أشكركم على حسن الضيافة

[M.Hegazy]

السلام عليكم جميعا .. يا رب تكونو بخير و تكون امتحاناتكم عدت على خير ..

أتمنى للجميع السعادة و أشكركم على حسن الضيافة .. حبيت بس أعرفكم إني هنسحب من المنتدى تماما و اعتزلت الأدب كليا و ليا أمنية واحدة بس قبل ما أمشي .. يا ريت تذكروني بالخير ..

بجد حبيتكم و حبيت كلامكم و أحساسيكم و جو الصحبة الحلوة و استأنست بيكم .. أتمنى لكم كل خير ..

و إليكم كلماتي الأخيرة ..


مهما طال حلو اللقاء .. فلا بد من مر الفراق .. لتبقى الذكريات الجميلة خالدة .. لا يمحوها طول الزمان و لو بممحاة ..

أحبابنا أزف الرحيل فزودنا بالدعاء ..
هل بعد ذا من يومنا يوم جديد للقاء !
إني لأعلم منكم يا إخوتي حسن الوفاء ..
فعليكم أبدا سلامي في الصباح و في المساء ..




تحياتي للجميع .. و لكل من أسأت إليهم أو قصرت في حقهم .. سامحوني ..

[lovely princess]

معلش..

بس ممكن نعرف إيه السبب ؟!!!!!!


!

[NeScaFE]

ليه يا دكتور ابو ملك.....امال مين اللى هيكتبلنا كلام حلو بعد كده
؟؟؟؟؟؟؟؟؟

[Messi]

يا دكتور لو انسحبت مين الي هيكتب في القسم ده بعدك مع احترامي للجميع........
واني لاعتقد انك ان استمريت في القسم الادبي لسوف يتم تعينك مشرف علي هذا القسم....ارجو الا يكون هذا هو سبب انسحابك المفاجئ....
وارجو الا يكون ذلك سببه الخلاف مع احد اخوتك (من اعضاء المنتدي)......
وان كنت لا تريد ان تمتعنا بشعرك فلا تحرمنا من مشاركاتك......ولو بالفرقه الاولي..او باقي الاقسام.....
لن اطيل اكثر من ذلك ......فلقد نصحتك...ولك ان تقبل كلامي او ترفضه......

[M.Hegazy]

يا دكتور لو انسحبت مين الي هيكتب في القسم ده بعدك مع احترامي للجميع........
واني لاعتقد انك ان استمريت في القسم الادبي لسوف يتم تعينك مشرف علي هذا القسم....ارجو الا يكون هذا هو سبب انسحابك المفاجئ....
وارجو الا يكون ذلك سببه الخلاف مع احد اخوتك (من اعضاء المنتدي)......
وان كنت لا تريد ان تمتعنا بشعرك فلا تحرمنا من مشاركاتك......ولو بالفرقه الاولي..او باقي الاقسام.....
لن اطيل اكثر من ذلك ......فلقد نصحتك...ولك ان تقبل كلامي او ترفضه......

إن شاء الله بعد رجوعي هكون موجود في منتدى الفرقة الأولى .. و هحاول على قد ما أقدر أقدملكم اللي فيه الفايدة .. أما بالنسبة للأدب فأنا خلاص آخري كده معاه و آخري كده مع كل حاجة ف الدنيا ..

يا ريت تسامحوني .. السبب مقدرش أقول عليه .. بس ربنا يستر و ارجع بسلام .. دعواتكم ..

أشكرك على زوقك يا د.محمد و متحرمش منك أبدا .. و الكلام اللي قلته عليا ده أكبر مني .. أنا لا رحت و لا جيت لسه ..

عموما عايز لما أرجع ألاقي مشاركاتكم مولعة الدنيا ..

تقبلو تحياتي ..

[@Noh]

السلام عليكم
ياريت يادكتور ماتنسحبش من المنتدى كلنا اخوات ولو كان حد زعلك اعتبره مش قاصد وماتزعلش نفسك الموضوع مش مستاهل ربنا يوفقك لما فيه الخير.

[S!lent Tear]

السلام عليكم
ياريت يادكتور ماتنسحبش من المنتدى كلنا اخوات ولو كان حد زعلك اعتبره مش قاصد وماتزعلش نفسك الموضوع مش مستاهل ربنا يوفقك لما فيه الخير.

اتمنى رجع حضرتك

[Sara Saso]

ايه اللى بيحصل ده؟!! أغيب يومين عن المنتدى ألاقى كل المفاجأت دى منتظرانى!!
مواضيع جديدة كتير ما شاء الله ودكتور أبو ملك قرر يهجرنا
أنا باحلم ولا ايه!!
أنا من طبعى باحترم حرية كل شخص فى اتخاذ قراراته وخصوصا لما تكون تخصه هو
أكتر من أى حد تانى.
وحقيقى بجد بقى غيابك يا دكتور هيحزننا لأن وجودك معانا ولو لفترة صغيرة لكن أصبحت واحد مننا
فى أسرتنا الكبيرة ورغم ده مفيش حد يقدر يرجعك عن قرارك لأن راحتك الأهم عندنا.
بس يا ريت لو مش هتشاركنا بموضوعاتك متحرمناش من مشاركاتك.
أنا مش عارفة حضرتك رايح فين بس مهما كان المكان ده تروح وترجع لنا بالسلامة ان شاء الله.

[skelsemo]

ana mesh fahma 7aga

[chocolata]

السلام عليكم جميعا .. يا رب تكونو بخير و تكون امتحاناتكم عدت على خير ..

أتمنى للجميع السعادة و أشكركم على حسن الضيافة .. حبيت بس أعرفكم إني هنسحب من المنتدى تماما و اعتزلت الأدب كليا و ليا أمنية واحدة بس قبل ما أمشي .. يا ريت تذكروني بالخير ..

بجد حبيتكم و حبيت كلامكم و أحساسيكم و جو الصحبة الحلوة و استأنست بيكم .. أتمنى لكم كل خير ..

و إليكم كلماتي الأخيرة ..


مهما طال حلو اللقاء .. فلا بد من مر الفراق .. لتبقى الذكريات الجميلة خالدة .. لا يمحوها طول الزمان و لو بممحاة ..

أحبابنا أزف الرحيل فزودنا بالدعاء ..
هل بعد ذا من يومنا يوم جديد للقاء !
إني لأعلم منكم يا إخوتي حسن الوفاء ..
فعليكم أبدا سلامي في الصباح و في المساء ..




تحياتي للجميع .. و لكل من أسأت إليهم أو قصرت في حقهم .. سامحوني ..

هو ايه الحكايه ياجماعه انا كنت فاكرة اننا كتير بنجرى على المنتدى عشان نعبر عن اللى جوانا ناحيه حاجات كتير وفعلا المنتدى عامل رابط جميل مابينا ايه اللى حصلا الاقى ناس كتير عايزة تنسحب وبالذات بتوع الادبى حد حاسدكم ولا اييييييييه؟ مش عارفه اقولك ايه يادكتور ولا ايه السبب وانا صحيح معرفش عنك كتير لكن كل اللى اقدر اقوله انى مبحبش ان حد ينسحب ابدا من المنتدى فاتمنى انك تعدل عن رايك انت وكل المنسحبين