عايزة اخد رايكم فى الموضوع ده

[sallyelshaer]

السلام عليكم يا شباب , كنت عايزة اخد رايكم فى الغش فى الامتحانات...ليه الطلبه بيعملوا كده؟ لفقدان الهدف؟ أم لعدم توفر فرص عمل علشان كده المذاكره مش مهمة و بالتالى يصبح الغش حاجة طبيعية؟ أم ان درجة التزام أى واحد جزء من شخصيته مهما كانت ظروفه؟ على فكرة الغش بيحصل من أول اعدادى لحد رابعة بس الحمد لله الغالبيه ملتزمين يعنى و أنا براقب اللجنة كلها ملتزمين ماعدا واحد أو اتنين مش مضبوطين ...................يا ترى ليه؟؟

[ريـان]

وعليكم السلام ورحمه الله وبركاته...منوره حضرتك في المنتدى..لولا الامتحانات كنا فرشنا الارض رمل..مع انه اعتقد انه غلا كمان مع الاسمنت والحديد وخلافه...مش موضوعنا....نمسك نقطه نقطه

لفقدان الهدف؟
ماهو بيغش ليه...علشان هدفه ينجح..يعني هدفه النجاح..سيبك بقى من الهدف الي بعد النجاح لان نظرته بتبقى قصيره..زي المجرم..بيفكر في جريمته..لكن مش بيفكر في العقاب بعدين

فرص العمل؟
اعتقد اننا الحمدلله المهنه الوحيده الي مش فيها عاطلين..والشغل متوفر وكتير..بس بيفرق في الراتب والمكان وخلافه

الالتزام؟
ده قضيه كبيره..تتضمن انك اصلا مفترض ملتزم انك تزاكر...انك ترمي الزباله في مكانها..ترعي الدكاتره...حجاااات كتير..مبدا..ضمير..يعني منهج حياه

والغش بيبقى طبع او زي ماتقول حسب مااتعود..يعني اكيد بيبقى غش في ثانوي ويامكتر الغش فيه وخلافه يعني

بس احب اضيف ان كليتنا تعتبر من اقل الكليات في الغش..يعني قليل جدا لو حد غش..ده في النظري..مش هتكلم على امتحان الشيتات او العملي..لان الغش بيبقى نسبته اعلى من النظري بكتييير...وده بيبقى نتيجه تقصير او اهمال وبالتالي بيلجأ للحل السهل في نظره وهو الغش..في محاوله لتحصيل مايمكن تحصيله والخروج باقل الخساير..بالاضافه انه عايز ينجح وبس.اي طريقه اي وسيله المهم يخلص..وممكن بيشجعه على كده انه يقول الحياه العمليه غير النظريه وبالتالي يلزمني النجاح وبس

ودمتم شاكرين غانيم

[sallyelshaer]

شكرا يا ريان على مرورك ........أنا فعلا عايزة أعرف لو فى أى أسباب تانية ؟ و عايزين نوصل مع بعض للحل ...مع السلامة

[Anas]

بسم الله الرحمن الرحيم

اولا الانسان اللى بيغش - عامة - بيكون عنده نقص ما فى اى حاجة

فى ضميره .... فى شخصيته ... أو فى حالتنا دى فى مذاكرته

دايما اللى بيحصل ان نسبة كبيرة جدا من الطلبة - احيانا انا كمان - بيغشوا فى امتحانات الشيتات و العملى

و ده غالبا بيرجع لعدم المذاكرة نتيجة لضيق الوقت او لتداخل المواد مع ان ده مش عذر يبرر الغش

انما فى امتحانات النظرى نادرا جدا جدا لما الواحد يفكر لمجرد التفكير انه يغش

لانه مش هيلاقى حد يغششه الا اذا كانو متفقين على حاجة معينة

و جزاكم الله خيرا

[Mohamed Al Gohary]

حقيقة تقال .. لم أشاهد اى حالة غش واحده فى الامتحانات التحريريه فى الكلية منذ ان دخلتها ..

[loyalty]

قال رسولنا (ص): من غشنا فليسمنا
طبعا كلنا حافظين الحديث ده وبرضه مفيش فايدة المهم الغش ممكن يؤدي إلى نجاح بس مش تفوق حتى لو تفوق هيبقى فاشل في حياته المستقبلية وأكيد عنده ضعف في شخصيته لأنه بيعرض نفسه للإهانة سواء من المراقب أو أمام نفسه
ده ممكن يبقى بسبب:
1.نقص المذاكرة زي ما الدكتور أنس قال
2.انه بيستسهل أو بيكسل يفتكر أوحتى يفكر ويكتب كل اللي عنده بس أصلا الوقت مبيكفيش نحل كل الأسئلة وعلشان ايه نعرض كرامتنا للإهانة؟؟؟
3.الغريبة إنه ممكن يغش علشان يعطل زميله
4.ممكن كمان علشان يتأكد من اجابته ودي قمة الأنانية

[El_Daly]

أولا:أحب أشكرك يا دكتور على الموضوع ده
ثانيا:الحمد لله ان كلية صيدلة والحمد لله تقريبا مفهاش غش "ده اللى أنا شايفه وبسمعه"
أما الطالب اللى بيغش فده لأسباب كتيره منها
عيب فى التربيه
أو عدم الثقة بالنفس
أو حتى انعدام الهدف" طبعا النجاح فى الامتحان ميعتبرش هدف"
وشكررررررررررررررا

[zidane]

i think this topic is interesting and iam with you in every thing you had said

[pharmacistina]

زي ما الدكاترة قالوا .. الضمير بيكون فيه مشكلة ..
الانسان اللي ضميره حي مش ممكن يغش , و لو أخطأ بأي شكل سواء غش أو غيره ضميره بيقتله من الحزن
أصعب حاجة و الله في الدنيا عذاب الضمير .. الضمير دة صوت جوانا و هو اللي بيوجهنا .. لو خالفناه ممكن الواحد يحتقر نفسه و يكرهها ..
بس عشان الضمير يكون عادل لازم احنا اللي نربيه , و نعلمه ان دة حرام و ان دة عيب .. عشان هو اللي بعد كدة هيحمينا من شر نفسنا ..

[نون نون]

ايه ده هو فى غش ف صيدله
اول مره اسمع عن الحكايه دى والله