الآن .. مسجد كلية الصيدلة

[Dr Deya]

شكرا جزيلا سيادة العميد والساده الوكلاء وكل من له يد في نجاح هذا المشروع
بارك الله فيكم وجعله في ميزان حسناتكم

[summer breeze]

الحمد لله واخيرا بقى لينا مسجد اللهم لك الحمد ولك الشكر حمدا كثيرا طيبا وكل الشكر والدعاء لاداره الكليه وعلى راسهم طبعا سياده العميد د/ محمود وسياده الوكيل د/ حسن الكاشف جعله الله في ميزان الصالحات من اعمالهم

اان شاء الله المسجد ده يكون شاهدلنا لا علينا

بنشكر ادارة الكليه .. و نتمنى من الجميع المحافظه عليه بحالته الرائعه اللي هو عليها دلوقت ..

و فعلا ياريت كل الناس تحافظ عليه عشان يفضل بالصورة الجميله دى

.


ايوه هو دا بقى بالظبط اللي كنت عاوزه اتكلم عنه وكنت ناويه اعمله موضوع في القسم الاسلامي ازاي ياجماعه نحافظ على المسجد واحنا ماشاء الله كل واحده تدخل تلاقيها على طول بالجزمه على السجاده اللي بيصلي في صيدله قديمه هيلاقي السجاد بيئن وبيشتكي من كتر التراب والطين اللي عليه نفسي اعرف ليه مع ان الناس كتر خيرهم موفرين جزامه ليه بقى الناس بترمي جزمها على الارض دا طبعا اضافه الا انه بيوسخ الارض وبيضيع مساحه كمان من المسجد ممكن تستغل ان حد يصلي عليها كمان منظر وحش ومؤذي جدا وخاصه ان دا بيت ربنا يعني احنا كل واحد فينا لمابيروح البيت بيقلع جزمته وبيحطها في الجزامه في قوضته المهم يعني بيحطها في مكان علشان متكركبشي البيت وتخلي المنظر وحش وكمان لو في الشتا كل واحد بيمسح جزمته بره قبل مايدخل يبقى برضه نعمل كدا قبل ماندخل المسجد اللي تابع برنامج خواطر من اليابان المذيع عمل حلقه عن الظاهره دي يعني المعروف ان اليابانيين دول مش بيدخلوا اي مكان غير لما يقلعوا الجزمه اللي لابسينها في الشارع دي ويلبسواجزمه مخصوصه للمكان اللي هما فيه علشان ميوسخهوش يعني مثلا الطلاب يروحوا الصبح المدرسه اول مايدخل يلاقي جزامه كبيره كلها ادراج وكل واحد عارف درجه رقم كام يفتحوا تلاقي فيه جزمه دي بتاعت المدرسه يقلع جزمته بتاعت الشارع اللي ممكن يكون مكانها تراب او طين ويلبس جزمه المدرسه لحد اخر الدوام وهكذا الحال في الشركات المؤسسات عارفين الحته الوحيده اللي في اليابان اللي مش منطبق عليها القاعده دي كانت ايه ؟؟؟ كان المسجد اللي بيصلي فيه المسلمين هوجه جزم قدام باب المسجد بطريقه مستفزه متشوفش زيها في اي مكان تاني في البلد ها ايه رايكم ينفع كدا يعني الناس بقى تقول ان الاسلام دين هرجله ومفيش ترتيب ولا نظام بسبب سوء فعالنا مع ان الله جميل يحب الجمال والنظافه من الايمان واماطه الاذى عن الطريق صدقه !!!!!!!!!!!!!!!
انا عارفه اني اتكلمت كتير جدا وطولت عليكم لكن المقصد اننا نحافظ على جمال ونظافه بيت ربنا ومش شرط في الكليه بس لا في اي مسجد تاني نروحه نكون حريصين على الحته دي وننصح الناس بالحسنى معلش شيلي جزمتك كدا زحمه كدا منظر مش جميل وهكذا والناس والله بتقتنع بس بيبقوا محتاجين حد يلفت نظرهم لانهم متعودين على كدا ماشي ياجماعه
في النهايه عذرا على الاطاله ومبارك عليكم المسجد الجديد وربنا يجعلني واياكم من كان صمته تفكر في الله وكلامه ذكر لله دمتم بود

[mido111132]

جزاكم الله كل خير والى الامام دوما

[طيور الجنه]

الله أكبر ولله الحمد

[احمدلطفى]

الحمدلله
جزي الله خير ادارة الكليه
وياريت يفضل مفتوح طول اليوم مش يتقفل بعد العصر زي مسجد كلية التربيه

[Mohamed Al Gohary]

مواعيد فتح المسجد .. وكده لسه هيتم تظبيطها .. عموما المسئول عن المسجد هي الأستاذ هدى علام .. مدير عام الكلية عشان لو حد عنده أى اقتراحات او اى تعليق ..

وياريت يا جمعه بجد نحافظ على المسجد من اى حاجه ..

[موظفه طموحه]

باسم الله ماشاء الله
الحمد لله سعيده جدا جدا طبعا وفى الحقيقه فيه حاجات كتير حلوه اتنفذت فى عهد سيادة العميد ا.د محمود بكر
جزاك الله كل خير ياد/ محمود على هذه المجهودات وجعله الله فى ميزان حسناتك
امين يارب .

[Mohamed Al Gohary]

جزاك الله كل خير ياد/ محمود على هذه المجهودات وجعله الله فى ميزان حسناتك
امين يارب .

آمين يارب العالمين

[@Noh]

الحمد لله شكرا لكل من ساهم فى بناء المسجد وكنت نفسى أتكلم عن المحافظة على المسجد بس د/ summer breeze ود/ جوهرى اتكلموا كفاية ياريت ياجماعة اللى عايزة تاكل تاكل بره المسجد بلاش الكشرى وورق الشيبسى والحاجات الغريبة دى يارب يكون المسجد الجديد فاتحة خير على كليتنا وربنا يوفقنا جميعا بس ياريت د/ جوهرى يقول لنا لما مسجد البنات يتفتح.

[دينا سالم]

فيه حاجات كتير حلوه اتنفذت فى عهد سيادة العميد ا.د محمود بكر
جزاك الله كل خير ياد/ محمود على هذه المجهودات وجعله الله فى ميزان حسناتك
امين يارب .

فعلا جزاه الله خيرا