جدول الامتحانات مناقشه عامه ومفتوحه " أخبار جديده

[عبدالله عبدالرحمن]

بسم الله الرحمن الرحيم ..

الكلام اللى اتقال النهارده فى مجلس اتحاد الجامعه يا جماعه ..

اى هما الاسبوعين اللى صدر بيهم قرار من وزير التعليم العالي ..
بالنسبه لينا .. بالاسبوع الزياده .. يبقى كده الامتحانات النظريه هتبدا يوم 16-1 ..

لحظة مش فاهم قصد حضرتك 16 -1 بقى

يعنى الأسبوع الزيادة عندنا تسبب فى
ان الأمتحانات تتقدم من 23 الى 16
هو ده اللى انا فهمته مظبوط

[Mohamed Al Gohary]

ماهى 16-1 اهه يا عبدالله قدامك .. ركز شويه

ده المنطقى لكن لسه هنشوف إدارة الكليه ..
وان شاء الله الامور الرسميه تظهر قريب ..

[قناع الذهب]

يا سلام
طب ياريت الكلام دا يتنفذ
كدة تبقى اتظبطت والله
عايزين الاخبار الحلوة دى علطوووول

[Larine_Resala]

ربنا يستر...........

[pharmacistina]

الواضح وده تحليلي انا .. ان الوزير عاوز يقصر فترة الامتحانات باى شكل عشان الاجازه تيجي وخلاص

مزبوط أنا كمان أعتقد كدة ..

علشان الناس تقعد أكبر فترة ممكنة من الشتاء في بيوتها .. و دة لأن فصل الشتاء هتلاقوا الأنفلونزا ما شاء الله .. و مش هيتعرف نوعها بقى و هيحصل لبخ جااامد ..

فالوزير عايز الطلبة تقعد في بيوتها بدري بأكبر شكل ممكن ..

I think so

ادارة الكلية أنا عن نفسي متأكدة انهم بيعملوا كل ما في وسعهم لمصلحتنا ..

أنا بتعصب لما ألاقي الناس بتزعق و عاملة هيصة و جمهرة خلاص ..

افهموا الوضع يا جماعة ..

انتو عايزين مثلا ادارة كليتنا تعترض على قرار الوزير عشان خاطرنا ؟؟

احنا كلية تابعة لمنظومة , يبقى لازم نخضع لقوانين جامعة المنصورة ..

هي الظروف كدة السنة دي ..

أنا عن نفسي لم أتكلم و لن أتكلم في هذا الموضوع لأنه منتهي ,

لا أنكر اني مرعوبة من الامتحانات و بقول يا رب استرها ..

لكن ادارة الكلية احنا نشكرها ,

تعالوا نسمي الله و نشجع بعض و نذاكر يا جماعة و ان شاء الله ربنا هيكرمنا بأحسن تقديرات ..

هو دة الصح ..

انما لو قعدنا نصرخ و نعيط و نجمع توقيعات يبقى بنضيع الوقت أكتر ما هو ضايع ..

يااااارب ساعدنا ..

[Dr/HULK]

" الامتحانات العملي مسئولية الاقسام "

برضه الكلمة دى مش عارف كل ماقرأها ليه بتضايق

مع انها المرة دى عادى لان تنظيم العملى فعلا لازم يكون مسئولية الاقسام

بس هى الادارة ملهاش اى دور

يعنى لو لاقدر الله كان فى 2 امتحان عملى فى يوم واحد والاقسام اصرت

الادارة مش هتتدخل؟؟؟؟؟؟؟

[Mohamed Al Gohary]

لا اكيد بتدخل .. وبيحصل تعديل .. زى ما حصل مليون مره قبل كده ..

بشكرك على مرورك د فارماسيستينا .. وفعلا هو ده اللى انا نفسي الناس كلها تفهمه بجد ..

[dr moory]

يعنى لو لاقدر الله كان فى 2 امتحان عملى فى يوم واحد والاقسام اصرت الادارة مش هتتدخل؟؟؟؟؟؟؟

على فكرة حصلت معايا السنة اللى فاتت وكان عندنا امتحان عملى تحليلية وامتحان عملى الصيدلانيات فى نفس اليوم وورا بعض كمان وكان الفرق بس ربع ساعة وكانت الصيدلانيات فى صيدلة القديمة ومحدش وافق يظبط المواعيد

[ameer]

طب معلش ممكن حد يفهمني حاجة دلوقتي امتحانات العملي بعد العيد مباشرة طب مثلا الكيمياء التحليلية لسة فيها سكشنين علي الاقل غير سكشن مراجعة دة المفروض يعني يبقي علي الاقل 6 اسابيع ازاي بقي ؟
والسؤال الاهم بقي هو بعد العيد امتحانات عملي طيب محاضرات النظري هتكمل عادي ولا نهاية المناهج قبل العيد ولو كدة فعلا باقي المناهج هيحصلها اية هتتلغي ولا هيقولوا ذاكروها انتوا بعبقريتكم؟

[Mohamed Al Gohary]

يا جماعه مين قال ان امتحانات العملي بعد العيد ؟؟ ان ده قرار عام .. كل قسم عارف هو بيعمل ايه وماشي ازاى ولسه قد ايه فى السكاشن وهل المقرر العملي خلص ولا لسه ..

مثلا قسم الفارما عندنا فى تالته قال لنا ان ده اخر سكشن .. وبعد العيد سكشن تصحيح الكتاب وبعده الامتحان .. فيه قسم تاني هيقول لا لسه المقرر العملي مخلصش ..

الكليه عندنا منظومه متكامله يا جماعه كل واحد فيها مسئول عن دوره فيها ..