ندمت انك دخلت المنتدى ...؟؟ !!

[احمد شبند]

طبعا من عنوان الموضوع عارف انه غريب شوية

لكن الى خلاه جه ببال طبعا زى ما انتم شوفتم الالوان الى اتغيرت دى والكلام ده

المهم أول لما شوفت اللون طبعا أتفاجأت وأول حاجة جات ببالى ولسان حالى بيقولى..

فاكر لما جالك وقت وندمت انك دخلت المنتدى ........ دلوقت لونك بقى كدا ...

كلام غريب أنا عارف

انا حابب أسئل حضارتكم ان كان جه وقت لأى واحد فيكم ندم فيه انه دخل على المنتدى ويقضى فيه بعض وقته ؟؟

فهل فعلا ده حصل معاك وبصراحة ده حصل معايا ؟؟

ويا ترى ايه هى الاسباب ( لو ينفع ) ؟؟

بالنسبالى السبب كان شخصى

يعنى العيب كان فيا أنا

بس الحمد لله بفضل الله سبحانه و تعالى اتخلصت من السلبية دى

وبسأل ربنا انه يتقبل منا اى شئ هو الى وفقنا ليه بفضله...

ويغفرلنا اى شئ اخطأنا فيه بذنوب وعيوب هى فينا وعندنا ..

أعتقد كدا فكرتى ممكن تكون وصلت

وبارك الله فيكم ووفقكم لكل خير

فى أمان الله

أخوكم أحمد شبند

======================


Gohary

[Amira]

لا الحمدلله مندمتش ولا لحظه انى دخلت المنتدى

اى نعم انا ساعات باخده حجه عشان مذاكرش بس بيبقى بقصدى يعنى انى اعطل نفسى

بالعكس المنتدى بيفيد جداااااا كفايه ان الناس بتقدر تتواصل مع الدكاتره

واى مشكله او طلب بيتقال هنا بيتنفذ

والـــــف مبـــــروك ع اللون الجديد يا د/أحمـــد "تستاهله بجد والله"

[Messi]

شكرا د.احمد علي الموضوع...
انا فعلا كان فيه اوقات بتيجي عليا اندم فيها.وابقي مش طايق نفسي بل وانفعل كثيرا وربما اثر ذلك عليا في المذاكره وربما دفعني الي تفكير خاطئ وظن خاطئ واقوم بتدبير الخطط واقوم بجمع التحالفات من اصدقائي وربما فكرت في عمل انقلاب مع زملائي(وانا لا اخجل من الصراحه) .......بس برجع اقول تاني مهما كان انا لسه صغير والمستقبل امامي واسع في المنتدي.... وبطلع نفسي غلطان ولازم اطور ادائي للافضل.....ويمكن اعضاء المنتدي لمسوا الفرق في الاونه الاخيره.......وده بفضل نصايح الناس ليا..وباذن الله ربنا يعوض صبري ده خير قريب ....

[Dr nour]

انا حابب أسئل حضارتكم ان كان جه وقت لأى واحد فيكم ندم فيه انه دخل على المنتدى ويقضى فيه بعض وقته ؟؟

ندم على دخول المنتدى دا محصلش لكن يمكن ندم على فعل شئ أو الاشتراك فى شئ
لكن ندم لدخوله محصلش بل فعلا بدايات تسجيلى على المنتدى كانت فتره صعبه من حياتى والاشتراك فى المنتدى خفف حاجات كتير
لكن هذا لا يمنع وجود فتره كنت أكرهه الدخول للمنتدى مش ندم وذلك لأنها كانت فتره كل لما تدخل موضوع تلاقى مشاكل خناقات عدم مراعاه لمشاعر الغير والتجريح مش عارفه ليه كان كل دا وايه اللى حصل فى الفتره دى بس اللى باتمناه انها مترجعش تانى وان يفضل سائد الاحترام ومراعاه الشعور للآخر واحترام وجهات النظر
______________
وشكرا يادكتور على طرح الموضوع وألف مبروك لحضرتك

[NeScaFE]

المنتدى جميل جدا..........بس بصراحة جت عليا اوقات كتيرة ندمت اننا اشتركت فيه

لاسباب برده شخصية (العيب برده كان فيا..كنت طيبة وسلبية زيادة)....وكنت هسيب المنتدى خالص

بس طبعا انا فى نفس الوقت بستفيد منه.....

وده كان سبب انى غيرت النيم بتاعى كبداية للتغيير .....وربنا يوفقنا ان شاءالله

ومبروك ع اللون .....انا برده اتفاجئت .....بس تستاهله يا دوك احمد.....

[muna7assan]

لا الحمد لله حتى الان ما ندمتش خالص انى اشتركت فى المنتدى

ممكن زى اغلب الناس ما قالت ندموا على حاجات معينه عملوها, بس الحمد لله برضو حاجات قليله جداااا وبسيطه

يعنى مش لدرجه الندم اللى يخلينى اقاطع المنتدى فتره ولو يوم حتى

لكن ندم من مشاركتى فى المنتدى ككل ,لأ ما حصلش

ولا بأتضايق لما بأدخل عليه

بالعكس لو مضايقه بأحب ادخل عليه علشان اغير المود شويه

~~~~~~~~~~~~~
الف مبروك على اللون الجديد يا د.احمد بجد حضرتك وكل اللى اخدوه تستحقوه

[عبدالله عبدالرحمن]

طبعا من عنوان الموضوع عارف انه غريب شوية


لكن الى خلاه جه ببال طبعا زى ما انتم شوفتم الالوان الى اتغيرت دى والكلام ده


المهم أول لما شوفت اللون طبعا أتفاجأت وأول حاجة جات ببالى ولسان حالى بيقولى..


فاكر لما جالك وقت وندمت انك دخلت المنتدى ........ دلوقت لونك بقى كدا ...


كلام غريب أنا عارف


انا حابب أسئل حضارتكم ان كان جه وقت لأى واحد فيكم ندم فيه انه دخل على المنتدى ويقضى فيه بعض وقته ؟؟


فهل فعلا ده حصل معاك وبصراحة ده حصل معايا ؟؟


ويا ترى ايه هى الاسباب ( لو ينفع ) ؟؟

اه كان فى وقت من الأوقات ندمت ان انا اشتركت على المنتدى
المنتدى كان اول نشاط ليا على الأنترنت
كنت لسه جديد
وللأسف عملت اخطاء اجبرتنى على الأنسحاب فعلا
لأن اللى كنت بعمله مش من طباعى اصلا بس مش عارف
ايه اللى خلى الواحد يعملل كده
يعنى ازعل لما محدش يرد على الموضوع
واعد اعمل موضوعات لا تفيد
ومنقول ياولدى منقول
واخرى لام جال لذكرها الأن
طريقة التفكير اكيد ماكنتش اللى هى
بس الحمد لله من بعد رجوعى للمنتدى تانى
عرفت أخطائى فين والحمد لله اعتقد انى تجنبتها بشكل كبير

بس فى دعوة بس
ياريت ياجماعة نبعد عن المنقول شوية
لو قعدنا نملى المنتدى منقول
فين المجال لأبداعات الأعضاء
ولأبداعك انت
اكتب موضوع قليل فى البداية واتعلم من أخطائك
واكيد فى النهاية
هتلاقى نفسك
مش معقول كم الموضوعات المنقولة فى الفترة اللى فاتت
وياريت نستخدم خاصية البحث بدل الموضوعات المكررة
اللى كل شوية بنلاقيها دى
بس
فى النهاية المنتدى فى شكله العام اتحسن كثير
وبقى اكثر اهمية بعد تردد اعضاء هيئة التدريس عليه
بشكل اكبر
دكتور عطا الله كان له نصيب الأسد فى تنشيط الجانب التعليمى
ووجود أعضاء زى حضرتك ودكتور رامى ودكتورة فارمسيستينا وانس
ودكتور عايش ودكتورة بنبونة وغيرهم مما لايتسع ذكرهم فى المساحة الصغيرة

مبروك على اللون الجديد وان شاء الله يبقى ازرق

[ASOOOM]

ما اعتقدش اني ندمت بشكل كامل بس كان في اوقات بحس ان المنتدى ممكن يعطلني عن المذاكرة لكن بشكل عام افادني جدا من خلال الموضوعات و الاسئله اللي بنسألها ولما اكون عايزه اتأكد من اي حاجة بلاقي زميلات و زملاء كتير بيفيدوني و بالتالي اذا كنت ندمت 1% ف انا استفدت و استمتعت 1000.000%

[The promise]

المنتدى ملى وقت فراغ عندى واوقات كتيرة كنت بقعد علية واسيب المذاكرة ودة كان بضاية اللى حوالية بس بدات انظم وقتى وكمان استفدت منة كتير ايام الامتحانات واكيد انة سلاح ذو حدين

[meramar]

انا مش بقالى كتير فى المنتدى
بس الفتره الصغيره اللى قضتها فيه استفدت منه فعلا
ومع انى مش بشارك كتير الا انه بقى حاجه مهمه بالنسبه لى
انا مش ندمت خاالص انى دخلت المنتدى .
ممكن اكون ندمت بس على مشاركه شاركتها وحسيت انها ملهاش لازمه بعد ماكتبتها..
رد رديته وكان ممكن يكون ليه قيمه اكتر من كده..كده يعنى ..ندمى غالبا بيكون بعد مااكتب مشاركه واحس انها هايفه

مبروك على اللون ياد\احمد ودايما فى تقدم ان شاء الله