح الفظيعة دي..............

ركبت التاكسى انا وبنتين صاحباتى

بأمشى معاهم دائما وابدا يعنى الاجره اللى بأدفعها دى بياخدها منى حوالى 96% من سواقين التاكسى اللى ركبت معاهم

الصبح بدرى من الموقف الجديد

ومفيش شنط ولا اى حاجه

لايت خالص

يوم رايحين وراجعين علطول

وطبعا تطبيقا للحق الدستورى اياه السواق فضل موقفنا حوالى تلت ساعه علشان يشوف زبون رابع

جت بنوته ركبت قدام واول ما طلعنا على الكوبرى العلوى بتاع المنصوره راحت مطلعه خمسه جنيه ودافعه الاجره

ومن ساعتها السواق قاعد يبصلنا فى المرايه ويزق الفتيس ويرزع المرايه(مشغل قرأن)

وانا عامله نفسى هندى وى كأنى مش اخده بالى

ونزلت البنت عند حقوق وراح السواق باصصلى فى المرايه(مش عارفه اشمعنى دايما بيبدأول الكلام معايا انا) ومدلى ايده وقالى الاجره بنفس التعبير دا

قلتله وهوا احنا وصلنا

قالى الاجره يا ابله

ادتله الخمسه جنيه وعينك ما تشوف الا النور

راح قافل القران ( والنسر طار والنور اطفى)وفضل يزعق فيا

وانا رايحه امتحن تحليليه وعلى الصبح

وصاحباتى الاتنين ساكتين ومفيش واحده تنطق بحرف وسايبنى اتخانق لوحدى

لأ والمصيبه انه عاوز خمسه جنيه تانيه

المهم الموقف خلص على انه نزلنى فى اول الشارع واخد خمسه جنيه بس

[M.tal3t]

السواق ده شكله من 4 % الباقيين

mt-

[muna7assan]

ههههههههه
شفت الدقه
96%
مش 95 ولا 100 %
~~~~~~~~~~~~~~~
يومها كنت اول مره اشد قدام سواق بس لقيت الحكايه سهله خااااالص
واتعودت بقى., الاتنين التانيين يجروا ويصدرونى ليه

[نون نون]

الطمع بتاع سواقين التاكسى دا بيقعدلهم

السواق نزلنى اول الشارع وكنت قولتله اخر الشارع

قال يلا يا بنات وصلنا..من المريخ احنا ...ليه بقى؟؟؟ علشان كان فى ناس تانيه عايز يركبهم

واهو جه على دماغه

نزلت ونسيت اديله الاجره

[Messi]

ايه رأيكم نغير اسم الموضوع ل (وسائل المواصلات......ايه رأيك؟؟؟؟)