هتعمل ايه لو حصل معاك الموقف ده؟؟؟؟

[Messi]

بسم الله الرحمن الرحيم

كل يوم بيحصل لنا مواقف منها العاديه ومنها ال (مش عاديه)
يعني سعات مثلا واحد يستفذك ........حتي يبلغ غضبك قمته
طيب ....وقتها ممكن تعمل ايه؟؟؟؟ تتصرف ازاي؟؟؟؟ ويا تري ايه التصرف المثالي
لهذا الموقف؟؟؟؟ ولغيره من المواقف؟؟؟؟
................................................
دلوقتي ناس كتير فيكم حصلها مواقف صعبه وغريبه ومستفذه ومحرجه ..........عايز اعرف ايه المواقف دي وكان ايه تصرفك؟؟؟؟ ونحاول مع بعض نصل للتصرف الامثل.........

[بسطامى]

فعلا موضوعك ده رائـــــــــــــــع يادكتور
إحنا فعلا بنتعرض لمواقف كتير فى حياتنا اليومية
بس للأسف معظم المواقف أصبحت غير عادية
طبعا ماأكثر هذه المواقف فى المواصلات
من كتر ماالواحد بيتعرض لمواقف غريبة فى المواصلات معدتش بحب أركب مواصلات
ويمكن ده أحد الأسباب اللى مخليانى مش حابة الكلية بتاعتنا
المشكلة انى مبعرفش أعمل حاجة
بسكت وبس ومبعرفش أتكلم
وبعدها أقعد أكلم فى نفسى وأقول إزاى ماأنا ماعملتش كذا وإزاى أنا معرفتش أتصرف وإزاى وإزاى
مشكلتى إنى عصبية ولما برد برد بضمير
ممكن أهزق اللى قدامى
بس أنا مواقفى كلها محرجة أوى فمش لاقية حاجة تكون يعنى عادية شوية بحيث إنى أعرف أقولها
عامة أنا هفكر وأحاول أفتكر أى شئ
آسفة على الإطالة

[amira89]

انا فعلا يا دكتور محمد بيحصلى مواقف رخمة اوى واحيانا محرجة واحيانا مستفزة بس المهم ان الواحد لازم يتمالك نفسه كما قال رسول الله (لا تغضب)يعنى النهاردة مثلا السواق كان عايز يقعد 4فى الكرسى اللى ورا انا كنت قاعده فيه فركب معايا2وكان السواق عايزة يقعد سعيدة الحظ الرابعة اللى مكنتش موجودة فواحد كبير فى السن قال انا هقعد انا قلتله مينفعش واحد غريب يقعد جبنا زعقلى وقال هو انا يعنى هكلك والناس اللى فى العربية بتضحك على الراجل قلتله فيه حاجة اسمها صح او غلط سبحان الله الناس احيانا بتنظر للامور من منظور غريب جدا وبيكون الدين اخر حاجة يفكروا فيها مع ان مفروض يكون الدين امام تصرفاتنا فى كل حاجة ومرة السواق كان عايز يركب رابع ولد وانا رفضت زعقلى وسبحان الله ربنا سخر لى واحد بهدل السواق ودافع عنى المهم ان الواحد يحاول يحسن التصرف فى كل موقف يتعرضله علشان حسن التصرف بيخلى الشخص اللى قدامك يحترمك جداجدا علشان الانسان موقف!!!!!!!!!!!

[Messi]

[quote=بسطامى;253467]
طبعا ماأكثر هذه المواقف فى المواصلات
من كتر ماالواحد بيتعرض لمواقف غريبة فى المواصلات معدتش بحب أركب مواصلات
ويمكن ده أحد الأسباب اللى مخليانى مش حابة الكلية بتاعتنا
المشكلة انى مبعرفش أعمل حاجة
بسكت وبس ومبعرفش أتكلم
وبعدها أقعد أكلم فى نفسى وأقول إزاى ماأنا ماعملتش كذا وإزاى أنا معرفتش أتصرف وإزاى وإزاى
مشكلتى إنى عصبية ولما برد برد بضمير
ممكن أهزق اللى قدامى
[/
quote]
زي ايه يا دكتوره؟؟؟؟ عشان احنا بنحاول نحل المشاكل دي .......زعشان لو حد وقع في الموقف ده بعد كده

انا فعلا يا دكتور محمد بيحصلى مواقف رخمة اوى واحيانا محرجة واحيانا مستفزة بس المهم ان الواحد لازم يتمالك نفسه كما قال رسول الله (لا تغضب)يعنى النهاردة مثلا السواق كان عايز يقعد 4فى الكرسى اللى ورا انا كنت قاعده فيه فركب معايا2وكان السواق عايزة يقعد سعيدة الحظ الرابعة اللى مكنتش موجودة فواحد كبير فى السن قال انا هقعد انا قلتله مينفعش واحد غريب يقعد جبنا زعقلى وقال هو انا يعنى هكلك والناس اللى فى العربية بتضحك على الراجل قلتله فيه حاجة اسمها صح او غلط سبحان الله الناس احيانا بتنظر للامور من منظور غريب جدا وبيكون الدين اخر حاجة يفكروا فيها مع ان مفروض يكون الدين امام تصرفاتنا فى كل حاجة ومرة السواق كان عايز يركب رابع ولد وانا رفضت زعقلى وسبحان الله ربنا سخر لى واحد بهدل السواق ودافع عنى المهم ان الواحد يحاول يحسن التصرف فى كل موقف يتعرضله علشان حسن التصرف بيخلى الشخص اللى قدامك يحترمك جداجدا علشان الانسان موقف!!!!!!!!!!!

تصرفات حضرتك من وجهه نظري صح جدا.........
وطالما انت علي حق ....اقول للغلط لأ.....
انا عن نفسي مثلا لو جيت اوقف تاكس ولقيت الي قاعد وراااا بنت .......ما برضاش اركب ....لان ده مش بس للادب ..لأ كمااان الدين قال كده




هوه ايه حكايه المواصلات؟؟؟؟؟؟

[sponge Bop]

ازيكم اخباركم ايه احب الاول أشكرك جدا جدا يا دكتور على الموضوع ده لان دلوقتى حكايه استفزاز الناس بقت حاجه عاديه جدا وبكل رخامه انا عاده بحكم انى بركب مواصلات لازم ولابد حد يستفزنى تقريبا كل يوم وانا بصراحه سعات بعمل نفسى مش وخده بالى بس لو زاد مبقدرش امسك نفسى لازم اهزأ واعلى صوتى لان لو مردتش ممكن يجرالى حاجه انا اصلا مش بحب اى بنت ان هى تتهاون فى حقها وتسكت عشان كده مش بسكت بس لو ركبه لوحدى بضطر سعات انى اسكت واتخرس يمكن يكون حد مش محترم ويطول فى الكلام وانا لوحدى ولذلك اطلب من كل بنت ان هى لو معاها حد من صحابها متسكتش عن حقها ولكن لو لوحدها فهى مضطره طبعا ان هى تسكت وتعمل مش واخده بالها كانها طرشه وخلاص بس لو حد زاد اوعى تسكتى حتى لو اضطريتى انك تقدمى بلاغ ضده

انا شكلى كده بهدى نفوس ومعلش طولت عليكم جدا وشكرا مره تانيه

[SHYMAA]

كل اللى هقوله انى عصبيه بطريقه فظيعه
واسوا حاجه فيا انى مش باعرف اسيطر على غضبى
وقت لما بيحصل حاجه مستفزه تقدر تقول باتحول لكائن بدون جنس معين
وبكون عدائيه جدا بطريقه يصعب السيطره عليها
لو فيه علاج بقى قولولى عليه

[Dr\Emy]

هو انت موجه السؤال بس لDr\Emy ,ولا للكل
ما علينا
اقولكو بقي ع الحاجة اللي بتستفزني
انا ابقي صح واللي قدامي بيجادل
عايز يطلع صح باي طريقة
ببقي بشد شعري منه
وببقي عايزة اضربها علي دماغها الناشفة
الحاجة التانية او ان واحد يبقي غلطان في حقك ويكابر وميقولش انه غلطان
ويوم ما ييجي يعتزر يقولك
انا اسف بس انت برضو غلطت في حقي
ويمكن نتخانق تاني
الحاجة التالتة ان حد يعمل فيا مقلب
ويجيلي ويضحك وبكل برود
يقولي
انا كنت بهزر معاكي....رخامة
معلش طولت في الحوار بس انا مصدقت اطلع غيظي في حاجة

[Messi]

هو انت موجه السؤال بس لDr\Emy ,ولا للكل

للكل طبعا
شكرا للمرور

[emmymemmo]

انا emmymemmo حضرتك عارفنى شخصيا عشان كدة وجهت ليا السوال لانى فعلا عصبية جدا كنت اول مادخلت الكلية عصبية جدا ومع الوقت بدات اتغير لسة برضو عصبية بس مش زى الاول ودا لان سالت ناس فى الموضوع دا قالوا لما تتعصبى متردتيش على اللى مضايقك وقتها وحاولى تبعدى عن المكان بس المشكلة انى لو اتعصبت مش بفرق ممكن يكون حد اكبر منى سنا واتعصب ويفهمنى غلط لو هو ميعرفش انى عصبية بس الحمد لله بحاول اسيطر على نفسى وميرسى على الموضوع

[Messi]

انا emmymemmo حضرتك عارفنى شخصيا عشان كدة وجهت ليا السوال لانى فعلا عصبية جدا

لأ الموضوع يظهر لكل شخص باسمه
شكرا للمرور