الجهاز القومي لتنظيم الاتصالات يقرر زيادة رقم جديد على يسار أرقام الموبيل

[ameer]

أعلن رئيس الجهاز القومي لتنظيم الاتصالات عمرو بدوي أن الجهاز قرر رسميا بدء زيادة أرقام المحمول إلى 11 رقماً بدلاً من 10 أرقام.

وأشار بدوي أن عملية زيادة الأرقام ستبدأ من الخميس وتستمر لمدة عامين.
وستقوم شركات المحمول بإضافة رقم جديد إلى الأكواد الحالية بحيث يكون الرقم الجديد وسط الرقمين الحاليين بعد الصفر.
ولفت رئيس الجهاز القومي للاتصالات إلى أنه تم إرسال خطابات رسمية إلى شركات المحمول الثلاث بقواعد الترقيم الجديدة.
وبحسب الخطاب فإن شركة فوادفون سيضاف رقم صفر إلى وسط كل كود حالي خاص بها بحيث يضاف إلى الكود 010 ليصبح 0100، وكود 019 ليصبح 0109، وكود 016 ليصبح 0106، بعد كل كود ستبقي السبعة أرقام الحالية لدي المشتركين كما هي ولن تتغير.
أما شركة موبينيل فسيضاف رقم 2 إلى الكود، بحيث يضاف إلى الكود 012 ليصبح 0122، وكود 018 ليصبح 0128، وكود 017 ليصبح 0127، وستظل بعدها الأرقام السبعة الحالية كما هي دون أن تتغير.
بينما سيضاف رقم 1 للأرقام الخاصة بشركة اتصالات بحيث يضاف إلى الكود 011 ليصبح 0111، وكود 014 ليصبح 0114.
ولن يتكلف المشتركون في شركات المحمول أي مصاريف نتيجة لهذه العملية.
وسوف يلزم الجهاز القومي للاتصالات شركات المحمول بان يظل الخط يعمل لمدة 3 أو 4 أشهر عقب عمليه التحويل بالرقمين الجديد والقديم، بحيث لو اتصل به أي شخص على رقمه القديم يصل إليه، وإذا اتصل على رقمه الجديد يصل إليه دون حدوث أي مشكلة، لكن بعد انتهاء هذه الفترة المزدوجة، سيبقي الترقيم الجديد المعمول به فقط.
كما قرر الجهاز منح كود جديد إلى شركات المحمول الثلاث وهو 0150 لشركة "موبينيل"، و0151 لشركة "فودافون"، و0152 لشركة "اتصالات"، ثم يضاف إليها 7 أرقام ليكون الإجمالي 11 رقماً وهذه الأرقام ستكون جديدة تماماً ولم يسبق استخدام أي شخص لها.

[Messi]

سبقتني بثواني ..........كنت لسه هنزل الخبر ده في اخبار متجدد

[ameer]

سبقتني بثواني ..........كنت لسه هنزل الخبر ده في اخبار متجدد

دة مش خبر دة كارثة الواحد هيقعد بقي يعدل كل رقم في دليل الهاتف لما هيطلع عنينا طب ولية كل ده يعني ما ينزلوا ارقام جديدة وخلاص

[muna7assan]

يعنى يا امير بدل ما تزود رقم فى كل رقم الاحسن لك انك تغير الرقم خالص؟؟؟
هيا سهله مفيش فيها صعوبه
ولو اخدت بالك هاتلاقى ان كده كل الارقام الفودافون هاترجع تانى 010 والموبينيل كلها 012 والاتصالات كلها 011
بس يا ترى السبب ايه ؟؟

[Dr/HULK]

انا سمعت الخبر ده امبارح

كده هيبقى المحظوظ هو 0100 هيفضل رقمه بنفس النطق

اما الباقى هيقول 010 ويظبط الباقى انا بفكر امسح كل الارقام اللى عندى وارمى الموبايل

هغير كل الارقام دى ازاى ؟؟؟؟؟؟

-----

وتستمر لمدة عامين

قشطة يعنى انا كل يوم اسأل اصحابى رقمك اتغير النهاردة ولا لسه

[ameer]

يعنى يا امير بدل ما تزود رقم فى كل رقم الاحسن لك انك تغير الرقم خالص؟؟؟
هيا سهله مفيش فيها صعوبه
ولو اخدت بالك هاتلاقى ان كده كل الارقام الفودافون هاترجع تانى 010 والموبينيل كلها 012 والاتصالات كلها 011
بس يا ترى السبب ايه ؟؟

اغير الرقم !!!!!!! استحالة دة الرقم دة معايا من اول ما جبت موبايل وعمري ما غيرتة يعني معايا خطوط تانية ممكن اشغلها ساعة ساعتين بس الرقم بتاعي اغيرة لأ
وبعدين انا مش فاهملها سبب يعني دلوقتي مصر كلها هتفضل تغير في الارقام المتسجلة او هتغير الرقم خالص

[impossible]

الموضوع ده مش عاجبني
كنت سمعت من فتره كلام عنه
بس مش قادره اعرف الحكمه ايه

[مهداه]

الفاضى يعمل ايه......................................

[NeScaFE]

ويغيرو الارقام ليه اصلا

هما سخنين ولا ايه

هيا نقصاهم بقى ..