دفعتى العزيزه

[muna7assan]

السلام عليكم ورحمه الله وبركاته

ازيكم يا جماعه

يا رب تكونوا دايما بخير

بدايه احب اقولكم كل تيرم وانتم بألف خير ويا رب دايما مبسوطين

هانت فات 3 تيرمات ومش فاضل غير 7

يفوتوا هوا

التوبيك دا عملته لسببين

اتمنى انى اشوف ردودكم عليهم

اول سبب هو سلوك الدفعه مع الدكاتره

للاسف نسبه كبيره من اساتذتنا الكرام اشتكوا من سلوك دفعتنا

مش عارفه ايه السبب بالظبط

بس مش كويس ان دفعتنا يتعرف عنها انها دفعه مشاغبه او سيئه السلوك

د.على ماهر فى اخر محاضره لجروب ج قال ( الامتحان السنه دى هيكون unusual بسبب سلوك الدفعه السئ)

وقد كان
بتهيألى محدش شاف امتحان لاولى فى العضويه طوله ست صفحات

فى الصيدلانيات د.حمدى زعل جدا من جروب ج

وكان ليه حق بصراحه

الجروب كان فى قله نظام فظيعه والكل بيتكلم وامتحنا شيت فى الجزء بتاعه

وفى النظرى كان الامتحان كله short notes

وما خفى كان اعظم

لأن د.حسن الكاشف قال ونبه قبل كده ان كذا دكتور اشتكى من سلوك دفعتنا

بغض النظر عن النظرى والعملى والشفوى و و و ......

مش حاجه كويسه ان دكاترتنا واساتذتنا يكون عندهم فكره سيئه عننا

والله يا جماعه دكاترتنا اكبر من انى اقيم حد منهم

بس هما غيروا فكرتى اللى كانت عندى من ناحيه الدكاتره قبل ما ادخل الكليه

طيب ليه نزعلهم

نفسى بجد التيرم التانى ان شاء الله يكون بدايه فى اننا نغير من الفكره اللى الدكاتره اخدوها عننا

اكيد مفيش حد ما غلطش قبل كده فى محاضره

فمش هأقول انا عمرى ما اخطأت وعمرى ما اتكلمت فى محاضره لأن اكيد دا حصل

بس احب اكون اول واحده تعتذر واقول انا اسفه اذا كنت عملت حاجه غلط ف محاضره وان شاء الله التيرم التانى

تكون بدايه انى اغير من اللى ممكن يكون زعل استاذ من اساتذتى

ونفسى كمان كل الدفعه تعمل كده



السبب التانى فى انى اعمل التوبيك دا

واللى اثاروه زملائى فى ساحه الحوار

اننا اقل دفعه بتدخل المنتدى

مش عارفه ايه السبب برضو

احنا بنضيع فرصه كبيره اننا نكون على احتكاك مباشر بدكاترتنا ومعيدينا

بنضيع فرصه ان رأينا يوصل لأداره الكليه فى كل حاجه بأبسط الوسائل

لما الجدول نزل فى اول التيرم وكان اغلب الناس غير راضيين عنه واتعمل استفتاء

نتيجه الاستفتاء دا وصلت لاداره الكليه عن طريق المنتدى ودكاترتنا اللى بيدخلوا ويشوفوا رأينا ايه

ليه نضيع الفرصه دى ونكون سلبيين

فرصه كبيره جدا ان رأينا يوصل للاداره فى الجدول وفى المواد وفى اسلوب المحاضرات وفى السكاشن وكل حاجه

لازم نكون ايجابيين ونشارك ونقول رأينا

اتمنى انى اسمع ارائكم فى الكلام دا

[Jailan]

السلام عليكم ورحمه الله وبركاته
وعليكم السلام و رحمه الله و بركاته
ازيكم يا جماعه

يا رب تكونوا دايما بخير

بدايه احب اقولكم كل تيرم وانتم بألف خير ويا رب دايما مبسوطين

هانت فات 3 تيرمات ومش فاضل غير 7

يفوتوا هوا

التوبيك دا عملته لسببين

اتمنى انى اشوف ردودكم عليهم

اول سبب هو سلوك الدفعه مع الدكاتره

للاسف نسبه كبيره من اساتذتنا الكرام اشتكوا من سلوك دفعتنا

مش عارفه ايه السبب بالظبط

بس مش كويس ان دفعتنا يتعرف عنها انها دفعه مشاغبه او سيئه السلوك

د.على ماهر فى اخر محاضره لجروب ج قال ( الامتحان السنه دى هيكون unusual بسبب سلوك الدفعه السئ)

وقد كان
بتهيألى محدش شاف امتحان لاولى فى العضويه طوله ست صفحات
اه عندك حق واللهى ماكنش امتحان
فى الصيدلانيات د.حمدى زعل جدا من جروب ج

وكان ليه حق بصراحه

الجروب كان فى قله نظام فظيعه والكل بيتكلم وامتحنا شيت فى الجزء بتاعه

وفى النظرى كان الامتحان كله short notes

وما خفى كان اعظم
لا كفايه كده حرام

لأن د.حسن الكاشف قال ونبه قبل كده ان كذا دكتور اشتكى من سلوك دفعتنا
فعلا يوم لما الدكتور قال كده محدش عرف يرد بحاجه لانه عنده حق فى كل كلمه بيقولها
و كانت كسفه لانه اما كان بيتكلم فى الجروب بتاعنا حصل الى بيقول عليه فى وقتها
بغض النظر عن النظرى والعملى والشفوى و و و ......

مش حاجه كويسه ان دكاترتنا واساتذتنا يكون عندهم فكره سيئه عننا

والله يا جماعه دكاترتنا اكبر من انى اقيم حد منهم
فى دى عندك حق بجد السنه دى فى دكاترة بجد اتشرف انهم ادولنا
بس هما غيروا فكرتى اللى كانت عندى من ناحيه الدكاتره قبل ما ادخل الكليه

طيب ليه نزعلهم

نفسى بجد التيرم التانى ان شاء الله يكون بدايه فى اننا نغير من الفكره اللى الدكاتره اخدوها عننا

اكيد مفيش حد ما غلطش قبل كده فى محاضره

فمش هأقول انا عمرى ما اخطأت وعمرى ما اتكلمت فى محاضره لأن اكيد دا حصل
و اكيد انا كمان غلط
بس احب اكون اول واحده تعتذر واقول انا اسفه اذا كنت عملت حاجه غلط ف محاضره وان شاء الله التيرم التانى

تكون بدايه انى اغير من اللى ممكن يكون زعل استاذ من اساتذتى

ونفسى كمان كل الدفعه تعمل كده
ان شاء الله


السبب التانى فى انى اعمل التوبيك دا

واللى اثاروه زملائى فى ساحه الحوار

اننا اقل دفعه بتدخل المنتدى

مش عارفه ايه السبب برضو

احنا بنضيع فرصه كبيره اننا نكون على احتكاك مباشر بدكاترتنا ومعيدينا

بنضيع فرصه ان رأينا يوصل لأداره الكليه فى كل حاجه بأبسط الوسائل

لما الجدول نزل فى اول التيرم وكان اغلب الناس غير راضيين عنه واتعمل استفتاء

نتيجه الاستفتاء دا وصلت لاداره الكليه عن طريق المنتدى ودكاترتنا اللى بيدخلوا ويشوفوا رأينا ايه

ليه نضيع الفرصه دى ونكون سلبيين

فرصه كبيره جدا ان رأينا يوصل للاداره فى الجدول وفى المواد وفى اسلوب المحاضرات وفى السكاشن وكل حاجه

لازم نكون ايجابيين ونشارك ونقول رأينا

اتمنى انى اسمع ارائكم فى الكلام دا
بجد منتدى الكليه فعلا زى مقولتى يا منى حلو اوى و فيه بتحتك بكل الناس الاكبر منك و الدكاتره الى هيساعدوك لو عايز حاجه

بالنسبه للشكاوى الى قالها الدكاتره علينا ممكن نكتبها عشان الترم التانى يكون احسن
الى فاكراه اننا بنجى متاخر اوى و فى ناس بتسيب المحاضره و تمشى قدام الدكتور و دى كانت سبب مشكله التيرم ده
ممكن نتجنبهم بالتوفيق لينا كلنا

[muna7assan]

الى فاكراه اننا بنجى متاخر اوى و فى ناس بتسيب المحاضره و تمشى قدام الدكتور و دى كانت سبب مشكله التيرم ده
ممكن نتجنبهم بالتوفيق لينا كلنا

فعلا الخروج اثناء شرح الدكتور حتى لو كان الدكتور سامح بكده حاجه مش لطيفه
طبعا فيه ناس ظروفها بتجبرها انها تقوم دلوقتى
بس بتهيألى مش بالكميه دى
~~~~~~~~~
مستنيين باقى زملائنا علشان نعرف تعليقاتكم

[Mostafa 3laa]

المشكله ان مش كله هيقرا الكلام ده !!

كمان فى ناس بتكون قاصده تخرج وتنرفز الدكتور وتخليه يتكلم عليهم.....بيعملو شو لنفسهم ومنظر قدام الطلبه
احنا لو هندور ع الحل لازم نصلح نفسيه الناس دى اللى هما نسبه كبيره اصلا م الدفعه لأن الحركات التافهه اللى بتتعمل مع الدكاتره دى ملهاش اى معنى...ولا بتقلل من احترام الدكتور لأن مش معقول حركه زى دى تقلل منه ولا هتزود من شكل اللى بيعملها بالعكس بتقلل منه جامد وبتدل ع البيئه اللى هو جاى منها
كل اللى بناخده عقوبات على طول من كل الدكاتره ومثال كده امتحان الأورجانيك وشيت دكتور حمدى اللى كان لجروب ج بس !!


بجد انا بقارن بين دفعتنا ودفعه اعدادى السنادى او دفعه تانيه وبسأل صحابى ف الدفعتين....عمرى ما سمعت عن الحاجات اللى بنعملها دى !!!!!!!
بجد دى اكتر حاجه ملحوظه ف دفعتنا اننا غاويين مشاكل ومن السنه اللى فاتت واحنا كده على فكره


بالنسبه لموضوع اننا مش بندخل هنا ع المنتدى.....ده مرتبط بردو بالجزئيه الأولى (تفكير الطلبه بردو) وكمان هما فاهمين كلمه منتدى غلط ...... مش هوضح اكتر من كده بقى فكرو ف المعنى ف سركو احسن....



عارف ان ردى رخم

[Dr:Hala]

أولا إزى حضرتك يا دكتوره منى
وشكرا لمجهودك معانا ولكل الزملاء اللى ساعدونا الترم الأول

بالنسبه للشكوى من الدكاتره أنا مع حضرتك فى ده لازم نحاول نقلل من كده
و أنا بلا فخر من جروب ج اللى معظم الشكوى منه
وطبعا بانت معزة د/ حمدى لينا فى إنه عملنا شيت مخصوص عن باقى المجموعات
ف رجاء مش عاوزين ده يتكرر الترم التانى
عاوزين الترم التانى يكون أفضل من الترم الأول فى السلوك والنتيجه
وحضرتكم شوفتم بنفسكم
إمتحان العضويه كان أوضح دليل لسلوكنا اللذيذ..زى ما دكتور منى قالت
ودليل لإن كل تهديد من أى دكتور لينا بيتنفذ مش كلام وخلاص..

بالنسبه لوجودنا القليل جدا على المنتدى فأنا ملاحظه ده إحنا
أقل دفعه على المنتدى كله
أنا بدخل أشوف الدفع التانيه معظمهم موجودين وبيفيدوا بعض و إحنا فين ...
لازم يكون فى مشاركه أكتر من كده.....

يارب الترم التانى يكون أفضل ويكون فى تغير...

[Dr_r.m.m]

والله بجد عندك حق يامنى الدكاترة زعلنين كتير من دفعتنا بس مش عارفة ليه كده مش كويس ابدا ابدا ان يكون سمعة الدفعة وحشة فى اى حاجة ليه يادكاترة ظاهرة ان حد يدخل المحاضرة عشان يخرج منها انا اساسا عاوزة اعرف حضرتك او حضرتك داخل عشان تخرج؟
لا فى ناس اساسا داخلة عشان تهزر مش تسمع وتنتبه يمكن عشان انا بعد دايما بعد ادام بفكر ان الناس كلها بتسمع زمايلى اللى بيعدوا ورا بيقولولى ان قى ناس بتسمع اغانى واللى بيهزر بجد كده حرام
بجد انا مش كنت اعرف ان الموضوع كده لكن عرفت اخر مرة من محاضرة دكتور حسن الكاشف
اتمنى ان الترم الجاى نحسن الفكرة

[Dr:Hala]

[quote=Mostafa 3laa;247019]


بالنسبه لموضوع اننا مش بندخل هنا ع المنتدى.....ده مرتبط بردو بالجزئيه الأولى (تفكير الطلبه بردو) وكمان هما فاهمين كلمه منتدى غلط ...... مش هوضح اكتر من كده بقى فكرو ف المعنى ف سركو احسن....



/quote]

مش فاهمه يعنى إيه فاهمين كلمة المنتدى غلط
دا مكان بنوصل بيه أفكارنا ومطالبنا للكليه
وبنساعد بعض عن طريقه .......أيه المشكله فى كده؟..
ثم لو هنفترض ده........ دا ممكن يكون واحد اتنين لكن الدفعه كلها
لا دا مش طبيعى....

[Mostafa 3laa]

[quote=Dr:Hala;247040]

بالنسبه لموضوع اننا مش بندخل هنا ع المنتدى.....ده مرتبط بردو بالجزئيه الأولى (تفكير الطلبه بردو) وكمان هما فاهمين كلمه منتدى غلط ...... مش هوضح اكتر من كده بقى فكرو ف المعنى ف سركو احسن....



/quote]

مش فاهمه يعنى إيه فاهمين كلمة المنتدى غلط
دا مكان بنوصل بيه أفكارنا ومطالبنا للكليه
وبنساعد بعض عن طريقه .......أيه المشكله فى كده؟..
ثم لو هنفترض ده........ دا ممكن يكون واحد اتنين لكن الدفعه كلها
لا دا مش طبيعى....

خلاص ببساطه كده ممكن حضرتك تدخلى على اى منتدى تانى غير منتدى الكليه الرسمى وشوفى الأعضاء هناك اد ايه

[Bone Marrow]

فى البدايه احب اشكر منى على الموضوع الجامد ده ...........جه فى وقته والله

بالنسبه للنقطه الاولى.........بصراحه كده ومن غير زعل انا شايفه ان الدكاتره عندهم حق فى اللى بيعملوه فينا لاننا اكيد لو احترمنا انفسنا فى مواعدنا وسلوكنا كده بنجبر الدكتور على انه يحترمنا ويقدرنا
وساعتها الدكتور هيبقى محتار يعملنا ايه وبكده هنكون احنا الكسبانين
وعلى فكره حتى لو الدفعه كلها مثلا شالت الماده ده مش بينقص من شان الدكتور فى حاجه ولو الدفعه كلها جابت امتياز مش هتزيد من شانه لانه فى النهايه دكتور انما احنا اللى بتفرق معانا
بمعنى ان العقاب والثواب لينا احنا الطلبه
واديكو شوفتوا ان السيئه بتعم والحسنه بتخص
لذلك بجد بجد نرجو التغيير من انفسنا
وربنا يوفقنا جميعا يا دكاتره

بالنسبه للنقطه التانيه ...........انا عن نفسى مش بدخل غير لما بلاقى حاجه مفيده وفعاله

[muna7assan]

انا الاول فهمتك يا د.مصطفى على اساس ان الناس شايفه انها تدخل على منتدى وتتعامل مع زملائها وزميلاتها مباشره كده مش حاجه ظريفه
ودول ناس انا احتكيت بيهم شخصيا وسمعت رأيهم وما اقتنعتش بيه بصراحه لان كل واحد عارف هوا ها يدخل يقول ايه وهيظهر ازاى ومفيش حاجه تخلينى اتحرج من اللى انا بأعمله او باقوله
دا اللى فهمته الاول

[quote=Mostafa 3laa;247049]

خلاص ببساطه كده ممكن حضرتك تدخلى على اى منتدى تانى غير منتدى الكليه الرسمى وشوفى الأعضاء هناك اد ايه

بعد الجمله دى
فهمى اتغير
بتهيألى انت كده قصدك انهم مش حابين فكره المنتدى الرسمى نفسها
فهمنا بقى
-----

بجد انا بقارن بين دفعتنا ودفعه اعدادى السنادى او دفعه تانيه وبسأل صحابى ف الدفعتين....عمرى ما سمعت عن الحاجات اللى بنعملها دى !!!!!!!
بجد دى اكتر حاجه ملحوظه ف دفعتنا اننا غاويين مشاكل ومن السنه اللى فاتت واحنا كده على فكره

للأسف فعلا انت عندك حق
مش عارفه ليه دفعتنا مختلفه عن باقى الدفع
صاحباتى اكبر منى واصغر منى وبأسمع منهم على الدفعه مش بالاقى زى اللى بيحصل عندنا
باقى الدفعات معانا على المنتدى وما شاء الله عليهم عاملين شغل كتير وجميل
واحنا لأ

أولا إزى حضرتك يا دكتوره منى
حضرتها الدكتوره دى انا

انا الحمد لله تمام ويا رب انتى كمان

وشكرا لمجهودك معانا ولكل الزملاء اللى ساعدونا الترم الأول
العفو والله انا مش باعمل حاجه زياده

بالنسبه للشكوى من الدكاتره أنا مع حضرتك فى ده لازم نحاول نقلل من كده
و أنا بلا فخر من جروب ج اللى معظم الشكوى منه
وطبعا بانت معزة د/ حمدى لينا فى إنه عملنا شيت مخصوص عن باقى المجموعات
ف رجاء مش عاوزين ده يتكرر الترم التانى
عاوزين الترم التانى يكون أفضل من الترم الأول فى السلوك والنتيجه
وحضرتكم شوفتم بنفسكم
إمتحان العضويه كان أوضح دليل لسلوكنا اللذيذ..زى ما دكتور منى قالت
ودليل لإن كل تهديد من أى دكتور لينا بيتنفذ مش كلام وخلاص..

والله يا جماعه زى ما قلت غير النظرى والامتحانات
حاجه مش كويسه اننا ناخد سمعه الدفعه المشاغبه
وان استذتنا يكونوا مضايقين مننا كده

بالنسبه لوجودنا القليل جدا على المنتدى فأنا ملاحظه ده إحنا
أقل دفعه على المنتدى كله
أنا بدخل أشوف الدفع التانيه معظمهم موجودين وبيفيدوا بعض و إحنا فين ...
لازم يكون فى مشاركه أكتر من كده.....

يارب الترم التانى يكون أفضل ويكون فى تغير...

يا رب والله وتكون بدايه لتغيير الفكره دى عند الدكاتره بعد كده على طول ان شاء الله

لا فى ناس اساسا داخلة عشان تهزر مش تسمع وتنتبه يمكن عشان انا بعد دايما بعد ادام بفكر ان الناس كلها بتسمع زمايلى اللى بيعدوا ورا بيقولولى ان قى ناس بتسمع اغانى واللى بيهزر بجد كده حرام
بجد انا مش كنت اعرف ان الموضوع كده لكن عرفت اخر مرة من محاضرة دكتور حسن الكاشف
اتمنى ان الترم الجاى نحسن الفكرة

انا بالنسبه ليا ان الناس دول ما يحضروش المحاضره احسن من انهم يحضروا ويسؤا سمعه الدفعه وشكلنا قدام الدكاتره

فى البدايه احب اشكر منى على الموضوع الجامد ده ...........جه فى وقته والله


ميرسى يا قمر

بالنسبه للنقطه التانيه ...........انا عن نفسى مش بدخل غير لما بلاقى حاجه مفيده وفعاله

ممكن انتى نفسك تعملى حاجه مفيده وفعاله
يعنى مش لازم انا او حد معين مثلا اتعودتوا منه انه يعمل حاجه معينه فى ماده معينه
ممكن انتى تبدأى ساحه حوار لماده او حتى تشاركى
المهم اننا نكون متواجدين وسايبين بصمه لينا قدام اداره الكليه