هاتعمل ايه فى العيد يا غير مسجل

[mostafa_elnagar]

بداية كل سنة وانتم طيبين يا احلى اعضاء بمناسبة عيد الاضحى المبارك اعادة الله علينا وعليكم وعلى الامة الاسلامية بالخير و اليمن و البركات لقد دونت ذلك التوبيك كى نتشارك جميعا الفرحة فرحة العيد لأن و للأسف ايام الفرحة قليلة سرعان ما تزول يسعدنى مشاركتكم في عيدكم من خلال استقبال برامجكم خلال تلك الأيام المباركات لتخبرنا من أول من ستهنئ؟ من أول من ستزور؟ كيف ستبدأ يومك؟ وما هو برنامجك التفصيلي خلاله؟ ولنعرض لخططنا وكيف سنقضى العيد بداية من الغد يوم الوقفة يعنى هنعمل ايه يوم الوقفة وبقية ايام العيد طبعا الاجازة و الحمد لله 10 ايام يعنى قشطة اوى ويا ريت يا جماعة كل واحد يقولنا العيد مرتبط معاه بأيه من الذكريات الجميلة فى الطفولة ( ملحوظة : اللى هيقول انا هذاكر فى العيد ميدخلش التوبيك لأنى هضربه ) وكل سنة وانتم طيبين

[قناع الذهب]

طيب انا مش عايزة اتضرب لانى ان شاء الله ناويه كدة والنيه لله انى اذاكر
بس بعد ما اعيد واخلص الزيارات والذى منه ههههههههههههه واخد العيديه المتواضعة بقة واسافر البلد بقة واشوف قرايبنا كدة واتعرف عليهم اكتر لانى بنسى بسرعة وفيه امتحانات عملى بعد العيد وكل سنه وانتوا طيبين ويجعله عامر

[dr\sandrila]

بجد دا اول عيد اضحى يمر عليا من اول مادخلت الكلية من 4 سنين ما يكونش بعده امتحان عالطول فاكييد طبعا مش هاذاكر فيه فلذلك ان شاء الله هاقضيه زيارات وتلفزيون ونت والمذاكرة بعد العيد ان شاء الله

[Hope1]

ان شاء الله يوم الوقفة هاستئنف تنضيف الشقة لماما و بعدين أقرا قرآن.أما بالنسبة ليوم العيد أنا أول واحدة بصحي بعد الفجر و بعدين أعمل شاي بلبن (المشروب الرسمي عندنا) لبابا وماما و اخواتي الأعزاء .ثم نذهب لصلاة العيد و نزور تيتة .و لازم لازم أسمع أغنية العيد فرحة و أجمل فرحة و أزور قرايبي.
ملحوظة : هذا البرنامج لليومين الأولنيين بس و بعدين بقي أزاكر لان احساس الأجازة ده عندي من زمان و بقالي فترة مرحرحة ع الاخر.كل سنة و انتوا طيبين.

[طيور الجنه]

كل سنة وانتم طيبين يا جماعة طبعا دة اول عيد لية معاكم هنا على المنتدى وفى الكلية وهو أكيد مختلف بس ان شاء الله يوم الوقفة بيبدأ من السحور وبعدين صلاة الفجر وبعدين ننام ونقوم ننظف البيت وبعدين يوم العيد طبعا صلاة العيد دى العيد كلة وبعدها عمى بيزورنا وولادة وبنفطر مع بعض وبناخد العيدية طبعااا وبعدين نبدا نشوى ونتغدى بقى بعد جوع طويل مع نار الفحم وبالليل بيجلنا قرايبنا .... أما تلنى يوم بنكون معزومين فية (العيلة كلها ) عند خالتى وبنقى اليوم كلة عندها .... اما تالت يوم مع اصحابى ..لكن رابع يوم ادام التلفزيون.. بالمنظر دة

[A7MD]

لتخبرنا من أول من ستهنئ؟
اكيد أمي
من أول من ستزور؟
اعمامي ثم اخوالي
كيف ستبدأ يومك؟
احتمال اصلي العيد وبعدين نزور اقاربنا في المقابر وبعدين افطر واقعد استني الناس عشاب يعيدوا علينا
وما هو برنامجك التفصيلي خلاله؟
بعد العصر تبدأ الزيارات الائلية وبالليل مع اصحابي في البلد
وتاني وتالت يوم أعيد علي اصحابي في المنصورة
وفي الرابع ممكن ممكن اذاكر (احتمال برده لو جالي نفس اصلا)

[احمد شبند]

اليوم الاول

الدبييييييح

بنروح قرية كدا جنبا فى مزرعة ونشتغل من بعد الصلا لغايط العصر كدا

وبعد المغرب بلف اوز ع اللحمة لغايط بعد العشا بساعة ولا حاجة .

برجع انااااااااااااااام

تانى يوم

زيارات

من اوله لاخره زيارات بكل انواعها

التالت

شواااااية

كل واحد من اصحابى بيجيب نص كيلوا لحمة وناخد الشواية وبطلع على الهويس (حتى كدا عاملة زى القناطر بس تلت عيون بس)

وعينك ما تشوف الى النور بنغمس اللحمة باللحمة هههههههه

بعد ما بنرج


نبدأ دورة البنج

عندى فى البيت نفس الرجالة بنكون حوالى 12 واحد ودورات لغايط واحدة اتنين

الرابع

مع العيال بتوعى الصغيارين بخدهم وبنطلع برضوا على الهويس يلعبوا شوية وكدا وارجع المفروض المفروض اذاكر


يلا كل عام وأنتم بخير

[dr.noody]

طبعا يوم الوقفة تنظيف الشقة وتحضير الفطار واكيد لا يخلو من قرائة القرآن وذكر الله
ويوم العيد كالعادة بقضيه فى البيت وبنستقبل قرايبنا وكدا
بس بصراحة العيد المرة دى مختلف وصعب علينا شوية عشان ماما مش معانا عشان بتحج وربنا يرجعهالنا بالسلامة هى وكل الحجاج .. اللهم آمين

[Chimera]

صلاة .. دبح .. توزيع لحمة .. حفلة شواء مع الاصحاب .. نوم

اكتر يوم روتيني بقضيه ف حياتي ..

.,,

[انجالى]

بنصحى الفجر ونصلى العيد واجى بقه الاربع ايام اعده ادام التى فى والبطبع قليل الاقيك اى حاجه كويسه اتفرج عليها كله متكرر افلام عربى متكرره افلام هندى متكرره ومش بخرج لان ماعنديش اصحاب اصلا فى بلدنا علشان كده مش بحب العيد ييجى علشان الكابه اللى ببقه فيها بس يلا ايام وبتعدى