@@ ## حوار لن ينتهى بين الرجل والمراة @@##

[NeScaFE]

السلام عليكم ورحمه الله وبركاته

اخواتى واخوانى الاعزاء

ايمانا بمبدأ حريه النقاش

وحريه ان تخرج من عقلك كل ما يدور به

من اسئله بعيدا عن اللعبه الابديه بين الرجل والمرأه

وهى لعبه القط والفار

وبكل سعه صدر من الرجل

وعقل راجح من المراه افتح بابا للنقاش اتمنى ان نخرج فيه

كل الاسئله المتعلقه بطرفى المجتمع

بشكل موضوعى بعيدا عن الاتهامات المتبادله

ارجو من كل عضو ان يدخل ويطرح سؤالا

على حواء عن كل شىء يتمنى معرفته بكل صدق

وارجو من كل عضوه ان تدخل وتحاول بكل سؤال تطرحه

على أدم ان تعرف عنه اكثر لنقرب وجهات النظر من بعضها البعض

ارجو عدم تكرار الاسئله

واتمنى من كل أدم وكل حواء

ان تكون الاجابات والاسئله حياديه تماما

بدون تعصب او غضب

واتمنى ان ينال الموضوع اعجابكم


واول واحد يدخل يبدا الاسئله ان شاء الله
كل واحد سؤال واحد بس
او اتنين

مش اكتر

ارجو تفاعلكم مع الموضوع.

دمتم فى رعاية الله

[S!lent Tear]

جميــــــــــــــــل يا قمر
انا هاسال سؤال تفتكروا الخطوبة اثناء الدراسة ده شىء كويس؟؟

[ameer]

جميــــــــــــــــل يا قمر
انا هاسال سؤال تفتكروا الخطوبة اثناء الدراسة ده شىء كويس؟؟

لا .كل شئ وله وقتة للدراسة وقتها وللخطوبة والجواز وقتة وبعدين فين العائلة اللي هتقبل تخطب بنتها لواحد لسة مشتغلش ومش معروف ليه مستقبل .......الا لو كان الموضوع لية علاقة بالطمع والفلوس بقي

[NeScaFE]

جميــــــــــــــــل يا قمر
انا هاسال سؤال تفتكروا الخطوبة اثناء الدراسة ده شىء كويس؟؟

انتى قصدك طول فترة الكلية ولا الكام شهر بتوع الدراسة؟؟؟؟؟

انا رايى ان الخطوبة اثناء الدراسة مش حلوة لانها هتعطلك عن مذاكرتك وهتشغلك
لكن لو فى الاجازة اوك .............

لكن عموما بالنسبة ليكى انتى لا اجازة ولا دراسة دلوقتى لان لسة بدرى

ده رايى ...مش عارفة بقى باقى الناس رايها ايه

[ameer]

لا .كل شئ وله وقتة للدراسة وقتها وللخطوبة والجواز وقتة وبعدين فين العائلة اللي هتقبل تخطب بنتها لواحد لسة مشتغلش ومش معروف ليه مستقبل .......الا لو كان الموضوع لية علاقة بالطمع والفلوس بقي

نسيت اقول ان دة مجرد رأي شخصي علشان محدش يزعل من الكلام بس

[NeScaFE]

لا .كل شئ وله وقتة للدراسة وقتها وللخطوبة والجواز وقتة وبعدين فين العائلة اللي هتقبل تخطب بنتها لواحد لسة مشتغلش ومش معروف ليه مستقبل .......الا لو كان الموضوع لية علاقة بالطمع والفلوس بقي

....هى تقصد ياامير انها تتخطب وهى فى الدراسة لسة لكن مش تقصد انها تتخطب لواحد لسة بيدرس...........ده اللى فهمته والله اعلم

[@Noh]

فكرة جميلة ياريماس أنا رأيى ان كل شئ وله وقته يعنى المفروض الفرد يعيش كل مرحلة من حياته فى أوانها يعنى مثلا لما واحدة تدرس وتتخطب وممكن تتجوز وهى فى الدراسة ايه الخطوات اللى هى هتعملها فى حياتها بعد ماتتخرج وعالعموم كل واحد بيبقى له ظروف خاصة ممكن تخليه يفضل التعجيل بالموضوع.

[ahmed helmy]

انا هاسال سؤال تفتكروا الخطوبة اثناء الدراسة ده شىء كويس؟؟

اولا السؤال ده مش عارفين انتي عايزه الاجابه من ادم (زي الموضوع ) ولا من حواء
هو بالنسبه للبنات دي مساله ترجع لظروف كل واحده يعني في بنات بتفضل انها تتخطب في اخر سنه دراسه وفي بنات بتفضل لما تخلص وفي بنات بتفضل انها ترتبط عن طريق قصه حب وفي بنات بتحط صفات معينه للشخص اللي هترتبط بيه وفي الاول مبتتنازلش عن الصفات دي بس برضه البنت بمجرد ما تلاقي صاحبتها اتخطبت خلاص تبقي هي عايزه تتخطب هي كمان
ولو عايزه تعرفي هو هياثر ع الدراسه فهو مش هياثر تماما بالعكس هيكون حافز اضافي
ومن وجهه نظر ادم ده المفضل انه ياخد واحده وهي بتدرس بس تكون في اخر سنه بحيث لما تخلص يتجوزوا علي طول لانه مش هيستحمل انها تدرس اثناء الجواز
ممكن انا اسال سؤال
البنات بيكدبوا كتير ليه مع ان الكدب ملوش رجلين؟؟؟؟؟؟؟

[NeScaFE]

ممكن انا اسال سؤال
البنات بيكدبوا كتير ليه مع ان الكدب ملوش رجلين؟؟؟؟؟؟؟

انا رايى ان زى ما فى بنات بتكدب اكيد برده فى ولاد بيكدبو

اما حتة بتكدب كتير فدى حاجة نسبية يعنى مش صفة معهودة او معروفة عن البنات انها بتكدب كتير لكن ممكن نقول ان فى بنات بتكدب كتير
اما السبب بقى فانا مش عارفة
حد يرد ع السؤال ده

[@Noh]

أولا ماينفعش تقول البنات بيكدبوا كتير ليه؟ لأن مش كل البنات بتكدب ومش من صفات المسلم انه يكدب سواء كان ولد أو بنت زى ماالرسول (عليه أفضل الصلاة والسلام قال) عندما سئل أيكون المسلم كذابا قال لا
ثانيا ليه بقى البنات بتكذب كتير ممكن يكون لتصحيح وضع اجتماعى , مادى , دراسى ........... مش عاجبها
أو لأنها شايفة انها كده ممكن تكتسب احترام أو تقدير اللى قدامها
أو للخروج من مأزق معين
أو لمحاكاة احدى زميلاتها هى شايفة ان الناس بتحبها
أو يكون عندها مرض نفسى وده غصب عنها ومش قادرة تتخلص من العادة دى
أو لأنها شايفة ده شئ عادى وكل اللى حواليها كدابين
ده رأيى , ولو انك ماوضحتش بيكدبوا على مين , بس الموضوع بيبقى مكشوف زى ما قلت مالوش رجلين