International section to the Board

[muna7assan]

موافقه على التجربه

مع انى اخترت لا اوافق

بس التجربه مش هتضر

عاما هيا احلى حاجه فى المنتدى هنا انه مجتمع صغير كده

وعارفه كويس ان اى حد فيه فى صيدله المنصوره

واى تلاعب هيكون معروف

دا غير ان فعلا القيود على الزوار شديده جدا وهاتمنعهم من الاستمرار

والموافقه اليدويه على المشاركات عايزه حد فايق



وفى نفس الوقت مش احب ان الزوار يتفتح لهم المنتدى ويشاركوا فيه لنفس السبب اللى قلته فوق

القسم دا هيكون مفيد جدا لو عملنا للمنتدى اعلان على منتديات كليات الصيدله كلها فى مصر

ونعمل القسم للمناقشات العلميه المفيده بأى شكل

يعنى القسم يكون لطلبه الصيدله والطب والاساتذه فقط

عاما هيا الصوره مش هاتكتمل الا بعد التجربه

[Rainbow]

هي فكره جميله

انك تعمل قسم للزوار

بس ممكن تفتح بقيت الاقسام زي الترفيهي والعام وتقفل الاقسام الخاصه بالكليه والفرق ويكون القسم الجديد مسمي مثلا باسم ملتقي الصيادله او اي عنوان يرمزلمعني الجمله دي التواصل مع طلبة من كليات الصيدله المختلفه في مصر والوطن العربي , مع المواطن العادي في مصر واي بلد عربي اراد التواصل معنا مع طبيب , مهندس ..... الخ.

جميع المشاركات والمواضيع المكتوبه من الطرفين أعضاء وزوار للقسم , لن يتم نشرها الا بعد موافقة مشرفي القسم على تلك المواضيع والمشاركات , وسيتم الموافقه عليها مشاركة تلو الاخرى يدويا من قبل المشرفين .

دي ممكن تضايق الاعضاء الجداد
ممكن تضع قوانين والموضوع المخالف للقوانين يتحذف فقط

اكيد هي فكره جميله ممكن تسهل التواصل مع طلبة من كليات الصيدله المختلفه في مصر والوطن العربي
وزي ماحضرتكم تفضلتم ان هي هتبقي قيد التجربه

فبالتوفيق

[Dr.T3loob]

بسم الله الرحمن الرحيم

أوافق تماماً ولكن بشروط
1- عدم نشر الموضوع إلا بموافقة المشرفين وكذلك الردود منعاً لأي مشاكل كما ذكرتم
2- إلغاء الرسائل الخاصة بالنسبة لهؤلاء الأعضاء الغير منتسبين لكلية صيدلة المنصورة منعاً أيضاً للمشاكل نظراً لجهل الهوية

فكرة رائعة تتيح تبادل الخبرات مع طلبة الكليات الأخري وتبادل الأسئلة والأراء
أتمنى أن تكون متاحة قريباً

[NeScaFE]

هى فكرة جميلة يا دكتور وانا موافقة
وبعدين زى ماحضرتك قلت احنا هنجربها لمدة شهر وبعدين نشوف يعنى التجربة مش هتضر

ولو طبعا حصل اى حاجة مش مرغوب فيها او تلاعب او متوافقناش مع بعض سهل انه يتلغى

[AlaDDin]

الفكره في شكلها كويس ..

بس في مضمونها غير مجديه حسب ما اعتقد ..

اصل الناس (اللي من خارج صيدله) مش مستنيه على باب المنتدى ان يتفتح ليهم قسم ..
يقوموا بسرعه داخلين مشاركين فيه .. غير ان بالشروط اللي اقترحتوها دي ..

هيبقى اكنه داخل سجن .. كل حاجه متراقبه .. و يدخل على قسم واحد ..
و معندوش صلاحيات اي حاجه ..

طيب ايه يجبره على كده !!

اكيد عدم احساسه بالراحه . .و ان المكان اللي هو فيه بيعامله كغريب مش هيخليه يستمر ..

في نفس الوقت القسم هيبقى غير متضح المعالم .. يعني قسم للزوار .. طيب هيتحط فيه مواضيع ايه ..!!

اعتقد الموضوع بالشكل اللي اقترحتوه مش كويس ..

حتى فكرة انه يتجرب شهر .. احنا مش ضامنين ان خلال الشهر ده يدخل زوار للمنتدى و يشاركوا فيه

اعتقد الفكره ممكن تطور اكتر من كده ان امكن ...

و يكون متاح للزوار من خارج الكليه اكتر من قسم من اقسام المنتدى الاساسيه ..
بالاضافه الى القسم الخاص بيهم ..

و مش لازم يكون مسموح ليهم بالمشاركه في كل الاقسام ..

يعني ممكن اقسام يكون مسموح ليهم بالمشاهده فقط ..
و اقسام تانيه مسموح ليهم بالمشاركه و المشاهده ..

و طبعا مع فكرة ان ميكونش ليهم حق مراسلة غير اعضاء ادارة المنتدى فقط .. من مشرفين و مديرين


و لكن في النهايه .. و في المجمل ..
انا مش موافق جزئيا على الفكره ..
يعني انا موافق ان يتفتح الاشتراك .. بس يكون لطلبة و خريجي كليات الصيدله في مصر عامة ..
لكن ميتفتحش للجميع ... عشان المنتدى ميفقدش الطابع الخاص بيه ..
و نحس اننا لسه في بيتنا .. و اهلنا هم الاغلبيه

[دكتور ايموكس]

فكره جميله جدا يادكتور
استمر على بركة الله

[Dr/HULK]

استفسار بس

هى الناس اللى من بره الكلية دول هييجوا منين

اذا كان المنتدى ملوش اعلانات فى جوجل

وكمان فى اعضاء فى الفرقة الاولى والاعدادية ميعرفوش عنه حاجة

فما بال حضرتك باللى بره الكلية اساسا

انا عن نفسى موافق على الفكرة بس برده لازم نخفف القيود شوية على الاعضاء
عشان مايزهقوش

[M.32L]

فكرة رائعة جدااااااااااااااا

[M.tal3t]

السلام عليكم

شكرا جزيلاً لكل الآراء , لكن تعالوا نتناقش في كل جزئيه علقتوا عليها ..

ولكن كنت اتسأل هل سيكون هناك نوع من الدعاية لتعريف
الغير أعضاء بمثل هذا القسم
وماهى طرق الجذب لمثل هذا القسم بالنسبة للزوار

أكيد هيكون فيه , وأهم عامل لطرق الجذب هو نوع الطرح اللي هيكتبه العضو من صيدلة المنصوره في القسم ده , هو اللي هيشجع الزائر ان يشارك ويدي رأيه .

لا لا أوافق

شكراً على رأيك .

انا موافق ..
بس القيود الكبيرة ع الزورار دول هتمنع استمرارهم معانا
يعني قسم واحد .. و مشاركات متراقبه .. و باقي المنتدى مخفي !!
على إيه يعني .. داخلين الجنة

كفاية موضوع القسم الواحد ..
و يبقى باقي المنتدى ظاهر ليهم و مشاركاتهم مش متراقبه
و يكون ليهم لون مميز عننا

.,,

نتكلم على القيود :

هم زوار وليسوا أعضاء ( النقطه دي مهمه لكل القيود وهيا أساسها ) .

العضوية فقط لمنتسبي صيدلة المنصوره , ده شرط أساسي من شروط المنتدى ومش هنقبل بتغييره .

لو جينا نشوف الزوار دول والقيود اللي عليهم :

احنا هنفتح ليهم قسم يقدروا وهما زوار يضيفوا ردود ومواضيع على المطروح في القسم ده..

المطروح بقى نوعه إيه .. أكيد مش منقول ولا مواضيع من اللي في العام او الترفيهي او .. الخ

مواضيع مناقشات ما بين الطلبه هنا وغيرهم من الزوار .

الزوار دول مش معروف هويتهم.. بكده اي مشاركه هتنحط لازم تكون مراقبه وكمان للعضو هنا عشان الترتيب ما بين المشاركات ..

هنا اللي يهمنا هو المطروح وليس عدد العضويات ..

يعني القسم زي مقالات في اي موقع جريده والناس بتعلق تحتيها ..

نوعية المواضيع .. هي قوة المقال ( الموضوع المكتوب ) وطريقة مناقشته .

الناس اللي بتعلق دي شقين .. يا أعضاء ( ليهم عضويات بإسم مستخدم او كلمة مرور ) يا زوار ( مجهولي الهويه ) والردود بيتم مراجعتها من المشرفين .

يبقى هنا عرفنا اسباب القيود ..

أما اللون .. مش مشكله نديلهم لون مميز .

أنا موافق على الفكرة بس بشرط وهو أن يكون المواضيع إلي تناقش من قبل الزوار مواضيع تخص المجال الطبي يعني ميكونش في مواضيع ترفيهية أو مواضيع ما تخصناش عشان نستفاد من القسم دا ......وشكرا

كلامك مظبوط , وممكن تكون مناقشات وتبادل معلومات واسئله ليكم من طلبه في كلية الصيدله من جامعات او دول اخرى .

بسم الله الرحمن الرحيم

أوافق تماماً ولكن بشروط
1- عدم نشر الموضوع إلا بموافقة المشرفين وكذلك الردود منعاً لأي مشاكل كما ذكرتم
2- إلغاء الرسائل الخاصة بالنسبة لهؤلاء الأعضاء الغير منتسبين لكلية صيدلة المنصورة منعاً أيضاً للمشاكل نظراً لجهل الهوية

فكرة رائعة تتيح تبادل الخبرات مع طلبة الكليات الأخري وتبادل الأسئلة والأراء
أتمنى أن تكون متاحة قريباً

شكرا جزيلا على رايك يا دكتور , لكن النقطه التانيه توضيحها انهم ليسوا أعضاء ,


يبقى مالهومشي رسائل خاصة .

الفكره في شكلها كويس ..

بس في مضمونها غير مجديه حسب ما اعتقد ..

اصل الناس (اللي من خارج صيدله) مش مستنيه على باب المنتدى ان يتفتح ليهم قسم ..
يقوموا بسرعه داخلين مشاركين فيه .. غير ان بالشروط اللي اقترحتوها دي ..

هيبقى اكنه داخل سجن .. كل حاجه متراقبه .. و يدخل على قسم واحد ..
و معندوش صلاحيات اي حاجه ..

طيب ايه يجبره على كده !!

اكيد عدم احساسه بالراحه . .و ان المكان اللي هو فيه بيعامله كغريب مش هيخليه يستمر ..

في نفس الوقت القسم هيبقى غير متضح المعالم .. يعني قسم للزوار .. طيب هيتحط فيه مواضيع ايه ..!!

اعتقد الموضوع بالشكل اللي اقترحتوه مش كويس ..

حتى فكرة انه يتجرب شهر .. احنا مش ضامنين ان خلال الشهر ده يدخل زوار للمنتدى و يشاركوا فيه

اعتقد الفكره ممكن تطور اكتر من كده ان امكن ...

و يكون متاح للزوار من خارج الكليه اكتر من قسم من اقسام المنتدى الاساسيه ..
بالاضافه الى القسم الخاص بيهم ..

و مش لازم يكون مسموح ليهم بالمشاركه في كل الاقسام ..

يعني ممكن اقسام يكون مسموح ليهم بالمشاهده فقط ..
و اقسام تانيه مسموح ليهم بالمشاركه و المشاهده ..

و طبعا مع فكرة ان ميكونش ليهم حق مراسلة غير اعضاء ادارة المنتدى فقط .. من مشرفين و مديرين


و لكن في النهايه .. و في المجمل ..
انا مش موافق جزئيا على الفكره ..
يعني انا موافق ان يتفتح الاشتراك .. بس يكون لطلبة و خريجي كليات الصيدله في مصر عامة ..
لكن ميتفتحش للجميع ... عشان المنتدى ميفقدش الطابع الخاص بيه ..
و نحس اننا لسه في بيتنا .. و اهلنا هم الاغلبيه

انا رديت على معظم استفسارات مشاركتك ,

بالنسبه

حتى فكرة انه يتجرب شهر .. احنا مش ضامنين ان خلال الشهر ده يدخل زوار للمنتدى و يشاركوا فيه

التجربه شهر مش عشان الزوار ودخولهم للموقع دي حاجه غير منطقيه في الحكم على فكرة .. عشان نعرف الايجابيات او السلبيات وايه اللي بيطغى اكتر , ساعتها هنزود الايجابيات ونقلل السلبيات لو الموضوع مشي .. غير كده الغائه بسيط.

الفكره دي عندنا من زمان .. طيب ليه طلعت الأيام دي ؟

من كتر الطلبات اللي بتوصلنا من أساتذه وجامعيين من مصر ودول اخري من صفحة الإتصال بنا .

و يكون متاح للزوار من خارج الكليه اكتر من قسم من اقسام المنتدى الاساسيه ..
بالاضافه الى القسم الخاص بيهم ..

فيه بعض الأقسام المهمه متاحه , زي منتدى الصحه مفتوح للزوار لقراءة أي موضوع ,

معظم المواضيع منقوله ان لم يكن 99.99 منقول ..

لكن المشاركات فيه للزوار غير مسموحه ..

مش بس كده اللي يهمنا اكتر أعضاء كليتنا وده اللي بيحصل في اعدادي في حالة تأخير الكارينهات .. بنفتح القسم بتاعهم ليهم وهم زوار لحد ما يعرفوا يسجلوا .

يعني ممكن اقسام يكون مسموح ليهم بالمشاهده فقط ..
و اقسام تانيه مسموح ليهم بالمشاركه و المشاهده ..

تمام , زي قسم الصحه مشاهدات وقسمهم (لما يتعمل ان شاء الله ) مشاركات .
الأقسام التانية زي الفرق , عمرها ما هتكون مهمه لأي طالب خارج صيدلة المنصورة .

محتوى العام والترفيهي متناثر في جميع المنتديات .

99.99 من المواضيع منقوله

ما الفائده !

لكن القسم الجديد , زي ما قلنا هو محتوى من فكر الأعضاء او الزوار , مقالات من افكارهم ومناقشات بين طلبة المنتدى وغيرهم .

أي محتوى مكرر لما يتم مراجعته من المشرفين .. مش هيتوافق عليه .. كمان نوعية المواضيع الهابطه او غير المفيده .

و طبعا مع فكرة ان ميكونش ليهم حق مراسلة غير اعضاء ادارة المنتدى فقط .. من مشرفين و مديرين

إتفقنا انهم زوار وليسوا أعضاء

هى الناس اللى من بره الكلية دول هييجوا منين

اذا كان المنتدى ملوش اعلانات فى جوجل

بيجوا يا دكتور .. اتأكد بنفسك من جوجل .. وغيره ..

تحياتي للجميع

mt-

[اsoas]

انا حابة الفكرة اوى يعنى اصلا ايه اللى يمنع