المشاركة الأصلية كتبت بواسطة mone_new
كان في استضافة لكابتن حسن شحاتة وابنة كريم وانا شفتها وهوا بيقول اننا هندخل وقدامة لسة 3 ماتشات الاول ماتش في شهر 3 بس مش فاكرة مع مين وماتش تقريب 6-6 مع الجزائر وماتش 10-6 فياااارب
طب إزاي هو آه فيه متش في شهر 3 مع إنجلترا إنما مع الجزائر فأعتقد إن دي حاجة مستحيلة وإحنا إن شاء الله هنلعب مع أسبانيا تقريبا في شهر 5 أو في أول 6 وطبعا شهر 6 دا مستحيل نلعب فيه لا دوري ولا منتخب (ممنوع أي حد يلعب كورة أثناء إقامة كأس العالم (هيبدأ 11-6) )
====================
إنما بالنسبة لمصر تدخل كأس العالم فأعتقد إن مصر مش هتدخل كاس العالم ليه
أولا قرعة كاس العالم معمولة قبل كاس العالم ب 6 شهور يعني فيه وقت كبير الفيفا بتعمل حسابه عشان كل منتخب مشارك في كاس العالم يستعد كويس يعني مش هيقولوا لمصر يلا إنتوا هتخشوا كاس العالم قبلها بشهرين
تانيا إحنا ليه نتأهل لكاس العالم مش إحنا لعبنا متش قدام الجزاير وخسرنا يبقى إحنا منستحقش ندخل كاس العالم ومحدش يقولي كانوا ماسكينلنا سكاكين ومطاوي أنا ليا في الملعب كان في 11 لعيب ضد 11 لعيب يعني الفرص متكافئة للفرقتين وللأسف خسرنا وطبعا الإعلام بتاعنا نسى إننا خسرنا المتش ومسك في الجماهير الي عملت حاجات غلط إنها تعتدي على المصريين بس برضه يا جماعة إحنا خسرنا المتش ليه مفيش حد عايز يفتكر الحاجة دي
تالتا الأمل الوحيد إن الفيفا تدخل فريق في كاس العالم هو إن حد من الفرق المشاركة تنسحب وفي الحالة دي هيشوفوا أكتر منتخب يستحق يدخل كاس العالم ومدخلش وأعتقد في الحالة دي إن الفريق دا هو إيرلندا مش إحنا عشان هما لعبوا وما إتأهلوش عشان خطأ تحكيمي لا يمكن أن يتكرر
أخيرا أنا طبعا بصفتي مصري أتمنى إن كل الكلام إلي قلته يبقى غلط ومصر تتأهل لكاس العالم (دا حلم حياتي إني أشوف مصر في كاس العالم ) ................................وآسف على الإطالة
ضوابط المشاركة
رد مع اقتباس