الماده الشهيده,,, الصيدلانيات

[dr/mero]

ايه رايكوا في امتحان الصيدلانيات يا جماعة اظن مفيش احلى من كده وخصوصا جزء د/محاسن

[Dr/HULK]

ههههههههههه

انا دخلت بجزء دكتورة محاسن والسابزيتورى

ضاع جزء دكتورة محاسن فى المسئلة العقيمة اللى جات دى

والامل فى ربنا انى انجح بجزء دكتور اسامة

والحمدلله الستيريل والاوفسالميك جه منه حوالى 10 درجات اصلى كنت مش مذاكره

[@Noh]

يا جماعه دكاتره الاكسترنال معاهم ورقه من الكليه مكتوب فيها ان ممتاز 25.5 وجيد جدا 22.5 .. علشان كده كانت اعلى درجه كانت 25.5 فياريت يعنى الدكاتره يعرفوا ان 25.5 دى بمثابه 30 وياريت والله لو يصححوا الدرجه لما يجوا يجمعوا الدرجات علشان بجد فى ناس هتكون محتاجه الدرجات دى علشان تعدى الماده

طيب لو سمحت هو الضعيف من كام أصل الدكتورة قعدت تسألنى وأنا مااجاوبش فسابتنى خالص وكل شوية تسأل فى نفس الموضوع لعند مااستسلمت وقلتلها أنا مش مركزة عالجزء ده ربنا يستر بس هما بجد بيسألوا حاجات عامة وبتسألنى فى تشريح العين كنت عايزة أقولها لو كنت أعرفها كنت رسمتها فى الامتحان المفروض اللى قال ماتحفظوهاش يتصرف.

[العصفورة]

يا جماعه دكاتره الاكسترنال معاهم ورقه من الكليه مكتوب فيها ان ممتاز 25.5 وجيد جدا 22.5 .. علشان كده كانت اعلى درجه كانت 25.5 فياريت يعنى الدكاتره يعرفوا ان 25.5 دى بمثابه 30 وياريت والله لو يصححوا الدرجه لما يجوا يجمعوا الدرجات علشان بجد فى ناس هتكون محتاجه الدرجات دى علشان تعدى الماده

ايه ده انا كنت عند اكسترنال
لأ وايه كمان عند نفس ذات الدكتور بتاعك يا sincerity
يلا هى جت على الشفوى ده
طالما أخدت الاجازة كله يهون

[BonaBart]

يا ريت يا أنس تقفل المادة دى بقى

وتخلينا نركز ف المادة الجاية

مفيش وقت يا جماعة

[dr/nour]

الحمد لله على كل حال
الحمد لله الامتحانات عدت مش نفكر فيها بقى خلاص والنتيجه على ربنا
يالا ياجماعه بقى استغلوا الاجازه عشان نرجع تانى الترم التانى واحنا اعصابنا سليمه
استغفرك ربى واتوب اليك

[ms_Belladona]

كل سنه وانتم طيبين ............وينصفك ى تتح ف النتيجه

وانتي طيبة يا موني
وربنا ينجحلك تتح وينجحنا احنا كمان
يااااااااااااارب

[ahmed helmy]

يا ريت يا أنس تقفل المادة دى بقى

ايه يا عم ميدو ده انت بتهزر بقي
ساحه ايه اللي تتقفل انت عارف مين مؤسسها
خلي حد يقفلها كده وانا اطربق المنتدي واجيب عاليه واطيه(والكلام طبعا موجه لكل المشرفين وخصوصا انس)

[BonaBart]

ايه يا عم ميدو ده انت بتهزر بقي

أنا كنت بهزر ...بس دلوقتى بقول اقفلها يا أنس بجد

خلينا نتفرغ لساحة الاجازة




ساحه ايه اللي تتقفل انت عارف مين مؤسسها

لا ما أخدتش بالى الصراحة

هيكون مين يعنى




خلي حد يقفلها كده وانا اطربق المنتدي واجيب عاليه واطيه

هدى أعضائك كدا ...
ووطى صوتك عشان فى أعضاء نايمين
وأعضاء بتحل فوازير




(والكلام طبعا موجه لكل المشرفين وخصوصا أنس)

[/center]

إلا أنس بقى

دا يطير فيها رقاب
"أقصد يطير فيها عضويات أعضاء من المنتدى "

[Mohamed Al Gohary]

المفروض اللى قال ماتحفظوهاش يتصرف.

طبعال لازم يتصرف انتم هتسيبوه ولا ايه