شعار إسبوع شباب الجامعات

[Nada Radwan]

السلام عليكم
من حوالى شهر كده كنت قريت على مبنى ب
رساله من جامعة جنوب الوادى لجامعه المنصورة
عن مسابقه لتصميم شعار اسبوع شباب الجامعات 2011
بس مكنش في اى تفاصيل علىالرساله
فرحت رعاية الطلاب واتطلعت على نص الرساله الاصلى
وكان فيه معلومات مهمه فعلا
مقاس اللوجو
الشروط
اخر ميعاد للتسليم
الايميل اللى حابعت عليه اللوجو

المهم عشان مطولش يعنى
انا نقلت كل الحاجات المهمه دى وكتبتها ف ورقه
للاسف الورقه ضاعت في مذبحة الامتحانات

فياريت لو اى حد يعرف يجيبلى معلومات من الاتحاد او رعاية الطلاب
أكوووووووون شاكره أفضاله

[Mohamed Al Gohary]

هنزلها حالا

[Messi]

هنزلها حالا

[Mohamed Al Gohary]

الشروط :

1. أن يكون الشعار معبرا عن الأنشطة التى تمارس بتلك الفعاليات
2. أن يعبر عن هوية الجامعة إن أمكن
3. أن يتضمن اسم الجامعه واسم الفعاليات باللغتين العربية والانجليزية
4. أن يتميز بالحداثه والعصرية والإبداع والبساطة
5. أن يرفق مع التصميم شرح لفكرة الشعار والألوان المستخدمه فيه
6. يتم اعدام التصميم بمقاس 4A أو 5A والألوان المستخدمه فيه ( أربع ألوان ) ويتم تنفيذ التصميمات بالكمبيوتر وترسل التصميمات مفتوحة بامتداد PSD
7. التصميم الفائز لايحق استخدامه فى أغراض أخرى وتكون ملكيته لجامعة جنوب الوادي ويحق لها حرية استخدامه او تعديله وفق رؤيتها إذا تطلب الأمر ذلك
8. يمكن المشاركة بأكثر من تصميم على أن لا يزيد المجموع عن ثلاثة تصاميم
9. جميع المشاركات ستكون من حق جامعة جنوب الوادي بجمهورية مصر العربية ولا يحق لأصحابها استرجاعها أو المطالبة بتعويض لأي سبب كان
10. آخر موعد لاستلام التصميمات شهرين من تاريخ الإعلان
11. التصميم الفائز سيحصل على جائزة مالية وقدرها 3000 جنيه مصري
12. يحق للجامعة حجب الجائزة في حال عدم استيفاء الأعمال المشاركة الشروط المطلوبة
13. في حالة ظهور أي مساءلات قانونية ضد التصميم الفائز سوف تقع المسئوليه القانونية على صاحبه
14. يتم ارسال التصميمات على الموقع التالي [email protected]
15. على جميع المشاركين ضرورة إيضاح الآتي : الاسم كامل .. العنوان .. جهة العمل .. التليفون .. المحمول

[Nada Radwan]

شكراً يادكتور

[Nada Radwan]

معلش استفسار صغير..
أنا فاكره انى وانا باكتب الحاجات دى ف الورقه اللى ضاعت
كنت كتبت حاجه عن الفعالياات و انواع الانشطه

أن يكون الشعار معبرا عن الأنشطة التى تمارس بتلك الفعاليات

أن يتضمن اسم الجامعه واسم الفعاليات باللغتين العربية والانجليزية

إيه نوع الفعاليات المقصوده هنا؟
المقصود (جواله-رحلات-ثقافي-فنى)؟؟
فى حاجه تانيه غير دول؟

[Mohamed Al Gohary]

هو انا مكتبتهاش على اساس ان انشطة اى اسبوع بتبقى ثابته ومعروفه .. عموما هى : فنية - ثقافية - رياضيه - اجتماعيه - علمية - جوالة ..

[El_Daly]

آخر موعد لاستلام التصميمات شهرين من تاريخ الإعلان

اللى هوه امتى

[Nada Radwan]

اللى هوه امتى

بص ياعمر
انا سألت قبل كده ف الرعايه ع الحته دى
قاللى يعنى على آخر شهر 2كده
ماتنساش نسبتى لو كسبت بقي



استفسار بقي تانى معلش..
أنا مش فاهمه حاجه ف الشروط
بجد اللى كاتبها عاوزنى اعمل بوستر مش لوجو
ومستحيل يتميز بالبساطه!

أن يتضمن اسم الجامعه واسم الفعاليات باللغتين العربية والانجليزية

دى لوحدها اخدت حيز كبير
وبعدين هو انا حاقعد اترجم الفعاليات كلها؟؟
(فنى..ثقافي..علمى.......)

أن يكون الشعار معبرا عن الأنشطة التى تمارس بتلك الفعاليات

اهو الحته دى بالذات مش حاقول عليها غير
حسبي الله ونعم الوكيل..بجد

انا بصيت على لوجو السنه اللى فاتت
حاجه سيمبل جدا جدا
لافيه فعاليات بالعربي والانجليزي ولا اى حاجه

بجد انا مبقيتش فاهمه حاجه
انا قريت الشروط خمسين مره
وبصيت ع الشغل اللى عملته
وبصراحه اتصدمت

[Mohamed Al Gohary]

اخر شهر فبراير ...